సాయిబాబా దేవుడా..? కాదా..?.. బాబా ఫైట్
ప్రస్తుతం హాట్ టాపిక్ ఏంటంటే.. రమణానంద మహర్షి, శ్రీ గోవిందానంద సరస్వతిల మధ్య జరిగే మత పోరు. ఒకరు సాయిబాబా దేవుడంటే.. మరోకరు కాదు అని వాగ్వాదాలకు తెర తీశారు. దీంతో ఇప్పుడు షిరడీ సాయిబాబా దేవుడా? కాదా..? అంటూ పలువురు పలురకాలుగా మాట్లాడుకుంటున్నారు. ఇక దీనిపై జరిగినా చర్చా కార్యక్రమంలో ఇరువురు వ్యక్తిగత విమర్శలకు కూడా దిగారు.
గోవిందానంద సరస్వతి మాట్లాడుతూ.. ఏదైనా శాస్త్రం, వేదం మాత్రమే ప్రమాణమని.. సాయిబాబా హిందువా, ముస్లిమా, తల్లిదండ్రులు ఎవరు? హిందూ దేవుడిగా ఎందుకు చూపిస్తున్నారు? ఆయన ఏ శాస్త్ర పరంపరకు చెందినవాడని గోవిందానంద ప్రశ్నలను కురిపించారు.
దానికి రమణానంద మహర్షి సమాధానం చెబుతూ.. వేదాలు, శాస్త్రాలూ లేనే లేవని, వాటిని తాము నమ్మబోమని సాయి మతాతీతుడని, తల్లిదండ్రులు లేని శివస్వరూపమని రమణానంద చెప్పుకొచ్చారు. కాగా ఈ చర్చను తెలుగు రాష్ట్రాల్లో వేలాది మంది ఆసక్తిగా తిలకిస్తుండగా, మాడుగుల నాగఫణిశర్మ, జొన్నవిత్తుల తదితర పలువురు ప్రముఖులు స్పందించి తమ అభిప్రాయాలు చెబుతూ, ఇద్దరికీ బుద్ధి చెప్పే ప్రయత్నం చేశారు. ఆఖరికి దేవుడిపై కూడా వివాదాలు తెస్తున్నారు.