జాన్వీ కపూర్, వరుణ్ ధావన్‌లతో కరణ్‌కు గొడవ.. షో ప్రోమో వైరల్.!
బాలీవుడ్ నటి జాన్వీ కపూర్ తన వ్యక్తిగత విషయాలతో మరోసారి వార్తల్లో నిలిచారు. ప్రముఖ దర్శకుడు, నిర్మాత కరణ్ జోహార్ హోస్ట్‌గా వ్యవహరిస్తున్న ‘కాఫీ విత్ కరణ్’ సీజన్ 9 తాజా ప్రోమోలో జాన్వీ, నటుడు వరుణ్ ధావన్ ఆసక్తికర విషయాలను పంచుకున్నారు. ఒకానొక సమయంలో కరణ్ తమతో మాట్లాడటం మానేశారని వరుణ్ చెప్పగా, ఆ సమయంలో తాను బరువు పెరిగానంటూ జాన్వీ సరదాగా వ్యాఖ్యానించారు. ఈ ప్రోమో ప్రస్తుతం సోషల్ మీడియాలో వైరల్‌గా మారింది. ప్రోమోలో వరుణ్ మాట్లాడుతూ.. కరణ్ తమ ఇద్దరితో మాట్లాడటం ఆపేశారని గుర్తుచేశారు. దీనికి స్పందించిన కరణ్, ‘మీ ఇద్దరి వల్ల నేను బాధపడ్డాను’ అని చెప్పినట్లు కనిపించింది. అప్పుడు జాన్వీ ‘మనం మాట్లాడుకోనప్పుడు నేను బరువు పెరిగాను’ అంటూ చమత్కరించారు. అయితే, కరణ్ ఎందుకు బాధపడ్డారు? వారి మధ్య విభేదాలకు అసలు కారణమేంటి? అనే విషయాలను ప్రోమోలో పూర్తిగా వెల్లడించలేదు. ప్రస్తుతం వారి మధ్య పరిస్థితులు సర్దుకున్నట్లు ఈ సరదా సంభాషణను బట్టి తెలుస్తోంది. మరోవైపు, వరుణ్ ధావన్ కూడా కరణ్‌పై సరదా వ్యాఖ్యలు చేశారు. కరణ్ చాలా డ్రామా చేశారని అంటూ, ‘కభీ ఖుషీ కభీ గమ్’ సినిమాలో అమితాబ్ బచ్చన్ పోషించిన పాత్రను అనుకరించారు. ‘నేను పెద్దవాడిని.. నాకు ఆ హక్కు ఉంది’ అనే తరహాలో కరణ్ ప్రవర్తించారని చమత్కరించారు. ఈ సంభాషణతో షో ప్రోమోలో నవ్వులు పూశాయి. జాన్వీ, వరుణ్‌ల మధ్య ఉన్న స్నేహపూర్వక అనుబంధం కూడా ఈ ప్రోమోలో కనిపించింది. ఈ ఎపిసోడ్‌లో మరో ప్రత్యేకత కూడా ఉంది. నటుడు అర్జున్ కపూర్ అనూహ్యంగా షోలోకి వచ్చి ర్యాపిడ్ ఫైర్ రౌండ్‌లో పాల్గొన్నారు. కెరీర్, పెళ్లి విషయాల్లో సలహా కోసం ఎవరిని సంప్రదిస్తారని కరణ్ అడగ్గా, వరుణ్ వెంటనే అర్జున్ పేరు చెప్పారు. ఇక జాన్వీని ఇన్‌స్టాగ్రామ్‌లో ఎప్పుడూ ఆసక్తికరమైన కంటెంట్ ఇచ్చే ఖాతా ఏదని అడగ్గా, ఆమె నటుడు రవికిషన్ పేరు చెబుతూ ఆయన వైరల్ డైలాగ్‌ను అనుకరించారు. ‘కాఫీ విత్ కరణ్’ సీజన్ 9లోని మూడో ఎపిసోడ్‌లో ఈ ముగ్గురి సరదా సంభాషణలు ప్రేక్షకులను అలరించనున్నాయి. [Janhvi Kapoor, Karan Johar, Varun Dhawan, Koffee With Karan Season 9, Janhvi Kapoor Weight Gain, Karan Johar Fallout, Arjun Kapoor, Bollywood News]
Oct 24, 2026 7:25PM
కాల్పులకి కారణం ఇదే: విచారణలో చెప్పేసిన నిందితులు.. ఎంత సిల్లీ రీజన్ అంటే!
భారతీయ సినీ ప్రేమికుల్లో 'టైగర్ ష్రాఫ్'పై జరిగిన కాల్పులు తాలూకు వేడి తీవ్రత ఇంకా తగ్గనే తగ్గలేదు. ఈ హైప్రొఫైల్ కేసులో దర్యాప్తు వేగవంతం చేసిన ముంబై పోలీసుల విచారణలో రోజుకో సంచలన నిజం వెలుగులోకి వస్తోంది. అసలు టైగర్ ష్రాఫ్‌ను లక్ష్యంగా చేసుకుని దుండగులు ఈ దారుణమైన దాడికి పాల్పడటానికి గల అసలు కారణం ఏమిటనే దానిపై పోలీసుల విచారణలో విస్మయకర విషయాలు బయటపడ్డాయి. దర్యాప్తులో భాగంగా నిందితులను ప్రశ్నించగా ఆసక్తికరమైన కోణాలు వెలుగుచూశాయి. 2022లో జరిగిన ఓ సినిమా ప్రమోషన్ కార్యక్రమంలో టైగర్ ష్రాఫ్ మాట్లాడిన కొన్ని మాటలే ఈ ఘోరానికి ప్రధాన కారణమని నిందితుల్లో ఒకరు పోలీసుల విచారణలో స్పష్టంగా అంగీకరించినట్లుగా తెలుస్తుంది.ఆనాటి ప్రచార కార్యక్రమంలో బాలీవుడ్ స్టార్ హీరో సల్మాన్ ఖాన్‌ను ఉద్దేశించి టైగర్ ష్రాఫ్ మాట్లాడుతూ, "టైగర్ అనే పేరు ఇండస్ట్రీలో ఎంత మందికైనా ఉండొచ్చు, కానీ అసలైన టైగర్ మాత్రం ఒక్కరే.. ఆయనే సల్మాన్ ఖాన్" అంటూ ప్రశంసలు కురిపించారు. ఇది కూడా చదవండి: హనుమాన్ అంశ్ తెలుగులో ఎందుకు ఆడలేదు? అసలు కారణం ఇదేనా! ఆ వ్యాఖ్యలే తమ ఆగ్రహానికి కారణమయ్యాయని, అందుకే టార్గెట్ చేసుకుని దాడికి ప్లాన్ చేసినట్లు నిందితుడు విచారణలో వెల్లడించినట్లు సమాచారం. [Tiger Shroff Attack Reason, Tiger Shroff, Salman Khan attack, Tiger Shroff firing case, Mumbai police investigation, Bollywood news, financial transactions, TeluguCinema, TeluguCinema News, Tollywood, Tollywood News]
Oct 24, 2026 4:53PM
రణబీర్ కపూర్ ఇంటి వద్ద రెక్కీ: డెడ్ డ్రాప్ ద్వారా తుపాకుల సరఫరా!
నేను కూడా అయోధ్య రాముడినే అంటూ సెల్యులాయిడ్ పైకి దూసుకొస్తున్నాడు రణబీర్ కపూర్. ప్రమోషన్స్ కూడా స్టార్ట్ చేసి ఫ్యాన్స్, సినీ లవర్స్ లో జోష్ నింపుతున్నాడు. అలాంటి ఈ టైంలో రణబీర్ కి సంబంధించిన తాజా న్యూస్ ఒకటి వైరల్ గా మారింది. టైగర్ ష్రాఫ్ కారుపై జరిగిన కాల్పుల ఘటన దేశవ్యాప్తంగా తీవ్ర కలకలం సృష్టిస్తున్న విజయం తెలిసిందే. ఈ హై ప్రొఫైల్ కేసు దర్యాప్తు మరింత ముందుకు సాగుతున్న కొద్దీ, పోలీసుల విచారణలో విస్మయకరమైన విషయాలు బయటపడుతున్నాయి. టైగర్ ష్రాఫ్ కారుపై కాల్పులు జరిపిన నిందితులు కేవలం ఆయనపై మాత్రమే కాకుండా, ప్రముఖ బాలీవుడ్ స్టార్ హీరో రణబీర్ కపూర్ బాంద్రా నివాసంలో కూడా ముందస్తు రెక్కి నిర్వహించినట్లు పోలీసుల దర్యాప్తులో అధికారిక వర్గాలు వెల్లడించాయి. ఇది కూడా చదవండి: అర్థమైందా రాజా: కలెక్షన్ల ఊచకోత.. విజయ్ రికార్డు గల్లంతు! ముంబై పోలీసు వర్గాల నుంచి అందిన సమాచారం ప్రకారం, ఈ నిందితులు రణబీర్ కపూర్ నివాసం చుట్టూ తిరుగుతూ అక్కడ భద్రతా ఏర్పాట్లు, రాకపోకల గురించి పక్కాగా కూపీ లాగారు. ఈ తాజా పరిణామంతో కేవలం టైగర్ ష్రాఫ్ మాత్రమే కాకుండా, బాలీవుడ్‌లోని ఇతర ప్రముఖ నటులు కూడా ఈ ప్రమాదకరమైన క్రిమినల్ సిండికేట్ల టార్గెట్‌లో ఉన్నారా అనే కోణంలో పోలీసులు దర్యాప్తుని ముమ్మరం చేశారు. రామాయణ రిలీజ్ వేళ రణబీర్ కపూర్ పేరు కూడా బిష్ణోయ్ గ్యాంగ్ నుంచి వినిపిస్తుండటం కలకలం రేపుతోంది. [Ranbir Kapoor residence recce, Lawrence Bishnoi gang, Mumbai police investigation, Anil Pandit, Bollywood news, Tiger Shroff Firing Accused, Telugu Cinema, Telugu Cinema News, Tollywood, Tollywood News]
Oct 22, 2026 5:10PM
షాకిచ్చిన వారణాసి బ్యూటీ: ఆ భారీ ప్రాజెక్ట్ నుంచి తప్పుకున్న ప్రియాంక చోప్రా.!
బాలీవుడ్ నుంచి హాలీవుడ్ వరకు తనకంటూ ప్రత్యేక గుర్తింపు తెచ్చుకున్న నటి ప్రియాంక చోప్రా ఇప్పుడు అంతర్జాతీయ ప్రాజెక్టులతో బిజీగా ఉన్నారు. చాలా కాలం తర్వాత భారతీయ సినిమాలో నటిస్తున్న ఆమె.. ప్రస్తుతం ఎస్‌.ఎస్‌. రాజమౌళి దర్శకత్వంలో తెరకెక్కుతున్న భారీ చిత్రం ‘వారణాసి’లో కీలక పాత్ర పోషిస్తున్నారు. అయితే మరో ఆసక్తికరమైన బాలీవుడ్ ప్రాజెక్ట్ నుంచి ఆమె తప్పుకున్నారనే వార్త ఇప్పుడు చర్చనీయాంశంగా మారింది. ‘ది లంచ్‌బాక్స్‌’ వంటి చిత్రాలతో అంతర్జాతీయ స్థాయిలో ప్రశంసలు అందుకున్న దర్శకుడు రితేష్ బాత్రా.. సైఫ్ అలీఖాన్‌తో ఓ పీరియాడిక్ డ్రామాను తెరకెక్కిస్తున్నారు. ఈ సినిమాలో ప్రియాంక చోప్రా కూడా నటించనుందని గతంలో వార్తలు వచ్చాయి. అయితే ఇప్పుడు ఆమె ఈ ప్రాజెక్ట్ నుంచి తప్పుకున్నట్లు బాలీవుడ్ వర్గాల్లో టాక్ వినిపిస్తోంది. ప్రస్తుతం ప్రియాంక చోప్రా హాలీవుడ్ సినిమాలు, ఇతర అంతర్జాతీయ ప్రాజెక్టులతో బిజీగా ఉన్నారు. ఈ నేపథ్యంలో డేట్స్ సర్దుబాటు కాకపోవడంతో సైఫ్ అలీఖాన్‌ సినిమా నుంచి ఆమె తప్పుకున్నట్లు వార్తలొస్తున్నాయి. ప్రియాంక తప్పుకున్నారనే వార్తల నేపథ్యంలో మేకర్స్ మరో నటిని ఎంపిక చేసే పనిలో ఉన్నట్లు కూడా సమాచారం. ఈ ఆసక్తికరమైన కాంబినేషన్‌లో చివరకు ఎవరు భాగమవుతారన్నది ఇప్పుడు ఆసక్తిగా మారింది. మరోవైపు రాజమౌళి దర్శకత్వంలో మహేశ్ బాబు హీరోగా తెరకెక్కుతున్న ‘వారణాసి’పై భారీ అంచనాలు ఉన్నాయి. ఈ సినిమాతో ప్రియాంక చోప్రా భారతీయ ప్రేక్షకుల ముందుకు మరోసారి పెద్ద స్థాయిలో రాబోతున్నారు. అంతర్జాతీయ స్థాయిలో గుర్తింపు తెచ్చుకున్న ఆమె.. రాజమౌళి వంటి దర్శకుడితో కలిసి పనిచేయడం సినిమాపై ఆసక్తిని మరింత పెంచుతోంది. ఇది కూడా చదవండి: దొంగ నా కొడుకు టీజర్.. మౌళి మరో హిట్ కొట్టేలా ఉన్నాడు.! [Priyanka Chopra Exit From Big Project, Priyanka Chopra Upcoming Movies, SS Rajamouli, Mahesh Babu, Varanasi Movie, Priyanka Chopra, Saif Ali Khan, Ritesh Batra, Telugu Film News]
Oct 21, 2026 4:03PM
దలేర్ మెహందీ ఆల్కహాల్ తాగాడా: ఆ లెజండ్రీ ఆరోగ్యంపై అనుపమ్ ఖేర్ ఆసక్తికర వ్యాఖ్యలు!
పాట, సంగీతం గురించి తెలియని వాళ్ళు సైతం 'దలేర్ మెహందీ' నోటి నుంచి వచ్చే పాట వింటే చాలు విత్ ఇన్ సెకన్ లో డాన్స్ చేస్తారు.ఇక సంగీత ప్రియులైతే చెప్పక్కర్లేదు, కోటి రూపాయిలు కళ్ళ ముందు కనపడ్డా,దలేర్ కి సరెండర్ అయ్యి ఉంటారు. ఆయన గాత్రానికి, పాటకి అంతటి సమ్మోహన శక్తీ ఉంది. రీసెంట్ గా ఆ లెజండ్రీ ఉత్తరాఖండ్‌లో జరిగిన ఒక సాంస్కృతిక కార్యక్రమంలో సింగర్ గా వచ్చారు. కానీ ఒక ఉత్తరాఖండ్‌ ప్రభుత్వ మంత్రి సుబోధ్ ఉనియాల్ దలేర్ ని అవమానించాడు. ఇప్పుడు ఈ విషయంలో దలేర్ కి లెజండ్రీ బాలీవుడ్ యాక్టర్ అనుపమ్ ఖేర్ అండగా నిలిచారు. ఆ డీటెయిల్స్ ఏంటో చూద్దాం. ఉత్తరాఖండ్‌లోని తెహ్రీ గర్వాల్‌లో జరిగిన సిద్ధపీఠ్ మా కుంజాపురి టూరిజం అండ్ డెవలప్‌మెంట్ ఫెయిర్ వేదికపై దలేర్ ప్రదర్శన ఇస్తున్న సమయంలో మంత్రి అకస్మాత్తుగా స్టేజ్‌పైకి వచ్చి దలేర్ ప్రెజెంటేషన్‌ని తప్పుపట్టడమే కాకుండా, ఆల్కాహాల్ సేవించి ప్రదర్శన ఇస్తున్నారంటూ బహిరంగంగా ఆరోపణలు గుప్పించారు. ఇందుకు సంబంధించిన వీడియో సోషల్ మీడియాలో పూర్తిగా వైరల్ కావడంతో దేశవ్యాప్తంగా పెద్ద ఎత్తున చర్చనీయాంశమైంది. ఇది కూడా చదవండి: రామాయణ రెమ్యునరేషన్ వివరాలు ఇవే! ఈ ఘటనపై స్పందించిన అనుపమ్ ఖేర్ సోషల్ మీడియా వేదికగా తన మనోవేదనను పంచుకున్నారు. గత 30-35 సంవత్సరాలుగా తన అద్భుతమైన పాటలతో కోట్లాది మంది ప్రేక్షకులను అలరిస్తూ సంగీత ప్రపంచానికి దలేర్ ఎనలేని సేవలు అందించారు. దశాబ్దాల పాటు కష్టపడి సంపాదించుకున్న ఒక కళాకారుడి గౌరవాన్ని ఇలా అందరి ముందూ నిలబెట్టి ప్రశ్నించడం సరైన పద్ధతి కాదు. మంత్రికి ప్రదర్శనపై ఏవైనా ఫిర్యాదులు ఉంటే లేదా అసంతృప్తి ఉంటే, దానిని పక్కకు పిలిచి ఎంతో గౌరవప్రదంగా చెప్పవచ్చు కానీ, ఇలా అందరి ముందూ అవమానించడం ఎంతవరకు సమంజసం. గత రెండు, మూడు సంవత్సరాలుగా దలేర్ ఆరోగ్య సమస్యలతో బాధపడుతున్నారు. సరిగ్గా ఆరోగ్యం లేకపోయినా తన ట్రూప్ తో కలిసి ప్రేక్షకులని అలరించేందుకు నిరంతరం శ్రమిస్తున్నారు. వ్యక్తిగతంగా నాకు ఎంతో కాలం నుంచి పరిచయం. ఎప్పుడూ ఆల్కహాల్ ముట్టుకోలేదు. అలాంటి మంచి మనసున్న వ్యక్తి ఈ స్థాయిలో అవమానాన్ని ఎదుర్కోవాల్సి రావడం తీవ్రంగా కలచివేసిందని అనుపమ్ ఖేర్ ఆవేదన వ్యక్తం చేశారు. [Anupam Kher ABout Daler Mehndi, Daler Mehndi Issue, Anupam Kher, Daler Mehndi, Uttarakhand Minister, Subodh Uniyal, Mika Singh, Bollywood News, Telugu Cinema, Telugu Cinema News, Tollywood, Tollywood News]
Oct 21, 2026 2:54PM
అమ్మవారి పేరు: దీపికా రెండో కూతురికి ఎంత అందమైన పేరు పెట్టారో.!
బాలీవుడ్ స్టార్ కపుల్ దీపికా పదుకొణె, రణ్వీర్ సింగ్ తమ రెండో కుమార్తె పేరును అధికారికంగా ప్రకటించారు. విజయదశమి సందర్భంగా ఈ దంపతులు తమ కుటుంబానికి సంబంధించిన ఓ అందమైన ఫొటోను సోషల్ మీడియాలో షేర్ చేస్తూ.. చిన్నారి పేరును వెల్లడించారు. ఇంతకీ ఆ పేరు ఏంటంటే.. దేవీ పదుకొణె సింగ్. దీపికా, రణ్వీర్ షేర్ చేసిన ఫొటో ఇప్పుడు అభిమానులను ఆకట్టుకుంటోంది. సంప్రదాయ దుస్తుల్లో కనిపించిన ఈ దంపతులు.. తమ చిన్న కుమార్తె దేవీని ఎత్తుకొని ఎంతో సంతోషంగా కనిపించారు. ఇక పెద్ద కుమార్తె దువా తన చెల్లెలికి ముద్దు పెడుతున్న దృశ్యం ఈ ఫొటోలో ప్రత్యేక ఆకర్షణగా నిలిచింది. ఈ ఫొటోతోనే తమ కుటుంబంలోకి కొత్తగా వచ్చిన చిన్నారిని అభిమానులకు పరిచయం చేశారు. ఈ సందర్భంగా దీపికా, రణ్వీర్ “Of Love & Abundance…” అనే క్యాప్షన్‌తో పాటు దేవీ పేరును ఇంగ్లీష్‌, హిందీ భాషల్లో పేర్కొన్నారు. చిన్నారి పేరు ప్రకటించిన వెంటనే అభిమానులు, సినీ ప్రముఖులు ఈ దంపతులకు శుభాకాంక్షలు చెబుతున్నారు. దీపికా, రణ్వీర్ తమ మొదటి కుమార్తెకు దువా పదుకొణె సింగ్ అని పేరు పెట్టిన సంగతి తెలిసిందే. 2024 సెప్టెంబర్ 8న జన్మించిన దువా పేరును అదే ఏడాది నవంబర్‌లో వెల్లడించారు. ‘దువా’ అంటే ప్రార్థన అని దీపికా గతంలో వివరించారు. ఇప్పుడు రెండో కుమార్తెకు ‘దేవీ’ అనే పేరు పెట్టడంతో ఈ రెండు పేర్లు అభిమానుల దృష్టిని ఆకర్షిస్తున్నాయి. ‘దేవీ’ అని అమ్మవారి పేరు పెట్టడంపై అందరూ ప్రశంసలు కురిపిస్తున్నారు. దీపికా, రణ్వీర్ ప్రేమకథ విషయానికి వస్తే.. సంజయ్‌ లీలా భన్సాలీ తెరకెక్కించిన రామ్‌లీలా సినిమా సమయంలో వీరిద్దరి మధ్య పరిచయం ఏర్పడింది. ఆ పరిచయం ప్రేమగా మారడంతో కొన్నేళ్ల పాటు ప్రేమలో ఉన్న ఈ జంట 2018 నవంబర్‌లో ఇటలీలోని లేక్‌ కోమో వేదికగా వివాహ బంధంలోకి అడుగుపెట్టింది. ఇక 2026 సెప్టెంబర్ 19న వీరికి రెండో కుమార్తె జన్మించింది. అప్పట్లో చిన్నారి పుట్టిన విషయాన్ని ప్రకటించిన ఈ దంపతులు.. తాజాగా విజయదశమి సందర్భంగా ఆమె పేరును వెల్లడించారు. మరోవైపు దీపికా ప్రస్తుతం అల్లు అర్జున్ సరసన రాకా చిత్రంలో నటిస్తోంది. ఇది కూడా చదవండి: రాజమౌళి మామూలోడు కాదు.. ఆరేడు సినిమాలు కలిపి ఒకే సినిమాగా వారణాసి.! https://www.instagram.com/p/DetxKb1sKKD/ [Deepika Padukone Second Daughter Name, Deepika Ranveer Second Daughter, Devi Padukone Singh, Dua Padukone Singh, Deepika Padukone, Ranveer Singh, Allu Arjun, Raaka Movie, Telugu Film News]
Oct 21, 2026 12:27PM
Tiger Shroff: టైగర్ ష్రాఫ్ పై కాల్పులు జరిపింది వీళ్ళే: ఇద్దరు మహిళలు, ఒక మైనర్ బాలిక!
అభిమానులని, ఇండియన్ చిత్ర పరిశ్రమని ఉలిక్కిపాటుకి గురి చేస్తు అగ్ర హీరో టైగర్ ష్రాఫ్ పై కాల్పులు జరిగిన విషయం తెలిసిందే. ఈ సంఘటనలో టైగర్ తృటిలో ప్రాణాప్రాయలనుంచి తప్పించుకొని స్వల్ప గాయాలతో బయటపడ్డాడు.ఈ సంచలన కేసులో ముంబై పోలీసులు కీలక పురోగతి సాధించారు. ఈ కేసులో మొత్తం నలుగురిని అరెస్ట్ చేసారు. పట్టుబడిన వారిలో ఇద్దరు మహిళలు కూడా ఉండటం గమనార్హం. వీరికి ఒక మైనర్ బాలిక సహాయం చేసినట్టుగా కూడా పోలీసులు గుర్తించారు. లారెన్స్ బిష్ణోయ్ గ్యాంగ్‌తో సంబంధాలున్న అనిల్ పండిట్ అనే హ్యాండ్లర్ డైరెక్షన్‌లో ఈ ఆయుధాల అక్రమ రవాణా రాకెట్ నడిచినట్లు పోలీసుల విచారణలో వెల్లడైంది. ఈ ఆయుధ సరఫరా కుట్రకు సంబంధించి పోలీసులు వెల్లడించిన వివరాల ప్రకారం.. హర్యానాలోని సోనిపట్‌కు చెందిన 21 ఏళ్ల కునాల్, 19 ఏళ్ల సుమిత్ అలాగే ఉత్తరప్రదేశ్‌కు చెందిన 23 ఏళ్ల రాధ, 23 ఏళ్ల బబితలను పోలీసులు వేర్వేరు ప్రాంతాల్లో అదుపులోకి తీసుకున్నారు. లారెన్స్ బిష్ణోయ్ గ్యాంగ్ ఆదేశాల మేరకు అనిల్ పండిట్ అనే వ్యక్తి సూచనలతో కునాల్ పంజాబ్‌లోని అమృత్‌సర్ నుంచి ఒక పిస్టల్, 20 తూటాలను సేకరించాడు. నిందితుడు కునాల్‌కు రాధతో పరిచయం ఉండటంతో, ఆమెను ఈ కుట్రలో వాడుకున్నాడు. అక్టోబర్ 15న రాధ, బబితలను ఢిల్లీ రైల్వే స్టేషన్‌కు తీసుకెళ్లిన కునాల్.. రాధ బ్యాగ్‌లోనే పిస్టల్‌ను రహస్యంగా అమర్చాడు. ప్రయాణ అంతటా ఎన్‌క్రిప్టెడ్ యాప్ ద్వారా మహిళలతో టచ్‌లో ఉంటూ అనిల్ పండిట్ ఆదేశాలని వారికి చేరవేశాడు. ఈ ఇద్దరు మహిళలు అక్టోబర్ 17న ముంబైలోని దాదర్ రైల్వే స్టేషన్‌కు చేరుకుని ఒక హోటల్‌లో బస చేశారు. ఆ తర్వాత అక్టోబర్ 18న ఉదయం సుమారు 11 గంటల సమయంలో హోటల్ సమీపంలో ఒక మైనర్ బాలుడు రాధను కలిసి ఆ బ్యాగ్‌ను తీసుకున్నాడు. అదే రోజు సాయంత్రం సుమారు 7 గంటల ప్రాంతంలో టైగర్ ష్రాఫ్ కారు లక్ష్యంగా దుండగులు కాల్పులకు తెగబడ్డారు. ఇది కూడా చదవండి: రజినీ యావదాస్తి ఇక వాళ్ళకే! కుటుంబసభ్యులకి చెందదు! ఇదిలా ఉండగా, ఆయుధాలు చేరవేసిన రాధ, బబిత లు అక్టోబర్ 18న దాదర్-హరిద్వార్ ఎక్స్‌ప్రెస్‌లో ముంబై నుంచి తిరుగు ప్రయాణమయ్యారు. సమాచారం అందుకున్న ఢిల్లీ పోలీస్ స్పెషల్ సెల్ నిఘా వేసి అక్టోబర్ 20న న్యూఢిల్లీ రైల్వే స్టేషన్‌లో ఆ ఇద్దరు మహిళలను అదుపులోకి తీసుకుంది. అదే సమయంలో సోనిపట్‌లో కునాల్, సుమిత్‌లను కూడా అరెస్ట్ చేశారు. అంతకుముందు రాజస్థాన్‌లోని కోటా పోలీసులు హర్యానాకు చెందిన ఇద్దరు, బీహార్‌కు చెందిన ఒకరు సహా ముగ్గురు ప్రధాన షూటర్లను అరెస్ట్ చేసి ముంబై పోలీసులకు అప్పగించిన విషయం తెలిసిందే. తాజాగా పట్టుబడిన నలుగురు నిందితులను కోర్టులో హాజరుపరచగా, ముంబై క్రైమ్ ఇన్వెస్టిగేషన్ డిపార్ట్‌మెంట్ (CID) వారిని విచారించేందుకు మూడు రోజుల రవాణా రిమాండ్‌ను పొందింది. ఈ ఆయుధ రాకెట్ వెనుక ఉన్న అసలు సూత్రధారులు ఎవరు, ఎవరి ఆదేశాలతో ఈ దాడులు జరిగాయనే కోణంలో ముంబై పోలీసులు మరింత లోతుగా దర్యాప్తును వేగవంతం చేశారు. ఈ కేసులో మొత్తం అరెస్టుల సంఖ్య ఇప్పుడు ఎనిమిదికి చేరింది. [Tiger Shroff Firing Case, Tiger Shroff Firing Case Four Members Arrested including Two women, Tiger Shroff firing case, Lawrence Bishnoi gang, Telugu Cinema, Telugu Cinema News, Tollywood, Tollywood News]
Oct 21, 2026 11:35AM
‘తాగి వచ్చారా..?’ దలేర్ మెహందీని స్టేజ్‌పైనే నిలదీసిన మంత్రి.. అసలేం జరిగిందంటే.!
ప్రముఖ పంజాబీ గాయకుడు దలేర్ మెహందీ వివాదంలో చిక్కుకున్నారు. ఉత్తరాఖండ్‌లో జరిగిన ఓ కార్యక్రమంలో ఆయన ప్రదర్శన ఇస్తుండగా, రాష్ట్ర మంత్రి సుబోధ్ ఉనియాల్ వేదికపైకి వచ్చి నిలదీయడం చర్చనీయాంశంగా మారింది. నవరాత్రుల సందర్భంగా న్యూ తెహ్రీలో నిర్వహించిన సిద్ధపీఠ్ మా కుంజాపురి పర్యాటక, అభివృద్ధి జాతరలో ఆదివారం రాత్రి ఈ ఘటన చోటుచేసుకుంది. దలేర్ మెహందీ సరిగా మాట్లాడలేకపోతున్నారని, పాటలు పాడకుండా పెదవులు మాత్రమే కదుపుతున్నారని మంత్రి అభ్యంతరం వ్యక్తం చేశారు. ఆయన మద్యం సేవించి వచ్చారా? అంటూ ప్రశ్నించడంతో ఈ వ్యవహారం వివాదానికి దారితీసింది. దలేర్ మెహందీ ప్రదర్శనపై అసంతృప్తి వ్యక్తం చేసిన సుబోధ్ ఉనియాల్.. ఆయనలాంటి పేరున్న కళాకారుడు తన కళకు న్యాయం చేయాలని వ్యాఖ్యానించారు. ప్రేక్షకులు వినోదం కోసం వచ్చారని, కానీ గాయకుడు సరిగా పాడటం లేదని మండిపడ్డారు. అంతేకాదు, ఈ కార్యక్రమంలో ప్రదర్శన ఇచ్చేందుకు దలేర్ మెహందీకి రూ.35 లక్షలు చెల్లించేందుకు ఒప్పందం కుదిరిందని మంత్రి తెలిపారు. ఇంత పారితోషికం ఇచ్చి ఆహ్వానించినప్పుడు ప్రేక్షకుల అంచనాలకు తగ్గట్టుగా ప్రదర్శన ఇవ్వాల్సిన బాధ్యత కళాకారుడిపై ఉంటుందని తన అసంతృప్తిని వెల్లడించారు. అయితే, దలేర్ మెహందీ మద్యం సేవించారన్నది మంత్రి చేసిన ఆరోపణ మాత్రమే; అది నిర్ధారణ అయిన వాస్తవం కాదు. ఈ ఘటనకు సంబంధించిన వీడియో సోషల్ మీడియాలో వైరల్ కావడంతో గాయకుడు మికా సింగ్.. దలేర్ మెహందీకి మద్దతుగా నిలిచారు. దలేర్ మెహందీ మద్యం సేవించారనే ఆరోపణలను ఆయన ఖండిస్తూ, దీనికి ఆధారం చూపిస్తే తాను పాటలు పాడటం మానేస్తాననే స్థాయిలో సవాల్ చేశారు. దీంతో ఈ వివాదం సంగీత పరిశ్రమలోనూ చర్చకు దారితీసింది. మరోవైపు, వేదికపై జరిగిన ఈ పరిణామంపై నెటిజన్లు భిన్నాభిప్రాయాలు వ్యక్తం చేస్తున్నారు. [Daler Mehndi Controversy, Daler Mehndi News, Subodh Uniyal, Mika Singh Supports Daler Mehndi, Uttarakhand Event, Daler Mehndi Viral Video, Rs 35 Lakh Performance]
Oct 20, 2026 4:48PM
సన్నీ డియోల్ బర్త్డే ట్రీట్.. ‘సూర్య’ టీజర్‌తో షాకిచ్చిన మేకర్స్!
బాలీవుడ్ స్టార్ సన్నీ డియోల్ పుట్టినరోజు సందర్భంగా ఆయన నటిస్తున్న కొత్త సినిమా ‘సూర్య’ (Suryaa) మేకర్స్ అభిమానులకు ప్రత్యేక ట్రీట్ ఇచ్చారు. ఈ సినిమా టీజర్‌ను విడుదల చేశారు. ఇంతకుముందు విడుదలైన మోషన్ పోస్టర్‌లో సరికొత్త రఫ్ అండ్ రఫ్ లుక్‌లో కనిపించిన సన్నీ డియోల్.. టీజర్‌లోనూ తనదైన పవర్‌ఫుల్ నటనతో ఆకట్టుకున్నారు. “అదే అతని అంతమని అందరూ భావించారు.. కానీ సూర్యకు అది కేవలం ఆరంభం మాత్రమే” అనే క్యాప్షన్ సినిమాపై ఆసక్తిని పెంచుతోంది. ఈ టీజర్‌లో వైద్య వ్యవస్థలోని అవినీతి, రోగుల నిస్సహాయతను ఆసరాగా చేసుకుని కొందరు సాగిస్తున్న దోపిడీ వంటి అంశాలను చూపించారు. వైద్యులను దేవుళ్లుగా భావించే ప్రజల నమ్మకాన్ని కొందరు ఎలా దుర్వినియోగం చేస్తున్నారనే ప్రశ్నను సన్నీ డియోల్ పాత్ర లేవనెత్తుతుంది. గతంలో ఎదురైన వ్యక్తిగత విషాదం ఆయన పాత్రను సత్యాన్వేషణ వైపు నడిపిస్తుంది. ఈ క్రమంలో వ్యవస్థలో దాగి ఉన్న నిజాలను బయటపెట్టేందుకు ఆయన చేసే పోరాటం కథలో కీలకంగా ఉండబోతోంది. ‘సూర్య’ చిత్రానికి మలయాళ దర్శకుడు ఎం.పద్మకుమార్ దర్శకత్వం వహిస్తున్నారు. రవి కిషన్, ప్రగ్యా జైస్వాల్‌తో పాటు జిషు సేన్‌గుప్తా, టిను ఆనంద్, మనీష్ వాధ్వా తదితరులు కీలక పాత్రల్లో నటిస్తున్నారు. కమల్ ముకుట్ సమర్పణలో ఎంఎం మూవీజ్ బ్యానర్‌పై దీపక్ ముకుట్, హెమ్మంత్ ముకుట్, లోకేష్ ముకుట్ ఈ చిత్రాన్ని నిర్మిస్తున్నారు. 2018లో విడుదలైన మలయాళ క్రైమ్ థ్రిల్లర్ ‘జోసెఫ్’కు హిందీ రీమేక్‌గా ఈ సినిమా రూపొందుతోంది. కేవలం యాక్షన్‌కే పరిమితం కాకుండా భావోద్వేగాలు, దర్యాప్తు, కుట్రలు, వైద్య వ్యవస్థలోని అక్రమాల చుట్టూ కథను నడిపిస్తున్నట్లు టీజర్ సూచిస్తోంది. సన్నీ డియోల్ పాత్రలోని ఆవేదన, నిజాన్ని వెలికితీయాలనే పట్టుదల సినిమాపై అంచనాలను పెంచుతున్నాయి. ఈ చిత్రాన్ని నవంబర్ 20, 2026న థియేటర్లలో విడుదల చేయనున్నట్లు మేకర్స్ ప్రకటించారు. [Sunny Deol Suryaa, Suryaa Teaser, Sunny Deol Birthday Special, Suryaa Movie 2026, M Padmakumar, Ravi Kishan, Pragya Jaiswal, Suryaa Release Date]
Oct 20, 2026 4:20PM
టైగర్ ష్రాఫ్ కాల్పుల కేసు: పోలీసుల కస్టడీలో నిందితులు.. విచారణలో షాకింగ్ నిజాలు!
బాలీవుడ్ హీరో టైగర్ ష్రాఫ్ టార్గెట్‌గా జరిగిన సంచలన కాల్పుల ఘటన దేశవ్యాప్తంగా తీవ్ర కలకలం రేపింది. ముంబైలోని అత్యంత రద్దీ ప్రాంతమైన జుహులో ఆదివారం చోటుచేసుకున్న ఈ ఉదంతంలో, బైక్‌పై వచ్చిన ముగ్గురు దుండగులు టైగర్ ష్రాఫ్ కారుపై కాల్పులకు తెగబడ్డారు. ఈ కేసును అత్యంత ప్రతిష్టాత్మకంగా తీసుకున్న ముంబై పోలీసులు క్షణాల వ్యవధిలో దర్యాప్తు వేగవంతం చేసి నిందితులను అదుపులోకి తీసుకున్నారు. దాడి అనంతరం ముంబై నుంచి నేపాల్‌కు పారిపోవడానికి ప్రయత్నిస్తుండగా, రాజస్థాన్‌లోని కోటాలో ఆగి ఉన్న సూపర్‌ఫాస్ట్ ఎక్స్‌ప్రెస్‌లో ఉదయం 10.17 గంటల సమయంలో వారిని పోలీసులు విజయవంతంగా అరెస్ట్ చేశారు. నిందితులను బీహార్‌లోని బెగుసరాయ్‌కు చెందిన రితిక్ అలియాస్ రోషన్, హరియాణాలోని సోనీపత్‌కు చెందిన రేహాన్ మరియు మరో హరియాణా యువకుడిగా పోలీసులు గుర్తించారు. ఈ కేసు విచారణలో పోలీసులు తవ్వేకొద్దీ వెలుగులోకి వస్తున్న విషయాలు అందరినీ విస్మయానికి గురిచేస్తున్నాయి. కుట్ర వెనుక గ్యాంగ్‌స్టర్ లారెన్స్ బిష్ణోయ్ హ్యాండ్లర్ల ప్రమేయం ఉన్నట్లు స్పష్టమైంది. విదేశాల్లో మంచి ఉద్యోగం ఇప్పిస్తామని, భవిష్యత్ అవసరాల కోసం పెద్ద మొత్తంలో డబ్బు ఆశ చూపించి ఈ ముగ్గురు యువకులను బిష్ణోయ్ గ్యాంగ్ ట్రాప్ చేసినట్లు విచారణలో తేలింది. ఇప్పటికే ఈ యువకులపై పలు గొడవలు, ఆయుధాల స్మగ్లింగ్ కేసులు ఉండటంతో గ్యాంగ్‌స్టర్లు వారిని ఈ నేరం కోసం ఎంపిక చేసుకున్నారు. ఈ ప్లాన్‌ను అమలు చేయడానికి అడ్వాన్సుగా కేవలం రూ. 50 వేలు మాత్రమే ఇచ్చి, పని పూర్తయిన తర్వాత భారీ మొత్తంలో నగదు ఇస్తామని హామీ ఇచ్చినట్లు తేలింది. అమెరికా కేంద్రంగా కార్యకలాపాలు సాగిస్తున్న గ్యాంగ్‌స్టర్ అనిల్ పండిత్ ఈ ముగ్గురు యువకులతో నిరంతరం టచ్‌లో ఉంటూ ఈ ప్లాన్‌ను నడిపించినట్లు పోలీసుల విచారణలో వెల్లడైంది. ప్రతి వారాంతంలో ఫుట్‌బాల్ ఆడేందుకు జుహు ప్రాంతంలోని టైగర్ ష్రాఫ్ వెళ్లే సమయాన్ని ఖచ్చితంగా పసిగట్టిన నిందితులు, పక్కా వ్యూహంతో ఈ దురాగతానికి పాల్పడినట్లు తేలడంతో ఇండస్ట్రీలో భయాందోళనలు వ్యక్తమవుతున్నాయి. ప్రస్తుతం పోలీసుల కస్టడీలో ఉన్న నిందితులను మరింత లోతుగా విచారిస్తున్న పోలీసులు, ఈ కుట్రలో ఇంకా ఎవరెవరు భాగస్వాములు ఉన్నారనే కోణంలో దర్యాప్తును మరింత విస్తృతం చేశారు. [Tiger Shroff Firing Case, Tiger Shroff News, Mumbai Police, Tiger Shroff Attack, Accused Arrested, Kota Railway Station Arrest, Bollywood News, Tiger Shroff Latest News]
Oct 20, 2026 4:02PM
అప్పుడు థియేటర్లలో డిజాస్టర్లు.. ఇప్పుడు ఆడియ‌న్స్‌ ఫేవరెట్లు! ఈ సినిమాల కథే వేరు
సినిమా విజయం అంటే బాక్సాఫీస్‌ దగ్గర వసూళ్లు సాధించడమే కాదు.. ప్రేక్షకుల మనసుల్లో చిరస్థాయిగా నిలిచిపోవడం కూడా! విడుదలైనప్పుడు ప్రేక్షకాదరణకు నోచుకోకపోయినా, కాలక్రమేణా అద్భుతమైన చిత్రాలుగా గుర్తింపు తెచ్చుకున్న సినిమాలు ఎన్నో ఉన్నాయి. అలాంటి చిత్రాలనే 'కల్ట్ క్లాసిక్స్‌'గా పిలుస్తారు. బాలీవుడ్‌లోనూ తొలుత పరాజయం పాలై, ఆ తర్వాత ప్రేక్షకుల అభిమానాన్ని సొంతం చేసుకున్న సినిమాలు చాలానే ఉన్నాయి. ఆ కోవలోకి చెందిన ఎనిమిది సినిమాల గురించి ఇప్పుడు తెలుసుకుందాం. ఈ జాబితాలో ముందుగా చెప్పుకోవాల్సిన సినిమా 'అందాజ్ అప్నా అప్నా' (1994). ఆమిర్ ఖాన్, సల్మాన్ ఖాన్ నటించిన ఈ కామెడీ చిత్రం విడుదల సమయంలో ఆశించిన విజయాన్ని అందుకోలేదు. అయితే, ఇందులోని హాస్యం, పాత్రలు, సంభాషణలు తర్వాతి కాలంలో ప్రేక్షకులను విపరీతంగా ఆకట్టుకున్నాయి. ఇక 'జానే భీ దో యారో' (1983) రాజకీయాలు, మీడియా వ్యవస్థలోని అవినీతిని వ్యంగ్యంగా చూపించిన చిత్రంగా ప్రత్యేక గుర్తింపు తెచ్చుకుంది. ముఖ్యంగా చివర్లో వచ్చే మహాభారత ఘట్టం ఈ సినిమాకు మరింత ప్రత్యేకతను తీసుకొచ్చింది. రాజ్ కపూర్ నటించి, దర్శకత్వం వహించిన 'మేరా నామ్ జోకర్' (1970) కూడా మొదట్లో బాక్సాఫీస్‌ వద్ద నిరాశపరిచినా, కాలక్రమేణా దానిలోని భావోద్వేగాలు, జీవితానికి సంబంధించిన సందేశం ప్రేక్షకులకు చేరువయ్యాయి. అమితాబ్ బచ్చన్ కెరీర్‌లో ప్రత్యేక స్థానం సంపాదించుకున్న 'అగ్నిపథ్' (1990) సైతం తొలుత కమర్షియల్‌గా ఆశించిన స్థాయిలో విజయం సాధించలేదు. ఇందులో విజయ్ దీనానాథ్ చౌహాన్‌గా అమితాబ్ ప్రదర్శించిన నటన, శక్తివంతమైన సంభాషణలు సినిమాకు ప్రత్యేక అభిమానులను సంపాదించిపెట్టాయి. ఆ తర్వాత హృతిక్ రోషన్ హీరోగా ఈ సినిమాను రీమేక్ చేశారు. ఆర్. మాధవన్, దియా మీర్జా నటించిన 'రెహనా హై తెరే దిల్ మే' (2001) కూడా విడుదల సమయంలో పెద్ద విజయాన్ని అందుకోకపోయినా, హారిస్ జయరాజ్ అందించిన సంగీతం, ప్రేమకథ కారణంగా యువతకు ఇష్టమైన చిత్రంగా మారింది. అశుతోష్ గోవారికర్ దర్శకత్వంలో షారుఖ్ ఖాన్ నటించిన 'స్వదేశ్' (2004) కమర్షియల్‌గా వెనుకబడినా, దేశభక్తి, సామాజిక బాధ్యతను ప్రతిబింబించే కథతో విమర్శకుల ప్రశంసలు అందుకుంది. హృతిక్ రోషన్ హీరోగా ఫర్హాన్ అక్తర్ దర్శకత్వంలో తెరకెక్కిన 'లక్ష్య' (2004) కూడా ఈ జాబితాలో చోటు సంపాదించుకుంది. జీవితంలో స్పష్టమైన లక్ష్యం లేని యువకుడు సైన్యంలో చేరి తనను తాను ఎలా నిరూపించుకున్నాడనే కథాంశంతో రూపొందిన ఈ సినిమా, స్ఫూర్తిదాయకమైన కథనం, సంగీతం కారణంగా తర్వాతి కాలంలో ప్రేక్షకుల ఆదరణ పొందింది. ఇక 2018లో విడుదలైన 'తుంబాడ్' హారర్, పురాణగాథ, అత్యాశ వంటి అంశాలను కలిపి విభిన్నమైన సినిమాటిక్ అనుభూతిని అందించింది. సోహమ్ షా నటించిన ఈ చిత్రం తన ప్రత్యేకమైన విజువల్స్‌, భయానక వాతావరణంతో కల్ట్ హారర్ సినిమాగా గుర్తింపు తెచ్చుకుంది. ఇలా మొదట్లో పరాజయాన్ని ఎదుర్కొన్నప్పటికీ, కాలక్రమేణా ప్రేక్షకుల ప్రేమను పొందిన ఈ ఎనిమిది సినిమాలు.. ఒక చిత్రానికి నిజమైన గుర్తింపు రావడానికి కొన్నిసార్లు సమయం పడుతుందని నిరూపించాయి. [Bollywood Cult Classics, Flop Movies, Andaz Apna Apna, Swades, Agneepath, Tumbbad, Bollywood Masterpieces]
Oct 19, 2026 3:56PM
హాలీవుడ్‌లో ‘రామాయణ’ గ్రాండ్ ప్రీమియర్: అతిథులంతా భారతీయ సంప్రదాయ దుస్తుల్లోనే.!
భారతీయ ఇతిహాసం ‘రామాయణం’ను ప్రపంచ ప్రేక్షకులకు పరిచయం చేసేందుకు ‘రామాయణ’ చిత్ర బృందం భారీ స్థాయిలో సిద్ధమవుతోంది. రణ్‌బీర్ కపూర్ రాముడిగా, సాయిపల్లవి సీతగా, యశ్ రావణుడిగా నటిస్తున్న ఈ ప్రతిష్టాత్మక చిత్రానికి సంబంధించి తాజాగా మరో ఆసక్తికరమైన అప్‌డేట్ వచ్చింది. సినిమా విడుదలకు ముందే అమెరికాలోని లాస్ ఏంజెల్స్‌లో వరల్డ్ ప్రీమియర్ నిర్వహించనున్నారు. అయితే ఈ వేడుకలో ప్రత్యేకత ఏంటంటే.. అతిథులంతా భారతీయ సంప్రదాయ దుస్తుల్లో రావాలని కోరడం. ఈ వరల్డ్ ప్రీమియర్ అక్టోబర్ 27న లాస్ ఏంజెల్స్‌లోని అకాడమీ మ్యూజియం ఆఫ్ మోషన్ పిక్చర్స్‌లో జరగనుంది. అక్కడి డేవిడ్ గెఫెన్ థియేటర్‌లో సినిమాను 3డీ ఫార్మాట్‌లో ప్రదర్శించనున్నారు. ఈ వేడుకకు దాదాపు 945 మంది హాజరుకానున్నట్లు సమాచారం. హాలీవుడ్ ప్రముఖులు, అంతర్జాతీయ మీడియా ప్రతినిధులు, దర్శకులు, సినీ పరిశ్రమకు చెందిన కీలక వ్యక్తులు ఈ కార్యక్రమంలో పాల్గొననున్నారు. దీపావళి పండుగ వాతావరణాన్ని ప్రతిబింబించేలా ఈ వేడుకను నిర్వహించనున్నారు. ఇక అతిథులు భారతీయ సంప్రదాయ దుస్తుల్లో రావాలనే ఆహ్వానం ఇప్పుడు ప్రత్యేక ఆకర్షణగా మారింది. ప్రపంచ సినిమా పరిశ్రమకు చెందిన ప్రముఖులు హాజరయ్యే ఈ కార్యక్రమంలో భారతీయ సంస్కృతి, సంప్రదాయాలను చాటిచెప్పాలన్నది చిత్ర బృందం ఆలోచనగా కనిపిస్తోంది. సాధారణంగా హాలీవుడ్ ఈవెంట్లలో కనిపించే రెడ్ కార్పెట్ హంగామాకు భారతీయ పండుగ వాతావరణాన్ని జోడించడం ఈ ప్రీమియర్‌కు ప్రత్యేకతను తీసుకొస్తోంది. దర్శకుడు నితేశ్ తివారీ తెరకెక్కిస్తున్న ఈ చిత్రాన్ని నమిత్ మల్హోత్రా నిర్మిస్తున్నారు. రెండు భాగాలుగా రూపొందుతోంది. భారీ విజువల్స్‌తో భారతీయ ఇతిహాసాన్ని అంతర్జాతీయ స్థాయిలో తెరకెక్కించాలన్నది మేకర్స్ లక్ష్యం. మొదటి భాగం నవంబర్ 5, 2026న ప్రపంచవ్యాప్తంగా థియేటర్లలో విడుదల కానుంది. రెండో భాగాన్ని 2027 దీపావళికి తీసుకురావాలని ప్లాన్ చేస్తున్నారు. తెలుగు, తమిళం, కన్నడ, మలయాళం భాషల్లోనూ ఈ చిత్రం విడుదల కానుంది. మొత్తానికి, భారతీయ ఇతిహాసాన్ని అంతర్జాతీయ ప్రేక్షకుల ముందుకు తీసుకెళ్లే క్రమంలో ‘రామాయణ’ వరల్డ్ ప్రీమియర్‌ను కూడా ఒక ప్రత్యేకమైన వేడుకగా మార్చేందుకు మేకర్స్ సిద్ధమవుతున్నారు. మరి ఈ భారీ చిత్రానికి హాలీవుడ్ ప్రముఖుల నుంచి ఎలాంటి స్పందన వస్తుంది? ప్రపంచవ్యాప్తంగా ప్రేక్షకులను ఎంతవరకు ఆకట్టుకుంటుంది? అనేది ఆసక్తికరంగా మారింది. ఇది కూడా చదవండి: ఆకాశంలో ఒక తార.. విడుదలకు ముందే టేబుల్ ప్రాఫిట్.. షాక్‌లో ఇండస్ట్రీ.! [Ramayana World Premiere At Academy Museum, Ramayana World Premiere, Ramayana Academy Museum, Ramayana Movie, Ranbir Kapoor, Yash, Sai Pallavi, Nitesh Tiwari, Namit Malhotra, Telugu Film News]
Oct 19, 2026 1:07PM
టైగర్ ష్రాఫ్ పై రివాల్వర్ తో కాల్పులు: చేసింది ఎవరో తెలిస్తే షాక్ అవుతారు!
ప్రముఖ బాలీవుడ్ హీరో టైగర్ ష్రాఫ్ కారుపై నిన్న సాయంత్రం కాల్పులు జరిగాయి. ముగ్గురు వ్యక్తులు బైక్‌పై వచ్చి కాల్పులు జరిపారు. అనుకోని ఈ సంఘటనలో టైగర్ ష్రాఫ్ సురక్షితంగా బయటపడగా స్వల్ప గాయాలయ్యాయి. డ్రైవర్‌తో పాటు మరో వ్యక్తి కూడా గాయాలతో బయటపడ్డారు. మొత్తం 5 రౌండ్లకు పైగా కాల్పులు జరగగా ముంబైలోని జుహులో ఘటన జరిగింది. నిందితుల కోసం పోలీసులు గాలిస్తున్న క్రమంలో తామే కాల్పులు జరిపామని బిష్ణోయ్ గ్యాంగ్ కి చెందిన గ్యాంగ్‌స్టర్ అనిల్ పండిట్ సోషల్ మీడియాలో పోస్ట్ చేసాడు.మహారాష్ట్ర ముఖ్యమంత్రి ఫడ్నవీస్ కాల్పుల ఘటనపై విచారణకు ఆదేశించారు. ఇప్పుడు ఈ కాల్పుల ఘటన బాలీవుడ్ వర్గాల్లోనే కాకుండా ఎంటైర్ భారతీయ చిత్ర పరిశ్రమలోనే సంచలనం సృష్టిస్తుంది. సినిమాల పరంగా చూసుకుంటే గత ఏడాది బాఘీ 4 తో అలరించాడు. ప్రస్తుతం 'లాగ్ జా గలె' తో బిజీగా ఉన్నాడు. నెక్స్ట్ ఇయర్ రిలీజ్.అగ్ర నటుడు జాకీ ష్రాఫ్ కొడుకే టైగర్ ష్రాఫ్ అనే విషయం తెలిసిందే. టైగర్ ష్రాఫ్ ప్రెజెంట్ రజినీ తో కలిసి జైలర్ 2 తో సందడి చేస్తున్నాడు . [Tiger Shroff Gun attack, Tiger Shroff shooting case, Tiger Shroff latest news, Tiger Shroff up coming news, Tollywood, Tollywood News, Telugu Cinema News, Telugu Cinema]
Oct 19, 2026 10:39AM
అజయ్ దేవ్‌గణ్ కి షాక్.. ఆ అక్రమ నిర్మాణాలు కూల్చివేత!
యాక్షన్ కింగ్ అజయ్ దేవ్‌గణ్ తన కట్ అవుట్ కి ఉన్న రేంజ్ ని మరోసారి దృశ్యం పార్ట్ 3 తో మరో సారి నిరూపించాడు. కేవలం 15 రోజులకే 520 కోట్ల గ్రాస్ వరకు వసూలు చేసాడంటే సునామి అని కూడా చెప్పుకోవచ్చు. అజయ్ దేవ్‌గన్ కుటుంబానికి చెందిన ప్రతిష్టాత్మక ఆస్తి వివాదంలో చిక్కుకుంది. ముంబైలోని పాపులర్ ప్రాంతమైన జూహులో ఉన్న బంగ్లాలో అనధికారిక నిర్మాణాల (illegal construction) పేరిట ముంబై మున్సిపల్ కార్పొరేషన్ (BMC) అధికారులు ఉక్కుపాదం మోపారు. ముంబైలోని కే-వెస్ట్ (K/West) వార్డ్ పరిధిలోని కాపోల్ కో-ఆపరేటివ్ హౌసింగ్ సొసైటీలో ఉన్న ఈ ప్రాపర్టీలో అనుమతులు లేకుండా చేపట్టిన మార్పులు, చేర్పులపై అధికారులు సీరియస్ అయ్యారు. ఎలాంటి ముందస్తు అనుమతులు లేకుండా ఇంటీరియర్ మార్పులు, విభజన గోడలు (partition walls) మరియు కిటికీల మార్పులు చేస్తున్నారనే ఆరోపణలతో ఈ భారీ కూల్చివేత చర్యలు చోటుచేసుకున్నాయి. ఇది కూడా చదవండి: నిన్న వెబ్ సిరీస్ రిలీజ్: ఈ రోజు ఆ వెబ్ సిరీస్ తెరకెక్కించిన దర్శకుడు మృతి! ఈ వివాదానికి సంబంధించి గత సెప్టెంబర్ 10, 2026వ తేదీన బీఎంసీ అధికారులు తొలుత స్టాప్ వర్క్ నోటీసు జారీ చేశారు. నిర్మాణ పనులను తక్షణమే నిలిపివేసి, తగిన అనుమతి పత్రాలను సమర్పించాలని ఆ నోటీసులో స్పష్టంగా పేర్కొన్నారు. అయినా సరే పనులు కొనసాగిస్తుండటంతో అధికారులు కూల్చివేతలు చేపట్టారు. [Ajay Devgn Juhu Bungalow Demolition, Ajay Devgn bungalow, BMC demolition, Juhu property dispute, Bollywood news, Telugu Cinema News, Telugu Cinema, Tollywood, Tollywood News]
Oct 17, 2026 4:19PM
హోటల్ గదికి రమ్మన్న డైరెక్టర్.. డోర్ తెరిచి ఉంచిన విద్యా బాలన్.. అప్పుడేం జరిగింది.?
బాలీవుడ్ నటి విద్యా బాలన్ తన సినీ కెరీర్ తొలినాళ్లలో ఎదుర్కొన్న చేదు అనుభవం మరోసారి చర్చనీయాంశంగా మారింది. ఓ సినిమా విషయంలో చర్చించేందుకు తనను కలిసిన దర్శకుడు హోటల్ గదికి వెళ్లి మాట్లాడుకుందామని పదేపదే పట్టుబట్టాడని ఆమె గతంలో వెల్లడించారు. అతడి ప్రవర్తనపై అనుమానం రావడంతో సమయస్ఫూర్తితో వ్యవహరించినట్లు తెలిపారు. అయితే ఆ ఘటన తర్వాత తాను అప్పటికే అంగీకరించిన సినిమా నుంచి తొలగించబడ్డానని చెప్పుకొచ్చారు. ఈ విషయాలు మరోసారి సోషల్ మీడియాలో వైరల్ అవుతున్నాయి. విద్యా బాలన్ కెరీర్ ప్రారంభంలో దక్షిణాది సినిమాల్లోనూ అవకాశాల కోసం ప్రయత్నించారు. ఆ సమయంలో ఓ యాడ్ ఫిల్మ్ షూటింగ్ నిమిత్తం చెన్నై వెళ్లినప్పుడు, అప్పటికే ఓ సినిమాకు అంగీకరించిన ఆమె ఆ చిత్ర దర్శకుడిని కలిశారు. ఇద్దరూ ఓ కాఫీ షాప్‌లో మాట్లాడుకుందామని విద్యా బాలన్ సూచించినప్పటికీ, దర్శకుడు మాత్రం హోటల్ గదిలోకి వెళ్లి మాట్లాడుకుందామని పట్టుబట్టినట్లు ఆమె గుర్తుచేసుకున్నారు. దీంతో అతడి ఉద్దేశంపై అనుమానం కలిగిందని తెలిపారు. ఆ పరిస్థితిలో భయపడకుండా సమయస్ఫూర్తితో వ్యవహరించిన విద్యా బాలన్.. హోటల్ గదిలోకి వెళ్లిన తర్వాత తలుపును తెరిచే ఉంచినట్లు చెప్పారు. తాను ఒంటరిగా ఉన్నానని, ఆ వ్యక్తి ప్రవర్తన తనకు అసౌకర్యంగా అనిపించిందని ఆమె వివరించారు. తలుపు తెరిచి ఉండటాన్ని గమనించిన దర్శకుడు ఐదు నిమిషాల్లో అక్కడి నుంచి వెళ్లిపోయాడని తెలిపారు. అయితే తనకు ఎలాంటి అనుచిత ప్రతిపాదన చేయలేదని, ఆ వ్యక్తి ప్రవర్తనను బట్టి ఏదో సరిగ్గా లేదనే భావన కలిగిందని విద్యా బాలన్ స్పష్టం చేశారు. ఈ ఘటన తర్వాత తనను ఆ సినిమా నుంచి తొలగించారని ఆమె వెల్లడించారు. ఈ అనుభవాన్ని పూర్తిస్థాయి క్యాస్టింగ్ కౌచ్ ఘటనగా తాను భావించనప్పటికీ, తన భద్రత విషయంలో అప్రమత్తంగా వ్యవహరించానని చెప్పారు. సినీ పరిశ్రమలో తనకు ఎదురైన ప్రతి అనుభవం ఇలాంటిదే కాదని, తాను అదృష్టవంతురాలినని కూడా గతంలో పేర్కొన్నారు. అవకాశాల కోసం ప్రయత్నించే క్రమంలో వ్యక్తిగత భద్రత, ఆత్మగౌరవం విషయంలో రాజీపడకూడదనే సందేశాన్ని విద్యా బాలన్ అనుభవం గుర్తుచేస్తోంది. [Vidya Balan Casting Couch, Vidya Balan Interview, Vidya Balan Chennai Incident, Vidya Balan Career Struggles, Bollywood Casting Couch, Vidya Balan Film Rejection, Vidya Balan Latest News]
Oct 16, 2026 7:25PM
కృతి సనన్‌కు కూడా అదే సమస్య: ఢిల్లీ హైకోర్టును ఆశ్రయించిన బాలీవుడ్ బ్యూటీ.!
సినిమా నటీనటుల ఫొటోలు, వీడియోలు, పేర్లను సోషల్ మీడియాలో ఇష్టానుసారంగా ఉపయోగించడం.. ఏఐతో ఫేక్ వీడియోలు సృష్టించడం ఇప్పుడు పెద్ద సమస్యగా మారింది. ఇప్పటికే పలువురు సినీ ప్రముఖులు తమ వ్యక్తిగత గుర్తింపును కాపాడుకునేందుకు కోర్టులను ఆశ్రయిస్తున్నారు. తాజాగా ఈ జాబితాలో బాలీవుడ్ నటి కృతి సనన్ కూడా చేరారు. తన వ్యక్తిత్వ హక్కులకు రక్షణ కల్పించాలని కోరుతూ ఆమె ఢిల్లీ హైకోర్టులో పిటిషన్ దాఖలు చేశారు. కృతి సనన్ తన పేరు, ముఖం, ఫొటోలు, వీడియోలు, గొంతు వంటి వ్యక్తిగత గుర్తింపులను తన అనుమతి లేకుండా ఉపయోగించకుండా రక్షణ కల్పించాలని కోరుతున్నారు. ముఖ్యంగా తన గుర్తింపును వాణిజ్య ప్రయోజనాల కోసం ఉపయోగించడం, అనధికారికంగా ప్రచారం చేయడం వంటి అంశాలపై ఆమె అభ్యంతరం వ్యక్తం చేసినట్లు తెలుస్తోంది. ప్రస్తుతం సోషల్ మీడియాలో సెలబ్రిటీల ఫొటోలు, వీడియోలను ఉపయోగించి ప్రకటనలు చేయడం.. ఏఐ టెక్నాలజీతో వారి ముఖాలు, గొంతులను అనుకరించడం వంటి ఘటనలు పెరుగుతున్నాయి. దీంతో తమ వ్యక్తిగత గుర్తింపుపై నియంత్రణ కోల్పోతున్నామనే ఆందోళన పలువురు నటీనటుల్లో కనిపిస్తోంది. కృతి సనన్ కూడా ఇదే నేపథ్యంలో తన హక్కులకు చట్టపరమైన రక్షణ కోరినట్లు సమాచారం. ఈ కేసులో సమగ్ర వివరాలను పరిశీలించిన తర్వాత తదుపరి ఉత్తర్వులు ఇవ్వనున్నట్లు కోర్టు తెలిపింది. తదుపరి విచారణను అక్టోబర్ 29కి వాయిదా వేసింది. ఇది కూడా చదవండి: కుంభకు మహేష్ బాబు బర్త్ డే విషెస్.! [Kriti Sanon Personality Rights Protection, Kriti Sanon, Personality Rights, Delhi High Court, Kriti Sanon News, AI Deepfake, Celebrity Rights, Bollywood News, Telugu News]
Oct 16, 2026 4:00PM
INTERESTING NEWS
.WEBP)
Customer Service
For support : teluguone.teluguone@gmail.com | For Queries : support@teluguone.com