Andhra Pradesh Top Story | Telugu Top Story News | Top Story

బీజేపీ తరఫున జ్ణానేశ్వర్ కుమార్ రాయబారాలు.. సీఈసీపై కేరళ మాజీ సీఎస్ ఆరోపణలు.!

సీఈసీ జ్ణానేష్ కుమార్‌పై కేరళ మాజీ ప్రధాన కార్యదర్శి జిజి థామ్సన్ చేసిన ఆరోపణలు కలకలం రేపుతున్నాయి. తాను సర్వీస్‌లో ఉన్న సమయంలోజ్ణానేష్ కుమార్‌ బీజేపీ తరఫున ఎన్నికల్లో పోటీ చేయాలని కోరారని, అంతేకాకుండా కేంద్రంలో మంత్రి పదవి కూడా దక్కుతుందని ప్రతిపాదించారని జిజి థామసన్ తాజాగా వెల్లడించారు. ఈ వ్యాఖ్యలు ప్రస్తుతం జాతీయ స్థాయిలో హాట్ టాపిక్ గా మారాయి. 2016లో ఢిల్లీకి వెళ్లే విమాన ప్రయాణ సమయంలో ఈ ఆసక్తికరమైన చర్చ జరిగినట్లు తెలిపారు. ఆ సమయంలో తాను కేరళ రాష్ట్ర ప్రధాన కార్యదర్శిగా విధులు నిర్వర్తిస్తుండగా, గ్యానేష్ కుమార్ కేంద్ర హోంమంత్రిత్వ శాఖలో ఉన్నతాధికారిగా సేవలందిస్తున్నారని గుర్తుచేశారు. ప్రయాణ సమయంలో తన రిటైర్మెంట్ అనంతర ప్రణాళికల గురించి ఆరా తీసిన జ్ణానేష్ కుమార్‌.. ఆ సందర్భంలోనే బీజేపీ తరఫున పతనం తిట్ట లోక్‌సభ స్థానం నుంచి పోటీ చేయాలని సూచించారన్నారు. మైనారిటీ వర్గానికి చెందిన తానకు మంచి వక్తగా పేరుండటం వల్ల బీజేపీ తరఫున బరిలోకి దిగితే సులభంగా విజయం సాధించవచ్చనిజ్ణానేష్ కుమార్‌ చెప్పారనీ, ఎన్నికల్లో గెలిచి పార్లమెంట్‌కు వెళితే కేంద్ర కేబినెట్‌లో మంత్రి పదవి దక్కే అవకాశం ఉందని తనను ఒప్పించే ప్రయత్నం చేశారని ధామ్సన్ పేర్కొన్నారు. అయితే, తనకు ప్రత్యక్ష రాజకీయాలపై ఆసక్తి లేదని విస్పష్టంగా చెప్పి ఆ ప్రతిపాదనను తిరస్కరించినట్లు వివరించారు. ప్రస్తుతం దేశంలో ఎన్నికల సంఘం పనితీరు, సీఈసీ జ్ణానేశ్ కుమార్ వ్యవహారశైలి, నిష్పాక్షికతపై విమర్శలు, ఆరోపణలు వెల్లువెత్తుతున్న తరుణంగా థామ్సన్ వెల్లడించిన విషయాలు ప్రాధాన్యత సంతరించుకున్నాయి. సీఈసీ గతంలో రాజకీయ పార్టీల కోసం రాయబారాలు లేదా సిఫార్సులు చేయడం ప్రజాస్వామ్య వ్యవస్థకు విరుద్ధమని ప్రతిపక్ష నేతలు అంటున్నారు. ధామ్సన్ వెల్లడించిన వివరాలపై కాంగ్రెస్‌ సహా ప్రతిపక్ష పార్టీల అగ్రనేతలు జ్ణానేష్ కుమార్‌ తీరుపై తీవ్ర ఆగ్రహం వ్యక్తం చేశారు. రాజ్యాంగబద్ధమైన స్వయంప్రతిపత్తి కలిగిన సంస్థకు అధిపతిగా ఉండాల్సిన వ్యక్తి, గతంలో అధికార పార్టీకి అనుకూలంగా వ్యవహరించారనే ఆరోపణలు వచ్చిన నేపథ్యంో సీఈసీ వెంటనే తన పదవికి రాజీనామా చేయాలని డిమాండ్ చేస్తున్నారు. [Jiji Thomson, Gyanesh Kumar, Chief Election Commissioner, BJP ticket offer, Kerala Former Chief Secretary, Telugu One]

Published on: Sun Sep 27, 2026 10:36AM

గోదావరి వరద ఉధృతి: భద్రాచలం వద్ద 40 అడుగులకు చేరిన నీటిమట్టం.!

గోదావరి వరద ఉధృతి క్రమంగా పెరుగుతోంది. దీంతో అధికార యంత్రాంగం ముంపు ప్రాంతాల ప్రజలను అప్రమత్తం చేసింది. ఎగువ ప్రాంతాల నుంచి భారీగా వస్తున్న వరద నీటితో గోదవరి నీటి మట్టం వేగంగా పెరుగుతోంది. భద్రాచలం వద్ద గోదావరి నీటి మట్టం 40 అడుగులకు చేరుకుంది. ఈ నేపథ్యంలో రాష్ట్ర విపత్తుల నిర్వహణ సంస్థ అధికారులు రంగంలోకి దిగారు. ప్రజలు నది పరిసర ప్రాంతాలకు వెళ్లరాదని హెచ్చరికలు జారీ చేశారు. ఇక కూనవరం వద్ద గోదావరి నీటిమట్టం 14.8 మీటర్లు, పోలవరం వద్ద 9.98 మీటర్లు నమోదైంది. ధవళేశ్వరం బ్యారేజీ వద్ద ఇన్ ఫ్లో, ఔట్ ఫ్లో 5.61 లక్షల క్యూసెక్కులుగా కొనసాగుతోంది. ఇది మరింత పెరిగి 8 నుంచి 9 లక్షల క్యూసెక్కుల స్థాయికి చేరుకునే అవకాశం ఉందని అధికారులు అంచనా వేస్తున్నారు. వరదల కారణంగా ఎలాంటి ప్రాణ నష్టం జరగకుండా ఉండేందుకు ప్రభుత్వం ముందస్తు చర్యలు చేపట్టింది. వరద ప్రభావిత జిల్లాల్లో అత్యవసర సహాయక మరియు రక్షణ చర్యల నిమిత్తం ప్రత్యేకంగా ఎన్డీఆర్ఎఫ్, ఎస్డీఆర్ఎఫ్ బృందాలను మోహరించారు. అత్యవసర పరిస్థితులు తలెత్తితే తక్షణమే స్పందించేలా ఈ బృందాలను సిద్ధంగా ఉంచినట్లు అధికారులు తెలిపారు. నది నీటి మట్టాలు ప్రమాదకర స్థాయికి చేరుకుంటున్న తరుణంలో లోతట్టు ప్రాంతాల ప్రజలు సురక్షిత ప్రాంతాలకు తరలివెళ్లాలని అధికారులు సూచించారు. ఎగువ ప్రాంతాల్లో కురుస్తున్న వర్షాల ప్రభావం మరో రెండు రోజుల పాటు ఉండే అవకాశం ఉన్నందున.. గోదావరి వరద మరింత ఉధృతమయ్యే అవకాశం ఉందని అధికారులు చెబుతున్నారు. వరద ఉద్ధృతి కారణంగా ఉప్పొంగి ప్రవహిస్తున్న వాగులు, వంకలు, కల్వర్టులు, కాజ్‌వేల వద్ద ప్రజలు జాగ్రత్తగా ఉండాలని హెచ్చరించారు. ప్రమాదకరంగా మారుతున్న ఈ మార్గాలను దాటేందుకు ప్రయత్నించవద్దని హెచ్చరించారు. [Godavari River Flood, Bhadrachalam Water Level, Dhavaleswaram Barrage, AP Disaster Management, NDRF SDRF Teams]

Published on: Sun Sep 27, 2026 10:01AM

ఖైరతాబాద్ బరిలో తెలంగాణ రక్షణ సేన: అభ్యర్థి ఎవరంటే.?

ఖైరతాబాద్‌ అసెంబ్లీ నియోజకవర్గానికి ఉప ఎన్నిక తధ్యం అని ఖరారైపోయింది. దీంతో ప్రధాన పార్టీలు ఎన్నికల వ్యూహ రచన, ఎత్తుగడలు, ఏర్పాట్లలో నిమగ్నమయ్యాయి. ఈ క్రమంలోనే తెలంగాణ రక్షణ సేన (టీఆర్ఎస్) పార్టీ కూడా ఈ ఎన్నికల బరిలోకి దిగాలని నిర్ణయించుకోవడం స్థానిక రాజకీయాల్లో చర్చనీయాంశంగా మారింది. రాబోయే ఉపఎన్నికలో తమ అభ్యర్థిని రంగంలోకి దించి పార్టీ సత్తా చాటాలని టీఆర్ఎస్ అధినేత్రి కల్వకుంట్ల కవిత నిర్ణయించారు. తొలుత ఖైరతాబాద్ బరిలో కల్వకుంట్ల కవిత దిగుతారని ప్రచారం జరిగినప్పటికీ.. టీఆర్ఎస్ గళాన్ని బలంగా వినిపించేందుకు పోటీలో టీఆర్ఎస్ ఉంటుందనీ, అయితే కవిత అభ్యర్థి కారనీ అంటున్నారు. ప్రణాళికలు రచిస్తోంది. నగర రాజకీయాల్లో తమ గళాన్ని గట్టిగా వినిపించేందుకు ఈ ఎన్నికను ఒక వేదికగా ఉపయోగించుకోవాలని ఆ పార్టీ భావిస్తున్నట్లు తెలుస్తోంది. నియోజకవర్గంలోని ప్రజా సమస్యలపై పోరాడటమే తమ ప్రధాన లక్ష్యమని, అధికార, ప్రతిపక్ష పార్టీల వైఫల్యాలను ప్రజల్లోకి తీసుకువెళ్లడానికి ఈ ఉపఎన్నిక సరైన వేదిక అని టీఆర్ఎస్ నాయకత్వం భావిస్తోంది. ప్రజల ఆశీస్సులతో ఈ ఎన్నికల్లో బలమైన పోటీ ఇస్తామని, స్థానిక ప్రజల సమస్యల పరిష్కారమే తమ ప్రధాన అజెండాగా ఉంటుందని టీఆర్ఎస్ చెబుతోంది. కాంగ్రెస్, బీఆర్ఎస్ మరియు బీజేపీ ఖైరతాబాద్ ఉప ఎన్నికలో విజయం కోసం వ్యూహాలు రచిస్తున్న తరుణంలో అనూహ్యంగా టీఆర్ఎస్ కూడా బరిలోకి దిగనున్నట్లు ప్రకటించడంతో పోటీ రసవత్తరం గా ఉంటుందని పరిశీలకులు విశ్లేషిస్తున్నారు. ఈ నియోజకవర్గంలో గత ఎన్నికల ఫలితాలు, ప్రస్తుత రాజకీయ వాతావరణం దృష్ట్యా బీఆర్ఎస్, కాంగ్రెస్, బీజేపీలు విజయంపై ధీమాతో ఉన్నాయి. ఈ నేపథ్యంలో టీఆర్ఎస్ బరిలోకి దిగడంతో సమీకరణాలు ఏ విధంగా మారతాయన్న దానిపై సర్వత్రా ఉత్కంఠ నెలకొంది. ఖైరతాబాద్ ఉప ఎన్నికకు ఎలక్షన్ కమిషన్ షెడ్యూల్ ప్రకటించిన తరువాత ప్రచార కార్యక్రమాలను వేగవంతం చేయాలని టీఆర్ఎస్ భావిస్తోంది. ప్రచారంలో భాగంగా వివిధ ప్రాంతాల్లో పర్యటించి, స్థానిక సమస్యలపై డిక్లరేషన్లు ప్రకటించాలని టీఆర్ఎస్ భావిస్తున్నట్లు తెలుస్తోంది. ప్రకటించే అవకాశం ఉందని తెలుస్తోంది. మొత్తం మీద టీఆర్ఎస్ బరిలోకి దిగడానికి నిర్ణయించుకోవడంతో ఖైరతాబాద్ ఉప ఎన్నికలో చతుర్ముఖ పోటీ అనివార్యం కావడంతో సర్వత్రా ఈ ఎన్నికపై ఆసక్తి ఉత్కంఠ వ్యక్తమౌతోంది. [Telangana Rakshana Sena, Khairatabad by Eection, Telangana Politics, BRS, Congress, BJP, TRS, Telugu One]

Published on: Sat Sep 26, 2026 5:43PM

హైదరాబాద్:ఐటీ కారిడార్‌లో షాకింగ్ కేస్: మత్తుమందు ఇచ్చి నరకం చూపించిన కేటుగాడు!

హైదరాబాద్‌లోని ఐటీ కారిడార్ పరిధిలో ఉన్న రాయదుర్గంలో ఒక దిగ్భ్రాంతికరమైన దారుణం వెలుగులోకి వచ్చింది. సమాజంలో సాటి ఉద్యోగులతో కలిసి సరదాగా గడిపిన ఒక చిన్న వేడుక, ఓ మహిళా ఉద్యోగి జీవితంలో మూడేళ్ల సుదీర్ఘ నరకానికి నాంది పలుకుతుందని ఎవరూ ఊహించలేదు. రాయదుర్గం పరిధిలోని ఒక ప్రముఖ ప్రైవేటు కంపెనీలో అడ్మినిస్ట్రేషన్ విభాగంలో పనిచేస్తున్న ఒక మహిళ, అదే కంపెనీ ఉద్యోగులకు ఆహారం అందించే షేక్ నబీ అనే ఫుడ్ వెండర్‌తో పరిచయం పెంచుకుంది. పటాన్‌చెరు ప్రాంతానికి చెందిన 32 ఏళ్ల షేక్ నబీ, కంపెనీ సమీపంలోనే బాక్స్ క్రికెట్ క్రీడా ప్రాంగణాన్ని కూడా నిర్వహిస్తూ ఉద్యోగులందరితో సత్సంబంధాలు నెరిపేవాడు. బాధితురాలు కూడా తన తోటి ఉద్యోగుల కోసం బాక్స్ క్రికెట్ బుకింగ్స్ చేయడంలో సహాయపడుతూ అతనితో స్నేహంగా ఉండేది. అయితే ఈ పరిచయాన్నే ఆసరాగా చేసుకుని షేక్ నబీ అత్యంత కిరాతకమైన కుట్రకు తెరలేపాడు. 2023లో బాక్స్ క్రికెట్ మ్యాచ్ ముగిసిన అనంతరం ఉద్యోగులందరూ కలిసి ఒక చిన్న పార్టీ చేసుకున్నారు. ఆ సంతోషకరమైన వాతావరణంలో, నబీ సదరు మహిళకు ఇచ్చిన కూల్ డ్రింక్‌లో ఎవరికీ అనుమానం రాకుండా ప్రమాదకరమైన మత్తుమందు కలిపాడు. అది తాగిన కొద్దిసేపటికే ఆమె స్పృహతప్పి అపస్మారక స్థితిలోకి చేరుకుంది. ఆ స్థితిలో ఉన్న బాధితురాలిపై నబీ లైంగిక దాడికి పాల్పడటమే కాకుండా, ఆ నీచమైన ఘోరాన్ని తన ఫోన్ ద్వారా తీవ్ర అభ్యంతరకరమైన ఫొటోలు మరియు వీడియోలుగా చిత్రీకరించాడు. ఆ తర్వాతే నబీ అసలు దారుణమైన రూపం బయటపడింది. ఆ నీచమైన ఫొటోలు, వీడియోలను చూపించి బాధితురాలిని బ్లాక్‌మెయిల్ చేయడం ప్రారంభించాడు. తన కోరిక తీర్చకపోతే లేదా తాను అడిగినంత డబ్బు ఇవ్వకపోతే ఈ ప్రైవేట్ వీడియోలను ఆమె భర్త, పిల్లలు, బంధువులు మరియు సోషల్ మీడియాలో పంపుతానని బెదిరించాడు. ఈ భయంతోనే నబీ మాటలు నమ్మి, అతడు ప్రారంభించాలనుకున్న రెస్టారెంట్ వ్యాపారం కోసం సదరు మహిళ ఏకంగా రూ. 43 లక్షల భారీ మొత్తాన్ని పెట్టుబడిగా పెట్టి అతనికి అప్పగించింది. ఆ డబ్బును నొక్కేసిన నబీ, 2023 నుంచి 2026 ఆగస్టు వరకు మూడేళ్ల పాటు ఆమెను శారీరకంగా, మానసికంగా దారుణంగా వేధిస్తూ పలుమార్లు లైంగికంగా వాడుకున్నాడు. నబీ వేధింపులు రోజురోజుకూ హద్దులు దాటిపోవడంతో, ఇక భరించలేని స్థితికి చేరుకున్న బాధితురాలు అత్యంత ధైర్యంతో జరిగిన ఘోరాన్ని తన భర్తకు వివరించింది. ఆమె భర్త ఆమెకు పూర్తి అండగా నిలిచి, పోలీసులను ఆశ్రయించి న్యాయం పోరాటం చేయాలని ప్రోత్సహించాడు. బాధితురాలి ఫిర్యాదుతో వెంటనే రంగంలోకి దిగిన రాయదుర్గం పోలీసులు షేక్ నబీపై తీవ్రమైన నేర విభాగాలు మరియు ఐపీసీ/భారతీయ న్యాయ సంహిత సెక్షన్ల కింద కేసు నమోదు చేశారు. శుక్రవారం రోజున నిందితుడి ఆఫీస్‌పై దాడి చేసి 32 ఏళ్ల షేక్ నబీని అరెస్టు చేసి, న్యాయస్థానంలో హాజరుపరిచి రిమాండ్‌కు తరలించారు. ఐటీ హబ్‌ పరిధిలో పనిచేసే మహిళా ఉద్యోగులు అపరిచితులు మరియు పరిచయస్తుల పట్ల ఎంత జాగ్రత్తగా ఉండాలో ఈ ఘటన తీవ్రంగా హెచ్చరిస్తోంది. [ Hyderabad, Rayadurgam, IT Corridor, Employee Harassment, Blackmail Case, Cyber Crime, Sexual Assault Case, Sheikh Nabi, Financial Fraud, Rayadurgam Police ]

Published on: Sat Sep 26, 2026 4:51PM

వరుస ఎదురుదెబ్బలతో ఉక్కిరిబిక్కిరి: పుష్కరకాలంలో ఎన్నడూ లేనంతా ఎదురుగాలి.!

దేశ రాజకీయాకాశంలో గత కొంతకాలంగా ప్రధాని నరేంద్ర మోడీ నేతృత్వంలోని కేంద్ర ప్రభుత్వానికి వరుస ఎదురు దెబ్బలు తగులుతున్నాయి. ఒకదాని వెనుక ఒకటి అన్నట్లుగా సమస్యలు చుట్టుముడుతున్నాయి. రాజ్యాంగబద్ధ సంస్థల నిర్ణయాలు, ప్రతిపక్షాల నుంచి వస్తున్న విమర్శలు ప్రభుత్వానికి ఇబ్బందికరంగా మారుతున్నాయి. పుష్కరకాలంగా ఎన్నడూ లేని విధంగా మోడీ సర్కార్ డిఫెన్స్ లో పడుతోంది. రాజకీయంగానే కాకుండా, వ్యవస్థాగత అంశాలలోనూ మోడీ సర్కార్ సమస్యల సంక్షోభంలో కూరుకుపోతున్నది. నీట్ పరీక్ష పత్రం లీక్ కావడం నుంచి మొదలై.. తాజాగా ఎన్నికల సంఘంలో తలెత్తిన సంక్షోభం వరకూ వరుసగా జరుగుతున్న పరిణామాలు నైతికంగా మోడీ సర్కార్ ను బలహీనం చేశాయనడంలో సందేహం లేదు. నీట్ వ్యవహారాన్ని తీసుకుంటే.. నీట్ పేపర్ లీకేజీకి వ్యతిరేకంగా దేశ వ్యాప్తంగా నిరసనలు వ్యక్తమయ్యాయి. అప్పటి వరకూ మోడీ సర్కార్ ఘనంగా చెప్పుకుంటూ వచ్చిన పారదర్శకత ప్రశ్నార్థకమైంది. రాజ్యాంగ వ్యవస్థలు బలహీనపడ్డాయన్న వాదనకు బలం చేకూరింది. అంత వరకూ విపక్షాలు చేసే విమర్శలను సునాయాసంగా తిప్పికొట్టి పై చేయి సాధించిన మోడీ సర్కార్ నీటి విషయంలో సమాధానం చెప్పుకోలేక తడబడింది. వెనకడుగు వేసింది. ఇక తాజాగా ఎన్నికల సంఘం వ్యవహారశైలిపై వస్తున్న విమర్శలు, ఎన్నికల సంఘం కమిషనర్ల మధ్య విభేదాలు.. మోడీ సర్కార్ ను మరింత డిఫెన్స్ లో పడేశాయి. ఎన్నికల సంఘం పనితీరుపై వెల్లువెత్తుతున్న విమర్శలు మోడీ సర్కార్ అనుసరిస్తున్న విధానాలలోని డొల్లతనాన్నీ, ఆధిపత్య ధోరణినీ ప్రస్ఫుటం చేశాయి. ప్రధాన ఎన్నికల కమిషనర్ జ్ఞానేశ్ కుమార్ రాజీనామా డిమాండ్లు ఇప్పుడు హాట్ టాపిక్‌గా మారాయి. ఓటర్ల జాబితాల సవరణ, ఈవీఎంల పనితీరుపై అనుమానాలు వ్యక్తం చేస్తూ ప్రతిపక్షాలు చేస్తున్న పోరాటం మోడీ సర్కార్ పునాదులను కదిలిస్తున్న పరిస్థితి గోచరిస్తోంది. నీట్, ఎన్నికల సంఘం వివాదాలు కేంద్ర ప్రభుత్వ పతిష్టను మసకబార్చాయి. మరోవైపు వందేమాతరం వివాదం కూడా ప్రభుత్వానికి ఇబ్బందికరంగానే మారింది. పార్లమెంట్‌లో ఈ గీతాలాపనపై జరిగిన చర్చలు దుమారాన్ని రేపాయి. ఈ గీతాన్ని పూర్తిగా పాడాలనే నిబంధనలు తేవడం, చివరి చరణాలలోని పేర్లపై అభ్యంతరాలు వ్యక్తం కావడం దీనికి సంబంధించి కోర్టుల నుంచి వచ్చిన తీర్పులు, ప్రతికూల వ్యాఖ్యలు మోడీ ప్రభుత్వానికి తలనొప్పులు తెచ్చిపెట్టాయి. న్యాయస్థానాలు వ్యక్తం చేసిన అభిప్రాయాలు పాలకుల చర్యలకు అడ్డుకట్ట వేసేలా ఉన్నాయని పరిశీలకులు విశ్లేషిస్తున్నారు. ఈ మొత్తం పరిణామాల నేపథ్యంలో.. ప్రభుత్వం తరఫున వాదనలు వినిపించే తీరు కూడా వివాదాస్పదంగా మారి కొత్త చర్చకు తెరలేపింది. ఒకవైపు దేశాభివృద్ధి, మరోవైపు సాంస్కృతిక జాతీయవాదం అనే అజెండాతో సాగుతున్న మోడీ సర్కార్‌కు ఈ పరిణామాలు స్పీడ్ బ్రేకర్లుగా మారాయి. ఈ వరుస పరిణామాలు ముందుముందు మారనున్న రాజకీయ సమీకరణాలకు సంకేతాలుగా పరిశీలకులు విశ్లేషిస్తున్నారు. కేవలం సంఖ్యాబలం ఉందన్న ధీమాతో ఇష్ఠారీతిగా నిర్ణయాలు తీసుకోవడం, విధానాలు రూపొందించడం వల్లే ఈ పరిస్థితి ఏర్పడిందని అంటున్నారు. ఏ ప్రజలైతే చట్ట సభల్లో మోడీ సర్కార్ కు సంఖ్యాబలం ఇచ్చారో.. ఆ ప్రజలే ఇప్పుడు కేంద్ర విధానాలు, నిర్ణయాలను వ్యతిరేకిస్తున్నారు. ముందు ముందు ఈ వివాదాలు ఏ రూపందాలుస్తాయన్నది చూడాలి. మొత్తం మీద వరుసగా మూడు ఎన్నికలలో మోడీ సర్కార్ పై విశ్వాసం ఉంచి అధికారం కట్టబెట్టిన ప్రజ ఇప్పుడు.. అదే మోడీ సర్కార్ పై ఆగ్రహంతో రగిలిపోతోంది. ప్రజాభీష్ఠానికి విరుద్ధంగా నిర్ణయాలు తీసుకుంటే సహించేది లేదని కుండబద్దలు కొడుతోంది. ఇప్పుడీ సవాళ్లను మోడీ ఎలా ఎదుర్కొని అధిగమిస్తారన్నది ఆసక్తిగా మారింది. [Modi Government, Cisises, NEET Leak Controversy, Election Commission, Vandemataram Song, Opposition, Criticism, People Anger]

Published on: Sat Sep 26, 2026 4:47PM

డబ్బుల కోసం: బెదిరింపులే కారణమా? ఇబ్రహీంపట్నం కూలింగ్ కెనాల్ డెడ్‌బాడీ కేసు మిస్టరీ వీడింది!

ఎన్టీఆర్ జిల్లా ఇబ్రహీంపట్నం పరిధిలో ఇటీవల చోటుచేసుకున్న ఓ ఘటన రెండు తెలుగు రాష్ట్రాల్లోనూ తీవ్ర కలకలం రేపింది. ఎన్‌టీటీపీఎస్ చన్నీళ్ల కాలువలో వేర్వేరు సమయాల్లో మహిళకు సంబంధించిన శరీర భాగాలు లభ్యమవ్వడం స్థానికంగా పెద్ద భయాందోళనలకు దారితీసింది. ముందుగా కాలువలో కేవలం మహిళ మొండెం మాత్రమే కొట్టుకురాగా, సమాచారం అందుకున్న పోలీసులు వెంటనే ఘటనా స్థలానికి చేరుకుని దానిని స్వాధీనం చేసుకుని విజయవాడ ప్రభుత్వ ఆసుపత్రికి తరలించారు. ఆ తర్వాత క్రమంలో శనివారం నాటికి అదే కాలువ సమీపంలో తల, కాళ్లు మరియు చేతులు కూడా లభ్యమయ్యాయి. లభ్యమైన శరీర భాగాల ఆధారంగా ఇది పక్కా ప్రణాళికతో జరిగిన కిరాతక హత్యేనని ప్రాథమికంగా నిర్ధారించిన పోలీసులు దర్యాప్తును ముమ్మరం చేశారు. ఈ దారుణ హత్యకు గురైన బాధితురాలి వివరాలను సేకరించేందుకు పోలీసులు తీవ్రంగా శ్రమించాల్సి వచ్చింది. మృతదేహంపై ఎక్స్‌ఎల్ సైజులో ఉన్న బ్లూ రంగు పంజాబీ టాప్, లెగ్గిన్, బంగారు రంగు ముక్కుపుడక, చెవి రింగులు, గాజులు, వెండి పట్టీలు లభించాయి. అన్నింటికంటే ముఖ్యంగా మృతురాలి చేతిపై స్పష్టంగా ఉన్న నల్లని ఈక (ఫెదర్) టాటూ ఈ కేసును ఛేదించడంలో అత్యంత కీలక మలుపుగా మారింది. మిస్సింగ్ అయిన మహిళల వివరాలను ఆరా తీస్తున్న క్రమంలో, సోషల్ మీడియాలో వైరల్ అయిన ఈ సమాచారాన్ని చూసి గుంటూరు జిల్లా మంగళగిరి చిన్న తాడినాడకు చెందిన 29 ఏళ్ల కళ్యాణి సోదరుడు పోలీసులను సంప్రదించాడు. ఇన్‌స్టాగ్రామ్ ఫొటోల్లో ఉన్న చేతి టాటూను మరియు దుస్తులను సరిపోల్చి, కాలువలో లభించిన శరీర భాగాలు ఈ నెల 17 నుంచి కనిపించకుండా పోయిన తన సోదరి కళ్యాణివేనని గుర్తోప గుర్తించాడు. బాధితురాలి గుర్తింపు తేలడంతో పోలీసులు సాంకేతిక ఆధారాలు మరియు కాల్ డేటా రికార్డులను క్షుణ్ణంగా పరిశీలించారు. ఈ విచారణలో భవానీపురంలో హౌసింగ్ బోర్డు కాలనీ వద్ద మటన్ షాప్ నడిపే షఫీ అనే వ్యక్తి పాత్ర ప్రధానంగా వెలుగులోకి వచ్చింది. భర్తతో విడాకులు తీసుకున్న కళ్యాణికి షఫీతో గతంలో పరిచయం ఏర్పడి, వీరి మధ్య వివాహేతర సంబంధం కొనసాగుతున్నట్లు దర్యాప్తులో తేలింది. విశేషమేమిటంటే కళ్యాణి కుమారుడిని కూడా షఫీనే పెంచుకుంటుండడం, పైగా హోటల్‌లో పనిచేసే కళ్యాణి విలాసవంతమైన జీవితానికి అలవాటుపడి డబ్బుల కోసం షఫీని తీవ్రంగా వేధించడం మొదలుపెట్టింది. ఈ నెల 17వ తేదీ రాత్రి కూడా రూ. 20,000 ఇవ్వాలని, లేకపోతే అత్యాచారం కేసు పెడతానని బెదిరించడంతో షఫీ ఆమెపై తీవ్ర ఆగ్రహానికి గురయ్యాడు. ప్రకాశం బ్యారేజ్ సమీపం నుంచి కళ్యాణిని మాట్లాడదామని నమ్మించి భవానీపురంలోని తన ఇంటికి తీసుకెళ్లిన షఫీ, అక్కడ తీవ్ర ఆగ్రహంతో కత్తితో ఆమె గొంతు కోసి దారుణంగా హతమార్చాడు. ఆ తర్వాత ఘోరమైన నేరాన్ని కప్పిపుచ్చేందుకు తన మటన్ షాప్‌లో పనిచేసే గురువులు అనే వ్యక్తిని ఇంటికి పిలిపించాడు. ఇద్దరూ కలిసి మద్యం సేవించి, మటన్ కొట్టే పదునైన కత్తులతో కళ్యాణి మృతదేహాన్ని మూడు ముక్కలుగా నరికి, ఒక బ్యాగ్‌లో కుక్కి ఆ రాత్రి వేళ ఎన్‌టీపీఎస్ కూలింగ్ కెనాల్‌లో పడేసి వెళ్లిపోయారు. ఈ హత్యాకాండకు గౌస్, ఆదానీ అలీ అనే మరికొందరు కూడా సహకరించినట్లు విచారణలో ప్రాథమికంగా తెలిసింది. చేతిపై ఉన్న ఒక చిన్న టాటూ ఆధారంగా పోలీసులు అత్యంత క్లిష్టమైన ఈ మర్డర్ మిస్టరీని ఛేదించి నిందితులను అదుపులోకి తీసుకున్నారు. [ Andhra Pradesh, NTR District, Ibrahimpatnam, Kalyani Murder Case, Shafi, Guntur, Mangalagiri, NTTP Cooling Canal, Police Investigation, Tattoo Identification ]

Published on: Sat Sep 26, 2026 4:43PM

కన్యాకుమారిలో ఘోరం: రాత్రికి రాత్రే, 944 గ్రాముల పసిడి దోచేసిన దుండగులు!

కన్యాకుమారి జిల్లాలోని ప్రశాంతమైన తమ్మాత్తుకోణం ప్రాంతంలోని వీఐపీ గార్డెన్‌లో ఒక అనూహ్యమైన నేరం చోటుచేసుకుంది. స్థానికంగా ఎంతో గుర్తింపు పొందిన యూట్యూబర్ వినోద్ కుమార్ మరియు ఆయన భార్య మధుమిత నివాసముంటున్న ఇంట్లో భారీ దొంగతనం జరిగింది. రాత్రి వేళ ఇంట్లో ఎవరూ లేని సమయాన్ని పక్కాగా చూసుకుని, గుర్తుతెలియని దుండగులు ఇంటి వెనుక తలుపులు బద్దలుగొట్టి లోపలికి ప్రవేశించారు. ఏమాత్రం సందడి కాకుండా ఇంట్లో దాచి ఉంచిన బంగారు ఆభరణాలు మరియు కట్టల కొద్దీ నగదును దొంగలు సర్దేసుకుని పారిపోయారు. బాధితులు ఇచ్చిన ఫిర్యాదుతో వెలుగులోకి వచ్చిన ఈ ఘటన స్థానికంగా తీవ్ర కలకలం రేపింది. ఈ దోపిడీలో ఎంత సంపద పోయిందో తెలిస్తే ఎవరైనా ముక్కున వేలేసుకోవాల్సిందే. ఏకంగా 118 సవర్ల బంగారాన్ని దొంగలు ఎత్తుకెళ్లారు. దక్షిణ భారతదేశంలో బంగారం బరువును కొలవడానికి ఒక సవర్ అనే పదాన్ని ఉపయోగిస్తారు, ఇది దాదాపు 8 గ్రాములతో సమానం. అంటే ఈ దొంగతనంలో మాయమైన బంగారం ఏకంగా 944 గ్రాములు, అంటే అటూ ఇటూగా పూర్తి ఒక కేజీ బంగారానికి సమానమన్నమాట! ఈ భారీ పసిడితో పాటు ఇంట్లో దాచిన పెద్ద మొత్తంలో నగదును కూడా దుండగులు ఖాళీ చేశారు. ఇంత భారీ మొత్తంలో బంగారం, నగదు ఒకే చోట దొరకడం చూస్తుంటే దొంగలు పూర్తి సమాచారంతోనే వచ్చినట్లు స్పష్టమవుతోంది. సంఘటన గురించి సమాచారం అందుకున్న వెంటనే రాజాక్కమంగళం పోలీసులు హుటాహుటిన రంగాంలోకి దిగారు. ఘటనా స్థలాన్ని నిశితంగా పరిశీలించిన పోలీసులు, క్లూస్ టీమ్‌తో ఆధారాలు సేకరించారు. దొంగలు ఏ సమయంలో వచ్చారు, ఎంతమంది ఈ నేరంలో పాల్గొన్నారు, పారిపోవడానికి ఏ దారిని ఉపయోగించారు అనే విషయాలపై దర్యాప్తు వేగవంతం చేశారు. చుట్టుపక్కల ప్రాంతాల్లో ఉన్న సీసీటీవీ కెమెరాల ఫుటేజీలను జల్లెడ పడుతూ అనుమానితుల కదలికలను గుర్తించేందుకు తీవ్రంగా శ్రమిస్తున్నారు. నేరస్థులు పక్కా ప్లాన్‌తో ఇంటి వెనుక వైపు నుంచి రావడం చూస్తే ముందే రేకీ నిర్వహించి ఉంటారని పోలీసులు ప్రాథమికంగా భావిస్తున్నారు. అయితే ఈ కేసులో పోలీసులను మరియు ప్రజలను అత్యంత ఆశ్చర్యానికి గురిచేస్తున్న అంశం మరోకటి ఉంది. ఈ యూట్యూబర్ దంపతులు తమ సోషల్ మీడియా రీల్స్ మరియు వీడియోల్లో తరచుగా కిలోల కొద్దీ బంగారు నగలు, నోట్ల కట్టలను ప్రదర్శిస్తూ విపరీతమైన హడావుడి చేసేవారని సమాచారం. సోషల్ మీడియాలో వ్యూస్, లైక్స్ కోసం చూపించిన ఈ ఆడంబరాలే దొంగలకు సులువైన దారి చూపించాయా అనే కోణంలో పోలీసులు లోతుగా విచారణ జరుపుతున్నారు. డిజిటల్ దునియాలో పాపులారిటీ కోసం చేసే ప్రదర్శనలు చివరకు కంటిమీద కునుకు లేకుండా చేసే ప్రమాదాలను తెచ్చిపెడతాయని ఈ భయంకర సంఘటన మరోసారి హెచ్చరిస్తోంది. [ Kanyakumari, Thammathukonam, Vinod Kumar, Madhumitha, YouTuber House Robbery, Gold Theft, 118 Sovereigns, Cash Theft, Rajakkamangalam Police, CCTV Investigation ]

Published on: Sat Sep 26, 2026 4:26PM

హైదరాబాద్‌లో, చిన్నారిపై అక్రమం: నిందితుడిని అదుపులోకి తీసుకున్న పోలీసులు!

హైదరాబాద్ నగరం పరిధిలోని కాచిగూడ పోలీసు స్టేషన్ సరిహద్దుల్లో ఇటీవల చోటుచేసుకున్న ఒక దిగ్భ్రాంతికర ఘటన స్థానిక ప్రజలను తీవ్ర కలవరానికి గురిచేసింది. నగరంలోని నింబోలి అడ్డా ప్రాంతంలో ఒక చిన్నారి బాలుడిపై అక్రమ చర్య జరిగిందనే వార్త వెలుగులోకి రావడంతో ఒక్కసారిగా స్థానికంగా తీవ్ర సంచలనం రేగింది. సమాజంలో పిల్లల రక్షణ, భద్రత ఎంత ప్రాముఖ్యమైనవో, అలాగే తల్లిదండ్రుల అప్రమత్తత ఎంత అవసరమో ఈ ఘటన మరోసారి ఎలుగెత్తి చాటుతోంది. నిత్యం రద్దీగా ఉండే నగర ప్రాంతాలలో కూడా చిన్నారుల పట్ల జరిగే అపచారాలు సమాజాన్ని తీవ్రంగా ఆలోచింపజేస్తున్నాయి. ఈ నేపథ్యంలో పోలీసులు వేగంగా స్పందించి కేసు నమోదు చేసి దర్యాప్తును వేగవంతం చేశారు. బాధితుడు మరియు పోలీసు వర్గాలు తెలిపిన వివరాల ప్రకారం, ఈ విచారకర ఘటన కాచిగూడ పోలీస్ స్టేషన్ పరిధిలోని నింబోలి అడ్డా ప్రాంతంలో చోటుచేసుకుంది. ఈ కేసులో నిందితుడిగా జి. అవంతిక భార్గవ్ అలియాస్ శ్రవణ్ కుమార్ అనే 33 ఏళ్ల ట్రాన్స్ జెండర్ వ్యక్తిపై తీవ్రమైన ఆరోపణలు వచ్చాయి. నింబోలి అడ్డా ప్రాంతంలో నివసిస్తున్న ఈ 33 సంవత్సరాల నిందితుడు స్థానిక బాలుడిపై లైంగిక దాడికి ఒడిగట్టినట్లు పోలీసులు ప్రాథమికంగా గుర్తించారు. చిన్నారిపై జరిగిన ఈ అమానుష చర్య గురించి తెలుసుకున్న బాలుడి తల్లిదండ్రులు తీవ్ర దిగ్భ్రాంతికి గురయ్యారు. ఏ మాత్రం ఆలస్యం చేయకుండా వారు వెంటనే స్థానిక కాచిగూడ పోలీసు స్టేషన్‌ను ఆశ్రయించి నిందితుడిపై సమగ్రమైన ఫిర్యాదును అందజేశారు. తల్లిదండ్రుల ఫిర్యాదు స్వీకరించిన వెంటనే కాచిగూడ పోలీసులు అత్యంత వేగంగా స్పందించారు. చట్టపరమైన నిబంధనల ప్రకారం, ప్రత్యేకించి చిన్నారులపై జరిగే నేరాలకు సంబంధించిన కఠిన చట్టాల క్రింద కేసు నమోదు చేసి నిష్పాక్షిక దర్యాప్తును ప్రారంభించారు. పోలీసులు వెంటనే రంగంలోకి దిగి, నిందితుడు జి. అవంతిక భార్గవ్ అలియాస్ శ్రవణ్ కుమార్‌ను తమ అదుపులోకి తీసుకున్నారు. ప్రస్తుతం నిందితుడిని సుదీర్ఘంగా విచారిస్తూ, ఘటన వెనుక ఉన్న పూర్తి వివరాలను సేకరించే పనిలో పోలీసులు నిమగ్నమయ్యారు. ఈ కేసులో అవసరమైన ఆధారాలను సైతం సేకరించి, నిందితుడికి చట్టప్రకారం కఠిన శిక్ష పడేలా న్యాయపరమైన చర్యలు వేగవంతం చేస్తున్నారు. ఈ ఘటన కాచిగూడ మరియు పరిసర ప్రాంతాలలో తీవ్ర చర్చనీయాంశంగా మారడమే కాకుండా, కాలనీల్లో చిన్నారుల భద్రతపై ఆందోళనలను పెంచింది. సమాజంలో పిల్లల రక్షణ విషయంలో తల్లిదండ్రులు, కాలనీవాసులు ఎల్లవేళలా అప్రమత్తంగా ఉండాలని నిపుణులు సూచిస్తున్నారు. చిన్నారుల ప్రవర్తనలో ఏవైనా మార్పులు కనిపిస్తే లేదా వారు అసౌకర్యంగా భావిస్తే వెంటనే గమనించి, వారి నుంచి విషయాలను తెలుసుకోవడం అత్యంత అవసరమని చెబుతున్నారు. ఇటువంటి అక్రమ ఘటనలు పునరావృతం కాకుండా ఉండటానికి పోలీసులు రాత్రింబవళ్లు నిఘాను పెంచాలని స్థానికులు కోరుతున్నారు. చిన్న పిల్లలపై నేరాలకు పాల్పడే వారిపై చట్ట ప్రకారం కఠినమైన శిక్షలు అమలు చేసినప్పుడే ఇటువంటి ఘటనలకు అడ్డుకట్ట పడుతుందని స్థానికులు అభిప్రాయపడుతున్నారు. హైదరాబాద్ నగరంలో శాంతిభద్రతల పరిరక్షణతో పాటు చిన్నారుల రక్షణ కోసం పోలీసు యంత్రాంగం ప్రత్యేక చర్యలు చేపడుతోంది. అత్యవసర సమయాల్లో లేదా ఏదైనా అనుమానాస్పద ఘటనలు జరిగినప్పుడు తక్షణమే పోలీసు హెల్ప్‌లైన్ నంబర్ 100 లేదా చైల్డ్‌లైన్ నంబర్ 1098 కు సమాచారం అందించాలని అధికారులు ప్రజలకు విజ్ఞప్తి చేస్తున్నారు. కాచిగూడ ఘటనలో నిందితుడిపై త్వరితగతిన విచారణ పూర్తి చేసి బాధిత బాలుడికి పూర్తిస్థాయిలో న్యాయం చేకూర్చడానికి అధికారులు కట్టుబడి ఉన్నారని స్థానిక పోలీస్ యంత్రాంగం వెల్లడించింది. ప్రతి ఒక్కరూ తమ పరిసరాల్లోని వాతావరణంపై దృష్టి సారించి చిన్నారులకు సురక్షితమైన సమాజాన్ని అందించాల్సిన బాధ్యత అందరిపైనా ఉంది. [ Hyderabad, Kachiguda Police, Nimbolli Adda, Child Safety, Child Protection, POCSO Act, Sexual Assault Case, Hyderabad Crime, Police Investigation, Childline 1098 ]

Published on: Sat Sep 26, 2026 4:15PM

సంక్షోభాలే అవకాశాలు: చంద్రబాబు క్రైసిస్ మ్యాన్.. లోకేష్ డోలో 250 మ్యాన్.!

ఆంధ్రప్రదేశ్ రాజకీయాల్లో ముఖ్యమంత్రి నారా చంద్రబాబు నాయుడుది దశాబ్దాల సుదీర్ఘ ప్రస్థానం. క్లిష్టమైన పరిస్థితులను ఎదుర్కొంటూ రాష్ట్రాన్ని ముందుకు నడిపించడంలో ఆయనకు ఆయనే సాటి. ఎంతటి సంక్షోభాన్నైనా సంయమనం కోల్పోకుండా అధిగమించడం, ఆ సంక్షోభాన్నే అవకాశంగా మలచుకుని ముందుకు సాగడం ఆయన నైజం. ఎంతటి క్షిష్టమైన సమస్యనైనా పరిష్కరించగలిగే నేర్పు, ఎంతటి సంక్షోభాన్నైనా తట్టుకునిముందుకు సాగే సామర్ధ్యం కారణంగానే ఆయనకు పొలిటికల్ సర్కిల్స్ లొ క్రైసిస్ మ్యాన్ అన్న గుర్తింపు వచ్చింది. ఇక ఇప్పుడు చంద్రబాబు తనయుడు, తెలుగుదేశం కార్యనిర్వాహక అధ్యక్షుడు, మంత్రి నారా లోకేష్ సైతం అదే బాటలో నడుస్తున్నారు. పారిశ్రామికవేత్తలు, ఇన్వెస్టర్ల సమస్యలను పరిష్కరించే విషయంలో లోకేష్ తనను తాను డోలో 650 మ్యాన్ గా ఆయన అభివర్ణించుకున్నారు. సాధారణంగా జ్వరం, ఒళ్లు నొప్పులు వంటి సమస్యలకు డోలో 650 తక్షణ ఉపశమనాన్ని ఇస్తుంది. ఇదే విషయాన్ని ఉదహరిస్తూ నారా లోకేష్ తాను కూడా పారిశ్రామిక రంగంలో అదే పాత్ర పోషిస్తున్నానని చమత్కరించారు. రాష్ట్రంలో పెట్టుబడులు పెట్టేందుకు వచ్చే పారిశ్రామికవేత్తలు, ఇన్వెస్టర్లకు ఇబ్బంది వస్తే.. తనకు ఫోన్ చేస్తారని, తక్షణమే ఆ సమస్యను పరిష్కరించేందుకు తాను ముందుంటానని లోకేష్ చెప్పుకొచ్చారు. తెలుగుదేశం కూటమి ప్రభుత్వం అధికారంలోకి వచ్చిన నాటి నుంచీ పారిశ్రామిక రంగం జోరందుకుంది. పెట్టుబడుల ప్రవాహం వరదనున తలపిస్తోంది. ఇదంతా లోకేష్ చొరవ ఫలితమే పరిశ్రమల ఏర్పాటులో ఎదురయ్యే అడ్డంకులను తొలగించడంలో, అధికారులతో సమన్వయం చేసుకుంటూ ముందుకు వెళ్లడంలో లోకేష్ అనితర సాధ్యమన్న రీతిలో ముందుకు సాగుతున్నారు. రాష్ట్రానికి పెట్టుబడులను ఆకర్షించడంతో పాటు, ఇప్పటికే ఒప్పందాలు కుదుర్చుకున్న ప్రాజెక్ట్‌లను గ్రౌండింగ్ చేసే దశలో ఎలాంటి జాప్యం జరగకుండా లోకేష్ స్వయంగా పర్యవేక్షిస్తూ, పనులను పరుగులెట్టిస్తున్నారు. ఇన్వెస్టర్లకు క్షేత్రస్థాయిలో ఎదురయ్యే సమస్యలను ఎలాంటి జాప్యం లేకుండా ఎప్పటికప్పుడు పరిష్కరిస్తూ, ఇన్వెస్టర్లలో భరోసా నింపుతున్నారు. పెట్టుబడుల సాధనే ధ్యేయంగా ఆయన అనుసరిస్తున్న విధానం పారిశ్రామిక వర్గాల ప్రశంసలు అందుకుంటోంది. వ్యాపార ప్రక్రియ వేగవంతంగా సాగేలా చూస్తూ, కొత్త అవకాశాలను సృష్టించడమే లక్ష్యంగా లోకేష్ అడుగులు వేస్తున్నారు. తండ్రి చంద్రబాబు నాయుడు రాజకీయ శైలి నుంచి లోకేష్ ఈ లక్షణాలను పుణికిపుచ్చుకున్నారన్న చర్చ జోరుగా సాగుతోంది. ప్రస్తుతం ఏపీలో సరికొత్త పారిశ్రామిక విధానాలు అమలవుతున్న తరుణంలో, ఇన్వెస్టర్లకు నారా లోకేష్ ఇస్తున్న భరోసా ఏపీ సర్వతోముఖాభివృద్ధికి దోహదపడుతుందని పరిశీలకులు విశ్లేషిస్తున్నారు. కేవలం రాజకీయ విమర్శలకు పరిమితం కాకుండా, రాష్ట్రానికి పరిశ్రమలను తీసుకు రావడంలోనూ, ఆ క్రమంలో ఏవైనా సమస్యలు ఎదురైతే వాటిని అక్కడికక్కడే పరిష్కరించడంలోనూ లోకేష్ చొరవ తండ్రి చంద్రబాబును మించి ఉంటుందని పరిశీలకులు చెబుతు న్నారు. లోకేష్ తనకు తాను తగిలించుకున్న డోలో 650 మ్యాన్ ట్యాగ్ ఆయనకు అతికినట్లు సరిపోయిందంటున్నారు. [AP CM CBN Crisis Man, Nara Lokesh, Dolo 650 Man, AP Investments, Investor Meet, Andhra Pradesh Industries, Investments, Troubleshoot, Telugu One]

Published on: Sat Sep 26, 2026 4:11PM

డిజిటల్ సీఎం నుంచి రైతు బాంధవుడి వరకూ: నారా చంద్రబాబు ప్రస్ధానం.!

తెలుగు రాష్ట్రాల్లో ఇన్ఫర్మేషన్ టెక్నాలజీ విప్లవానికి నాంది పలికి, హైదరాబాద్‌ను ప్రపంచ ఐటీ మ్యాప్‌లో నిలబెట్టిన నాయకుడిగా, దార్శనికుడిగా చంద్రబాబుకు తిరుగులేనిగుర్తింపు ఉంది. ఉమ్మడి ఆంధ్రప్రదేశ్ విభజన తర్వాత నవ్యాంధ్ర ప్రదేశ్ ముఖ్యమంత్రిగా బాధ్యతలు చేపట్టిన ఆయన, రాష్ట్ర సమగ్రాభివృద్ధి కోసం నిరంతరం శ్రమిస్తున్నారు. రాజకీయ ప్రత్యర్థులు సైతం ఆయనను టెక్నాలజీ పట్ల మక్కువ గల నేతగా అభివర్ణిస్తుంటారు. ఆయన దార్శనికతను అభినందిస్తారు. 2014లో నవ్యాంధ్రప్రదేశ్ తొలి ముఖ్యమంత్రిగా ఆయన పేరు తప్ప మరేమీ మిగలని ఆంధ్రప్రదేశ్ ను గాడిలో పెట్టేందుకు నిరంతరం శ్రమించారు. 2019 ఎన్నికలలో ఓటమి తరువాత పలు సంక్షోభ పరిస్థితులను ఎదుర్కొన్నారు. 2024 ఎన్నికలలో విజయం తరువాత.. చంద్రబాబు పని తీరులో సమూల మార్పు వచ్చింది. పరిశీలకులు ఆయన ప్రస్తుత పాలనను చంద్రబాబు 2.0 అంటున్నారు. ఏకకాలంలో టెక్నాలజీకి, వ్యవసాయానికీ, ఇరిగేషన్ కు ప్రాధాన్యత ఇస్తూ ముందుకు సాగుతున్నారు. వ్యవసాయ రంగానికి పెద్దపీఠ వేసేలా చంద్రబాబు 35 వేలకోట్ల రూపాయల అంచనాతో సాగునీటి రోడ్‌మ్యాప్‌ను ప్రకటించారు. దీని ద్వారా రాష్ట్రవ్యాప్తంగా పెండింగ్‌లో ఉన్న 36 సాగునీటి ప్రాజెక్టులను వేగంగా పూర్తి చేయాలని లక్ష్యంగా పెట్టుకున్నారు. అంతేకాకుండా.. దేశంలోనే తొలిసారిగా ఆంధ్రప్రదేశ్‌లో ఇరిగేషన్ అండ్ వాటర్ క్యాలెండర్ ను అందుబాటులోకి తెచ్చారు. ఈ విధానం ద్వారా అన్నదాతలు తమ పంటల సాగుకు సంబంధించి శాస్త్రీయంగా ముందస్తు ప్రణాళిక చేసుకునే అవకాశం లభిస్తుంది. ఈ ప్రణాళికలో ముఖ్యంగా కరువు పీడిత ప్రాంతమైన రాయలసీమకు చంద్రబాబు ప్రాధాన్యత ఇచ్చారు. హంద్రీ నీవా సుజల స్రవంతి, వెలిగొండ ప్రాజెక్టుల పనులను వేగవంతం చేసి, అదనంగా 52 టీఎంసీల నీటి నిల్వ సామర్థ్యాన్ని పెంచే దిశగా అడుగులు వేస్తున్నారు. దీనివల్ల దాదాపు 14 లక్షల ఎకరాలకు సాగునీరు అందనుంది. అదేవిధంగా, కృష్ణా-గోదావరి బేసిన్ పరిధిలో కాల్వల ఆధునీకరణ, నదుల అనుసంధాన పనులను కూడా వేగవంతం చేశారు. రైతులు లాభాలు గడించేందుకు వీలుగా రాయితీపై మైక్రో ఇరిగేషన్ విధానాన్ని ప్రోత్సహిస్తున్నారు. వర్షపాతం నమోదు, జలాశయాల నీటి మట్టాలు, నీటి వినియోగంపై ఎప్పటికప్పుడు నిఘా ఉంచేందుకు ఆర్టిఫిషియల్ ఇంటెలిజెన్స్ పరిజ్ఞానాన్ని ఉపయోగిస్తున్నారు. రైతు ఉత్పత్తిదారుల సంఘాల ద్వారా ప్రభుత్వ పథకాలను సమర్థవంతంగా అమలు చేయడం ద్వారా వ్యవసాయాన్ని మరింత లాభసాటిగా మార్చవచ్చని చంద్రబాబు ధీమాగా చెబుతున్నారు. గతంలో వైసీపీ చంద్రబాబుపై వేసిన వ్యవసాయ వ్యతిరేకి అనే ముద్రను చంద్రబాబు తన నిర్ణయాల ద్వారా పూర్తిగా చెరిపేశారు. టెక్నాలజీతో పాటు వ్యవసాయాన్ని సమాంతరంగా అభివృద్ధి చేస్తూ ఆయన తన కార్పొరేట్ ఇమేజ్‌ ను అలాగే కాపాడుకుంటూ.. అచ్చమైన రైతు నేతగా ట్రాన్స్ ఫారమ్ అయ్యారు. జాతీయ స్థాయి మీడియా సంస్థలు సైతం చంద్రబాబు నాయుడు తీసుకుంటున్న ఈ నిర్ణయాలను ప్రముఖంగా ప్రశంసిస్తున్నాయి. [Chandrababu Naidu, Digital CM, Transform, Farmer Friend, Andhra Pradesh agriculture, irrigation projects, Rayalaseema irrigation, AP news, Telugu One]

Published on: Sat Sep 26, 2026 3:34PM