Home  
Latest News

ఓర్నాయ‌నో ఇదేం స‌ర‌దా..!

మ‌మ్ముమ్ముద్దంటే చేదా.. అంటూ పాత సినిమాలో నాగేశ్వ‌ర్రావు ఓ పిల్ల‌ని అడిగిన ప్ర‌శ్న‌తో అప్ప‌టి మ‌హి ళా లోకం అమాంతం ఆగ్ర‌హించింది. త‌మ న‌వ‌లా కథా నాయ‌కుడు ఇలాంటి వేషాలేయ‌డ మేమి ట‌ని. ఆ త‌ర్వాత చిరు ఏకంగా ముద్దులే పెట్టేయ‌డం కుర్రాళ్ల‌ని వీలైనంత రెచ్చ‌గొట్ట‌డం సాధార‌ణ‌మైంది. వెర‌సి ముద్దు అనేది అదేమంత ప్ర‌మాద‌క‌రం, అస‌హ్యించుకుని త‌ల‌తిప్పేసుకునే విష‌యం కాద‌ని ఇప్ప‌టి యువ‌త ప్ర‌క‌ట‌న‌. అందుకు తాజా ఉదాహ‌ర‌ణ క‌ర్ణాట‌క మంగ‌ళూరులో ఒక క‌ళాశాల విద్యార్ధుల వీడియో హ‌డావుడి.  కాస్తంత మ‌ర్యాద‌స్తుల్లానే ఉన్నార‌ని ఒక అపార్ట్‌మెంట్ వారు కాలేజీ పిల్ల‌ల్ని అనుమ‌తించారు. కానీ వారి స‌ర‌దాలు, ఆట‌ల మ‌ధ్య‌లో ఏకంగా లిప్‌లాకింగ్ పోటీలు పెట్టుకోవ‌డం సీరియ‌స్ విష‌య‌మైంది. కుర్రాళ్ల‌కి, అమ్మాయిల‌కి బ‌హు స‌ర‌దా స‌మాచార‌మే కావ‌చ్చు. కానీ దాని ప‌ర్య‌వసానం ఆలోచించారా?    తెలుసునా అన్న‌దే అనుమానం. ఎందుకంటే ఆ పిల్ల‌ల త‌ల్లిదండ్రులు దీన్ని గురించి పోలీసుల‌కీ ఫిర్యాదు చేయ లేద‌ట‌! కాలేజీ పిల్ల‌లు గాఢ‌ప‌రిష్వంగంలో ముద్దు మాయ‌లో ప‌డిపోయారు. చుట్టూ కొంద‌రు చేరి కేక‌లు వేస్తూ, ఈల‌లు వేస్తూ గోల చేస్తున్నారు. వారిలో ఒక‌డు ఇంత‌కంటే గొప్ప చిత్రం ఉండ‌ద‌నుకున్నాడు. అంతే ఆ సీన్‌ని వీడియో తీసి జ‌నాల్లోకి వ‌దిలేడు. అది వైర‌ల్ అయి ఆ ముద్దుల జంట లోక‌ప్ర‌సిద్ధ‌మైంది.  అది ముద్దుల పోటీ  అని పోలీసులు తెలప‌డ‌మే చిత్రం. అయినా యువ‌త ఈ విధంగా వికృతంగా ఆనందం చేసుకోవ‌డం నేరం కాకుండా పోతుందా?  ఈ వీడియో తీసిన యువకుడిని  అదుపులోకి  తీసుకున్న పోలీ సులు  ప్రశ్నిస్తున్నారు.  అయితే, ఈ వీడియో ఇప్పటిది కాదని, ఆరు నెలల క్రితం నాటిదని మంగళూరు పోలీస్ కమిషనర్ ఎన్.శశి కుమార్ తెలిపారు. వారంరోజుల క్రితం ఈ వీడియోను యువకుడు వాట్సాప్‌లో షేర్ చేయడంతో అది కాస్తా వైరల్ అయింది. ఈ ఘటనను తీవ్రంగా పరిగణించిన కాలేజీ యాజమాన్యం వారిని హెచ్చ రించి కాలేజీ నుంచి తొలగించింది.   అయితే, ఈ ముద్దుల కాంపిటిషన్‌పై విద్యార్థుల తల్లిదండ్రులు కానీ, కాలేజీ యాజమాన్యం  కానీ ఇప్పటి వరకు ఫిర్యాదు చేయలేదని కమిషనర్ తెలిపారు. కిస్సింగ్ కాంపిటిషన్ సందర్భంగా విద్యార్థులు ఏమైనా డ్రగ్స్ ఉపయోగించారా? అన్న కోణంలో పోలీసులు దర్యాప్తు చేస్తున్నారు.

జ‌గ‌న్... వీళ్లా మీ నాయ‌కులు..!

ఏమండి బాగున్నారా? .. చ‌దువుకున్న‌వారు, మ‌ర్యాద తెలిసిన‌వారి సాధార‌ణ ప‌ల‌క‌రింపు.  అంకుల్ పింకీ ఉందా.. ఏడో త‌ర‌గ‌తి పిల్లాడు అడిగే తీరు, ఆంటీ సుజీ కాలేజీకి వ‌స్తుందా.. ఇంట‌ర్ విద్యార్ధిని  అడిగే ప్ర‌శ్న‌.. మాన‌వ స‌మాజంలో కాస్తంత స్పృహ ఉన్న‌వారంతా ఇలానే ప్ర‌శ్నిస్తారు, ప‌ల‌క‌రిస్తారు. కానీ అస‌లు మాన‌వ స‌మాజంలో లేన్న‌ట్టుగా వ్య‌వ‌హ‌రిస్తూ, ఇత‌రుల‌ను దారుణంగా తిట్ల పురాణంతో అసభ్యంగా మాట్లా డేవారినీ ఇప్పుడు చూడాల్సి వ‌స్తోంది, వినాల్సివ‌స్తోంది. చిత్ర‌మేమంటే అలాంటివారిని రాజ‌కీ యా ల్లోకి  కండువా క‌ప్పి మ‌రీ ఆహ్వానించి ప్రోత్సహించడం జ‌రుగుతోంది. అందుకు వైసీపీ పార్టీ యే ఉదాహరణ. మ‌నిషి అన్న వాడు ఎవ్వ‌రూ బొత్తిగా విన‌కూడ‌ని, అస్స‌లు అంగీక‌రించ‌ని ప‌ద‌ జాలంతో ప్రత్యర్థి పార్టీ  నేతల మీద విరుచుకుప‌డే వారిని ఏరి కోరి పార్టీలోకి తీసుకుంటున్న ఘ‌న‌త జగన్ సారథ్యంలోని వైసీపీకే ద‌క్కుతుంది.   నోటి దూల ఎక్కువ ఉన్నవారంతా  ఆ పార్టీ వారిలో ఉన్నారా అనిపించే పరిస్థితులు ఉన్నాయి. ఇలాంటి వారినా ప్ర‌జా నాయ కులుగా చ‌లామ‌ణీ అయ్యేందుకు అవ‌కాశం ఇస్తున్నామ‌న్న భ‌యాందోళ‌న‌లు ప్ర‌జ‌ల‌ వంత‌యింది.  తాజాగా రోజా రాణి అనే వైసీపీ నాయ‌కురాలు తెలుగు మ‌హిళ రాష్ట్ర అధ్య‌క్షురాలు అనిత  మీద విరుచు కు ప‌డ్డారు. ఏకంగా బూతుల పురాణంతో  ప్ర‌సంగమంతా సాగింది. విమ‌ర్శించ‌డానికి, బూతులు తిట్టడానికి  వ్య‌త్యాసం తెలీకుండా, నోటికి వ‌చ్చిన బాషా  చాతుర్యాన్ని ప్ర‌ద‌ర్శించ‌డం ద్వారా స‌ద‌రు వైసీ పీ నాయ‌కురాలు తన తీరును తన సంస్కారాన్ని జనం ముందు బయటపెట్టుకున్నారు.    ఏక‌వ‌చ‌నంతో సంబోధించడం,  బూతుల‌తో రెచ్చిపోవడమే మీడియా సమావేశం సాక్షిగా  ప్ర‌సంగం అంతా సాగింది. విప‌క్షాల మీద దూకుడుగా విమ‌ర్శ‌లు చేయాలంటే ఇంత దారుణ‌మైన‌, ద‌రిద్ర‌మైన భాష‌ను  ఉప‌యో గించాల‌ని ఆమెకు ఎవ‌రు స్క్రిప్ట్ రాసిచ్చారోగాని వారికి క‌నీసం మ‌నిషి ల‌క్ష‌ణాలు ఉంట‌య‌న‌డం క‌ష్టం.  త‌మ నాయ‌కుల మీద‌, వారి ప‌రిపాల‌నా చాతుర్యం మీదా అపార భ‌క్తి ఉండ‌వ‌చ్చు. అలాగ‌ని విప‌క్షాల‌ను అప‌హాస్యం చేయ‌డానికి, వారి ప‌ట్ల ఆగ్ర‌హం వ్య‌క్తం చేయ‌డానికి ఒక ప‌ద్ధ‌తి పాడూ ఉండాల‌న్న ఇంగిత జ్ఞానం లేని మ‌నుషుల‌ను నాయ‌కులుగా త‌యారుచేయ‌డంలో వైసీపీ దే  సిద్ధ హ‌స్తం అనాలేమో. రాజ‌కీ యాలు, ప‌థ‌కాలు లేదా మ‌రో అంశాల గురించి  విప‌క్షాల విమ‌ర్శ‌ల మీద త‌మ అభిప్రాయాలు, లేదా ప్ర‌తి విమ‌ర్శ‌లు చేయ‌డానికి ఒక ప‌ద్ధ‌తి అంటూ ఉంటుంది. అది రాజ‌కీయాలు తెలిసిన‌వారికి,  ఇత‌రుల‌ను గౌర‌వించాల‌న్న జ్ఞానం ఉన్న‌వారికే తెలుస్తుంది. కానీ తాజాగా వైసీపీలో మ‌రో అజ్ఞాని, తిట్ల పురాణంలో ఆరితేరిన ఒక మ‌హా నాయ‌కురాలిని చూడాల్సి వ‌స్తోంది. మొన్న‌టి దాకా అనీల్ కుమార్ యాద‌వ్‌, కొడాలి నాని భాషా చాతుర్యం విని   సిగ్గుతో, అసహ్యంతో  టీవీలు క‌ట్టేసిన జ‌నం ఇపుడు రోజా రాణి అనే   వైసీపీ నాయ‌కురాలి భాష వింటే  రాష్ట్రంలో మ‌హిళ‌లు టీవీలు ప‌గ‌ల‌గొట్టేస్తారేమో. అసలు ఇలాంటి వారికి పార్టీ కండువా కప్పి, పార్టీ ఆఫీస్ లో ప్రెస్‌మీట్ పెట్టంచిన పార్టీ జనానికి ఏ సంకేతాలిస్తోంది.  సామాజిక మాధ్యమాల్లో అధికార పార్టీనికాని, ప్రభుత్వాన్ని కానీ, ప్రజాస్వామ్య బద్ధంగా విమర్శించినా నోటీసులు, కేసులు అంటూ హడావుడి చేసే పోలీసు వ్యవస్థకు  ఇలా వ్యక్తిగత  విమర్శలు, అసభ్య పదజాలంతో కించపరుస్తూ వ్యక్తిత్వ హననం చేసే వారిపై చట్ట ప్రకారం చర్యలు తీసుకొనే చేవ ఉందా ?   అస‌లు ఇలాంటి నాయ‌కుల‌ను పార్టీలోకి ఎలా తీసుకుంటున్నార‌న్న‌దే రాజ‌కీయ ప‌రిశీల‌కుల ప్ర‌శ్న‌. దీనికి స‌ద‌రు పార్టీ అధినేత జగన్ స‌మాధానం చెప్పాలి.  సభ్య సమాజం సిగ్గుతో తలదించుకోవాల్సి ప‌రిస్థితికి రాజ‌కీయాల‌ను తీసికెళుతున్న‌వారికి ప్ర‌జ‌ల హృద‌యాల్లో స్థానం ఎలా ఉంటుంది?    

కాళేశ్వరంకు జాతీయ హోదా అర్హత లేదు.. తేల్చేసిన కేంద్రం

కాళేశ్వరం ప్రాజెక్టు విషయంలో తెలంగాణ సీఎం కేసీఆర్ మాటల్లోని డొల్ల తనం ఇటీవలి వరదలు బయట పెట్టేశాయి. కాళేశ్వరం వైఫల్యాల నుంచి ప్రజల దృష్టిని మరల్చడానికి నానా తంటాలూ పడుతూ పోలవరం ప్రాజెక్టు ను తెరపైకి తీసుకువచ్చి సెంటిమెంట్ తో కొడదామన్న కేసీఆర్ ప్రయత్నాలకు అనుకోని విధంగా ఎదురు దెబ్బ తగిలింది. లోక్ సభ సాక్షిగా కేంద్రం కాళేశ్వరం విషయంలో కేసీఆర్ గాలిని పూర్తిగా తీసేసింది. లోక్ సభలో కాళేశ్వరం ప్రాజెక్టుకు జాతీయ హోదా గురించి కాంగ్రెస్ ఎంపీ ఉత్తమ్ కుమార్ అడిగిన ప్రశ్నకుకేంద్ర జలశక్తి శాఖ మంత్రి తుడు ఇచ్చిన జవాబుతో కాళేశ్వరం ప్రాజెక్టుకు జాతీయ హోదా ప్రశక్తే లేదని తేటతెల్లమైపోయింది. ఆయన ఇచ్చిన జవాబుతో కాళేశ్వరం ప్రాజెక్టుకు దాదాపుగా ఏ అనుమతులూ లేవనీ తేలిపోయింది. కేవలం రీ డిజైనింగ్ తో ప్రాజెక్టు నిర్మించేశారనీ, ఆ ప్రాజెక్టు పెట్టుబడులకు కేంద్రం నుంచి క్లియరెన్స్ లేదనీ మంత్రి పార్లమెంటు సాక్షిగా కుండ బద్దలు కొట్టేశారు. దీంతో ఒక విధంగా ఆయన కాళేశ్వరం ప్రాజెక్టు అక్రమ ప్రాజెక్టు అని తేల్చేశారని చెప్పవచ్చు. ఇంత కాలంగా రాష్ట్రంలో విపక్షాలు అటువంటి విమర్శలే చేస్తున్నారు. కేంద్ర మంత్రి లోక్ సభ సాక్షిగా ఇచ్చిన లిఖిత పూర్వక హామీతో కాళేశ్వరంకు జాతీయ హోదా అన్నది అసలు పరిగణనలోనే లేదని తేటతెల్లమైపోయింది. మామూలు పరిస్థితుల్లో అయితే తెరాస కేంద్ర మంత్రి సమాధానంపై మిన్నూ మన్నూ ఏకమయ్యేలా తెలంగాణ ఆత్మగౌరవానికి భంగం అంటూ విమర్శల నిప్పులు చెరిగేసేది.. కానీ ఇప్పుడు తెరాస డిఫెన్స్ లో ఉంది. కేంద్ర మంత్రి లేఖను అవకాశంగా తీసుకుని కేంద్రంపై విమర్శలతో చెలరేగడానికి అవకాశం లేని పరిస్థితుల్లో ఉంది. ఇటీవలి వరదలకు కాళేశ్వరం ముంపునకు గురి కావడమే కాకుండా పంప్ హౌస్ లు, మోటార్లు నీట మునిగి పనికి రాకుండా పోయాయి. అవి ఎప్పటికి పునరుద్ధరింబడతాయో  తెలియదు. అసలు అవి మళ్లీ పని చేస్తాయా అన్న ప్రశ్నకు ఇరిగేషన్ అధికారులే సరైన సమాధానం ఇవ్వలేక నీళ్లు నములుతున్నారు. వాటికి మరమ్మతులు చేయడం అయ్యే పని కాదని ఆ రంగానికి చెందిన నిపుణులు అంటున్నారు. వాటికి మరమ్మతులకే వేల కోట్ల రూపాయలు వ్యయం చేయాల్సి ఉంటుందని మరి కొందరు అంటున్నారు. నీటి పారుదల శాఖ అధికారులైతే మరో ఆరు నెలల వరకూ   కాళేశ్వరం ప్రాజెక్టు గురించి మర్చిపోవడమే మంచిదన్నట్లుగా వ్యాఖ్యానిస్తున్నారు. సరిగ్గా ఈ పరిస్థితుల్లో సరైన అనుమతులు లేకుండానే, రీడిజైనింగ్ అంటూ కాళేశ్వరంనిర్మించేశారనీ, దానికి జాతీయ హోదా ఇచ్చే అవకాశమే లేదనీ కేంద్రం స్పష్టం చేసేసింది. దీంతో ఇప్పటి వరకూ పోలవరంపై విమర్శలు గుప్పిస్తున్న కాంగ్రెస్ కు కేంద్రం మరింత పదునైన అస్త్రం అందించినట్లైంది.  కాళేశ్వరం ప్రాజెక్టుకు   జాతీయ హోదా కల్పించాలని సీఎం కేసీఆర్‌ 2016, 2018లో ప్రధానికి లేఖలు రాశారని  చెప్పారని, అయితే  ప్రాజెక్టుకు జాతీయ హోదా కావాలంటే.. సీడబ్ల్యూసీ అధ్యయనం తప్పనిసరని, ప్రాజెక్టు అడ్వైజరీ కమిటీ కూడా ఆమోదం ఉండాలని, ప్రాజెక్టు పెట్టుబడులపై కేంద్రం నుంచి అనుమతి తీసుకోవాలన్నారు. ఆ అనుమతులు   ఉంటే కాళేశ్వరాన్ని హైపవర్‌ స్టీరింగ్‌ కమిటీ పరిశీలించాలని, హైపవర్‌ స్టీరింగ్‌ కమిటీ అనుమతి ఇస్తే కాళేశ్వరానికి జాతీయ హోదా ఇచ్చే  అవకాశం ఉంటుందని  కేంద్రమంత్రి పేర్కొన్నారు. కానీ ఇవేమీ లేకుండా కేసీఆర్ రీ డిజైనింగ్ చేసి ప్రాజెక్ట్ నిర్మించారని ఆయన చెప్పకనే చెప్పారు. ఇంకా చెప్పాలంటే నేరుగా అనకుండానే  కాళేశ్వరం అక్రమ ప్రాజెక్టని తేల్చేశారు. ఇక ఇప్పుడు రాష్ట్రంలో కాంగ్రెస్, బీజేపీలు తెరాసపై కాళేశ్వరం ప్రాజెక్టు విషయంలో తెరాసపై విమర్శల దాడిని మరింత పెంచుతారనడంలో సందేహం లేదు.

విక్రమ సింఘే కూడా గొటబాయలాగే..!

శ్రీలంక సంక్షోభం నుంచి సంక్షోభంలోకి కూరుకుపోతోందా? ఆ దేశంలో రాజకీయ శూన్యం నెలకొని ఉందా? ప్రజాకాంక్ష ఏమిటన్నది ఆ దేశ నేతలకు తెలియడం లేదా? అర్ధం కావడం లేదా? అసలు విఫల నేత, అసమర్థ నేతగా ప్రజల దృష్టిలో పలుచన అయిన విక్రమ సంఘే వినా మరో నేతే అధ్యక్షపదవికి దొరకపోవడం ఏమిటి? అందుకే ఆ దేశంలో నిరసనలు చల్లారడం లేదు.   ఎమర్జెన్సీని సైతం  లెక్క చేయడం లేదు. దేశాధ్యక్షుడిగా విక్రమ సింఘే ప్రమాణ స్వీకారం చేసిన గంటలలోనే ఆ దేశంలో మళ్లీ ఉద్రిక్త పరిస్థితులు చెలరేగాయి. దేశ ప్రధానిగా  రాజీనామా చేసిన సమయంలో విక్రమ సింఘే ఎంత బేలగా మాట్లాడారో.. మళ్లీ అధ్యక్షుడిగా ప్రమాణ స్వీకారం చేసి అధికార పగ్గాలు అందుకున్నాక ఆయన స్వరంలో వాడి పెరిగింది. ప్రజలను బెదరించడానికి, హెచ్చరించడానికి కూడా వెనుకాడలేదు. ఆయన మాటలకు అనుగుణంగానే.. ఆయన దేశాధ్యక్ష పగ్గాలు చేపట్టిన గంటల వ్యవధిలోనే ఆ దేశ భద్రతా బలగాలు జనంపై విరుచుకుపడ్డాయి. నిరసన కారులు అధ్యక్ష భవనం వద్ద నిరసన కారులు ఏర్పాటు చేసిన టెంటులను తొలగించాయి. నిరసన కారులపై విచక్షణా రహితంగా దాడి చేశాయి. పలువురు నిరసన కారులు గాయపడ్డారు.  క్షతగాత్రులలో మీడియా ప్రతినిథులు కూడా ఉన్నారు. దీంతో మళ్లీ దేశ వ్యాప్తంగా తీవ్ర ఉద్రిక్త పరిస్థితులు నెలకొన్నాయి. శాంతి యుతంగా నిరసన చేస్తున్న వారిపై పాశవికంగా దాడి చేయడంపై దేశ వ్యాప్తంగా నిరసనలు పెల్లుబుకుతున్నాయి. దేశం విడిచి పారిపోయిన మాజీ అధ్యక్షుడు గొటబాయ లానే తాజా అధ్యక్షుడు రణిల్ విక్రమ సింఘె కూడా అణచివేతతో అధికారాన్ని చెలాయించాలని ప్రయత్నిస్తున్నారని జనం దుమ్మెత్తి పోత్తున్నారు. అణచివేతకు, నిర్బంధానికి తలొగ్గేదే లే అంటు లంక జనం కదం తొక్కుతున్నారు. కొత్త అధ్యక్షుడు విక్రమ సింఘేను తాము ఆమోదించలేమనీ, ఆయన రాజీనామా చేసే వరకూ వెనకడుగు వేసే ప్రశక్తే లేదని నిరసనకారులు స్పష్టం చేశారు. 

కాంగ్రెస్ గూటికి తెరాస కారు ?.. రేవంత్’కు ఏది దారి ..

అనుకున్నదే జరిగింది ... కాంగ్రెస్, తెరాస పెళ్లి పీటలు ఎక్కేశాయి.. ఇక మూడు ముళ్ళు పడడం మాత్రమే మిగిలింది. నిజానికి, ఇలాంటి పరిణయ ఘడియలు ఆనివార్యమనే విషయాన్ని తెలుగు వన్ ఎప్పటి నుంచో చెపుతూనే వుంది. అయితే, ఇంత వరకూ అసెంబ్లీ ఎన్నికలకు ముందా, తర్వాత అనే విషయంలోనే కొంత సందిగ్దత మిగిలుంది. ఇక ఇప్పుడు ఆ కాస్త సందేహం కూడా తీరిపోయింది. అవును పెళ్ళితో సంబంధం లేకుండా వాళ్ళిద్దరూ.. ఒకటయ్యారు. సహజీవనానికి  సిద్ధమయ్యారు. నేషనల్ హెరాల్డ్ పత్రికకు సంబందించిన మనీ లాండరింగ్ కేసులో కాంగ్రెస్ పార్టీ అధ్యక్షురాలు సోనియా గాంధీని  ఎన్ఫోర్స్మెంట్ డైరెక్టరేట్ (ఈడీ) గురువారం (జూన్ 21)  విచారణ జరిపింది. ఈడీ విచారణను వ్యతిరేకిస్తూ కాంగ్రెస్ పార్టీ దేశ వ్యాప్తంగా ఆందోళన నిర్వహించింది. అది ఆ పార్టీ అంతర్గత వ్యవహారం. కానీ, కాంగ్రెస్  పార్టీ చేస్తున్న ఆందోళనకు అనూహ్యంగా, తెరాస మద్దతు తెలిపింది. ఇదే ఇప్పుడు రాష్ట్ర రాజకీయాల్లో హాట్ టాపిక్  గా మారింది. కాంగ్రెస్, తెరాస ఒక్కటైన నేపధ్యంలో రాష్ట్ర రాజకీయ సమీకరణాలు ఎలా ఉంటాయి, ఏ మలుపు తిరుగుతాయి అనేది ఆసక్తికరంగా మారింది. వివరాలలోకి వెళితే ... ప్రధానమంత్రి నరేంద్ర మోడీ ప్రభుత్వం సీబీఐ, ఈడీ వంటి కేంద్ర దర్యాప్తు సంస్థలను రాజకీయ ప్రయోజనాల కోసం వాడుకుంటోందని, దీనికి వ్యతిరేకంగా పోరాడటానికి సహకరించాలంటూ కాంగ్రెస్ పార్టీ ప్రతిపక్ష పార్టీలకు పిలుపు నిచ్చింది. కాంగ్రెస్ పిలుపు ఇచ్చిందే. తడవుగా, తెరాస నాయకులు, ఏ మాత్రం ఆలస్యం చేయకుండా కాంగ్రెస్ పంచన వాలిపోయారు. కేంద్ర దర్యాప్తు సంస్థలకు వ్యతిరేకంగా కాంగ్రెస్ పార్టీ చేస్తున్న ఆందోళనకు సహకరించాలని కోరుతూ విపక్షాలకు విజ్ఞప్తి చేసిన నేపధ్యంలో, రాజ్యసభలో కాంగ్రెస్ పార్టీ సభా పక్ష నేత మల్లికార్జున ఖర్గే ప్రత్యేకంగా ప్రతిపక్షాల సమావేశాన్ని నిర్వహించారు. ఈ సమావేశానికి టీఆర్ఎస్ తరఫున ఆ పార్టీ పార్టమెంటరీ పార్టీ నేత కే కేశవరావు, లోక్ సభలో తెరాస పక్ష నేత నామా నాగేశ్వర రావు, రాజ్యసభ ఎంపీ సంతోష్ కుమార్ పాల్గొన్నారు. అవును, నేషనలిస్ట్ కాంగ్రెస్ పార్టీ, రాష్ట్రీయ జనతాదళ్, సీపీఐ, సీపీఎం, డీఎంకే, శివసేన (ఉద్ధవ్ థాకరే వర్గం), జమ్మూ కాశ్మీర్ నేషనల్ కాన్ఫరెన్స్, ఆర్ఎస్పీ, ఐయూఎంఎల్ సభ్యులు కూడా హాజరయ్యారు. అయితే, ఆ పార్టీలన్నీ మొదటి నుంచి కాంగ్రెస్ పక్షానే ఉన్నాయి. కాంగ్రెస్ తో కలిసే ఉన్నాయి. కొత్తగా పీటలెక్కింది, తెరాస ఒక్కటే. అంతే కాదు, ఈ సందర్భంగా విడుదల చేసిన ఉమ్మడి ప్రకటనపై తెరాస టీఆర్ఎస్ తరఫున కే కేశవరావు సంతకం చేశారు. నిజానికి ఇది ఒక్కసారి వచ్చిన మార్పు కాదు. కాంగ్రెస్ పార్టీ పంచన చేరేందుకు తెరాస  చాలా కాలంగా పావులు కదుపుతూనే వుంది. ఒకప్పుడు ఛీ. ఛీ అన్న హస్తం చేయి అందుకునేందుకు, అవకాశం చిక్కిన ప్రతి సందర్భంలోనూ తెరాస కన్ను గీటుతూనే  ఉంది. అస్సాం ముఖ్యమంత్రి  సోనియా గాంధీని ఏదో అన్నారని, కాంగ్రెస్ పార్టీ ఆందోళన వ్యక్తం చేసినప్పుడే  కేసీఆర్ కాంగ్రెస్ కోరస్ ట్రూప్ లో చేరారు. అలాగే ఇంకేదో సందర్భంలో రాహుల్ గాంధీకి కేసీఆర్ జై కొట్టారు. ఇక అక్కడి నుంచి, అవకాశం చిక్కిన ప్రతిసందర్భంలోనూ హస్తానికి దగ్గరగా జరుగుతూనే ఉన్నారు. రాష్ట్రపతి , ఉపరాష్ట్రపతి ఎన్నికలను అడ్డు పెట్టుకుని కాంగ్రెస్ కు చేరువయ్యేందుకు, ఢిల్లీలో కేటీఆర్, హైదరాబాద్ లో కేసీఆర్ ఎన్నెన్ని విన్యాసాలు చేశారో, అందరూ చూస్తూనే ఉన్నారు. ఇక ఇప్పుడు, జాతీయ రాజకీయాల ముసుగులో కాంగ్రెస్ పార్టీ పంచన చేరారు. కాంగ్రెస్ పార్టీ సారథ్యాన్ని వహిస్తోన్న ప్రతిపక్ష కూటమిలో తెరాస అధికారికంగా చేరింది.  సో . సహజంగానే రాష్ట్ర రాజకీయాలపై,  రాజకీయ సమీకరణాలపై ఇది ప్రభావం ప్రభావం చూపుతుంది. నిజానికి, కాంగ్రెస్, తెరాస చేతులు కలపడం కాంగ్రెస్ సీనియర్లు చాలా వరకు స్వాగతిస్తున్నారని అంటున్నారు. అలాగే, అధికారంలోకి వచ్చేదుకు ఏ బొంత పురుగును అయినా ముద్దాడేందుకు, డిసైడ్ అయిపోయిన తెరాస నాయత్వం కూడా ఎంత సుముఖంగా, ఎంతలా తహతహ లాడుతోందో వేరే చెప్పనక్కరలేదు. అయితే, ఎటొచ్చి  ఏదో ఆశించి తెరాస ప్రభుత్వం ముఖ్యమంత్రి కేసీఆర్  పై ఒంటికాలుపై లేస్తున్న పీసీసీ చీఫ్ రేవంత్ రెడ్డి పరిస్థితి ఏమిటి అనేదే ఇప్పుడు అందరి ముందున్న ప్రశ్న. అయితే కాంగ్రెస్ ఆదిస్థానం తెరాసతో పొత్తు/ చెలిమి / లోపాయి కారి అండర్స్టాండింగ్ దేనికి ఒకే అన్నా, రేవంత్ రెడ్డి కూడా చేయగలిగింది ఏమీ ఉండదని  పార్టీ పెద్దలు అంటున్నారు. అలాగే  కాంగ్రెస్ పార్టీ అధిష్టానం రేవంత్ దూకుడుకు బ్రేకులు వేసినా ఆశ్చర్య పోనవసరం లేదనే అభిప్రాయం వ్యక్తమవుతోంది. అయితే, చివరకు ఏమవుతుంది?

ఆదివాసీల‌ను ప‌ట్టించుకోరా.. షర్మిల‌

మ‌నుషుల్లో మాన‌వ‌త్వం న‌శించింది. న‌గ‌రాలు, ప‌ట్ట‌ణాల జ‌నాలు త‌ప్ప ఆదివాసీల‌ను ప‌ట్టించుకోని నాయకులు త‌యార‌య్యారు. ఎవ‌రు అధికారంలోకి వ‌చ్చినా ఆదివాసీల విష‌యానికి వ‌చ్చేస‌రికి  నీర‌స ప‌డుతుండ‌డం ఎప్ప‌టినుంచో జ‌రుగుతోంది. మంచిర్చాల జిల్లా దండేప‌ల్లి మండ‌లం కోయ‌పోచ‌గూడ ఆదివాసీల‌కు తాత్కాలిక నివాసాల‌ను ఈ నెల ఎనిమిదో తేదీన అట‌వీ ఆధికారులు తొల‌గించి మ‌హిళ‌ల‌ను ఏడ్చుకెళ్లిన సంగ‌తి తెలిసిందే. ఇంత క్రూరంగా ఎలా ప్ర‌వ‌ర్తించార‌ని ఆ ప్రాంతంలో ప‌ర్య‌టించిన వై ఎ స్సా ర్‌ తెలంగాణ పార్టీ అధ్యక్షురాలు వైఎస్‌ షర్మిల ప్రశ్నించారు.  దండేపల్లి మండలం కోయపోచగూడ ఆదివాసీ మహిళలను ఆమె పరామర్శించారు. ఆదివాసీల సమస్య లను తెలుసుకున్నారు. భూముల కోసం 52 కుటుంబాలు పోరాడుతున్నాయని, ఇప్పటి వరకు పట్టాలు ఇవ్వకపోవడం దారుణమన్నారు.  కేసీఆర్‌ పాలనలో ఆడవారికి కనీస రక్షణ కూడా లేదని ఆవే దన చెం దారు. పోడు భూములు సాగు చేస్తున్న ఆదివాసీ మహిళలను బట్టలూడదీసి కొడతారా? ఇంత‌కంటే నీచ సంస్కృతి ఏమ‌న్నా ఉంటుందా అని ఆమె ప్ర‌శ్నించార పోడు భూముల్లో పట్టాల కోసం ఆదివాసీల తరపున పోరాడతానని చెప్పారు. అనంతరం  ఆమె మంచి ర్యాల జిల్లా కేంద్రంలోని రాంనగర్‌ కాలనీలో వర్షాల కారణంగా ఇల్లు మునిగి, ఆస్తినష్టం జరగడంతో ఆత్మహత్య చేసుకున్న సిద్ద జమున కుటుంబాన్ని పరామ ర్శించారు. నీట మునిగిన కాలనీల్లో పర్యటిం చారు. కేసీఆర్‌ వైఫల్యం వల్లనే వరదలు ముంచెత్తా యని విమర్శించారు.   ముంపు కుటుంబానికి ప్రభుత్వం ప్రకటించిన రూ.10వేలు సరిపోవని, కనీసం రూ.25 వేల చొప్పున చెల్లిం చాలని డిమాండ్‌ చేశారు. ముంపు బాధితుల కుటుంబాలకు రూ.5వేల చొప్పున వైఎస్సార్ టీపీ తరపున అందజేస్తామని హామీ ఇచ్చారు.   బాధితులకు సాయమేదీ? వరద బాధితులను ఆదుకోవటం లో సీఎం కేసీఆర్‌ పూర్తిగా విఫలమయ్యారని షర్మిల ఆరోపించారు. జగిత్యాల జిల్లా ధర్మపురిలో  వరద తాకిడికి గురైన ఇందిరమ్మ కాలనీని సందర్శిం చారు. బాధితులకు డబుల్‌ బెడ్‌రూమ్‌ ఇళ్లు, ఆర్థికసాయం అందజేయాలని డిమాండ్‌ చేశారు.

ప్ర‌పంచ‌ఛాంపియ‌న్‌షిప్ ఫైన‌ల్స్ చేరిన  చోప్రా, అన్నూ

జావెలిన్ త్రో సూప‌ర్ స్టార్ నీర‌జ్ చోప్రా ప్ర‌పంచ అథ్లెటిక్స్ ఛాంపియ‌న్‌షిప్ ఫైల్లోకి దూసుకెళ్లాడు. చోప్రా 2009లో నార్వేకు చెందిన ఆండ్రియాస్ థోర్కిల్డ్ త‌ర్వాత ఒలింపిక్స్‌, ప్ర‌పంచ ఛాంపియ‌న్‌షిప్‌లు రెండిం టిలోనూ ఒకే స‌మ‌యంలో టైటిల్ సాధించిన మొద‌టి పురుష జావెలిన్ త్రో క్రీడాకారుడిగా నిలిచాడు. చోప్రా ఒరెగాన్‌లోని యూజీన్‌లో క్వాలిఫ‌యింగ్‌లో త‌న మొద‌టి య‌త్నంలో 88.39 మీటర్ల త్రోతో తన తొలి ప్రపంచ అథ్లెటిక్స్ ఛాంపియన్‌షిప్ ఫైనల్‌లోకి ప్రవేశించాడు. అలాగే, భారత జావెలిన్‌ త్రోయర్‌ అన్నూ రాణి వరుసగా రెండోసారి ప్రపంచ చాంపియన్‌షిప్‌ ఫైనల్‌కు చేరుకొంది. గురువారం జరిగిన మహిళల జావెలిన్‌త్రో క్వాలిఫయర్స్‌ గ్రూప్‌-బిలో అన్నూ 59.60 మీటర్లు విసిరి ఐదో స్థానంలో నిలిచింది. 24 ఏళ్ల  నీరజ్ పురుషుల జావెలిన్ త్రో గ్రూప్ ఏ క్వాలిఫికేషన్ రౌండ్‌ను ప్రారంభిం చాడు శుక్రవారం భారత కాలమానం ప్రకారం తన కెరీర్-బెస్ట్ త్రో కోసం తన జావెలిన్‌ను 88.39 మీటర్లకు విసిరాడు. జావెలిన్ స్టార్ నీరజ్ చోప్రా జూనియర్ ఛాంపియన్‌షిప్‌లో ప్రపంచ రికార్డును సాధించాడు. పోలాండ్‌లో జరిగిన జూనియర్ ఛాంపియన్‌షిప్‌లో నీరజ్ చోప్రా 86.48 మీటర్ల విన్నింగ్ త్రో కొత్త అండర్-20 ప్రపంచ రికార్డును కూడా నెలకొల్పాడు. మునుపటి హోల్డర్ లాట్వియా స్థాపించిన 84.69 మీటర్ల మార్కును అధిగమించాడు.అథ్లెటిక్స్ ప్రపంచ ఛాంపియన్‌షిప్‌లో స్వర్ణం సాధించిన తొలి భారతీయుడు నీరజ్ చోప్రా. ప్రపంచ ఛాంపియన్‌షిప్‌లో స్వర్ణం సాధించిన తొలి భారతీయుడు నీరజ్.డైమండ్ లీగ్‌లో నీరజ్ చోప్రా రెండో స్థానంలో నిలిచాడు. నీరజ్ చోప్రా డైమండ్ లీగ్‌లో 89.94 మీటర్ల త్రోతో రెండో స్థానంలో నిలిచాడు. గ్రెనడాకు చెందిన ప్రపంచ ఛాంపియన్ అండర్సన్ పీటర్స్ తన మూడో ప్రయత్నంలో 90.31 మీటర్ల భారీ త్రోతో 16 ఏళ్ల మీట్ రికార్డును బద్దలు కొట్టాడు.టోక్యో ఒలింపిక్స్ స్వర్ణ పతక విజేత నీరజ్ చోప్రా స్టాక్‌హోమ్ డైమండ్ లీగ్‌లో 89.94 మీటర్ల త్రోతో తన జాతీయ రికార్డును బద్దలు కొట్టాడు. భారత జావెలిన్‌ త్రోయర్‌ అన్నూ రాణి వరుసగా రెండోసారి ప్రపంచ చాంపియన్‌షి్‌ప ఫైనల్‌కు చేరు కొంది. గురువారం జరిగిన మహిళల జావెలిన్‌త్రో క్వాలిఫయర్స్‌ గ్రూప్‌-బిలో అన్నూ 59.60 మీటర్లు విసిరి ఐదో స్థానంలో నిలిచింది. అయితే, గ్రూప్‌-ఎ, గ్రూప్‌-బి నుంచి ఫైనల్‌కు ఎంపిక చేసిన టాప్‌-8లో అన్నూ చాన్స్‌ పట్టేసింది. తొలి త్రోలోనే ఫౌల్‌ చేయడంతో క్వాలిఫయర్స్‌లోనే నిష్క్రమణ అంచున నిలిచింది. కానీ, రెండో త్రోలో 55.35 మీ. విసిరిన రాణి.. మూడో త్రోలో 59.60 మీటర్లు త్రో చేసింది. ఇది ఆమె సీజన్‌ బెస్ట్‌ కాకపోయినా.. ఫైనల్‌కు అర్హత సాధించడంలో సఫలమైంది. శనివారం ఫైనల్‌ జరగనుంది. 29 ఏళ్ల అన్నూ వ్యక్తిగత బెస్ట్‌ 63.82 మీటర్లు. 2019లో దోహాలో జరిగిన చాంపియన్‌షి్‌ప ఫైనల్లో అన్నూ 61.12 మీటర్లు విసిరి ఎనిమిదో స్థానంలో నిలిచింది. 

వరద బాధితుల కష్టాలు చూస్తుంటే గుండె తరక్కు పోతోంది.. చంద్రబాబు

బటన్ నొక్కడమే తన పని అనుకుని తాడేపల్లి ప్యాలెస్ లో దర్జాగా కాలం వెళ్లదీస్తున్న ఏపీ సీఎం జగన్ ను జనం బటన్ నొక్కే ఇంటికి పంపేస్తారని తెలుగుదేశం అధినేత, మాజీ ముఖ్యమంత్రి  నారా చంద్రబాబునాయుడు అన్నారు. కోనసీమ జిల్లాలోని వరద ప్రభావిత ప్రాంతాలలో విస్తృతంగా పర్యటించి బాధితులను పరామర్శించిన ఆయన ఆ సందర్భంగా మాట్టాడారు. జనానికి బటన్ నొక్కి డబ్బులిచ్చేస్తే చాలని భావిస్తూ రాష్ట్రాన్ని అప్పుల కుప్ప చేసి మరో శ్రీలంకగా మార్చేస్తున్న జగన్ ను గద్దె దింపడానికి జనం సిద్ధంగా ఉన్నారన్నారు.  గోదావరి వరదలో ప్రజల కష్టాలను చూస్తే గుండె తరుక్కు పోతోందన్నారు. వారిని ఆదుకునే విషయంలో ప్రభుత్వ నిర్లక్ష్యం అవధులు దాటిందని దుయ్యబట్టారు.  జనాలను బురదలోకి తోసేసి జగన్ గాలిలో తిరగడాన్ని తప్పుపట్టారు. నేరుగా వచ్చి ప్రజల కష్టసుఖాలు తెలుసుకోవడానికి ముఖ్యమంత్రికి, మంత్రులకు తీరిక లేదా అని ప్రశ్నించారు.   బురదలోనే నడుచుకుంటూ కూలిన ఇళ్లలోకి వెళ్లి బాధితులను పరామర్శించారు. కోనసీమలో సోంపల్లి, చాకలిపాలెం జంక్షన్‌, మానేపల్లి, అప్పనపల్లి ప్రాంతాల్లో రాత్రి విస్తృతంగా పర్యటించి బాధితులతో మాట్లాడారు.  వరద అంచనాలో ప్రభుత్వం ఘోరంగా విఫలమైందని చంద్రబాబు అన్నారు. ఎంత ప్రవాహం వస్తుంది. ఏ యే ప్రాంతాలకు ముంపు ముప్పు ఉంటుందన్నది ప్రభుత్వం ముందుగానే అంచనా వేసి.. ముంపు ప్రాతాల ప్రజలకు పునరావాసం కల్పించాలని, ప్రభుత్వం ఆ విషయంలో క్షంతవ్యం కాని నిర్లక్ష్యంతో వ్యవహరించిందని విమర్శించారు.   బాధితులకు భరోసా కలిగించాల్సిన సీఎం గాలిలో చక్కర్లు కొట్టి వెళ్లిపోయారని దుయ్య బట్టారు. తెలుగుదేశం ప్రభుత్వ హయాంలో తిత్లీ, హుద్‌హుద్‌, హరికేన్‌ తుఫాన్లు వచ్చినా తక్షణం స్పందించి సమర్థంగా ఎదుర్కొని ప్రజలను ఆదుకున్నామనీ,  ఇప్పుడు గోదావరి వరదలో ప్రజల ఇబ్బందులను వైసీపీ పట్టించుకోలేదనీ, వారి బాధలు వారే పడాలన్నట్లుగా వదిలేసిందనీ విమర్శించారు. ప్రభుత్వం వరద బాధితుల కోసం పడవలు ఏర్పాటు చేయలేదు.  కనీసం భోజనం కూడా పెట్టలేదన్నారు. నాలుగు రోజుల పాటు వరద బాధితులను గోదావరికి వదిలేసి.. ఇప్పుడు తానొస్తున్నానని రెండు వేల రూపాయలు సాయం  అంటూ ఇచ్చి నాటకాలాడుతున్నారని దుయ్య బట్టారు. రెండు వేల రూపాయలు వరదతో ఇంట్లో మేట వేసిన బురద కడుక్కోవడానికైనా సరిపోతుందా అని ప్రశ్రించారు.  బాధిత కుటుంబాలకు ప్రభుత్వం పూర్తి స్థాయిలో న్యాయం చేసేవరకు మళ్లీ మళ్లీ వరద ప్రాంతాల్లో పర్యటిస్తానన్నారు. వరద బాధితులకు ప్రతి ఇంటికీ రూ. పది వేలు ఇవ్వాలని డిమాండ్ చేశారు. ప్రభుత్వ వైఖరి వల్లే విలీన గ్రామాల ప్రజలు ఏపీలో ఉండం, తెలంగాణలో కలిపేయండని అంటున్నారన్నారు.   

వందేళ్ల త‌ర్వాత ద‌క్కిన ఆస్తి! 

ఎక్క‌డ‌న్నా యాభైగ‌జాల స్థ‌లం ఉందంటే ఎలా కాజేద్దామా అని క‌బ్జాదారులు వేటాడే రోజులు ఇవి. చాలారోజులుగా ఎవ‌రూ ప‌ట్టించుకోని స్థ‌లాన్ని ఎలాగైనా కాజేయాల‌ని విచిత్ర‌ప‌ద్ధ‌తుల‌తో ప‌త్రాలు సృష్టించి మ‌రీ కొట్టేస్తుంటారు. అలాంటిది న‌ల్ల‌జాతి కుటుంబానికి వందేళ్ల త‌ర్వాత వారికి నిజంగా చెందాల్సిన బ్రూస్ బీచ్ భ‌వ‌నాన్నిఅధికారులు ఇవ్వ‌డం క‌బ్జాదారుల‌ను ఆశ్చ‌ర్య ప‌రుస్తుందేమో!  వందేళ్ల క్రితం బ్రూస్ పూర్వీకులు విల్లా, చార్లెస్ బ్రూస్ కుటుంబం మాన్‌హ‌ట‌న్ తీర ప్రాంతానికి వ‌చ్చి స్థిర‌ప‌డ్డారు. అక్క‌డే కొంత భూమిలో చిన్న భ‌వ‌నాన్ని నిర్మించుకున్నారు. కానీ తెల్ల‌వారి ఆగ‌డాలు భ‌రించ‌లేక‌పోతుండేవారు. ఈ కుటుంబాన్ని ఎలా గ‌యినా ఆ ప్రాంతంనుంచీ త‌రిమేయాల‌ని ఎన్నో ఇబ్బందులు పెట్టేవారు. క్ర‌మంగా వారినుంచి, ఇత‌రుల నుంచీ కూడా స‌మ స్య‌లు పెరిగేస‌రికి త‌ప్ప‌నిప‌రిస్థితుల్లో ఆ ప్రాంతంలోని వారి భూమిని, ఆస్తిని వ‌దిలేసుకుని దూర‌ప్రాంతాల‌కు వెళిపోవాల్సి వ‌చ్చింది. అప్ప‌ట్లో  జాతి వివ‌క్ష‌త ప‌రి స్థితులు అంత దారుణంగా ఉండేవి. స‌ముద్ర‌తీరంలో బ్ర‌హ్మాండ‌మైన భూమిని భ‌య‌పెట్టి తెల్ల‌వాళ్లు కొట్టేశారు. కాలం గ‌డిచేకొద్దీ ఆ ఆస్తిమీద బ్రూస్ కుటుంబీకులు, బంధువుల‌కు ఆశ‌లు పోయాయి. ఇక అది మ‌న‌ది కాద‌నుకుని వేరే న‌గ రాల్లో స్థిర‌ప‌డి జీవితాన్ని సాగిస్తూ వ‌చ్చారు. కానీ అదృష్ట‌దేవ‌త వారి త‌లుపులు త‌ట్టింది. లాస్ ఏంజెల్స్ కౌంటీ అధికారి జానీస్ హాన్ ఇప్ప‌టి బ్రూస్ కుటుంబానికి వాళ్ల పూర్వీకుల ఆస్తిగా పేర్కొన్న భూమి, ఇప్పుడున్న రిసార్ట్ రెండూ త‌మ‌వే అంటూ తెలియ‌జేశారు. ఇంత‌కాలం వారు న‌ల్ల‌వార‌న్న ఒకే ఒక కార‌ణంతో త‌ర‌త‌రాలుగా మంచి జీవితాన్ని కోల్పోయారు బ్రూస్ కుటుంబీకులు. కానీ ఇప్ప‌టికి అది వారి స్వంత‌మ‌యింది.1995లో బ్రూస్ పూర్వీకుల భూమి, ఇప్ప‌టి భ‌వ‌నం లాస్ ఏంజెల్స్ ప్రాంతంలో లెక్క‌ల్లోకి వ‌చ్చింది. అయితే దీని అస‌లు వార‌సులను గుర్తించారు. కానీ పూర్తిగా ఆ కుటుంబం చేతికి ఇవ్వ‌డానికి ఇంత కాలంప‌ట్టింది. ఏమ‌యిన‌ప్ప‌టికీ పూర్వీకుల ఆస్తి వందేళ్ల‌కి చేజిక్కుతుంద‌ని ఎవ‌ర‌న్నా ఊహిస్తారా? ఈమ‌ధ్య‌నే మాన్‌హ‌ట‌న్ కౌంటీ రిజిస్ట్రార్ డీన్‌ లొగాన్ బ్రూస్ కుటుంబానికి అధికారిక ప‌త్రాలు అంద‌జేయ‌డంతో  బ్రూస్ కుటుం బం క‌ల నిజ‌మ‌యింది. ఇది మిరాకిల్ అన్నారు కొంద‌రు, మ‌రికొంద‌ర‌యితే ప్ర‌భుత్వం, అధికారులు, మారిన సామాజిక ప‌రిస్థి తులు అన్నీ వెర‌సి బ్రూస్ కుటుంబానికి ద‌క్కాల్సిన ఆనందాన్న, భాగ్యాన్ని క‌ల్పించాయ‌న్నారు.

ఎంద చాట.. కాట్రవల్లి .. అంతేనా అలీ!

 అసలు దురదంటూ రాకూడదు కానీ, వచ్చిందంటే ఇక అంతే, గోక్కుంటూనే ఉండాలి...ఆ దురద రాజకీయ దురదయితే, ఇక చెప్పనే అక్కరలేదు. కంటికి కనిపించకుండా అలా గోకుతూ...నే ఉంటుంది. పొరుగువాడిని పట్టుకుని మరీ  గోకమంటుంది. నువ్వు గోకినా గోకక పోయినా నేను మాత్రం గోకుతూనే ఉంటానంటూ వెంటపడి మరీ గోకుతుంది.   లేదు, లేదు మీరు పొరపడుతున్నారు, ఈ గోకుడుకు ఆ గోకుడుకు అసలు సంబంధమే లేదు. నో రిలేషన్, ఎటాల్ ఐ సే .. సంబంధమే లేదు అన్నమాట. నేను మాట్లాడుతున్నది, శ్రీ కేసీఆర్ సార్ వినిపించిన గోకుడు పురాణంలోని గోకుడోపఖ్యానం గురించి కానే కాదు. ఇదంతా మా ఆలీ గోకుడు గోల, ఎస్.. అవును.. మనం ఇప్పుడు మాట్లాడుకుంటోంది సరదాగా అలీతో .. కూర్చి... గురింఛి అన్నమాట.  ఎస్...కమెడియన్ ఆలీకి ఎప్పడు ఎక్కడ ఎలా తగిలిందో ఏమో కానీ, రాజకీయ దురద గుంటాకు, ఒళ్లంతా తాకేసింది. ఇక అక్కడ నుంచి ఆలీని రాజకీయం రాజకీయాలను ఆలీ గోకుతూనే ఉన్నారు. అయితే, అదేమిటో కానీ, ఆలీ సినిమాల్లోనే కాదు, రాజకీయాల్లోనూ కమెడియన్’ గానే మిగిలి పోయారు. పాపం ... ఫర్ ది లాస్ట్ త్రీ ఫోర్ ఇయర్స్, పోలిటికల్ ఎంట్రీ కోసం ... కనిపించిన వారందరినీ గోకుతూనే ఉన్నారు. లాస్ట్ అసెంబ్లీ ఎన్నికలకు ముందు , ఆయన  ఓకే ఈసారి.. ముగ్గురు నాయకులను గోకారు .. మూడు పార్టీలలో చేరి పోయినంత పనిచేశారు.  ఓ ఫైన్ మార్నింగ్ ఆయన పొద్దుగాల, పొద్దుగాల  లేస్తూనే... పాదయాత్రలో ఉన్న వైసీపీ అధినేత  జగన్ రెడ్డి  తలుపు తట్టారు. సో ..న్యాచురల్లీ ఆయన వైసీపీలో చేరిపోతున్నారని స్ర్కోలింగ్ లు పరుగులు తీశాయి. ముహూర్తం, వేదిక ఎవ్రీథింగ్ ఫిక్స్ అయి పోయాయి. బట్ ..ద వెరీ నెక్స్ట్ డే .. అలీ కామెడీగా అమరావతిలో వాలిపోయారు, ఎక్కడేమిటి, టీడీపీ అధినేత చంద్రబాబు ఇంట్లో .. ఆయనతో ఓ గంటో రెండు గంటలో భేటీ జరిపి బయట కొచ్చారు .. ఆతర్వాత టీవీ స్ర్కోలింగ్గ్స్ ఫాలో అయ్యాయి. అయితే .. అంతే కాదు .. అంతే అయితే అందులో ‘పంచ్’  ఏముందని పవన్ కళ్యాణ్ ఇంటి కెళ్ళారు. మిగిలిన కథంతా సేమ్.. టూ... సేమ్.. అదేదో సినిమాలో బండి మీద ఇసుక మూట పెట్టుకుని బోర్డర్ దాటేస్తాడు చూడండి .. కామెడిగా అలాగన్న మాట.. అయితే చివరకు ఆయన, ఆ ఎన్నికల్లొ పోటీ అయితే చేయలేదు కానీ, వైసీపీ తరపున ప్రచారం చేశారు. ఇక అక్కడి నుంచి చకోర పక్షిలా ఏదో ఒక పదవి వస్తుందని ఎదురు చూస్తూనే ఉన్నారు.. జగనన్న పదవి ఇవ్వక పోతారా అని ఆశగా ఎదురు చూస్తున్నారు. ఆ మధ్యనో మారు జగనన్న పిలిచారని, కొత్త బట్ట లేసుకుని తాడేపల్లి ప్యాలెస్ లో వాలి పోయారు అలీ. ముఖ్యమంత్రిని కలిశారు. ఆతర్వాత మీడియా ముందు కొచ్చిన అలీ, ముసి ముసిగా మురిపెంగా నవ్వుతూ,  “ఈ రోజు రమ్మని పిలిచారు. వచ్చాను. ముఖ్యమంత్రి జగన్ రెడ్డిని  కలిశాను, అతి త్వరలోనే పార్టీ ఆఫీసు నుంచి శుభవార్త వస్తుందని తెలిపారు. ఏ పదవి ఇస్తారన్నది మాత్రం చెప్పలేదని’ ఆనందంలో ఉబ్బితబ్బిబయ్యారు. సిగ్గులొలక పోశారు. రాజ్యసభ టికెట్ మొదలు వక్స్ బోర్డు చైర్మన్’ వరకు ఏదో ఒక పదవి వస్తుందని,ఆయన ఎదరుచూస్తున్నారు. పదవుల పందేరం అయిపొయింది, రాజ్య సభ టికెట్ పక్క రాష్ట్రానికి చెందిన బీసీ నేత ఆర్. కృష్ణయ్యకు ఇచ్చారు కానీ, అలీకి మాత్రం శుభ వార్త రాలేదు. గతంలో 30 ఇయర్స్ ఇండస్ట్రీ ప్రుద్వీరాజ్ కూడా ఇలాగే, జగన్ రెడ్డి మీద చాలా ఆశలు పెట్టుకుని అటూ ఇటూ కాకుండా పొయారు ..  ఎంద చాట.. కాట్రవల్లి .. అంతేనా అలీ ..

దేశ 15వ రాష్ట్రపతిగా ద్రౌపది ముర్ము

అంతా కేంద్రం అనుకున్నట్లే జరిగింది. విపక్షాలు ఊహించిన అద్భుతమేమీ జరగలేదు. భారత 15వ రాష్ట్రపతిగా ఎన్డీయే అభ్యర్థి ద్రౌపది ముర్ము విజయం సాధించారు. తిరుగులేని మెజారిటీతో ఆమె విజయం ఓట్ల లెక్కింపునకు ముందే ఖరారైంది. ఓట్ల లెక్కింపు పూర్తయిన తరువాత ఆమె  మొత్తం 64శాతం ఓట్లు సాధించిట్లు తేలింది. ఎంపలు, ఎమ్మెల్యేలతో కూడిన ఎలక్టోరల్ కాలేజీలో ద్రౌపది ముర్ముకు ఆరు లక్షల 76 వేల 803 ఓట్లు దక్కాయి. విపక్షాల ఉమ్మడి అభ్యర్థి యశ్వంత్ సిన్హాకు మూడు లక్షల 80 వేల 117 ఓట్లు లభించాయి.   ఇప్పటి వరకూ దేశ రాష్ట్రపతులలో ద్రౌపది ముర్ముయే అతి పిన్న వయస్కురాలు. ఇలా ఉండగా ఓట్ల లెక్కుంపు మూడో రౌండ్ పూర్తయ్యే సమయానికే ఆమెకు 53శాతం ఓట్లు దక్కడంతో ఆమె విజయం ఖరారైంది. విపక్షాల ఉమ్మడి అభ్యర్థి యశ్వంత్ సిన్హా తన ఓటమిని అంగీకరించి ముర్ముకు శుభాకాంక్షలు తెలిపారు. కాగా విపక్షాలు ఆశించినట్లుగా క్రాస్ ఓటింగ్ జరిగింది. అయితే అది విపక్షాల ఉమ్మడి అభ్యర్థి యశ్వంత్ సిన్హాకు అనుకూలంగా కాకుండా ఎన్డీయే అభ్యర్థి ముర్ముకు అనుకూలంగా జరిగింది. విపక్షాలకు చెందిన 17 మంది ఎంపీలు, 102 మంది ఎమ్మెల్యేలూ క్రాస్ ఓటింగ్ కు పాల్పడ్డారు. ముఖ్యంగా అసోం, జార్ఖండ్, మధ్య ప్రదేశ్, మహారాష్ట్ర, గుజరాత్ రాష్ట్రాలకు చెందిన గిరిజన ఎంపీలు, ఎమ్మెల్యేలు క్రాస్ ఓటింగ్ చేశారని భావిస్తున్నారు. విశేషమేమిటంటే బీజేపీకి కానీ ఎన్డీయే భాగస్వామ్య పక్షాలకు కానీ అసలు ప్రాతినిథ్యమేలేని ఏపీలో మర్ముకు వంద శాతం ఓట్లు లభించాయి. అధికార వైసీపీ, విపక్ష తెలుగుదేశం కూడా ముర్ము అభ్యర్థిత్వానికి మద్దతు పలికి ఆమెకే ఓటేశారు. ముర్ము తిరుగులేని విజయం అనంతరం తృణమూల్‌ కాంగ్రెస్‌ అధినేత మమతా బెనర్జీ సంచలన నిర్ణయం తీసుకున్నారు. ఉప రాష్ట్రపతి ఎన్నికల్లో తమ పార్టీ ఓటింగ్ కు దూరంగా ఉంటుందని ప్రకటించారు.   దాంతో ఉప రాష్ట్రపతిగా బెంగాల్‌ గవర్నర్‌ జగదీప్‌ ధంకర్‌ విజయం నల్లేరుపై నడకే అవుతుంది.   రాష్ట్రపతి ఎన్నిక ఫలితం వెలువడగానే ప్రధాని నరేంద్ర మోడీ, బీజేపీ అధ్యక్షుడు జేపీ నడ్డా స్వయంగా ద్రౌపది ముర్ము ఇంటికి వెళ్లి ఆమెకు శుభాకాంక్షలు తెలిపారు.  భారతీయులు ఆజాదీగా అమృతోత్సవ్‌ జరుపుకుంటున్న తరుణంలో  తూర్పు భారత దేశంలోని మారుమూల గ్రామంలో గిరిజన కుటుంబంలో జన్మించిన ఆడబిడ్డను రాష్ట్రపతిగా ఎన్నుకుని చరిత్ర  దేశం చరిత్ర సృష్టించిందని మోడీ ట్వీట్ చేశారు.  

ప‌తాక రూప‌క‌ర్త‌కు  ఇక‌నైనా  భార‌త ర‌త్న ఇస్తారా

స్వాతంత్య్ర‌దినోత్స‌వంనాడు మాత్ర‌మే మ‌న‌కు జాతీయ ప‌తాకం మీద దృష్టి వెళుతుంటుంది. ఆ రోజే దేశ‌భ‌క్తి  పెల్లుబుకుతుం టుంది. ల‌త‌మంగేష్క‌ర్‌, ర‌ఫీ పాడిన పాట‌లే దేశ‌భ‌క్తి పాట‌లుగా ప్ర‌తీ న‌గ‌రం, ప‌ట్ట‌ణం, ప‌ల్లెల్లో కూడా విన‌ప‌డుతూంటుంది. కొన్ని ప్రాంతాల్లో ఎమ్మెస్ సుబ్బ‌ల‌క్ష్మి పాడిన భ‌జ‌న విన‌ప‌డుతూంటుంది. అంతే, త‌ప్ప భార‌తీయులంతా ఎప్ప‌టికీ గ‌ర్వ‌ప‌డే, ప్రాతః స్మ‌రణీయుడు పింగ‌ళి వెంక‌య్య‌గారు మాత్రం ఇవాళే గుర్తుకువ‌స్తారు. దేశానికి జాతీయ‌ప‌తాకానికి మౌలిక రూపా న్నిచ్చిన మ‌హానుభావుడు ఆయ‌న‌. 1947లో ఇదే రోజున‌ రాజ్యాంగ పరిషత్ సమావేశంలో భారతదేశ జాతీయ జెండా ప్రస్తుత రూపంలో ఆమోదించబడింది. చిత్ర‌మేమంటే ల‌తామంగేష్క‌ర్‌కి, సుబ్బ‌లక్ష్మిగారికీ ఇచ్చిన భార‌త‌ర‌త్న మాత్రం ఇంత‌వ‌ర‌కూ ఇవ్వ‌క‌పోవ‌డం దుర‌దృష్ట‌క‌రం. 1947లో స్వాతంత్ర్యం సాధించడానికి ముందు భారత స్వాతంత్ర్య ఉద్యమంలో పాల్గొన్నవారు వివిధ జాతీయ ప‌తాకాలను ఉపయోగించారు. కృష్ణాజిల్లాకు చెందిన పింగళి వెంకయ్య,  1921 ఏప్రిల్ 1న గాంధీ విజయవాడ నగర పర్యటన సందర్భంగా జాతీయ జెండాను రూపొందించి ఆయ‌న‌కు అందించారు. ప్రస్తుతం మ‌నంద‌రం చూస్తున్న ప‌తాకం 1923లో ఉనికిలోకి వచ్చింది. దీనిని పింగళి వెంకయ్య రూపొందించారు. కుంకుమ, తెలుపు , ఆకుపచ్చ రంగు చారలతో తెల్లటి భాగంలో ఉంచారు. ఇది ఏప్రిల్ 13, 1923న నాగ్‌పూర్‌లో జలియన్‌వాలా బాగ్ ఊచ కోత జ్ఞాపకార్థం జరిగిన కార్యక్రమంలో ఎగురవేశారు. దీనికి స్వరాజ్ జెండా అని పేరు పెట్టారు, భారత జాతీయ కాంగ్రెస్ నేతృత్వం లోని స్వయం పాలన కోసం భారతదేశం డిమాండ్‌కు చిహ్నంగా మారింది.     పింగళి వెంకయ్య భారత స్వాతంత్ర్య సమరయోధుడు, మహాత్మాగాంధీ అనుచరుడు. ఆంధ్రప్రదేశ్  మచిలీపట్నం సమీపంలోని భట్లపెనుమర్రులో 1876 ఆగ‌ష్టు రెండ‌వ తేదీన జ‌న్మించారు. పింగళి వెంకయ్య వ్యవ సాయదారుడు, మ‌చిలీప‌ట్నంలో విద్యా సంస్థను స్థాపించిన విద్యావేత్త కూడా. ఆయ‌న 1963 జులై 4వ త‌దీన విజ‌య‌వాడ‌లో క‌నుమూశారు.  ప్ర‌భుత్వం నుంచి ఎలాంటి స‌హాయాన్ని ఆశించ‌ని గొప్ప దేశ‌భ‌క్తుడు ఆయ‌న‌. 2009లో ఆయన స్మారకార్థం ఒక తపాలా బిళ్ళను విడుదల చేశారు.  2011లో మరణానంతరం ఆయనకు భారతరత్న ప్రదానం చేయాలని ప్రతిపాదించారు. ఈ ప్రతిపాదనపై కేంద్రం నిర్ణయం తీసుకో వాల్సి ఉంది. 2009లో అప్ప‌టి కేంద్ర ప్ర‌భుత్వం పింగ‌ళి వెంక‌య్య గౌర‌వార్ధం స్టాంపును విడుద‌ల చేసింది. 2014లో ఆంధ్ర‌ప్ర‌దేశ్ ప్ర‌భుత్వం ఆయ‌న‌కు భార‌త ర‌త్న ఇవ్వాల‌ని కేంద్రానికి ప్ర‌తిపాద‌న చేసింది.   

దేవుడి దయవల్ల బతికి బయటపడ్డా : దేవినేని ఉమ

తెలుగుదేశం అధినేత చంద్ర‌బాబునాయుడు వ‌ర‌ద ప్ర‌భావిత ప్రాంతాల ప‌ర్య‌ట‌న‌లో భాగంగా గురువారం సాయంత్రం కోనసీమ జిల్లా సోంపల్లి వద్ద బోటు ప్రమాదం జరిగిన సంగతి విదితమే. ఆ ప్రమాదం నుంచి అందరూ సురక్షితంగా బయటపడ్డారు. అయితే ఈ సంఘటనలో పలువురు నేతలు గోదవరిలో పడిపోయారు. అలా పడిపోయిన వారిలో మాజీ మంత్రి దేవినేని ఉమ కూడా ఉన్నారు. ప్రమాదం నుంచి బయటపడిన అనంతరం వలేకరులతో మాట్లాడిన దేవినేని ఉమ నీటిలో పడగానే ఊపిరి అందక ఉక్కిరిబిక్కిరి అయ్యానని చెప్పారు. ప్రాణం పోయిందనే అనుకున్నాననీ, భగవంతుడి దయవల్లే బతికి బయటపడ్డానని చెప్పారు. ప్రమాదం జరగడానికి క్షణాల ముందు చంద్రబాబు వేరే పడవలోకి మారారు. ఈ సంఘటనలో దేవినేని ఉమతో పాటు మాజీ మంత్రి ప్ర‌మాదం చోటుచేసుకున్న సంగ‌తి తెలిసిందే. అంబేద్క‌ర్ కోన‌సీమ జిల్లా ప‌రిధిలోని సోంప‌ల్లి స‌మీపంలో ఓ ప‌డ‌వ నుంచి టీడీపీ నేత‌లు మ‌రో ప‌డ‌వ‌లోకి మారుతున్న స‌మ‌యంలో వారున్న ప‌డ‌వ ఓ వైపున‌కు ఒరిగిపోయింది. ఈ ఘటనలో దేవినేని ఉమతో పాటు పితాని స‌త్య‌నారాయ‌ణ‌, ఉండి ఎమ్మెల్యే రామ‌రాజు, త‌ణుకు మాజీ ఎమ్మెల్యే రాధాకృష్ణ‌ కూడా గోదావరిలో పడిపోయారు. అయితే వీరందరినీ సిబ్బంది, సమీపంలో ఉన్న మత్స్యకారులు సురక్షితంగా ఒడ్డుకు చేర్చారు.  ప్రమాదం ఒడ్డుకు సమీపంలో జరగడంతో పెను ప్రమాదం తప్పింది.

గోదారిలో ప్రమాదం.. తృటిలొ తప్పించుకున్న చంద్రబాబు

 మాజీ ముఖ్యమంత్రి, తెలుగుదేశం అధినేత చంద్రబాబు పెను ప్రమాదం నుంచి తృటిలో బయటపడ్డారు. వరద బాధితులను పరామర్శించేందుకు కోనసీమ జిల్లా సోంపల్లి వద్ద చంద్రబాబు ప్రయాణిస్తున్న పంటు ర్యాంపు తెగిపోయింది. అయితే ఆ సమయానికి ఒక్క క్షణం ముందు ఆయన వేరు పడవలోకి మారడంతో పెను ప్రమాదం తప్పింది. అయితే పంటు ర్యాంపు తెగిన ఘటనలో పలువురు తెలుగుదేశం నేతలు గోదవరిలో పడిపోయారు. వెంటనే సిబ్బంది లైఫ్ జాకెట్లు అందించి వారిని సురక్షితంగా కాపాడారు. గోదవరిలో పడిపోయిన వారిలో మాజీ మంత్రులు దేవినేని ఉమ, పితాని సత్యనారాయణ, ఎమ్మెల్సీ మంతన సత్యనారాయణ రాజు, ఎమ్మెల్యే రామరాజు, పార్టీ నేతలు ఉన్నారు. అలాగే జడ్ క్యాటగరి భద్రత ఉన్న చంద్రబాబుకు సెక్యూరిటీగా ఉన్న ఎన్ఎస్జీ సిబ్బంది. ఆయన పర్యటనను కవర్ చేస్తున్న మీడియా సిబ్బంది ఉన్నారు. ఈ ఘటనలో అందరూ క్షేమంగా బయటపడ్డారు.   

ఉగాది న‌గ‌దు పుర‌స్కారం మ‌రీ ఎక్కువేమో జ‌గ‌న్‌!

వెన‌క‌టికి ఓ పెద్దాయ‌న మోకాలు నొప్పిగా ఉంది ఇంటికి తీసికెళ్ల‌మ‌ని అడిగితే ఓ పోలీసాయ‌న బండి మీద ఎక్కించుకుని మ‌రీ జాగ్ర‌త్త‌గా ఇంటి ద‌గ్గ‌ర దింపాడు. దిగిన వెంట‌నే చిరున‌వ్వు న‌వ్వి శ‌భాష్ అని బుజం త‌ట్టి మామూలుగానే న‌డుచుకుంటూ ఇంట్లోకి వెళ్లాడు. పోలీసాయ‌న‌కు కోపంరాలేదు. న‌వ్వుకున్నాడు. పెద్దాయ‌న‌లోనూ మ‌హా న‌టుడు ఉన్నాడ‌ని.  అదుగో అలా ఉంది  జ‌గ‌న్‌ స‌ర్కారు నిర్ణ‌యం. ఉగాది పుర‌స్కా రంలో భాగంగా వారికి ఇచ్చే న‌గ‌దు బ‌హుమ‌తిని రూ.500 నుంచి రూ.150కి త‌గ్గిస్తూ ఉత్త‌ర్వులు   జారీ చేసింది. వ‌ర్షాలు, వ‌ర‌ద‌లొచ్చి ఇల్లు మునిగిపోతున్నా, కుర్ర‌కారు సెల్ఫీ వ్యామోహంలో ఏ న‌దిలోనో  కొట్టుకు పోతు న్నా, పోనీ ఏ ఇల్లు త‌గ‌ల‌డుతున్నా ప‌రుగున వ‌చ్చి కాపాడేది, క‌నీసం వెంట‌నే ఆస్ప‌త్రికి తీసికెళ్లేది పోలీ సులు, అగ్నిమాప‌క‌ద‌ళంవారే.  వారికి తన‌, ప‌ర తేడాలుండ‌వు. వారి దృష్టిలో అంద‌రూ స‌మాన‌మే. ఎవ‌రిక యినా అవ‌స‌ర‌మై పిలిస్తే సేవ‌చేస్తారు. అది వారి వృత్తి ధ‌ర్మంగా భావిస్తారు. కానీ వారి సేవ‌ల‌కు త‌గిన ప‌త కాల‌తో పాటు ఇచ్చేపారితోషికం కూడా కాస్తంత జేబు నిండేలా అన్నా ఇవ్వ‌రు. పైగా ఇప్పుడు జ‌గ‌న్ ప్ర‌భు త్వం కేవ‌లం ప‌తకానికే అధిక ప్రాధాన్య‌త‌నిస్తూ ఇచ్చే కాస్తింత న‌గ‌దులోనూ కోత విధించ‌డం దారుణం.  ఊళ్లో గొడ‌వ‌లు, ధ‌ర్నాలు, రౌడీల దాడులు జ‌రుగుతున్నా అడ్డుకోవ‌డానికి ఈల‌ వేస్తే వ‌చ్చేది  పోలీసు బ‌ల‌గాలే. మ‌రీ అవ‌స‌ర‌మైతే అగ్నిమాప‌క‌ ద‌ళాలూ వ‌చ్చేస్తాయి. వారి శిక్ష‌ణ అలా ఉంటుంది. మాన‌వ సేవే మాధ‌వ సేవ అనే త‌త్వం ఇమిడి ఉంటుంది. వారి శిక్ష‌ణ‌కు, వారి క‌ష్టానికి ప్ర‌భుత్వాలు ఇవ్వాల్సిన గౌర‌వ మ‌ర్యాద‌లు కేవ‌లం వారు చ‌నిపోయిన త‌ర్వాత ఇంటికి పెన్స‌న్ డ‌బ్బో, కాయితాలో  పంప‌డం కాదు.   ఉగాది పురాస్కారాల పేరిట చేసే గౌర‌వ మ‌ర్యాద‌లూ మ‌రింత  గౌర‌వ‌ ప్ర‌దంగా ఉండాలి. కానీ  జ‌గ‌న్ స‌ర్కార్ మాత్రం ఈసారి నుంచి ఉగాది పుర‌స్కారాలు ప్ర‌త్యేకంగా పోలీసులు, అగ్నిమాప‌క‌ద‌ళాల వారికి ఇచ్చే పుర‌స్కారంలో భాగంగా కేవ‌లం ప‌థ‌కం, 150 రూపాయ‌ల న‌గ‌దు మాత్ర‌మే  ఇవ్వాల‌ని  నిర్ణ‌యిం చింది. గ‌తంలో ఈ న‌గ‌దు 500 రూపాయ‌లు ఉండేది. దాన్ని రూ.150కి త‌గ్గించ‌డం విని న‌వ్వాలో, ఏడ వాలో అర్ధంగావ‌డం లేదు. 

ఆర్ధిక అరాచ‌క‌త్వం.. ఆంధ్రా గ‌తి శ్రీ‌లంకే.. ర‌ఘురామ‌రాజు

వైసీసీ రెబెల్ ఎంపి ర‌ఘురామ కృష్ణంరాజు లోక్‌స‌భ లో  ఆంధ్ర‌ప్ర‌దేశ్ దుస్థితిని కేంద్రానికి  తెలిపే ప్ర‌య త్నం చేశారు. ఆయ‌న ప్ర‌సంగాన్ని వైసీపీ ఎంపీ మిథున్ రెడ్డి పదే ప‌దే అడ్డుకున్నారు.  ఈ స‌మ‌యం లో ఇద్ద‌రి మ‌ధ్య వాగ్వాదం జ‌రిగింది. రాష్ట్రంలో జ‌గ‌న్  పాల‌న ప్ర‌జావ్య‌తిరేక‌, రైతాంగ వ్య‌తిరేక ధోర‌ణిలో సాగుతోంద‌ని  ర‌ఘురామ విరుచుకుప‌డ్డారు. ఆయ‌న ప్ర‌సంగాన్ని మిథున్ రెడ్డి  అడ్డుప‌డుతున్న‌ప్ప‌టికీ ర‌ఘురామ ఏమాత్రం ప‌ట్టించుకోకుండా ప్ర‌సంగాన్ని కొన‌సాగించారు.  రాష్ట్రంలో ఆర్ధిక ప‌రిస్థితులు ఊహించ‌ని విధంగా ఉన్నాయ‌ని కేంద్రం వెంట‌నే చ‌ర్య‌లు తీసుకొన‌క‌పోతే ఆంధ్ర‌ప్రదేశ్ శ్రీ‌లంక ప‌రిస్థితిని ఎదుర్కొంటుంద‌ని వైసీపీ ఎంపి ర‌ఘురామ‌కృష్ణం రాజు అన్నారు. ఆయ‌న గురువారం లోక్‌స‌భ‌లో మాట్లాడుతూ ఆంధ్ర‌ప్ర‌దేశ్ ప్ర‌భుత్వం వ్య‌వ‌హ‌రిస్తున్ తీరుపై విరుచుకుప‌డ్డారు.  రాష్ట్ర ప్ర‌భుత్వం చేస్తున్న అప్పుల విష‌యంలో కేంద్రం చ‌ర్య‌లు తీసుకోవాల్సిన అవ‌స‌రం ఎంతైనా ఉంద న్నారు. రాష్ట్ర ఖ‌జానాకు చేరాల్సిన ఆదాయం ఏపీ బేవ‌రేజెస్ కార్పోరేష‌న్‌కు మ‌ళ్లిస్తున్నార‌ని దుయ్య బ‌ట్టా రు.  ఇలా మ‌ళ్ళించిన ఆదాయాన్ని ఆ కార్పోరేష‌న్ ఆదాయంగా చూపుతున్నార‌న్నారు. పైగా ఆ కార్పోరేష‌న్ పేరు మీద అప్పులు చేస్తున్నార‌ని  వైసీపీ ఎంపీ ఆరోపించారు.   అమ‌రావ‌తి రైతులు త‌మ స‌మ‌స్య‌ల్ని ప్ర‌భుత్వానికి తెలిసేలా చేయాల‌ని త‌ల‌పెట్టిన  మ‌హాపాద‌యాత్ర జ‌ర‌గకుండా అడ్డుకోవ‌డానికి ప్ర‌య‌త్నించార‌ని ఆరోపించారు. 

పొలిటికల్ మైలేజి కోసమేనా కాంగ్రెస్ నిరసన ప్రదర్శనలు ?

నేషనల్‌ హెరాల్డ్‌-ఏజేఎల్‌ వ్యవహారానికి సంబంధించి కాంగ్రెస్ అధ్యక్షురాలు సోనియా గాంధీ, ఆమె కుమారుడు కాంగ్రెస్ పార్టీ కీలక నేత రాహుల్ గాంధీ, అలాగే అదే పార్టీకి చెందిన మరి కొందరు ముఖ్య నేతలపై మనీ లాండరింగ్‌ కేసు నమోదైంది. ఇది ఇప్పుడు నమోదైన కేసు కాదు, కాంగ్రెస్ హయాంలో, మన్మోహన్ సింగ్ ప్రధానిగా ఉన్న రోజుల్లో నమోదైన కేసు. అయితే, అప్పట్లో విచారణ లేకుండానే, విచారణ సంస్థలు కేసును కొట్టేశాయి.ఆ తర్వాత  సుభ్రమణ్య స్వామి కోర్టును ఆశ్రయించడంతో,కోర్టు ఆదేశాల  మేరకు ఈడీ విచారణ చేపట్టింది.   ఈ నేపధ్యంలో కేసును విచారిస్తున్న ఎన్ఫోర్స్మెంట్  డైరెక్టరేట్,(ఈడీ) ఇతరులతో పాటుగా సోనియా గాంధీకి కూడా సమన్లు జారీ చేసింది. నిజానికి,  గత నెలలోనే ఈడీ నోటీసులు జారీ అయినా... అనారోగ్యం (కొవిడ్) కారణంగా ఆమె, అప్పుడు ఈడీ విచారణకు హాజరు కాలేక పోయారు. వాయిదా కోరారు.ఈడీ ఆమె కోరిన విధంగా వాయిదాకు అంగీకరించి, తాజాగా జులై 21, 22 తేదీల్లో విచారణకు హాజరు కావాలని మరో మారు సమన్లు జారీ చేసింది.ఈ నేపధ్యంలో, ఆమె ఈ రోజు ( జులై  21) ఈడీ ముందు విచారణకు హాజరయ్యారు.   అయితే, సోనియా గాంధీ విచారణను వ్యతిరేకిస్తూ కాంగ్రెస్ పార్టీ దేశ వ్యాప్తంగా నిరసన కార్యక్రమాలు నిర్వహిస్తోది. కేంద్ర ప్రభుత్వం విచారణ సంస్థల ద్వారా రాజకీయ వేధింపులకు దిగుతోందంటూ కాంగ్రెస్ నేతలు ఆరోపిస్తున్నారు. ఒకక్ కాంగ్రెస్ నాయకులే కాదు, ప్రతిపక్షాలు అన్నీ అదే ఆరోపణ చేస్తున్నాయి. దేశ వ్యాప్తంగా నిరసన ప్రదర్సనలు నిర్వహిస్తున్నారు. గతంలో ఇదే కేసులో రాహుల్ గాంధీని విచారించిన సమయంలోనూ కాంగ్రెస్ శ్రేణులు దేశ వ్యాప్తంగా ఇదే తరహ నిరసన ప్రదర్శనలు నిర్వహించారు. అయితే, కేసు ఏమిటి? విచారణ ఏమిటి? తీర్పు ఎలా ఉంటుంది? చివరకు ఎమి జరుగుతుంది, ఏమి జరగదు, అనే విషయాలను పక్కన పెడితే, కాంగ్రెస్ శ్రేణులు నిర్వహిస్తున్న నిరసన ప్రదర్శనలు, ఆందోళనల వలన పార్టీకి కలిగే రాజకీయ ప్రయోజనం ఏమిటి, అనే విషయంలో రాజకీయ వర్గాల్లో , ముఖ్యంగా కాంగ్రెస్ పార్టీలో భిన్నాభిప్రాయాలు వ్యక్తమవుతున్నాయి.  గతంలో మాజే ప్రధాని పీవీ నరసింహ రావు, ఇతర నేతలు కూడా సీబీఐ,ఈడీ, ఎన్ఐఎ వంటి కేంద్ర దర్యాప్తు సంస్థలు విచారణ ఎదుర్కున్నారు. గోద్రా అనంతర గుజరాత్ అల్లర్ల కేసులో ప్రస్తుత ప్రధాని నరేంద్ర మోడీ , ‘సిట్’ (ప్రత్యేక దర్యాప్తు సంస్థ) ఎదుట, గుజరాత్ ముఖ్యమంత్రి హోదాలో రోజుల తరబడి విచారణకు హాజరయ్యారు. ఇంకా విచారణను హుందాగా ఎదుర్కున్న నాయకులు చాలా మందే ఉన్నారు. కానీ, అప్పట్లో పార్టీ మొత్తంగా వీధుల్లోకి రాలేదు. నిరసన ర్యాలీలు నిర్వహించిన దాఖలాలూ లేవు. చట్టాన్ని గౌరవించారు. నిజానికి, ఇదే నేషనల్ హెరాల్డ్ కేసుకు సంబంధించి కూడా కాంగ్రెస్ సీనియర్ నాయకుడు, రాజ్యసభలో కాంగ్రెస్ పక్ష నేత మల్లికార్జున ఖర్గే, పార్టీ మరో సీనియర్ నేత పవన్ బన్సల్ ను కూడా ఈడీ విచారించింది. అయినా, ఖర్గే , బన్సల్ విచారణకు కాంగ్రెస్ అభ్యంతరం చెప్పలేదు. నిరసన ప్రదర్శనలు చేయలేదు. అసలు విచారణ ఎప్పుడు జరిగిందో కూడా ఎవరికీ తెలియకుండా విచారణ పూర్తయింది. కానీ, రాహుల్ గాంధీని విచారించిన ఐదు రోజులూ కాంగ్రెస్ పార్టీ దెశ వ్యాప్తంగా నిరసన ప్రదర్శనలు నిర్వహించింది. ఇప్పడు మళ్ళీ సోనియా  గాంధీ విచారణ సందర్భంగా, పార్టీ  సీనియర్ నేతలంతా రోడ్డు మీదకు వచ్చారు. అయితే, ఈనిరసన ప్రదర్శనల వలన విచారణ సంస్థలు ప్రభావితం అవుతాయా అంటే, అలాంటి అవకాశం కనిపించడం లేదు. అలాగే, నిరసన ప్రదర్శనల ద్వారా కాంగ్రెస్ పార్టీ ఆశిస్తున్న పొలిటికల్ మైలేజి అయినా వస్తుందా, అంటే  అదీ అనుమానమే అంటున్నారు.

విప‌క్షాల భేటీ .. తోడికోడ‌ళ్ల స‌మావేశ‌మ‌వుతుందా?

అత్తింటి ఆరిళ్ల‌ను త‌ట్టుకోలేక తోడికోడ‌ళ్లంతా స‌మావేశ‌మయ్యారు వెన‌క‌టికి. వారి మ‌ధ్య ఘోర విభేదాల‌న్నీ తిట్లూ శాప‌నార్ధాల‌న్నీ ఒక్కింత మ‌రిచిపోయి మ‌న‌మంతా అక్క‌చెల్లెళ్లం అత్త‌మ్మే దుర్మార్గురాలు ఆమె ప‌నిప‌ట్టాల్సిందే అని ఓ పండ‌గ రోజు గుడిలో స‌మావేశ‌మ‌య్యారు. దాని ఫ‌లితం ఎలా ఉన్నా గురువారం కాంగ్రెస్ అధినేత సోనియా ఈడీ  పిలుపు మేర‌కు పార్ల‌మెంటులో కాంగ్రెస్ కార్యాల‌యంలో  దాదాపు 13 విప‌క్షాలు స‌మావేశ‌మయ్యాయి. ఈ పార్టీల నాయ‌కుల ల‌క్ష్యం మోదీ ప్ర‌భుత్వాన్ని వీల‌యినంత వెంట‌నే గ‌ద్దె దించే య‌డం. కానీ అంతకంటే ముందుగా, నిజంగానే వారి మ‌ధ్య అంత స‌ఖ్య‌త‌నూ చివ‌రంటా కొన‌సాగిస్తారా లేదా తోడికోడ ళ్ల‌లా ఇంటికెళ్లాక మ‌ళ్లీ క‌ధ మొద‌టికేనా అన్న‌ది చూడాలి. తెలంగాణలో ఉప్పు నిప్పులా ఉండే కాంగ్రెస్, తెరాసల మధ్య దూరంతగ్గుతోందా అనిపించేలా ఈ భేటీలో తెరాస కూడా పాల్గొంది. పార్లమెంటులోని కాంగ్రెస్ కార్యాలయంలో జరిగిన  భేటీకి టీఆర్ఎస్ ఎంపీలు వెళ్లారు. కాంగ్రెస్ పార్టీ అధినేత సోనియా గాంధీని  నేష‌న‌ల్ హెరాల్డ్ కేసులో మ‌రోసారి ఎన్‌ఫెర్స్‌మెంట్ డైరెక్ట‌రేట్ (ఈడి) సోనియాను విచారణ నిమిత్తం కార్యాలయాలనికి పిలిచిన నేపథ్యంలో విపక్షాల బేటీ ప్రాధాన్యత సంతరించుకుంది.  బీజేపీ నాయ‌క‌త్వంలోని కేంద్రం క‌క్ష‌సాధింపు చ‌ర్య‌గా సోనియాపై ఈడిని ప్రేరేపిస్తోంద‌ని విప‌క్షాలు మోదీ స‌ర్కార్‌పై దుమ్మెత్తిపోస్తున్నాయి. ఈడి ని బిజెపి నాయ‌క‌త్వంలోని ప్ర‌భుత్వం దుర్వినియోగం చేస్తోంద‌ని ప్ర‌తిప‌క్షాలు స‌మావేశం అనంత‌రం  విడు ద‌ల చేసిన ఒక  ప్ర‌క‌టన‌లో ఆరోపించాయి.     దేశంలో ప్ర‌తిప‌క్షాల‌న్నింటిపైనా మోదీ స‌ర్కార్ ప‌నిగ‌ట్టుకుని విరుచుకుప‌డుతోందని, అందుకు ఇన్‌వెస్టి గేటింగ్ సంస్థ‌ల‌న్నింటినీ ఉప‌యోగించుకుంటోంద‌ని మండిప‌డుతున్నాయి. అనేక పార్టీల ప్ర‌ముఖ నాయ కుల‌ను ప‌నిగ‌ట్టుకుని ల‌క్ష్యంగా చేసుకుని మ‌రీ వేధింపుల‌కు గురిచేస్తున్నారని, ఈ విధంగా వేధిం పుల‌కు గురిచేయ‌డం మ‌రింత కొన‌సాగిస్తున్న‌ద‌ని విప‌క్షాలు మండిప‌డ్డాయి. కేంద్రం దారుణంగా వ్య‌వ‌హ‌రి స్తోంద‌ని దీన్ని విప‌క్షాల‌న్నీ క‌లిసిక‌ట్టుగా ఖండించాయి, ఇక ముందుకూడా కేంద్రం ఆటలు సాగ‌నీయ మ‌ని విప‌క్షాలు సంయుక్తంగా విడుద‌ల చేసిన ప్ర‌క‌ట‌న‌లో పేర్కొన్నాయి.  కేంద్రం చేప‌డుతున్న ప్ర‌జా వ్య‌తిరేక‌, రైతాంగ వ్య‌తిరేక‌, రాజ్యాంగ వ్య‌తిరేక విధానాలు స‌మాజంలో శాంతిభ‌ద్ర‌త‌ల నూ విచ్ఛిన్నం చేస్తున్నాయ‌ని వారు ఆరోపిచారు.     ఇటువంటి స‌మావేశాల‌కు ఇప్ప‌టివ‌ర‌కూ దూరంగానే ఉన్న కేసీర్ నాయ‌క‌త్వంలోని టీఆర్ ఎస్ పార్టీ మొట్ట‌మొద‌టి సారిగా  సోనియా  ఈడీ విచారణకు నిరసనగా జరిగిన భేటీకి హాజరైంది.  ఇద్ద‌రి ల‌క్ష్యం బీజేపీకి  బుద్ధి చెప్పడ‌మే గ‌నుక కాంగ్రెస్ ఆధ్వర్యంలో జరిగిన సమావేశానికి టీఆర్ఎస్ హాజరైందని చెప్పవచ్చు.  గురువారం నాటి స‌మావేశంలో కాంగ్రెస్‌, డిఎంకె, సిపిఐ-ఎం, సిపిఐ, ఇండియ‌న్ యూనియ‌న్ ముస్లిం లీగ్ (ఐయుఎం ఎల్‌) పార్టీ ప్ర‌తినిధులు పాల్గొన్నారు. కాగా జ‌మ్ము కాశ్మీర్ నేష‌న‌ల్ కాన్ఫ‌రెన్స్‌(జెకెఎన్‌సి), టిఆర్ ఎస్‌, ఎండిఎంకె, ఎన్‌సిపి, విడుత‌లై చిరుతైగ‌ల్ క‌చ్చి(విసికె), శివ‌సేన‌, ఆర్‌జెడి పార్టీల నాయ‌కులు మాత్రం ప్ర‌తిప‌క్ష నేత కార్యాల‌యంలో క‌ల‌వ‌డం గ‌మ‌నార్హం.  కాంగ్రెస్ అధినేత సోనియా గాంధీని మ‌ధ్యాన్నం త‌మ కార్యాల‌యానికి రావ‌ల‌సిందిగా ఇ.డి. స‌మాచారం పంపింది. ఆమెకు మ‌ద్ద‌తుగా కాంగ్రెస్ పార్టీ నాయ‌కులు, సంబంధిత సంస్థ‌ల నాయ‌కులు ర్యాలీగా వెళ‌తా ర‌ని స‌మాచారం. ఇటీవ‌ల ఆమె కోవిడ్‌తో బాధ‌ప‌డుతుండ‌డంతో ఆమె ఆస్ప‌త్రిలో చికిత్స‌కు చేరారు. ఈ కార‌ణంగా ఆమె ఇ.డి విచార‌ణ‌కు హాజ‌రుకాలేక‌పోయారు. జూన్ రెండ‌వ వారంలో ఆమె ఆస్ప‌త్రి నుంచి బ‌య‌టికి రాగానే ఆమెను త‌మ కార్యాల‌యానికి రావాల‌ని అనేక‌ప‌ర్యాయాలు ఇ.డి.  కోరింది.  అయితే ఆమెను ఇలా త‌మ కార్యాల‌యానికి పిల‌వ‌డం స‌మంజ‌సం కాద‌ని ఆ విచార‌ణా సంస్థ అధికారులే సోనియా నివాసానికి రావ‌ల‌సింద‌ని రాజ‌స్థాన్ ముఖ్య‌మంత్రి, సీనియ‌ర్ కాంగ్రెస్ నేత అశోక్ ఘెలాట్ ఒక ప్ర‌క‌ట‌న‌లో పేర్కొన్నారు. ఇ.డి వ్య‌వ‌హ‌రిస్తున్న తీరు పై మండిప‌డుతూ ప్ర‌ధాని మోదీ,  కేంద్రం ప‌ట్ల అస హ‌నం వ్య‌క్తం చేశారు. కేంద్ర ప్ర‌భుత్వం లోపాల‌ను, వైఫ‌ల్యాల‌ను ఎత్తిచూపుతున్నందువ‌ల్ల‌నే విప‌క్షాల మీద మోదీ ప్ర‌భుత్వం ఈ క‌క్ష‌సాధింపు చ‌ర్య‌ల‌కు పాల్ప‌డుతోంద‌ని ఆయ‌న ఆగ్ర‌హం వ్య‌క్తం చేశారు.  ఇదిలా ఉండ‌గా, బిజెపి నాయ‌క‌త్వంలోని కేంద్ర‌ప్ర‌భుత్వం ఇడి, సిబిఐ వంటి సంస్థ‌ల‌ను త‌మ స్వార్ధానికి వినియోగించుకుంటోంద‌ని, దీన్ని గురించి స‌భ‌లో చ‌ర్చించాల‌ని కాంగ్రెస్ ఎంపీ గౌర‌వ్  గోగోయ్ గురు వారం లోక్‌స‌భ‌లో వాయిదా తీర్మానం ప్ర‌వేశ‌పెట్టారు. కేంద్ర‌ప్ర‌భుత్వం ఆ సంస్థ‌ల‌ను కేవ‌లం విప‌క్షాల‌ను తొక్కేయ‌డానికి, దేశంలో అస‌లు విప‌క్షం అంటూ లేకుండా చేసుకోవ‌డానికి మోదీ ప్ర‌భుత్వం వినియోగిం చుకుంటోంద‌ని గోగోయ్ అన్నారు. కేంద్రం వ్య‌వ‌హారం ప్ర‌జాస్వామ్యానికి ఎంతో హానిక‌రం అని విమ‌ర్శిం చారు.   

అంతా భార‌తి మాయ‌!

అమ్మా..దుర్గా.. అని మ‌న‌సారా స్మ‌రించే స‌రికి శివాజీకి దుర్గా మాత ఖ‌డ్గం ఇచ్చిందంటారు.  రామా న‌ను బ్రోవ‌రా అని త్యాగ‌య్య వేడుకోగానే రాముడు మారువేషంలో వెళ్లి ప‌రిస్థితులు తెలుసుకుని క‌రుణించాడు. ఏదేమైన‌ప్ప‌టికీ, భ‌క్తుల క‌థ‌లు తేల్చిన‌దేమంటే.. అయ్య‌వారికంటే అమ్మ‌వారి ద‌యే బ‌హు దొడ్డ‌ది, జీవితాన్నిస్తుంది, చింత‌ లేకుండా బ‌తికేయ‌మని. ఇలాంటివి ఒట్టి క‌థ‌లే అంటారు నిర‌సించేవారు. కానీ  ఈ రోజు ల్లోనూ అలాంటి అమ్మ‌వారు, అలాంటి సంపూర్ణ భ‌క్తుడూ మ‌న క‌ళ్ల‌ముందే ఉన్నార‌న్న‌ది చాలా ఆలస్యం గా వెలుగు చూసింది. ఆ అమ్మవారు భార‌తీ అమ్మ‌వారు.. ఆ భ‌క్తుడు విజ‌య‌సాయి!  అవును దేవ‌ర వారు ఏమన్నా, అమ్మ‌వారి ప‌లుకులు ఆంగ్లంలో వ‌చ్చినా దాని వల్ల విజ‌య‌సాయిరెడ్డి కి మాత్రమే మేలు జ‌రుగుతోంది. యావ‌త్‌ భార‌త దేశంలో కాంగ్రెస్ నాయ‌కులు, అభిమాన‌లు, కార్య‌క‌ర్త‌ల‌కు వారి అధి దేవ‌త సోనియా గాంధీ నే. ఆమె మాటే శాస‌నం, కాదంటే ఇర‌కాట‌మే! ఇపుడు అలాంటి గొప్ప సంప్ర‌దాయం వైసీపీలోనూ ఉంద న్నది కేవ‌లం అనుమానం కాదు వాస్త‌వ‌మేమో అనిపిస్తుంది. కార‌ణం పార్టీ హైక‌మాండ్ లా భార‌తి తెర వెనుక క‌థ న‌డుపుతున్నార‌న్న సంగ‌తి పార్టీ వ‌ర్గాల్లోనూ వినిపిస్తోంది. కాకుంటే, పార్టీ వ‌ర్గాలు గ‌ట్టిగా పైకి చెప్ప లేకపోతున్నాయి. కానీ కీల‌క ఎత్తుగ‌డ‌లు, నిర్ణ‌యాల్లో ఆమె మాట చెల్లుబాట‌వుతోంద‌న్న టాక్ ఉంది.  తాజాగా విజయసాయిరెడ్డి.. పెద్దల సభ రాజ్యసభలో మళ్లీ సభ్యుడిగా ప్రమాణం చేసిన వీడియోతో పాటు వైయస్ జగన్, వైయస్ భారతమ్మకు  తన ట్విట్టర్ ఖాతా ద్వారా ధన్యవాదాలు తెలిపారు. దీంతో ఈ అంశం పై  మళ్లీ ఫ్యాన్ నేతల్లో సందేహాలు పెరిగాయి. ఇటీవల ఉత్తరాంధ్రలో పార్టీ  ఇన్‌చార్జ్ బాధ్యతల నుంచి  తప్పించి.. పార్టీలో సాధారణ  బాధ్యతలను విజయసాయికి అప్పగించింది తాడేపల్లి ప్యాలెస్‌లోని పార్టీ అధిష్టానం. అలా జరిగిన రెండు మూడు రోజు లకే  పార్టీలో అత్యంత కీలకమైన బాధ్యతలు సైతం విజయసాయిరెడ్డికి దఖలు పడ్డాయి.  ముఖ్యమంత్రి వైయస్ జగన్ ప్రభుత్వ ముఖ్య సలహాదారు సజ్జలకు దఖలు పడిన వాటిని మళ్లీ  విజయసాయిరెడ్డి చేతు ల్లోకి తీసుకు వెళ్లి మరీ పెట్టారు. ఆ క్రమంలోనే మళ్లీ విజయసాయిరెడ్డికి రాజ్యసభ సీటు  ఆటోమెటిక్‌గా రెన్యూవల్ జరిగిపోయింది. ఆ వెంటనే విజయసాయిరెడ్డి  మీడియా సాక్షిగా వైయస్ జగన్‌తోపాటు వైయస్ భారతమ్మకు ధన్యవాదాలు తెలిపిన సంగతి తెలిసిందే. ఆ క్రమంలో దీనిపై మీడియాలోనే కాదు  సోషల్ మీడియాలో సైతం చర్చ రచ్చ రచ్చగా జరిగింది కూడా. వాస్త‌వానికి  విజయసాయిరెడ్డిని మళ్లీ రాజ్యసభకు పంపరంటూ తాడేపల్లి ప్యాలెస్ సాక్షిగా    గట్టిగానే ప్రచారం జరిగింది. కానీ ఆఖరి నిమిషంలో ఆయ‌న‌కి మళ్లీ పెద్దల సభలో సభ్యుడిగా అవకాశం వ‌చ్చింది. ఇదెలా సాధ్య‌మ‌ని చాలా మంది చాలా ఆలోచించారు.   అసలు మళ్లీ ఆయన ఎలా చాన్స్ కొట్టే శారంటూ ఓ చర్చ  తాడేపల్లి ప్యాలెస్‌లోనే యమ జోరుగా నడిచిందట. మాత ద‌య ఉంటే ఏద‌న్నా, ఎలాగైనా జ‌రిగిపోద్దంతే! జగన్ అధికారంలోకి వచ్చిన తర్వాత  విజయసాయి దాదాపుగా కనుమరుగు అయ్యిపోయారు. అంటే ఉత్త రాంధ్ర భాధ్య‌తలు చేపట్టి.. విశాఖలోనే మకాం పెట్టేరు.  ఆయనకంటూ ఓ వర్గాన్ని ఏర్పాటు చేసుకున్నా రట. ఆ క్రమంలో  సదరు వర్గం  విశాఖలో ఓ రేంజ్‌లో చెలరేగిపోయిందట. దీంతో  వీరిపై  ఫిర్యాదులు నేరుగా ముఖ్యమంత్రి కార్యాలయానికి చేరడంతో  సీఎం  జగన్‌ రంగంలోకి దిగి విజయాసాయిరెడ్డి.. ఉత్తరాంధ్ర బాధ్యతలకు చెక్ పెట్టి.. తాడేపల్లి ప్యాలెస్‌లో  కొలువు చేసుకోవాలంటూ ఆదేశించారట. అలా ఆదేశాలు వెలువడిన రెండు మూడు రోజులకే ప్యాలెస్‌లోని.. పెద్ద అమ్మ గారు తెరపైకి వచ్చి విజయ సాయిరెడ్డికి పూర్వవైభవం కల్పించాలంటూ ఆదేశించారని సమాచారం. అమ్మవారి నుండి.. అదీ సీఎం గారి హోం మినిస్టర్ నుంచి ఆదేశాలు రావడంతో ఇక చేసేది లేక.. అప్పటి కప్పుడు.. యుద్ద ప్రాతిపదికన విజయసాయిరెడ్డివారికి అన్ని కీలక బాధ్యతలు దఖలు పడ్డాయట. ఈ మొత్తం ఎపిసోడ్ చూసిన తాడేపల్లి ప్యాలెస్‌లోని వారంతా..  అంతా భారతీ మాయ అంటున్నారట.  అలాగే మళ్లీ ఎన్నికలు సీజన్ సమీపిస్తోంది. ఈ నేపథ్యంలో ఉన్నతాధికారుల్లో అనుకూలురైన వారిని ఎక్కడ ఉంచాలి.. వ్యతిరేకంగా ఉన్న వారికి ఎక్కడ తుంచాలి అనే తరహా మంత్రాంగంలో   అమ్మ గారు  ప్రస్తుతం నిమగ్నమైనట్లు సమాచారం. ఏదీ ఏమైనా.. తమ గోడు.. అయ్యవారికి  చెప్పుకొంటే.. ఆ పని.. కొంతే వరకే జరుగుతోందని.. అదే అమ్మ వారిని  ఫ‌లం పుష్పం తోయంతో పాటు అష్టోత్తర శత సహస్ర నామాలతో జపిస్తే.. ఏమి తెలియని కాళిదాసును అమ్మవారు కరుణించి  మహాకవిని చేసినట్టు  ఈ విజయ సాయిరెడ్డిని మళ్లీ పెద్దల సభకు పంపించారనే ఓ టాక్  అయితే మళ్లీ ఫ్యాన్ పార్టీలో ఫ్యాన్  తిరిగినట్లు గింగరాలు తిరుగుతోందట.