స్టార్ హీరోలకు తాతలు దొరికారు!
సినిమా అన్నాక ఏపాత్రలనైనా చేసి మెప్పించాల్సి ఉంటుంది. గతంలో ఎన్టీఆర్, ఏయన్నార్, ఎస్వీరంగారావు, సావిత్రి, గుమ్మడి వంటి వారందరు ఇలా విభిన్న పాత్రలను పోషిస్తూ మెప్పించిన వారే. ఎన్టీఆర్, సావిత్రి హీరోహీరోయిన్లుగా నటిస్తూనే రక్తసంబంధం చిత్రంలో అన్నా చెల్లి పాత్రలను పోషించి మెప్పించారు. ఇక పౌరాణిక పాత్రలో నెగటివిటీ ఉండే రావణాసరుడు నుంచి ఆడా మగా కాని బృహన్నల పాత్ర వరకు ఎన్టీఆర్ పోషించి మెప్పించారు. ఇలాగే ఎస్వీరంగారావు కూడా. ఇక చిన్న వయసులోనే తన కంటే పెద్ద అయిన ఎన్టీఆర్, ఏయన్నార్ వంటి వారికి తండ్రి, తాత పాత్రలను పోషించిన ఘనత గుమ్మడికి దక్కుతుంది. ఇలా ఎన్నో ఉదాహరణలు చెప్పవచ్చు.