ఒకే రోజు మూడు టాప్ హిందీ ఫిల్మ్లను దాటేసిన 'కేజీఎఫ్ 2'
కోలార్ గోల్డ్ ఫీల్డ్స్ నేపథ్యంతో ప్రశాంత్ నీల్ రూపొందించిన 'కేజీఎఫ్ చాప్టర్ 2' మూవీ హిందీ బాక్సాఫీస్ దగ్గర సంచలనాలు నమోదు చేస్తూ ముందుకు దూసుకుపోతోంది. బుధవారం వచ్చిన రూ. 6.25 కోట్లతో కలుపుకొని 'కేజీఎఫ్ 2' హిందీ వెర్షన్ వసూళ్లు రూ. 343.13 కోట్లకు చేరుకున్నాయి. ఈ క్రమంలో ఒకే రోజు ఆ సినిమా సల్మాన్ ఖాన్ 'టైగర్ జిందా హై', ఆమిర్ ఖాన్ 'పీకే', రణబీర్ కపూర్ 'సంజు' సినిమాల లైఫ్టైమ్ వసూళ్లను దాటేసి, ఇండియాలో అత్యధిక వసూళ్లు సాధించిన హిందీ చిత్రాల్లో మూడో స్థానాన్ని ఆక్రమించింది.