English | Telugu

Home  
Gossip

`సంచారి`గా ప‌వ‌ర్ స్టార్?

`వ‌కీల్ సాబ్`తో రి-ఎంట్రీ బాట ప‌ట్టిన ప‌వ‌ర్ స్టార్ ప‌వ‌న్ క‌ళ్యాణ్.. వ‌రుస సినిమాలు చేస్తూ టాక్ ఆఫ్ టాలీవుడ్ అవుతున్నారు.  రేపు (ఏప్రిల్ 9) `వ‌కీల్ సాబ్` రిలీజ్ కానుండ‌గా.. సెప్టెంబ‌ర్ లో `అయ్య‌ప్ప‌నుమ్ కోషియుమ్` రీమేక్ విడుద‌ల కానుంది. క్రిష్ ద‌ర్శ‌క‌త్వంలో చేస్తున్న పిరియ‌డ్ డ్రామా `హ‌రిహ‌ర వీర‌మ‌ల్లు` 2022 సంక్రాంతికి సంద‌డి చేయ‌నుంది. ఆపై హ‌రీశ్ శంక‌ర్ కాంబినేష‌న్ మూవీ 2022 వేస‌విలో జ‌నం ముందుకు వ‌చ్చే అవ‌కాశ‌ముంది.

చ‌ర‌ణ్‌కి తండ్రి పాత్ర‌లో చిరు?

త‌న త‌న‌యుడు  మెగాప‌వ‌ర్ స్టార్ రామ్ చ‌ర‌ణ్ క‌థానాయ‌కుడిగా న‌టించిన `మ‌గ‌ధీర‌` (2009), `బ్రూస్ లీ` (2015) చిత్రాల్లో అతిథి పాత్ర‌ల్లో మెరిశారు మెగాస్టార్ చిరంజీవి. క‌ట్ చేస్తే..  చిరు రి-ఎంట్రీ మూవీ `ఖైదీ నంబ‌ర్ 150` (2017)లో త‌నో కామియో చేశారు చ‌ర‌ణ్. నాలుగేళ్ళ త‌రువాత ఇప్పుడు ఈ ఇద్ద‌రు.. `ఆచార్య‌` చిత్రంలో క‌లిసి న‌టిస్తున్నారు. చిరు మెయిన్ లీడ్ గా న‌టిస్తుండ‌గా.. ఆ పాత్ర‌కి స్ఫూర్తినిచ్చే మ‌రో క‌థానాయ‌కుడి పాత్ర‌లో చ‌ర‌ణ్ ద‌ర్శ‌న‌మివ్వ‌నున్నారు.

నితిన్ తో సాయిప‌ల్ల‌వి?

ఈ నెల‌లో రెండు వారాల గ్యాప్ లో రెండు ఇంట్రెస్టింగ్ ప్రాజెక్టుల‌తో సంద‌డి చేయ‌నుంది `ఫిదా` పోరి సాయిప‌ల్ల‌వి. ఈ నెల 16న యువ సామ్రాట్ నాగ‌చైత‌న్య‌తో జోడీ క‌ట్టిన‌ `ల‌వ్ స్టోరి` రిలీజ్ కానుండ‌గా.. 30న రానా ద‌గ్గుబాటికి జంట‌గా న‌టించిన `విరాట ప‌ర్వం` విడుద‌ల కానుంది....

2022కి ర‌వితేజ‌, మారుతి ఫిక్స్?

మాస్ మ‌హారాజా ర‌వితేజ‌తో స‌క్సెస్ ఫుల్ డైరెక్ట‌ర్ మారుతి ఓ సినిమా చేయాల్సింది. అయితే, కొన్ని కార‌ణాల వ‌ల్ల ఆ ప్రాజెక్ట్ కార్య‌రూపం దాల్చ‌లేదు. ఈ నేప‌థ్యంలో.. యాక్ష‌న్ హీరో గోపీచంద్ తో `ప‌క్కా క‌మ‌ర్షియ‌ల్`గా ఆ ప్రాజెక్ట్ ని సెట్ చేసుకున్నాడు మారుతి. ఇప్ప‌టికే ఓ షెడ్యూల్ పూర్తి చేసుకున్న ఈ కామిక్ ఎంట‌ర్ టైన‌ర్.. విజ‌య‌ద‌శ‌మి కానుక‌గా అక్టోబ‌ర్ 1న థియేట‌ర్స్ లో సంద‌డి చేయ‌నుంది.

ఉగాదికి `#RC 16` ప్ర‌క‌ట‌న‌?

మెగాప‌వ‌ర్ స్టార్ రామ్ చ‌ర‌ణ్ ఈ వేస‌వికి `ఆచార్య‌`తో ప‌ల‌క‌రించ‌బోతున్నారు. ఇందులో త‌న తండ్రి, మెగాస్టార్ చిరంజీవితో స్క్రీన్ షేర్ చేసుకుంటున్నారు. ఆపై విజ‌య‌ద‌శ‌మికి `ఆర్ ఆర్ ఆర్`తో సంద‌డి చేయ‌నున్నారు. యంగ్ టైగ‌ర్ య‌న్టీఆర్ తో జ‌ట్టుక‌ట్టిన ఈ క్రేజీ ప్రాజెక్ట్.. పాన్ - ఇండియా మూవీగా రిలీజ్ కానుంది. ఆ త‌రువాత సెన్సేష‌న‌ల్ డైరెక్ట‌ర్ శంక‌ర్ కాంబినేష‌న్ లో మ‌రో పాన్ - ఇండియా మూవీ చేయ‌బోతున్నారు. `#RC15`గా ఈ సినిమా ప‌ట్టాలెక్క‌నుంది.

వైష్ణ‌వ్, ప్రియాంక‌తో శేఖ‌ర్ క‌మ్ముల చిత్రం?

ఫీల్ గుడ్ రొమాంటిక్ ఎంట‌ర్ టైన‌ర్స్ కి కేరాఫ్ అడ్ర‌స్ గా నిలిచిన ద‌ర్శ‌కుల్లో శేఖ‌ర్ క‌మ్ముల ఒక‌రు. `ఫిదా` వంటి బ్లాక్ బ‌స్ట‌ర్ మూవీ విడుద‌లైన‌ దాదాపు నాలుగేళ్ళ విరామం త‌రువాత `ల‌వ్ స్టోరి`తో ప‌ల‌క‌రించ‌నున్నారు శేఖ‌ర్. యువ సామ్రాట్ నాగ‌చైత‌న్య‌, డాన్సింగ్ సెన్సేష‌న్ సాయిప‌ల్ల‌వి జంట‌గా న‌టించిన ఈ రొమాంటిక్ డ్రామా.. ఏప్రిల్ 16న థియేట‌ర్స్ లో సంద‌డి చేయ‌నుంది.

BB3.. బ్యాడీగా శ‌ర‌త్ కుమార్?

మాస్ సినిమాల స్పెష‌లిస్ట్ బోయ‌పాటి శ్రీ‌ను రూపొందించే చిత్రాల్లో క‌థానాయ‌కుల పాత్ర‌లు ఎంత శ‌క్తిమంతంగా ఉంటాయో.. ప్ర‌తినాయ‌కుల పాత్ర‌లు కూడా అంతే ప‌వ‌ర్ ఫుల్ గా ఉంటాయి. అందుకే.. బోయ‌పాటి చిత్రాల్లో విల‌న్ రోల్స్ పోషించే న‌టుల‌కు కూడా మంచి పేరు వ‌స్తుంది. ఈ నేప‌థ్యంలోనే.. న‌ట‌సింహ నంద‌మూరి బాల‌కృష్ణ‌తో బోయ‌పాటి చేస్తున్న హ్యాట్రిక్ మూవీ `BB3`లో విల‌న్ ఎవ‌రై ఉంటారా? అన్న‌దానిపై ప్ర‌త్యేక ఆస‌క్తి నెల‌కొంది. ఇప్ప‌టికే ఓ విల‌న్ గా సీనియ‌ర్ హీరో శ్రీ‌కాంత్ న‌టిస్తుండ‌గా.. మెయిన్ విల‌న్ ఎవ‌ర‌న్న‌దానిపై క్లారిటీ రాలేదు.

నితిన్‌తో బ‌న్నీ డైరెక్ట‌ర్?

రీసెంట్ గా రిలీజైన `రంగ్ దే`తో మ‌రో రొమాంటిక్ హిట్ ని త‌న ఖాతాలో వేసుకున్నాడు యూత్ స్టార్ నితిన్. ప్ర‌స్తుతం ఈ యంగ్ హీరో.. బాలీవుడ్ బ్లాక్ బ‌స్ట‌ర్ మూవీ `అంధాధున్`కి రీమేక్ గా తెర‌కెక్కుతున్న‌ `మాస్ట్రో`లో న‌టిస్తున్నాడు. మేర్ల‌పాక గాంధీ డైరెక్ట్ చేస్తున్న ఈ సినిమాలో త‌మ‌న్నా, న‌భా న‌టేశ్ ప్ర‌ధాన పాత్ర‌ల్లో ద‌ర్శ‌న‌మివ్వ‌నున్నారు. మ‌హ‌తి స్వ‌ర‌సాగర్ బాణీలు అందిస్తున్న `మాస్ట్రో` జూన్ 11న థియేట‌ర్స్ లో సంద‌డి చేయ‌నుంది.

`వీర‌య్య‌`గా మెగాస్టార్?

మెగాస్టార్ చిరంజీవి వ‌రుస సినిమాల‌‌తో ఫుల్ జోష్ లో ఉన్నారు. ఒక‌వైపు `ఆచార్య‌` చిత్రాన్ని పూర్తిచేసే ప‌నిలో బిజీగా ఉంటూనే.. మ‌రోవైపు `లూసీఫ‌ర్` రీమేక్ ని త్వ‌ర‌లోనే సెట్స్ పైకి తీసుకెళ్ళే దిశ‌గా అడుగులు వేస్తున్నారు. అలాగే `వేదాళ‌మ్` రీమేక్ ని, బాబీ డైరెక్టోరియ‌ల్ ని కూడా లైన్ లో పెట్టారు.

వైష్ణ‌వ్ తేజ్ స‌ర‌స‌న కేతికా శ‌ర్మ‌?

మ్యూజిక‌ల్ బ్లాక్ బ‌స్ట‌ర్ `ఉప్పెన‌`తో తెలుగునాట క‌థానాయ‌కుడిగా తొలి అడుగేశాడు వైష్ణ‌వ్ తేజ్. మొద‌టి ప్ర‌య‌త్నంలోనే న‌టుడిగా మెప్పించాడు. త్వ‌ర‌లోనే ఈ మెగా కాంపౌండ్ యంగ్ హీరో.. వెర్స‌టైల్ డైరెక్ట‌ర్ క్రిష్ రూపొందించిన న‌వ‌లాధారిత చిత్రంతో ప‌ల‌క‌రించ‌బోతున్నాడు. ఇప్ప‌టికే చిత్రీక‌ర‌ణ పూర్తిచేసుకున్న స‌ద‌రు అడ్వెంచ‌ర‌స్ మూవీ.. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుపుకుంటోంది.

సీఎంగా రామ్ చ‌ర‌ణ్?

ఏస్ డైరెక్ట‌ర్ శంక‌ర్ కాంబినేష‌న్ లో మెగాప‌వ‌ర్ స్టార్ రామ్ చ‌ర‌ణ్ ఓ పాన్ - ఇండియా మూవీ చేయ‌బోతున్న సంగ‌తి తెలిసిందే.  స‌క్సెస్ ఫుల్ ప్రొడ్యూస‌ర్ `దిల్` రాజు నిర్మిస్తున్న ఈ క్రేజీ ప్రాజెక్ట్.. ఈ ఏడాది ద్వితీయార్ధంలో సెట్స్ పైకి వెళ్ళ‌నుంది.

ప‌వ‌న్‌కి జోడీగా నిత్యా మీన‌న్?

ప‌వ‌ర్ స్టార్ పవ‌న్ క‌ళ్యాణ్, ద‌గ్గుబాటి స్టార్ రానా ప్ర‌ధాన పాత్ర‌ల్లో ఓ సినిమా రూపొందుతున్న సంగ‌తి తెలిసిందే.  సాగ‌ర్ చంద్ర డైరెక్ట్ చేస్తున్న ఈ మ‌ల్టిస్టార‌ర్.. మ‌ల‌యాళ చిత్రం `అయ్య‌ప్ప‌నుమ్ కోషియుమ్` ఆధారంగా తెర‌కెక్కుతోంది. ప్ర‌ముఖ నిర్మాణ సంస్థ సితార ఎంట‌ర్ టైన్ మెంట్స్ ఎంతో ప్ర‌తిష్ఠాత్మ‌కంగా త‌యారుచేస్తున్న ఈ క్రేజీ ప్రాజెక్ట్ కి యువ సంగీత సంచ‌ల‌న త‌మ‌న్ బాణీలు అందిస్తున్నారు.

మ‌రోసారి లెక్చ‌ర‌ర్ గా వెంకీ?

విక్ట‌రీ వెంక‌టేశ్ లెక్చ‌ర‌ర్ పాత్ర‌లో న‌టించిన `సుంద‌ర‌కాండ‌` (1992) చిత్రం.. ఎంత‌టి ఘ‌న‌విజ‌యం సాధించిందో ప్ర‌త్యేకంగా చెప్ప‌క్క‌ర్లేదు. క‌ట్ చేస్తే.. సుదీర్ఘ విరామం అనంత‌రం ఇదే త‌ర‌హాలో ఫ‌న్నీగా సాగే లెక్చ‌ర‌ర్ రోల్ లో మ‌రోసారి న‌టించేందుకు గ్రీన్ సిగ్న‌ల్ ఇచ్చార‌ట వెంకీ.

`ఉప్పెన‌` హీరోకి త్రివిక్ర‌మ్ క‌థ‌?

`ఉప్పెన‌` చిత్రంతో యువ‌త‌రాన్ని విశేషంగా అల‌రించాడు వైష్ణ‌వ్ తేజ్. మెగాస్టార్ చిరంజీవి మేన‌ల్లుడు, సుప్రీమ్ హీరో సాయితేజ్ త‌మ్ముడు అనే ట్యాగ్స్ తో ఎంట్రీ ఇచ్చినా.. మొద‌టి సినిమాతోనే త‌న‌దైన ముద్ర‌వేశాడు వైష్ణ‌వ్. అనూహ్య విజ‌యం సాధించిన `ఉప్పెన‌`తో ఓవ‌ర్ నైట్ స్టార్ అయిపోయిన వైష్ణ‌వ్.. త్వ‌ర‌లోనే క్రిష్ రూపొందించిన `జంగిల్ బుక్` (ప్ర‌చారంలో ఉన్న పేరు)తో సంద‌డి చేయ‌బోతున్నాడు. `కొండ‌పొలం` న‌వ‌ల ఆధారంగా తెర‌కెక్కిన ఈ చిత్రం.. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుపుకుంటోంది.

`య‌న్టీఆర్ 30`లో డ‌బుల్ నేష‌న‌ల్ అవార్డ్స్ విన్నింగ్ యాక్ట్ర‌స్?

అల‌నాటి క‌థానాయిక‌ల‌ను త‌న చిత్రాల్లో ముఖ్య పాత్ర‌ల్లో న‌టింప‌జేయ‌డం మాట‌ల మాంత్రికుడు త్రివిక్ర‌మ్ శ్రీ‌నివాస్ శైలి. న‌దియా (అత్తారింటికి దారేది, అఆ), స్నేహ (స‌న్నాఫ్ స‌త్య‌మూర్తి), ఖుష్బూ (అజ్ఞాత‌వాసి), దేవ‌యాని - సితార - ఈశ్వ‌రీ రావ్ (అర‌వింద స‌మేత‌), ట‌బు (అల వైకుంఠ‌పురములో).. ఇలా ప‌లువురు నిన్న‌టి త‌రం క‌థానాయిక‌లు త్రివిక్ర‌మ్ చిత్రాల్లో ప్ర‌ధాన పాత్ర‌ల్లో అల‌రించారు.