English | Telugu

Home  
Featured Articles

హిందీ సినీ సీమ‌ను ఏలిన ఈ తెలుగ‌మ్మాయిని గుర్తుప‌ట్టారా?

ఏడో ద‌శ‌కం మొద‌ట్లో సీనియ‌ర్ న‌టి పుష్ప‌వ‌ల్లి (జెమినీ గ‌ణేశ‌న్ భార్య‌) భానురేఖ అనే త‌న కూతుర్ని స్టిల్ ఫొటోగ్రాఫ‌ర్ ఆర్‌.ఎన్‌. నాగ‌రాజారావు ఇంటికి తీసుకెళ్లారు ఫొటోలు తియ్య‌మ‌ని. అప్ప‌ట్లో భానురేఖ చాలా చిలిపిగా, పెంకిగా ఉండేది. అందుచేత‌నే పుష్ప‌వ‌ల్లి ఆమెను నేరుగా నాగ‌రాజారావు ద‌గ్గ‌ర‌కు తీసుకురాకుండా, ఆటోలోనే కూర్చోబెట్టి, ముందుగా త‌ను వెళ్లారు. 

జంధ్యాల 'నాలుగు స్తంభాలాట' పాట‌ల రికార్డింగ్ ఎలా జ‌రిగిందంటే...

స‌మ‌యం ఉద‌యం తొమ్మిది గంట‌లు కావ‌స్తోంది. మ‌ద్రాస్ జెమినీ స్టూడియోలో పూజ‌కు త‌గిన ఏర్పాట్లు క‌నిపిస్తున్నాయి. ఎప్పుడూ వైట్ అండ్ వైట్ బ‌ట్ట‌ల్లో మెరిసిపోతుండే నిర్మాత న‌వ‌తా కృష్ణంరాజు ఆహ్వానితులంద‌ర్నీ సాద‌రంగా ఆహ్వానిస్తున్నారు. ఇద్ద‌రు పురోహితులు పాతిక కొబ్బ‌రికాయ‌ల్ని కొట్టి, మంత్ర పారాయ‌ణం మొద‌లెట్టారు. అయ‌ప్ప‌మాల ధ‌రించిన ద‌ర్శ‌కుడు జంధ్యాల చేతులు జోడించి పూజ ద‌గ్గ‌ర నిల్చొని ఉన్నారు. 

'దాన‌వీర‌శూర క‌ర్ణ‌'లో న‌టించేవాళ్లు 'కురుక్షేత్రం'లో చేయ‌కూడ‌ద‌ని ఆంక్ష పెట్టిన ఎన్టీఆర్‌!

కృష్ణ 'అల్లూరి సీతారామ‌రాజు' సినిమా చేయ‌డంతో, ఆ సినిమా చేయాల‌నే సంకల్పంతో ఉన్న న‌ట‌ర‌త్న నంద‌మూరి తార‌క‌రామారావు ఆగ్ర‌హించారు. కృష్ణ త‌న అభిమాని అయినా, ఆయ‌న‌తో దాదాపు ప‌దేళ్ల‌పాటు మాట్లాడ‌కుండా ఉండిపోయారంటే ఎన్టీఆర్ ఎంత‌టి అభిమాన‌వంతులో ఊహించుకోవ‌చ్చు. ఆ కాలంలోనే ఆయ‌న స్వీయ ద‌ర్శ‌క‌త్వంతో త్రిపాత్ర‌లు పోషిస్తూ 'దాన‌వీర‌శూర క‌ర్ణ' చిత్రాన్ని త‌ల‌పెట్టారు. 

అనారోగ్యంతోటే 'ఆహుతి'లో అశోక్‌గా న‌టించి, యాంగ్రీ యంగ్‌మ్యాన్‌గా మారిన రాజ‌శేఖ‌ర్‌!

'ప్ర‌తిఘ‌ట‌న‌', 'తలంబ్రాలు' సినిమాల త‌ర్వాత రాజ‌శేఖ‌ర్‌కు మంచి పేరు తెచ్చిన‌, ఆయ‌న‌ను యాంగ్రీ యంగ్‌మ్యాన్‌గా మార్చిన మూవీ 'ఆహుతి' (1987). 'తలంబ్రాలు' మూవీని నిర్మించిన ఎం. శ్యామ్‌ప్ర‌సాద్‌ రెడ్డి 'ఆహుతి'ని నిర్మించ‌డం, ఆ సినిమా ద‌ర్శ‌కుడు కోడి రామ‌కృష్ణ ఈ సినిమానీ డైరెక్ట్ చేయ‌డం గ‌మ‌నార్హం. 'ఆహుతి' క‌థ విన్న‌ప్పుడే మంచి చిత్రం అవుతుంద‌నీ, త‌ప్ప‌కుండా హిట్ట‌వుతుంద‌నీ అనుకున్నారు రాజ‌శేఖ‌ర్‌. 

తెలుగు పాట‌కు తొలి జాతీయ అవార్డు అందించిన శ్రీ‌శ్రీ‌.. ఆ పాట‌లో వ్యాక‌ర‌ణ దోషం!!

1968లో జాతీయ చ‌ల‌న‌చిత్ర అవార్డులు ప్రారంభ‌మైతే ఈ 53 సంవ‌త్స‌రాల్లో మూడండే మూడు సార్లు తెలుగు పాట‌కు సాహిత్య‌ప‌రంగా అవార్డులు ద‌క్కాయంటే ఒకింత బాధ క‌లిగించే విష‌య‌మే. అవార్డులు ప్రారంభ‌మైన ఏడ‌వ ఏట‌, అంటే 1974లో గేయ‌ర‌చ‌యిత‌గా మ‌హాక‌వి శ్రీ‌శ్రీ తొలి జాతీయ అవార్డును తెలుగు పాట‌కు అందించారు. 

ఎన్టీఆర్ "ఈ రాళ్ల‌ల్లో ఏం క‌డ‌తావ్‌?" అన్న చోటే స్టూడియో క‌ట్టి చూపించిన రామానాయుడు!

మ‌ద్రాసు నుంచి ఎలాగైనా సొంత రాష్ట్రానికి తెలుగు చిత్ర‌ప‌రిశ్ర‌మ‌ను త‌ర‌లించాల‌ని ప్ర‌య‌త్నాలు జ‌రుగుతున్న రోజుల‌వి. అంత‌దాకా మ‌ద్రాసులోనే ఉంటూ వ‌చ్చిన అక్కినేని నాగేశ్వ‌ర‌రావుకు అప్ప‌టి ఆంధ్రప్ర‌దేశ్ ముఖ్య‌మంత్రి జ‌ల‌గం వెంగ‌ళ‌రావు బంజారా హిల్స్‌లో స్థ‌లం కేటాయించారు. అప్పుడే సురేశ్ మూవీస్‌ అధినేత డి. రామానాయుడును కూడా ఆయ‌న "స్థ‌లం కావాలా?" అని అడిగారు. 

అమ‌ల అక్కినేని సినిమాల్లోకి రాక‌ముందే ఫేమ‌స్ డాన్స‌ర్! ఆమె కథ ఇదే!!

న‌టి అమ‌ల‌ను అక్కినేని నాగార్జున పెళ్లి చేసుకోవ‌డం అప్ప‌ట్లో ఓ సంచ‌ల‌నం. తెలుగు చిత్ర‌సీమ‌లోని పెద్ద కుటుంబాల్లో ఒక క్రేజీ హీరో వేరే భాష‌కు చెందిన తార‌ను పెళ్లాడ‌టం అదే ప్ర‌థ‌మం కావ‌డంతో అంతా ఆశ్చ‌ర్యానికి గుర‌య్యారు. అక్కినేని ఫ్యామిలీ ఫ్యాన్స్ కూడా ఇందుకు మిన‌హాయింపు కాదు. నాగార్జునకు అమ‌ల రెండో భార్య‌. అదివ‌ర‌కు ఆయ‌న స్టార్ ప్రొడ్యూస‌ర్ డి. రామానాయుడు కుమార్తె ల‌క్ష్మిని పెళ్లాడి, అభిప్రాయ‌భేదాల కార‌ణంగా విడిపోయారు. 

బాలకృష్ణ-ఎన్టీఆర్ చేయాల్సిన 'య‌మ‌గోల‌'ను ఎన్టీఆర్‌-స‌త్య‌నారాయ‌ణ చేశారు!

న‌ట‌సార్వ‌భౌమ ఎన్టీ రామారావు, అందాల తార జ‌య‌ప్ర‌ద జంట‌గా న‌టించిన 'య‌మ‌గోల' (1977) చిత్రం బాక్సాఫీస్ ద‌గ్గ‌ర బ్లాక్‌బ‌స్ట‌ర్ హిట్ట‌యింది. తాతినేని రామారావు డైరెక్ట్ చేసిన ఆ సినిమాని నిజానికి బాల‌కృష్ణ హీరోగా తియ్యాల‌ని నిర్మాత ఎస్‌. వెంక‌ట‌ర‌త్నం అనుకున్నార‌ని మీకు తెలుసా? అవును. దాని వెనుక ఓ క‌థే ఉంది. అస‌లు 'య‌మ‌గోల' టైటిల్‌తో సినిమా తియ్యాల‌ని అనుకుంది ప్ర‌ఖ్యాత ద‌ర్శ‌కుడు సి. పుల్ల‌య్య‌.

ఎంజీఆర్‌కు జాన‌కి మూడో భార్య అనీ, ఆమెకు ఆయ‌న రెండో భ‌ర్త అనీ మీకు తెలుసా?

త‌మిళ‌నాడు మాజీ ముఖ్య‌మంత్రి దివంగ‌త ఎంజీ రామ‌చంద్ర‌న్ క‌న్నుమూశాక మూడు వారాల పాటు త‌మిళ‌నాడుకు ముఖ్య‌మంత్రిగా ప‌ద‌విని నిర్వ‌హించారు ఆయ‌న భార్య జాన‌కీ రామ‌చంద్ర‌న్‌. 1987 చివ‌ర‌లో ఎంజీఆర్ మృతిచెంద‌గా, జాన‌కి 1996లో మ‌ర‌ణించారు. మ‌న‌లో చాలామందికి తెలీని విష‌యం ఎంజీఆర్‌కు జాన‌కి మూడో భార్య అనీ, అలాగే జాన‌కికి ఎంజీఆర్ రెండో భ‌ర్త అనీ. 

ఈ పాట‌లో న‌టిస్తూ తీవ్ర భావోద్వేగానికి గురైన అర్జున్‌-సౌంద‌ర్య‌!

చిరంజీవిని పూర్తి పౌరాణిక పాత్ర‌లో ఆవిష్క‌రించిన తొలి చిత్రం 'శ్రీ మంజునాథ' (2001). కె. రాఘ‌వేంద్ర‌రావు ద‌ర్శ‌క‌త్వంలో ఏక కాలంలో తెలుగు, క‌న్న‌డ భాష‌ల్లో నిర్మాణ‌మైన ఈ మూవీలో శివునిగా (శ్రీ మంజునాథునిగా) చిరంజీవి, పార్వ‌తిగా మీనా న‌టించ‌గా, భార్యాభ‌ర్త‌లుగా ప్ర‌ధాన పాత్ర‌ల్లో అర్జున్‌, సౌంద‌ర్య న‌టించారు. ఈ సినిమా ఆడియో సేల్స్ రికార్డ్ స్థాయిలో అమ్ముడ‌య్యాయి. 

మూడేళ్లు.. ఒకే ఫ్యామిలీలోని ముగ్గురు వ‌రుస‌గా జాతీయ అవార్డులు సాధించారు!

ద‌క్షిణాదిన ఉత్త‌మ న‌టుల ఫ్యామిలీ ఏదంటే హాస‌న్ ఫ్యామిలీనే చెప్పుకోవాలి. ఆ కుటుంబంలో ముగ్గురు జాతీయ ఉత్త‌మ న‌టీన‌టులున్నారు. అన్న‌ద‌మ్ములైన చారు హాస‌న్‌, క‌మ‌ల్ హాస‌న్ ఉత్త‌మ న‌టులు కాగా, చారు హాస‌న్ కుమార్తె సుహాసిని సైతం జాతీయ ఉత్త‌మ న‌టే. వీళ్లంద‌రిలో ముందుగా జాతీయ అవార్డు సాధించింది క‌మ‌ల్‌. 

మొద‌ట అక్కినేని వ‌ద్ద‌న్న పాటే సినిమాకు హైలైట్‌గా, ఆయ‌న న‌ట‌న‌కు గీటురాయిగా నిలిచింది!

శివాజీ గ‌ణేశ‌న్ డ్యూయ‌ల్ రోల్ చేసిన త‌మిళ చిత్రం 'ఎంగ‌వూర్ రాజా' బాక్సాఫీస్ ద‌గ్గ‌ర పెద్ద హిట్ట‌యింది. దాని తెలుగు రీమేక్ 'ధ‌ర్మదాత‌' (1970)లో ఆ పాత్ర‌ల్ని న‌ట‌సామ్రాట్ అక్కినేని నాగేశ్వ‌ర‌రావు పోషించారు. లెజెండ‌రీ డైరెక్ట‌ర్ ఎల్వీ ప్ర‌సాద్ త‌మ్ముడు అక్కినేని సంజీవి ఈ సినిమాని డైరెక్ట్ చేశారు. ఎడిట‌ర్ అయిన సంజీవి 'అక్కా చెల్లెలు' మూవీతో డైరెక్ట‌ర్‌గా మారారు. ఆయ‌న రూపొందించిన రెండో సినిమా 'ధ‌ర్మ‌దాత‌'. 

అక్కినేని సినిమా షూటింగ్‌లో అనుకోని ప్ర‌మాదం.. నీటిలో కొట్టుకుపోయిన శార‌ద డూప్‌!

అక్కినేని నాగేశ్వ‌ర‌రావు క‌థానాయ‌కుడిగా వి. మ‌ధుసూద‌న‌రావు డైరెక్ట్ చేసిన హిట్ ఫిల్మ్ 'అమాయ‌కురాలు'. ఈ సినిమాలో టైటిల్ రోల్‌ను శార‌ద పోషించారు. అక్కినేని మేన‌మామ కూతురిగా ఆమె క‌నిపిస్తారు. హీరోయిన్ క్యారెక్ట‌ర్‌ను కాంచ‌న చేశారు. ఈ సినిమా షూటింగ్ సంద‌ర్భంగా ఒక గగుర్పాటు క‌లిగించే ప్ర‌మాద ఘ‌ట‌న చోటుచేసుకుంది.

అర‌కులోయ‌లో శ్రీ‌దేవి కాళ్ల‌మీద‌ప‌డ్డ కుర్రాడు!

'ప్రేమ‌కానుక' (1981) సినిమా ఔట్‌డోర్ షూటింగ్ నిమిత్తం అక్కినేని హీరో హీరోయిన్లు అక్కినేని నాగేశ్వ‌ర‌రావు, శ్రీ‌దేవి స‌హా యూనిట్ మెంబ‌ర్స్ అర‌కులోయ‌కు వెళ్లారు. వాళ్లు వ‌స్తున్నార‌ని తెలిసి అక్క‌డున్న జ‌న‌మంతా వాళ్ల‌ను చూసేందుకు తండోప‌తండాలుగా వ‌చ్చారు. జ‌నాన్ని కంట్రోల్ చేయ‌డం క‌ష్ట‌సాధ్యంగా మారింది. అర‌కులోయంటే శ్రీ‌దేవికి చాలా ఇష్టం. 

'చ‌దువుకున్న అమ్మాయిలు'లో ఎత్తుగా క‌నిపించ‌డానికి సావిత్రి వేసిన ఎత్తు!

సావిత్రి, కృష్ణ‌కుమారి, ఇ.వి. స‌రోజ్ టైటిల్ రోల్స్ పోషించిన చిత్రం 'చ‌దువుకున్న అమ్మాయిలు' (1963). డా. శ్రీ‌దేవి సుప్ర‌సిద్ధ న‌వ‌ల 'కాలాతీత వ్య‌క్తులు' ప్రేర‌ణ‌తో ఈ సినిమా క‌థ‌ను తయారుచేశారు. సావిత్రి, కృష్ణ‌కుమారి ఇద్ద‌రూ అక్కినేని నాగేశ్వ‌ర‌రావును ప్రేమిస్తారు. అక్కినేని మ‌న‌సులో ఉండేది మాత్రం కృష్ణ‌కుమారి. చివ‌ర‌కు పోలీస్ ఇన్‌స్పెక్ట‌ర్ శోభ‌న్‌బాబు భార్య అవుతుంది సావిత్రి.