ఆంధ్రప్రదేశ్ లో డ్వాక్రా రుణమాఫీ లేనట్లేనా?
2014 ఎన్నికల్లో టీడీపీ అధినేత చంద్రబాబు ఇచ్చిన హామీల్లో ప్రధానమైనది రుణమాఫీ, ఈ హామీ వల్లే తెలుగుదేశం అధికారంలోకి వచ్చిందనేది ప్రతిపక్ష వైసీపీ ఆరోపణ, ఏదిఏమైనా చంద్రబాబు మళ్లీ ముఖ్యమంత్రి కావడంలో ముఖ్య పాత్ర పోషించిన రుణమాఫీ అమలుపై ఎన్నో విమర్శలు చెలరేగుతున్నా ప్రభుత్వం మాత్రం దేశంలో ఎక్కడా లేనివిధంగా రైతు రుణాలు మాఫీ చేశామని చెబుతోంది. కొంతవరకూ రైతుల రుణాలు మాఫీ చేసినా, డ్రాక్రా మహిళల రుణాల మాఫీపై మాత్రం నోరు మెదపడం లేదు, అయితే తాజాగా వైసీపీ ఎమ్మెల్యేలకు లిఖితపూర్వకంగా ఇచ్చిన సమాధానంలో డ్వాక్రా రుణాలు మాఫీ చేయాలన్న ఆలోచన ప్రస్తుతానికి లేదని చెప్పిందట, డ్వాక్రా రుణాలు మాఫీ చేస్తామంటూ ఎన్నికల్లో హామీ ఇచ్చిన మాట వాస్తవమే అయినా ఇఫ్పుడు నెరవేర్చలేమంటూ ఏపీ ప్రభుత్వం తేల్చిచెప్పింది, అసెంబ్లీ సమావేశాల్లో వైసీపీ ఎమ్మెల్యేలు అడిగిన ప్రశ్నకు ప్రభుత్వం ఈ మేరకు జవాబిచ్చింది. రోజా, ఉప్పులేటి కల్పన, భూమా అఖిలప్రియ, గౌరు చరితారెడ్డి, జగ్గిరెడ్డి, గొట్టిపాటి రవికుమార్, కోడాలి నాని తదితరులకు లిఖికపూర్వకంగా ప్రభుత్వం సమాధానాలు పంపించింది. దాంతో డ్వాక్రా రుణాల మాఫీ లేనట్లేనని తేలిపోయింది.