English | Telugu
`కార్తీక దీపం`: దీపని తప్పించే ప్లాన్ చేసిన మోనిత
Updated : Nov 30, 2021
బుల్లితెర వీక్షకుల్ని విశేషంగా ఆకట్టుకుంటున్న ధారావాహిక `కార్తీక దీపం`. నేడు 1210వ ఎపిసోడ్లోకి ఎంటర్ కాబోతోంది. ఈ సందర్భంగా పలు ఆసక్తికర సన్నివేశాలు ఈ రోజు ఎపిసోడ్లో చోటు చేసుకోనున్నాయి. ఈ రోజు ఎపిసోడ్ హైలైట్స్ ఏంటో ఒకసారి చూద్దాం. హిమ, శౌర్య ఇద్దరూ కార్తీక్, దీప ఆనందంగా వుండటం చూసి ఎప్పుడూ ఇలాగే నవ్వుతూ వుండాలని కోరుకుంటారు. అదే సమయంలో శౌర్య `హిమా.. నీకో గుడ్ న్యూస్ ..మనం త్వరలో బస్తీలో ఇల్లు కట్టుకోబోతున్నాం.. అమ్మా నాన్నా.. ఇద్దరూ సైట్ చూడటానికి బస్తీకి వెళుతున్నారు తెలుసా` అంటుంది.
కట్ చేస్తే... మోనిత ఇంట్లో నవ్వుకుంటూ వుంటుంది. అది చూసిన ప్రియమణి `అంతగా అవమానిస్తే ఇలా నవ్వుకుంటుందేంటీ? ` అని అనుకుంటుంది. అది గమనించిన మోనిత `ఏంటీ ప్రియమణి నేనేంటో అర్థం కావడం లేదు కదా? .. నా ప్రేమ గొప్పది ప్రియమణి దాని గురించి ఎవరికీ అర్థం కావట్లేదు అంతే. నేనే అర్థమయ్యేలా చెప్పాలి కదా? .. చెబుతాను.. దీపకు ఊహించని ఝలక్ ఇస్తాను` అంటుంది నవ్వుతూ. దానికి ప్రియమణి `అమ్మా మీరు తేల్చుకోవాల్సింది కార్తీక్ అయ్యతో కదా మధ్యలో పాపం దీపమ్మ ఏం చేస్తుంది` అంటుంది.
ఇంతలో భారతి ఫోన్ చేసి `మోనిత డాక్టర్ అసోసియేషన మీటింగ్కి వస్తున్నావా?` అని అడుగుతుంది. కార్తీక్ని ప్రెసిడెంట్ని చేస్తున్నారట అంటుంది. దానికి `నేను ఎక్కడికీ రాను.. నన్ను విసిగించకు ఫోన్ పెట్టేయ్` అంటుంది మోనిత. అయితే నువ్వు రావట్లేదన్నమాట వచ్చి ఏ గొడవ చేస్తావో అనుకున్నాను` అంటూ ఫోన్ కట్ చేస్తుంది భారతి. సీన్ కట్ చేస్తే మోనిత కార్తీక్ ఫొటోతో మాట్లాడుతూ ఉంటుంది. `నీకు వారసుడ్న ఇచ్చినా నా మీద ప్రేమ పుట్టట్లేదా` అంటుంది. దీప బుర్ర ఏంటో నాకు అర్థం కావడం లేదు. తప్పిస్తాను. తప్పించాల్సిందే.. ఎలా ఆ దీపని తప్పించాలి? అంటూ మోనిత తనకు తానే మాట్లాడుకుంటుండగా ఆ మాటు ప్రియమణి వింటుంది. దీపని తప్పించడం కోసం మోనిత చేస్తున్న ప్లాన్ ఏంటీ? .. ఇంతకీ మంగళవారం ఏం జరగబోతోంది అన్నది తెలియాలంటే ఈ రోజు ఎపిసోడ్ చూడాల్సిందే.