బిగ్ బాస్ సీజన్-8 లో ఇప్పటికి పది వారాలు పూర్తయ్యాయి. పదకొండో వారం ఫ్యామిలీ వీక్ తో మోస్ట్ ఎంటర్‌టైన్మెంట్ గా సాగుతుంది. అయితే నామినేషన్ లో ఆరుగురు కంటెస్టెంట్స్ ఉన్నారు. వారిలో విష్ణుప్రియ అట్టడుగున ఉంది. తనతో పాటు పృథ్వీ కూడా లీస్ట్ లో ఉన్నాడు.

ఇప్పటి వరకు ఎలిమినేట్ అయిన 12 మంది ఇంకా హౌస్‌లో ఉన్న 10 మందిలో ఒక్క విష్ణు ప్రియ తప్పితే మిగిలిన వాళ్లంతా ఆడాలనో.. హౌస్‌లో ఉండాలనే.. టైటిల్ గెలవాలనో వచ్చిన వాళ్లే. కానీ విష్ణుప్రియ మాత్రం పృథ్వీ కోసమే వచ్చింది. తనకోసమే ఉంటా.. తనకోసమే ఆడుతా.. తనకంటే నాకూ ఏదీ ఎక్కువ కాదని చాలాసార్లు చెప్పింది. యష్మీ గౌడ, అవినాష్, టేస్టీ తేజా, పృథ్వీ, విష్ణు ప్రియ, గౌతమ్‌లు నామినేషన్స్‌లో ఉన్నారు. వీరిలో టేస్టీ తేజ, గౌతమ్ లకి భారీగా ఓటింగ్ పడగా వీరిద్దరు మొదటి రెండు స్థానాలలో ఉండగా.. ఆ తర్వాత అవినాష్, యష్మీ ఉన్నారు. ఇక చివరగా విష్ణుప్రియ, పృథ్వీ ఉన్నారు. అయితే వీరిద్దరిలో ఎవరిని బిగ్ బాస్ మామ హౌస్ నుండి బయటకు పంపిస్తాడనేది ఆసక్తికరంగా మారింది.

ఇప్పటికే హౌస్ లో తీవ్ర నెగెటివిటి సంపాదించుకొని, వరెస్ట్ కంటెస్టెంట్ ఆఫ్ ది సీజన్ ఎవరు అని అంటే విష్ణుప్రియ అనేలా తన ప్రవర్తన ఉంది. అంతగా బిహేవ్ చేస్తున్న తనకి సోషల్ మీడియాలో పాజిటివ్ కంటే నెగెటివ్ ట్రోల్స్ ఎక్కువగా వస్తున్నాయి. ఇక ఈ వారం హౌస్ నుండి విష్ణుప్రియ ఎలిమినేషన్ అనే వార్త నెట్టింట వైరల్ గా మారింది. ఆయితే మన కళామతల్లి ముద్దు బిడ్డని బిగ్ బాస్ మామ ఎలిమినేషన్ చేస్తారా లేదా పృథ్వీని బయటకి పంపిస్తారా చూడాలి మరి.