English | Telugu
రాహుల్ సిప్లిగంజ్ సపోర్ట్ ఎవరికి?
Updated : Nov 22, 2021
బిగ్బాస్ సీజన్ 3 విన్నర్ రాహుల్ సిప్లిగంజ్ బిగ్బాస్ సీజన్ 5పై పలు ఆసక్తికర వ్యాఖ్యలు చేశారు. గత సీజన్ 4పై రాహుల్ చేసిన వ్యాఖ్యలు ఫైనల్లో నిజం కావడంతో సీజన్ 5పై రాహుల్ ఎలాంటి వ్యాఖ్యలు చేయబోతున్నాడు? .. తన సపోర్ట్ ఎవరికి అని స్పష్టం చేయబోతున్నాడన్నది గత కొన్ని రోజులుగా ఆసక్తిగా మారింది. అయితే తాజాగా అంతా ఊహించినట్టే రాహుల్ సిప్లిగంజ్ సీజన్ 5పై తన అభిప్రాయాన్ని వ్యక్తం చేశారు.
సీజన్ 5పై పలు ఆసక్తికర వ్యాఖ్యలు చేశారు. ఈ సీజన్లో ఎవరి సత్తాని వారు చూపిస్తున్నారని, హౌస్లో కంటెస్టెంట్లు తగ్గుతున్నా కొద్దీ ఎవరు బెస్ట్ అని చెప్పడం కష్టమన్నాడు. షోను రెగ్యులర్గా ఫాలో అవుతున్నానని, ఎంజాయ్ చేస్తున్నానని చెప్పిన రాహుల్ బాగా లేకపోయినా షో చూస్తానని క్లారిటీ ఇచ్చాడు. తను పాల్గొన్న సీజన్ 3కి మంచి టీఆర్పీ రేటింగ్ వచ్చిందని.. అయితే తాజా సీజన్లకు అంతకు మించి వస్తోందని పేర్కొన్నాడు.
ఇన్ని చెప్పిన రాహుల్ గత సీజన్ తరహాలో తను ఎవరికి సపోర్ట్ చేస్తున్నది మాత్రం క్లారిటీ ఇవ్వలేదు. గత సీజన్లో తాను అభిజీత్కు, సోహైల్కు సపోర్ట్ చేస్తున్నానని చెప్పిన రాహుల్ సీజన్ 5 విషయంలో ఎవరిని సపోర్ట్ చేస్తారన్న విషయాన్ని మాత్రం చెప్పకుండా దాటవేయడం పలువురిని ఆశ్చర్యానికి గురిచేస్తోంది. ఎందుకు రాహుల్ ఈ సీజన్ విషయంలో క్లారిటీగా చెప్పడం లేదని పలువురు అనుమానాలు వ్యక్తం చేస్తున్నారు. దానికి కారణం ఈ సీజన్ అంతగా ఆకట్టుకోలేకపోవడమేనని పలువురు నెటిజన్స్ కామెంట్లు చేస్తున్నారు.