Read more!

English | Telugu

నేను సినిమాలు చేయ‌డం మా ఆయ‌న‌కు ఇష్టంలేదు!

 

కొణిదెల వారి గారాల‌ప‌ట్టి నిహారిక పెళ్లికి ముందు నాలుగు సినిమాలు చేసింది. 'ఒక మ‌న‌సు'తో హీరోయిన్‌గా ప‌రిచ‌య‌మైన ఆమె, త‌ర్వాత 'హ్యాపీ వెడ్డింగ్‌', 'ఒరు న‌ల్ల నాల్ పాతు సొల్రేన్‌', 'సూర్య‌కాంతం' సినిమాల్లో నటించింది. గ‌త ఏడాది చైత‌న్య జొన్న‌ల‌గ‌డ్డతో వివాహం త‌ర్వాత సినిమా న‌ట‌న‌కు దూర‌మైంది. భ‌ర్త‌కు ఇష్టం లేక‌పోవ‌డం వ‌ల్లే త‌ను సినిమాలు చేయ‌ట్లేద‌ని ఆమె చెప్పింది. అవును. 'ఆలీతో స‌ర‌దాగా' షోలో అలీకి ఇచ్చిన ఇంట‌ర్వ్యూలో ఈ విష‌యాన్ని వెల్ల‌డించింది నిహారిక‌. "నేను సినిమాలు చేయ‌డం మా ఆయ‌న‌కు ఇష్టం లేదు. నేను కూడా ఓకే అనుకున్నాను." అని ఆమె చెప్పింది.

అలా అని న‌ట‌న‌కు ఆమె దూరం కాలేదు. ప్ర‌స్తుతం ఆమె ఓ వెబ్ సిరీస్‌లో న‌టిస్తోంది. "ఒక సూప‌ర్ వెబ్ సిరీస్‌లో యాక్ట్ చేస్తున్నాను. ఇప్పుడే దాని డీటైల్స్ ఇవ్వ‌లేను. సూప‌ర్బ్ థీమ్‌. నిఖిల్ విజ‌యేంద్ర సింహ అలియాస్ యుట్యూబ‌ర్‌ నిఖిలూ అందులో లీడ్ యాక్ట‌ర్‌." అని నిహారిక తెలిపింది.

చిన్న‌వ‌య‌సులోనే ఎందుకు పెళ్లి చేసుకోవాల్సి వ‌చ్చిందని అలీ అడిగిన ప్ర‌శ్న‌కు, "కొంత‌మంది యాక్ట్రెసెస్‌ను చూసుకుంటే పెళ్లి అయిన త‌ర్వాత వాళ్ల కెరీర్ అంత మార‌లేదు. నిజం చెప్పుకోవాలంటే, స‌మంత‌కు పెళ్లికి ముందు ఎంత క్రేజ్ ఉండిందో, పెళ్లి అయిన త‌ర్వాత కూడా అంతే క్రేజ్ ఉండింది. స్టిల్ షి ఈజ్ ఎ సూప‌ర్‌స్టార్‌. హిందీలోనూ కొంత‌మందిని చూశాను. పెళ్లి త‌ర్వాత కూడా అంత చేంజ్ ఏమీ ఉండ‌దు. పెళ్లి త‌ర్వాత యాక్టింగ్ ఎందుకు ఆపేశారో.. బ‌హుశా వాళ్ల‌కు వారి కార‌ణాలు ఉండొచ్చు." అని ఆమె చెప్పింది.