స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(illu illalu pillalu). ఈ సీరియల్ శుక్రవారం నాటి ఎపిసోడ్ -202 లో... శ్రీవల్లి వాళ్ళ నాన్న సైకిల్ పై ఇడ్లీలు అమ్ముతుంటే నర్మద, ప్రేమ ఇద్దరు వెళ్లి అతన్ని చూస్తారు. అతను ఈ ఇద్దరిని చూడగానే షాక్ అవుతాడు. వెంటనే త్వరగా డైవర్ట్ చేస్తాడు. ఇలా ఇడ్లీలు అమ్ముకోవాలని అంటాడు. ఆ తర్వాత అక్కడ నుండి వెళ్లి సూట్ వేసుకుంటాడు. ఏంటి బాబాయ్ ఇలా ఇడ్లీ అమ్ముతున్నారని ప్రేమ, నర్మద అడుగుతారు. అదేం లేదమ్మా నేను ఫైనాన్స్ బిజినెస్ చేస్తాను కదా.. అలాగే ఎలా బిజినెస్ చెయ్యాలో కూడా నేర్పిస్తానని కవర్ చేస్తాడు.

ఆనందరావు అక్కడ నుండి ఏదో కవర్ చేసి తప్పించుకొని వెళ్ళిపోతాడు. అప్పుడే అతని సూట్ వెనకాల ఒక స్ట్రీక్కర్ కన్పిస్తుంది. అది నర్మద ఫోటో తీస్తుంది. నాకు తెలిసి ఆ సూట్ కూడా రెంట్ ది.. అది కనుక్కోవాలని ఇద్దరు అనుకుంటారు. మరొకవైపు భాగ్యం దగ్గరికి శ్రీవల్లి వెళ్తుంది. నువ్వు నాకు మోసం చేసి పెళ్లి చేసావ్ కానీ ఆయన ఇప్పుడు డబ్బు అడుగుతున్నాడని శ్రీవల్లి అంటుంది. అప్పుడే ఆనందరావు ఇంటికి వచ్చి ప్రేమ, నర్మద నన్ను చూసేసారు కానీ తప్పించుకొని వచ్చానని చెప్పగానే ఇక వాళ్లకు మన గురించి నిజం తెలిసిపోయినట్లేనని శ్రీవల్లి టెన్షన్ పడుతుంది.

ఆ తర్వాత నర్మద, ప్రేమ కలిసి ఆనందరావు సూట్ రెంట్ కి తీసుకున్న ప్లేస్ కి వెళ్లి ఆనందరావు ఫోటో చూపించి ఇతను మీ దగ్గర సూట్ తీసుకున్నాడా అని అడుగుతారు. తీసుకున్నాడని అతను చెప్పగానే ఇద్దరు షాక్ అవుతారు. అసలు వాళ్ళేదో చేస్తున్నారు.. కనుక్కోవాలని ఇద్దరు అనుకుంటారు. మరొకవైపు ఇంట్లో అందరు భోజనం చేస్తుంటారు శ్రీవల్లి టెన్షన్ పడుతూ ఉంటుంది అప్పుడే నర్మద, ప్రేమ వచ్చి ఈ రోజు శ్రీవల్లి అక్క వాళ్ళ నాన్న గారిని కలిసాం.. ఇడ్లీ అమ్ముతుంటే అనగానే అందరూ షాక్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.