English | Telugu
ప్రియ ఇంట బిగ్బాస్ కంటెస్టెంట్ల సందడి
Updated : Nov 22, 2021
`ప్రియసఖి` సీరియల్తో వెలుగులోకి వచ్చిన నటి ప్రియ. ఆ తరువాత టీవీ సీరియళ్లలో పాపులారిటీని సొంతం చేసుకుని సినిమాల్లోకి ఎంట్రీ ఇచ్చింది. హీరోయిన్ ఫ్రెండ్గా, హీరో చెల్లెలిగా నటించి మంచి పేరు తెచ్చుకున్న ప్రియ ప్రస్తుతం తల్లి పాత్రల్లో , క్యారెక్టర్ ఆర్టిస్ట్గా నటిస్తూ బిజీగా వుంది. ఇటీవల బిగ్బాస్ సీజన్ 5లోకి ఎంట్రీ ఇచ్చిన ప్రియ కొన్ని రోజుల పాటు హౌస్లో కొనసాగి సన్నీ కారణంగా వార్తల్లో నిలిచిన విషయం తెలిసిందే.
మగాడివేనా.. , దమ్ముందా?.. చెంప పగిలిపోద్ది అంటూ సన్నీపై చిందులేని కొంత ఓవరాక్షన్ చేసిన ప్రియ ఆ ఓవర్ యాక్షన్ కారణంగానే ఇంటిదారి పట్టేసింది. నెటిజన్ల ఆగ్రహానికి గురైన ప్రియ ఓటింగ్ దారుణంగా పడిపోవడంతో ఏడవ వారంలోనే ఎలిమినేట్ కావాల్సి వచ్చింది. ఇక ఇదిలా వుంటే ప్రియ ఇంట పెళ్లి బాజా మోగింది. తనకు వరుసకు కూతురయ్యే లోహిత పెళ్లి కుదిరింది. ఈ వేడుకకు బిగ్బాస్ హౌస్ నుంచి బయటకి వచ్చేసిన కంటెస్టెంట్లు సరయు, ఉమా దేవి, జెస్సీ హాజరయ్యారు.
ఈ పెళ్లి వేడుకకు ప్రత్యేక ఆకర్షణగా నిలిచిన వీరి ఫొటోలు ప్రస్తుతం నెట్టింట సందడి చేస్తున్నాయి. `మా ఇంట్లో పెళ్లి వేడుకలు షురూ` అంటూ ఇంటి ముందు ముగ్గులు వేసిన ఫొటోని ప్రియ అభిమానులతో పంచుకుంది. హల్దీ, మెహందీ వేడుకలకు సంబంధించిన ఫొటోలని కూడా ఈ సందర్భంగా ప్రియ పంచుకుంది. ఇదే సందర్భంగా సరయు, జెస్సీలకు సంబంధించిన ఫొటోలని కూడా ప్రియ ఇన్ స్టా వేదికగా షేర్ చేసింది.