బిగ్ బాస్ సీజన్-8 లో తన ఆణిముత్యాలతో నెటిజన్లకి కంటెంట్ ఇచ్చిన కంటెస్టెంట్ శేఖర్ బాషా ( Shekhar baasha). బిగ్ బాస్ హౌస్ లో నాన్ సింక్ పంచ్ లతో క్రేజ్ ని తెచ్చుకున్నాడు.. బెస్ట్ వ్యూ అంటే ' ఐ లవ్ య్యూ', చిరాకు అంటే ఛీ రాకు అని ఇలా శేఖర్ బాషా చెప్పిన ఒక్కో డైలాగ్ ఒక్కో డైమండ్ గా నిలిచాయి. మరికొన్ని రోజులు హౌస్ లో ఉంటే ఇంకా క్రేజ్ వచ్చేది కానీ రెండో వారం హౌస్ మేట్స్ చేత ఎలిమినేట్ అయ్యాడు.

హౌస్ నుండి బయటకొచ్చాక తెలుగువన్ కి ఇచ్చిన ఇంటర్వ్యూలో శేఖర్ బాషా కొన్ని ఆసక్తికరమైన విషయాలని పంచుకున్నాడు. తన భార్య డెలివరీ ముందు మూడు రోజుల వరకు తనకి ఒకటే టెన్షన్ అని , అందుకే ఎలిమినేషన్ అయి బయటకొచ్చానని శేఖర్ బాషా చెప్పాడు. ఇక ఇంటికెళ్తే నా భార్య ఎందుకొచ్చావ్ వెళ్ళిపోమని అంది. కనీసం నువ్వు టాప్-5 లో ఉంటావని అనుకున్నా కానీ ఇలా చేశావేంటని అంది. నా బాబుని ఎత్తుకున్న ఆ సంతోషం చాలు అని అనుకున్నా కానీ నేను ఎలిమినేట్ అయ్యానని తెలిసి తను ఏడ్చేసిందంట అని శేఖర్ బాషా చెప్పుకొచ్చాడు. వాళ్ళెలా అనుకున్నా , బిడ్డని ఎత్తుకోవాలనుకున్నాను.. తన పక్కనున్నాను.. హ్యాపీ. బిగ్ బాస్ కి వెళ్ళడం కోసమే ఇలా రాజ్ తరుణ్ ఇష్యూలో దూరవని కొంతమంది అన్నారు నిజమేనా అని అడుగగా.. అదేం లేదు. నేను వెళ్తానో లేదో అనే క్లారిటీ కూడా లేదు. డెలివరీ దగ్గర్లో ఉంది వెళ్ళాలా వద్దా అని నా భార్యని అడిగినప్పుడు.. తను ఓ రోజంతా ఆలొచించుకొని వెళ్ళమని చెప్పింది. వారం రోజుల ముందు వరకు అసలు తెలియదు.. బిగ్ బాస్ టీమ్ చేసిన ఇంటర్వ్యూలో.. నా భార్య డెలివరీకి వన్ డే పర్మిషన్ కావలి లేదా చూపించాలి అన్నాను‌‌.. వాళ్ళు ట్రై చేస్తామని చెప్పారంటు శేఖర్ బాషా చెప్పుకొచ్చాడు.

హౌస్ లో నీకు ఫుడ్ ఎలా ఉండేదని అడుగగా.. అందరు నాన్ వెజిటేరియన్స్ ఉన్నారు.. నేను ఒక్కడినే వెజిటేరియన్.‌ వాళ్ళు ఎగ్ బుజ్జి చేసుకుంటే నాకు సపరేట్ గా చేయమని చెప్పలేక ఒక్కో రోజు క్యాబేజీ ముక్కలు, క్యారెట్ ముక్కలు తినేవాడిని. విటమిన్ పౌడర్ ఉండేది‌ కాబట్టి సరిపోయేది కానీ బిగ్ బాస్ వాళ్ళు అవి కూడా తీసుకొని వెళ్ళిపోయారు. ఇక అక్కడి నుండి డౌన్ అయిపోయానని శేఖర్ బాషా అన్నాడు. మరి ఫుడ్ లేకుండా ఎలా ఉండేదని అడుగగా.. అందరికి ఎగ్ ఉంది కానీ నాకే సిగ్గు లేదంటూ శేఖర్ బాషా చెప్పుకొచ్చాడు. ఇక ఈ ఇంటర్వ్యూలో చాలా విషయాలని షేర్ చేసుకున్నాడు.