షకీలా అనే పేరుకు పెద్దగా పరిచయం అక్కర్లేదు. శృంగార తారగా పేరుతెచ్చుకుంది. సౌత్ ఇండియా మొత్తానికి ఆమె పేరు సుపరిచితమే. 1990 s లో మలయాళ ఇండస్ట్రీని ఏలింది షకీలా. ఇప్పుడు క్యారెక్టర్ ఆర్టిస్ట్ గా చేస్తోంది. ఈమె తన జీవితంలో జరిగిన ఎన్నో విషయాలను చెప్పింది. తన ఆస్తి పోవడానికి కారణం కూడా చెప్పింది. మా అమ్మ అక్కను బాగా నమ్మేది నాకంటే ఎక్కువగా. నేను కూడా అక్కని ఎక్కువ నమ్మాను. కానీ నమ్మినందుకు అక్కే నన్ను మోసం చేసింది. మా అమ్మ తర్వాత అమ్మలా చూసుకున్నాను అక్కను. ఐతే నా దగ్గర సుమారు రెండు కోట్లకు పైనే డబ్బు తీసుకుంది.

ఇంట్లో పెడితే ఐటీ సమస్య వస్తుందని అమ్మకు చెప్పి నా డబ్బు తాను జాగ్రత్త చేస్తానని చెప్పి చివరికి మొత్తం తీసేసుకుంది. నేను వెళ్లి నా డబ్బు అడిగితే ఎవరికో ఇచ్చానని అతను మోసం చేసి పోయాడని చెప్పింది నాకు. ఏం చేయాలో నాకు అర్ధం కాలేదు. కష్టపడిందంతా అలా అక్క పాలయ్యింది. ఏ పని చేసినా అక్కకు చెప్పకుండా చేసే అలవాటు నాకు లేదు. బయటి వాళ్ళు మోసం చేస్తే కేసులు పెడతాం ఏమైనా చేస్తాం కానీ సొంత అక్క కదా ఏం చేయగలం అంటూ అలీతో సరదాగా షోలో కన్నీళ్లు పెట్టుకుంది షకీలా. ఇక ఇప్పుడు చెప్పుకోలేని విషయం ఏమిటంటే ఐదేళ్లుగా మా అక్క నాతో మాట్లాడ్డం మానేసింది. ఎందుకు మాట్లాడం లేదని అడిగాను. నువ్ సినీ ఆక్టర్ వి కదా. మా పిల్లలకు పెళ్లిళ్లు అయ్యాయి..వాళ్ళ ఇళ్లల్లో నీతో మాట్లాడ్డానికి ఒప్పుకోవడం లేదని చెప్పింది. మనం గుడ్డిగా ఎవరిని నమ్ముతామో వాళ్ళు కూడా మనల్ని అలాగే మోసం చేస్తారు అని తెలిసొచ్చింది అంటూ షకీలా తన మనసులో బాధల్ని పంచుకుంది.