సుడిగాలి సుధీర్ హోస్ట్ గా చేస్తున్న ఫామిలీ స్టార్స్ ప్రోమో రీసెంట్ గా రిలీజ్ అయ్యింది. ఈ షోకి రంగుల రాట్నం వెర్సెస్ కలిసుందాం రా సీరియల్ టీమ్స్ వచ్చాయి. ఇక సుడిగాలి సుధీర్ వీళ్ళను బాగా పటాయించాడు. ఇక రెండు సీరియల్స్ లో అమ్మాయిలను తెగ పొగిడేసాడు. "వర్షం పడుతుందా ఏంటండీ...సడెన్ గా సెట్ లో ఇంద్రధనుస్సును చూస్తే...." అని ఒక సీరియల్ హీరోయిన్.."మీ సీరియల్ లక్ష ఎపిసోడ్స్ ఐనా అవ్వాలనుకుంటానండి ఎప్పుడూ మిమ్మల్ని లక్ష సార్లు చూడొచ్చు కదా" అంటూ తెగ బిల్డప్ ఇచ్చేసాడు.

ఇంతలో భానుశ్రీ వచ్చి "నిన్న లక్ష సార్ల కంటే ఎక్కువగానే పొగిడాం..ఐనా ఎప్పుడైనా నన్ను పొగిడావా" అనేసరికి " 30 ఎపిసోడ్స్ చూసేసరికి చిరాకొచ్చేసింది" అంటూ ముఖాన్ని తెగ చిరాకుగా పెట్టి మరీ చెప్పాడు. దాంతో భాను కొంచెం హర్ట్ ఐనట్టు కనిపించింది. ఇక తర్వాత సీన్ లోకి పవిత్ర "రగులుతోంది మొగలి పొద" అంటూ నల్ల రంగు చీరలో పాములా వచ్చింది. ఐనా "నువ్వు పాము కదా" అని సుధీర్ పవిత్రని అడిగేసరికి " పాము గురించి నీకేం తెలుసు కాటేయడం తప్ప" అని కౌంటర్ వేసింది. తర్వాత మరో పెద్ద ఝలక్ ఇచ్చింది. గొడుగేసుకుని మందాకినిలా వచ్చి "ఏయ్...నాతో చేయవా..." అనేసరికి సుధీర్ తెగ నవ్వలేక నవ్వుకుని చిరాగ్గా "ఏంటి నీ ప్రాబ్లమ్ " అని సీరియస్ గా అడిగాడు.. "వేద్దాం దా డాన్స్" అని కైపుగా, మత్తుగా అడిగింది."నేను వేయనమ్మా డాన్స్ " అని చెప్పేసాడు సుధీర్. "వస్తావా..నీ వీడియో క్లిప్స్ అన్ని ప్లే చేయమంటావా" అంటూ బెదిరించేసింది పవిత్ర. దానికి సుధీర్ దగ్గర ఆన్సర్ లేదు. పవిత్ర అన్న వీడియో క్లిప్స్ అన్న మాటకు షాకైపోయాడు.