క్యాష్ షో ఎప్పుడూ సూపర్ గా ఎంటర్టైన్ చేస్తూనే ఉంటుంది. సినిమా ప్రమోషన్స్ లో భాగంగా నటీనటులు వస్తూ ఉంటారు. ఐతే ఇప్పుడు క్యాష్ నెక్స్ట్ వీక్ ప్రోమో రిలీజ్ అయ్యింది. ఇప్పటి వరకు అలా హాయిగా నవ్వులతో సాగిపోయే ఈ షో ఇప్పుడు ఒక అడుగు ముందుకేసి పెళ్లిళ్లు చేసే స్టేజిలా మారిపోయింది. నెక్స్ట్ వీక్ ఎపిసోడ్ కి బుల్లితెర షోస్ లో నటించే కమెడియన్ పెయిర్స్ ని తీసుకొచ్చింది సుమ. కార్తిక్‌-ష‌బీనా, నూకరాజు-ఆసియా, ప్రవీణ్-ఫైమా, పరదేశి-భాను.. ఇలా నాలుగు జంటలను తీసుకొచ్చింది. ఐతే ఆసియా-నూకరాజు, ఫైమా-ప్రవీణ్ ఈ రెండు జంటలు నిజమైన ప్రేమ జంటలన్న విషయం సోషల్ మీడియా మొత్తానికి తెలుసు. నూకరాజు ప్రేమ నిజమైనదా, కాదా? అని టెస్ట్ చేయడానికి సుమ ఒక టాస్క్ ఇచ్చింది.

"నీది నిజమైన ప్రేమైతే ఈ కర్పూరాన్ని చేతిలో పెట్టుకుని వెలిగించుకో" అంటూ వెలిగించింది. అది చూసి ఆసియా బాగా ఏడుస్తూ కర్పూరాన్ని పడేయమని నూకరాజుతో చెప్పింది. సుమ చేసిన ఆ పనికి అక్కడి వాళ్లంతా షాక్ ఐపోయారు. ఇలా చేతిలో కర్పూరాన్ని వెలిగించుకుని సాహసం పూర్తయ్యాక "మా అందరి సాక్షిగా ఆసియాకి తాళి కట్టు" అంటూ ఒక చైన్ నూకరాజు చేతికి ఇచ్చింది సుమ‌.

వెంటనే నూకరాజు కూడా ఏమీ ఆలోచించకుండా ఇదే అవకాశం అనుకున్నాడేమో వెంటనే క్యాష్ షో వేదికపై ఆసియా మేడలో కట్టేశాడు. నూకరాజు అలా చేసేసరికి అందరూ ఒక్కసారిగా షాక్ ఐపోయారు. నూకరాజు పెళ్లితో ఇప్పుడు క్యాష్ స్టేజి మీద పెళ్లిళ్లు కూడా జరిగిపోతున్నాయి. సుమ కూడా ఆ పరిణామానికి అవాక్కయి అలా చూస్తుండిపోయింది.