స్వయంవరం మూవీతో హిట్ కొట్టిన హీరో వేణు తొట్టెంపూడి. టాలీవుడ్ లో చేసినవి తక్కువ సినిమాలే ఐనా తన నటనతో ఆడియన్స్ మనసులో మంచి పేరు తెచ్చుకున్నారు. ఇప్పుడు రామారావు ఆన్ డ్యూటీ మూవీలో కీరోల్ లో నటిస్తున్న వేణు ఈ చిత్రం ప్రమోషన్స్ లో భాగంగా అలీతో సరదాగా షోకి వచ్చాడు. స్వయంవరం మూవీ షూటింగ్ టైంలో తాను చాలా కొత్త యాక్టర్ నని వేణు అన్నారు. అదే టైంలో అలీతో పరిచయమయ్యింది అంటూ ఆయన గురించి కూడా చెప్పారు. సినిమాల నుంచి తాను నేర్చుకున్నది చాలా తక్కువని ఇంకా ఎంతో నేర్చుకోవాల్సి ఉందని చెప్పుకొచ్చారు.

స్పెషల్ రోల్స్ లో ఆడియన్స్ కి ఎప్పటికి గుర్తుండిపోయే పాత్రల్లో నటించాలనే కోరిక వలన అలాంటి రోల్స్ కోసం చూస్తూ రీఎంట్రీకి కొంచెం ఎక్కువ టైం తీసుకున్నట్లు చెప్పారు. ఇక ఇప్పుడు రామారావు ఆన్ డ్యూటీ మూవీతో తన కోరిక తీరిందని చెప్పాడు. తాను ఇప్పటివరకు 25 చిత్రాల్లో నటించినట్లు చెప్పారు. వేణు వాళ్ళ నాన్న గారు ప్రొఫెసర్ కావడంతో ఎప్పుడూ ఎదో ఊరు ప్రయాణం చేస్తూ ఉండాల్సి వచ్చేదని వివరించారు.

ఇక భారతిరాజా డైరెక్షన్ లో ఒక మూవీ మిస్ అయ్యానని చెప్పాడు వేణు. చెప్పాలంటే భారతి రాజా డైరెక్షన్లో రావాల్సిన మూవీనే తన ఫస్ట్ మూవీ కావాల్సింది కానీ ఒక షెడ్యూల్ షూటింగ్ పూర్తయ్యాక సినిమా ఆగిపోయిందని భారతి రాజా వేణుకి చెప్పారు. వేణు యాక్షన్ నచ్చక షూటింగ్ ఆపేశారని అనుకున్న వేణు భారతి రాజా ముందు తనకు వచ్చిన అన్ని యాక్షన్ స్టిల్స్ ని చూపించారట. చివరికి షూటింగ్ వేరే కారణాల వలన ఆగిపోయిందని చెప్పి 500 రూపాయలు ఇచ్చి వెళ్లిపోయారని చెప్పాడు వేణు. తర్వాత చెన్నైలో జరిగిన తన పెళ్ళికి భారతి రాజా గారిని పిలిచానని ఆయన కూడా వచ్చి ఆశీర్వదించారని చెప్పాడు. భారతిరాజా లాంటి గొప్ప డైరెక్టర్ ఆధ్వర్యంలో సినిమా మిస్ చేసుకోవడం చాలా బాధాకరమైన విషయం అన్నాడు వేణు.