ఎన్టీఆర్ 'మంచి మనసుకు మంచి రోజులు'కి 65 ఏళ్ళు.. ఆ పాపులర్ పాటని చిరంజీవి హిట్ మూవీలో భలే వాడారు!
నటరత్న నందమూరి తారక రామారావు కెరీర్ లో పలు రీమేక్ హిట్స్ ఉన్నాయి. వాటిలో 'మంచి మనసుకు మంచి రోజులు' ఒకటి. తమిళ చిత్రం 'తాయ్ పిరందాళ్ వళి పిరక్కుమ్' (ఎస్. ఎస్. రాజేంద్రన్, ఎం.ఎన్. రాజమ్, ప్రేమ్ నజీర్, రాజసులోచన) ఆధారంగా తెరకెక్కిన ఈ సినిమాలో రాజసులోచన, రాజనాల, రేలంగి, అల్లు రామలింగయ్య, రమణ మూర్తి, పేకేటి శివరామ్, సూర్యకాంతం, గిరిజ, జయశ్రీ ఇతర ముఖ్య పాత్రల్లో దర్శనమిచ్చారు. సి.ఎస్. రావు దర్శకత్వం వహించిన ఈ మూవీని శ్రీ ప్రొడక్షన్స్ పతాకంపై సుందర్ లాల్ నహతా, టి. అశ్వద్ధ నారాయణ నిర్మించారు. ఏకే వేలన్ కథకి సముద్రాల జూనియర్ సంభాషణలు సమకూర్చారు.