English | Telugu
మెగాస్టార్ బాలీవుడ్ మూవీస్.. కామన్ పాయింట్ అదే!
Updated : Aug 22, 2023
తెలుగునాట తిరుగులేని కథానాయకుడిగా రాణించిన మెగాస్టార్ చిరంజీవి.. హిందీలోనూ తనదైన ముద్ర వేశారు. బాలీవుడ్ లో ముచ్చటగా మూడు సినిమాల్లో హీరోగా నటించి... అక్కడి ప్రేక్షకులను ఎంటర్టైన్ చేశారాయన. 1990, 1992, 1994 సంవత్సరాల్లో విడుదలైన ఈ చిత్రాలు.. చిరుకి ప్రత్యేక గుర్తింపు తీసుకువచ్చాయి. ప్రస్తావించదగ్గ విషయమేమిటంటే.. ఈ మూడు సినిమాలు కూడా దక్షిణాదిన ఘనవిజయం సాధించిన చిత్రాలకు రీమేక్ వెర్షన్స్ నే. ఆ వివరాల్లోకి వెళితే..
ప్రతిబంధ్ (1990): హిందీలో చిరంజీవి నేరుగా నటించిన మొదటి సినిమా 'ప్రతి బంధ్'. తెలుగులో అఖండ విజయం సాధించిన 'అంకుశం' ఆధారంగా ఈ చిత్రం తెరకెక్కింది. మాతృకలో రాజశేఖర్ పోషించిన పాత్రని హిందీలో చిరంజీవి చేశారు.
ఆజ్ కా గూండారాజ్ (1992): చిరంజీవి టాలీవుడ్ బ్లాక్ బస్టర్ మూవీ 'గ్యాంగ్ లీడర్'.. హిందీలో 'ఆజ్ కా గూండారాజ్' పేరుతో రీమేక్ అయింది. తెలుగులో తను పోషించిన పాత్రనే హిందీ వెర్షన్ లోనూ ధరించారు మెగాస్టార్.
ది జెంటిల్ మేన్ (1994): కోలీవుడ్ సెన్సేషన్ 'జెంటిల్ మేన్' సినిమాని హిందీలో 'ది జెంటిల్ మేన్' పేరుతో రీమేక్ చేశారు. తమిళంలో అర్జున్ పోషించిన పాత్రని.. బాలీవుడ్ లో చిరంజీవి చేశారు. హిందీనాట చిరు హీరోగా నటించిన ఆఖరి చిత్రమిదే కావడం విశేషం.