నటసింహం నందమూరి బాలకృష్ణ కెరీర్ లో ఎంతో ప్రత్యేకంగా నిలిచే చిత్రం 'సమరసింహారెడ్డి'. 'పెద్దన్నయ్య' (1997) తరువాత కాస్త ట్రాక్ తప్పిన బాలకృష్ణకి ఈ సినిమా విజయం సరికొత్త ఉత్సాహాన్నిచ్చింది. 1999 సంక్రాంతికి విడుదలైన ఈ ఫ్యాక్షన్ డ్రామా.. అప్పట్లో పలు రికార్డులను భూస్థాపితం చేసి ఇండస్ట్రీ హిట్ గా నమోదయ్యింది. 'లారీ డ్రైవర్', 'రౌడీ ఇన్ స్పెక్టర్' వంటి ఘనవిజయాల తరువాత బాలయ్య, దర్శకుడు బి. గోపాల్ కాంబినేషన్ లో వచ్చిన ఈ సినిమా.. వారికి హ్యాట్రిక్ మూవీగా నిలిచింది. మెలోడీ బ్రహ్మ మణిశర్మ రేంజ్ ని మరింత పెంచింది. అదేవిధంగా, తెలుగునాట ఫ్యాక్షన్ బ్యాక్ డ్రాప్ మూవీస్ కి ఊపు తీసుకువచ్చింది. 

వాస్తవానికి 'సమరసింహారెడ్డి'కి ఫస్ట్ ఛాయిస్ బాలయ్య కాదు. తన కంటే ముందు మరో స్టార్ హీరో విక్టరీ వెంకటేశ్ ని సంప్రదించారు దర్శకుడు బి. గోపాల్. అయితే కథ విన్న వెంకీ.. తనకి ఈ సబ్జెక్ట్ అంతగా సెట్ కాదని, బాలకృష్ణ లాంటి మాస్ హీరో చేస్తే నెక్స్ట్ లెవల్ కి వెళుతుందని సున్నితంగా తిరస్కరించారట. దాంతో.. వెంకటేశ్ చేయాల్సిన 'సమరసింహారెడ్డి' కాస్త బాలయ్య ఖాతాలో పడింది. వెంకీ చెప్పినట్లుగానే తనదైన అభినయంతో సినిమాని మరో స్థాయికి తీసుకెళ్ళారు నటసింహం. ఏదేమైనా.. వెంకీ ఓ ఇండస్ట్రీ హిట్ ని మిస్ చేసుకున్నారు.