ఇండస్ట్రీ హిట్స్ కి కేరాఫ్ అడ్రస్ గా నిలిచిన కథానాయకుల్లో మెగాస్టార్ చిరంజీవి ఒకరు. దాదాపు నాలుగన్నర దశాబ్దాల కెరీర్ లో మొత్తం ఎనిమిది సార్లు ఇండస్ట్రీ హిట్స్ ని అందించారు చిరు. తన కెరీర్ ని మేలిమలుపు తిప్పిన 'ఖైదీ' (1983)తో మొదలుకుని 'ఇంద్ర' (2002) వరకు అంటే సుమారు 20 ఏళ్ళ పాటు ఇండస్ట్రీ హిట్స్ తో వార్తల్లో నిలిచారు మెగాస్టార్. 

ప్రస్తావించదగ్గ విషయమేమిటంటే.. 'ఖైదీ', 'ఇంద్ర' నడుమ చిరంజీవి పేరిట నమోదైన ఇండస్ట్రీ హిట్స్ అన్నీ వరుస సంవత్సరాల్లో సందడి చేశాయి. అంటే.. ఏడాదికి ఒక ఇండస్ట్రీ హిట్ చొప్పున ఆరేళ్ళ పాటు ఆరు ఇండస్ట్రీ హిట్స్ చిరు ఖాతాలో చేరాయన్నమాట. 1987లో 'పసివాడి ప్రాణం', 1988లో 'యముడికి మొగుడు', 1989లో 'అత్తకు యముడు అమ్మాయికి మొగుడు', 1990లో 'జగదేక వీరుడు అతిలోక సుందరి', 1991లో 'గ్యాంగ్ లీడర్', 1992లో 'ఘరానా మొగుడు'.. ఇలా వరుసగా ఆరు సంవత్సరాల్లో 6 ఇండస్ట్రీ హిట్స్ అందించారు చిరు. ఇది ఒక రకంగా అరుదైన రికార్డు అనే చెప్పాలి.   

(ఆగస్టు 22.. చిరంజీవి పుట్టినరోజు సందర్భంగా)