English | Telugu

Home  
Bollywood News

ఒక‌రు ఇంట్రావ‌ర్ట్‌.. ఒక‌రు ఎక్స్‌ట్రావ‌ర్ట్‌.. అజ‌య్-కాజోల్ బ్యూటిఫుల్ ల‌వ్ స్టోరీ!

“అజ‌య్ దేవ్‌గ‌ణ్‌, కాజోల్ ఎక్కువ కాలం క‌లిసుండ‌లేరు”.. ఆ ఇద్ద‌రూ పెళ్లాడిన త‌ర్వాత చాలామంది అభిప్రాయం ఇదే. మీడియా కూడా ఇవే సందేహాలు వ్య‌క్తం చేసింది. పూర్తి భిన్న‌మైన మ‌న‌స్త‌త్వాలు క‌లిగిన ఆ ఇద్ద‌రిదీ స‌రైన జోడీ కాద‌ని విమ‌ర్శ‌కులు భావించేవారు. అజ‌య్ ఇంట్రావ‌ర్ట్ అయితే, కాజోల్ ఎక్స్‌ట్రావ‌ర్ట్‌. అయితే నాలుగేళ్ల ప్రేమ‌బంధం త‌ర్వాత పెళ్లిబంధంతో నిజ జీవితంలో దంప‌తులుగా మారిన ఆ ఇద్ద‌రూ...

రూ. 6580 కోట్లు వ‌సూలుచేసిన‌ 'స్పైడ‌ర్‌మ్యాన్: హోమ్‌క‌మింగ్' విడుద‌లై నాలుగేళ్లు!

టామ్ హాలండ్ టైటిల్ రోల్ పోషించిన 'స్పైడ‌ర్‌మ్యాన్‌: హోమ్‌క‌మింగ్' 2017లో ఇదే రోజు విడుద‌లై, ప్రేక్ష‌కుల‌కు మంచి వినోదాన్ని అందించి, బ్లాక్‌బ‌స్ట‌ర్ హిట్ట‌యింది. మార్వెల్ కామిక్స్ క్యారెక్ట‌ర్ స్పైడ‌ర్‌మ్యాన్ ఆధారంగా ఈ సూప‌ర్‌హీరో మూవీని కొలంబియా మూవీస్‌, మార్వెల్ స్టూడియోస్ సంయుక్తంగా నిర్మించ‌గా, సోనీ పిక్చ‌ర్స్ రిలీజ్ చేసింది. 

అమెరికా నంబ‌ర్ వ‌న్ హార‌ర్ మూవీ ఓటీటీలో రాబోతోంది.. ఊపిరి బిగ‌ప‌ట్టి చూడండి!

డేవ్ డేవిస్‌, మినాషే లుస్టిగ్‌, మాల్కీ గోల్డ్‌మ‌న్ ప్ర‌ధాన పాత్ర‌లు పోషించిన హార‌ర్ ఫిల్మ్ 'ద విజిల్' ఇండియా హ‌క్కుల్ని పిక్చ‌ర్ వ‌ర్క్స్ పొందింది. అమెజాన్ ప్రైమ్ వీడియోలో ఈ ఫిల్మ్ విడుద‌ల కాబోతోంది. కీత్ థామ‌స్ డైరెక్ట్ చేసిన ఈ సినిమా క‌థ‌ య‌కోవ్ (డేవ్ డేవిస్‌) అనే యువ‌కుడి చుట్టూ న‌డుస్తోంది. చ‌నిపోయిన ఓ వ్య‌క్తి శ‌వానికి కాప‌లాగా ఉండేందుకు నియ‌మితుడైన అత‌ను ఒక‌రాత్రి వేళ ఒక భూతాన్ని ఎలా ఎదుర్కొన్నాడ‌నేది ఇందులోని ప్ర‌ధానాంశం.

లెజెండ‌రీ యాక్ట‌ర్ దిలీప్ కుమార్ క‌న్నుమూత‌

దేశంలోని గ్రేటెస్ట్ యాక్ట‌ర్స్‌లో ఒక‌రిగా కీర్తి ప్ర‌తిష్ఠ‌లు ఆర్జించిన దిలీప్ కుమార్ బుధ‌వారం (జూలై 7) ఉద‌యం క‌న్నుమూశారు. కొద్ది రోజులుగా వృద్ధాప్య స‌మ‌స్య‌ల‌తో బాధ‌ప‌డుతూ వ‌చ్చిన ఆయ‌న‌, ప‌లుమార్లు చికిత్స నిమిత్తం హాస్పిట‌ల్‌లో చేరుతూ వ‌చ్చారు. ఆయ‌న వ‌య‌సు 98 సంవ‌త్స‌రాలు. జూన్ 30న ముంబైలోని హిందూజా హాస్పిట‌ల్‌లోని ఇంటెన్సివ్ కేర్ యూనిట్ (ICU)లో ఆయ‌న‌ను చేర్పించారు. 

సంజ‌య్‌ద‌త్ త‌ల్లిదండ్రులు న‌ర్గీస్-సునీల్‌ద‌త్‌ అంద‌మైన ప్రేమ‌క‌థ‌!

సునీల్‌ద‌త్ విష‌యానికి వ‌స్తే న‌ర్గీస్‌ను ఒక సినిమా ప్రీమియ‌ర్‌లో తొలిసారి చూడ‌గానే ప్రేమ‌లో ప‌డిపోయాడు. ల‌వ్ ఎట్ ఫ‌స్ట్ సైట్‌! అప్ప‌టికే న‌ర్గీస్ టాప్ హీరోయిన్‌గా బాలీవుడ్‌లో రాణిస్తున్నారు. సునీల్ అప్పుడ‌ప్పుడే ఇండ‌స్ట్రీలో నిల‌దొక్కుకోవ‌డానికి పోరాటం చేస్తున్నారు. అలాంటి ఆ ఇద్ద‌రి మ‌ధ్యా ప్రేమ‌క‌థ 'మ‌ద‌ర్ ఇండియా' సెట్స్ మీద ప్రారంభ‌మైంది. దేశానికి పేరు తెచ్చిన సినిమాల్లో 'మ‌ద‌ర్ ఇండియా' ఒక‌టి. 

'సూప‌ర్‌మేన్' ఆవిష్క‌ర్త‌ రిచ‌ర్డ్ డ‌న్న‌ర్ క‌న్నుమూత‌

వెండితెర‌పై ఆధునిక 'సూప‌ర్‌మేన్‌'ను సృష్టించిన ప్ర‌ఖ్యాత హాలీవుడ్ డైరెక్ట‌ర్ రిచ‌ర్డ్ డ‌న్న‌ర్ ఇక‌లేరు. సోమ‌వారం ఆయ‌న క‌న్నుమూసిన‌ట్లు ఆయ‌న భార్య‌, నిర్మాణ భాగ‌స్వామి లారెన్ షుల‌ర్ డ‌న్న‌ర్ వెల్ల‌డించారు. రిచ‌ర్డ్ డ‌న్న‌ర్ వ‌య‌సు 91 సంవ‌త్స‌రాలు. 1976లో వ‌చ్చిన‌ 'ది ఆమెన్' మూవీతో డైరెక్ట‌ర్‌గా ప‌రిచ‌య‌మైన ఆయ‌న‌, తొలి సినిమాతోటే మంచి పేరు, గుర్తింపు సంపాదించుకున్నారు.

రోడ్డు విస్త‌ర‌ణ కోసం అమితాబ్ బిల్డింగ్‌లో కొంత‌ భాగాన్ని కూల్చ‌బోతున్న బీఎంసీ!

రోడ్డు విస్త‌ర‌ణ‌లో భాగంగా బిగ్ బీ అమితాబ్ బ‌చ్చ‌న్‌కు చెందిన ముంబైలోని 'ప్ర‌తీక్ష బంగ్లాలో కొంత భాగాన్ని కూల్చేందుకు బృహ‌న్ముంబై మునిసిప‌ల్ కార్పొరేష‌న్ అధికారులు సిద్ధ‌మ‌వుతున్నారు. నిజానికి దీనికి సంబంధించి 2017లోనే నోటీసు ఇచ్చిన‌ప్ప‌టికీ, ఇంత‌వ‌ర‌కూ ఆ బంగ్లాను ముట్టుకోలేదు అధికారులు. సంత్ ధ్యానేశ్వ‌ర్ మార్గ్ రోడ్ విస్త‌ర‌ణ ప‌నుల్లో భాగంగా ప్ర‌తీక్ష బంగ్లాలోని కొంత భాగాన్ని తాము స్వాధీనం చేసుకోబోతున్న‌ట్లు అప్పుడు బీఎంసీ నోటీసు జారీచేసింది. 

15 ఏళ్ల సంసారం త‌ర్వాత కిర‌ణ్ రావ్‌కు ఆమిర్ ఖాన్‌ విడాకులు!

బాలీవుడ్ సూప‌ర్‌స్టార్ ఆమిర్ ఖాన్‌, డైరెక్ట‌ర్ కిర‌ణ్ రావ్ ప‌దిహేను సంవ‌త్స‌రాల సంసార జీవితానికి స్వ‌స్తిప‌లికి విడాకులు తీసుకుంటున్నారు. ఓ సంయుక్త ప్ర‌క‌ట‌న‌లో వారు ఈ విష‌యం వెల్ల‌డించి అంద‌ర్నీ ఆశ్చ‌ర్యానికి గురిచేశారు. త‌మ కొడుకు అజాద్ రావ్ ఖాన్‌ను క‌లిసే పెంచుతామ‌నీ, 'పాని ఫౌండేష‌న్‌'లో భాగ‌స్వామ్యాన్ని కొన‌సాగిస్తామ‌నీ వారు తెలిపారు.

బాప్‌రే.. ఇన్‌స్టాగ్రామ్‌లో ఒక్క పోస్టుకు ప్రియాంక ఆదాయం రూ. 3 కోట్లా!

2021 ఇన్‌స్టాగ్రామ్ రిచ్ లిస్ట్‌లో ప్రియాంకా చోప్రాకు చోటు లభించింది. 27వ స్థానంలో నిలిచిన ఆమె ప్ర‌తి ప్ర‌మోష‌న‌ల్ పోస్ట్‌కు 403,000 డాల‌ర్లు (సుమారు రూ. 3 కోట్లు) ఆర్జించింది. 19వ స్థానంలో నిలిచిన‌ భార‌త క్రికెట్ జ‌ట్టు కెప్టెన్ విరాట్ కోహ్లీ ప్ర‌తి ప్ర‌మోష‌న‌ల్ పోస్ట్‌కూ 680,000 డాల‌ర్లు (సుమారు రూ. 5 కోట్లు) సంపాదించాడు. ఈ లిస్టులో ఫుట్‌బాల్ కింగ్ క్రిస్టియానో రోనాల్డో టాప్‌లో నిల‌వ‌గా...

'డోన్ట్ బ్రీత్ 2' ట్రైల‌ర్ వ‌చ్చేసింది.. ఒరిజిన‌ల్‌ను మించి భ‌య‌పెడుతోందిగా!

ఫెడె అల్వారెజ్ రూపొందించిన 2016 నాటి హార‌ర్ మూవీ 'డోన్ట్ బ్రీత్' విడుదల స‌మ‌యానికి దాన్ని ఫ్రాంచైజీగా చెయ్యాల‌ని నిర్మాత‌లు అనుకోలేదు. ఆ ఏడాది స‌మ్మ‌ర్‌కు రిలీజైన ఆ మూవీ బాక్సాఫీస్ ద‌గ్గ‌ర బ్లాక్‌బ‌స్ట‌ర్ కావ‌డంతో పాటు, విమ‌ర్శ‌కుల ప్ర‌శంస‌లు పొందింది. లో బ‌డ్జెట్‌తో నిర్మాణ‌మైన ఆ సినిమా 160 మిలియ‌న్ల కంటే కాస్త త‌క్కువ‌గా వ‌సూళ్లు సాధించింది. ఇది అనూహ్యం. 

మందిరా బేడి భ‌ర్త డైరెక్ట‌ర్ రాజ్ కౌశ‌ల్ గుండెపోటుతో మృతి

'సాహో' న‌టి మందిరా బేడీ భర్త రాజ్ కౌశ‌ల్ తీవ్ర గుండెపోటుతో బుధవారం తెల్లవారుజామున 4:30 గంటలకు కన్నుమూశారు. వృత్తిరీత్యా నిర్మాత‌-ద‌ర్శ‌కుడు అయిన‌ రాజ్ కౌశ‌ల్ వయసు 49 సంవత్సరాలు. ఆయ‌న‌ 'ప్యార్ మే క‌భీ క‌భీ', 'షాదీ కా లడ్డూ' చిత్రాలకు దర్శకత్వం వహించారు. ఆయ‌న‌ వాణిజ్య ప్రకటనల రూప‌క‌ర్త కూడా. ఆదివారం మందిర, రాజ్ కౌశ‌ల్ ఇచ్చిన గెట్‌-టుగెద‌ర్ పార్టీకి వారి సన్నిహితులు నేహా ధూపియా...

మరోసారి హాస్పిటల్‌లో చేరిన దిలీప్ కుమార్

బాలీవుడ్ ప్రముఖ నటుడు దిలీప్ కుమార్ మరోసారి ఆసుపత్రిలో చేరారు. శ్వాస తీసుకోవడంలో ఇబ్బందులు తలెత్తడంతో ఆయన కుటుంబసభ్యులు ముంబైలోని హిందుజా ఆసుపత్రిలో చేర్పించారు. ప్రస్తుతం ఆయన ఐసీయూలో ఉన్నారు.

'రాక్ష‌సుడు' హిందీ రీమేక్‌లో అక్ష‌య్ కుమార్‌! హీరోయిన్‌గా ర‌కుల్‌!!

బాలీవుడ్ స్టార్ యాక్ట‌ర్ అక్ష‌య్ కుమార్‌కు త‌మిళ సినిమాలు బాగా న‌చ్చుతున్న‌ట్లు క‌నిపిస్తోంది. ఇటీవ‌ల లారెన్స్ 'కాంచ‌న' మూవీ హిందీ రీమేక్ 'ల‌క్ష్మీ'లో న‌టించిన ఆయ‌న, ప్ర‌స్తుతం 'జిగ‌ర్తాండ' (తెలుగులో 'గ‌ద్ద‌ల‌కొండ గ‌ణేష్‌') రీమేక్ 'బ‌చ్చ‌న్ పాండే' చేస్తున్నాడు. లేటెస్ట్‌గా మ‌రో త‌మిళ సినిమా హిందీ రీమేక్‌కు ఆయ‌న గ్రీన్ సిగ్న‌ల్ ఇచ్చాడు. అది.. విష్ణు విశాల్ హీరోగా న‌టించిన హిట్ ఫిల్మ్ 'రాచ్చ‌స‌న్‌'. 

ఆ సినిమా నుంచి న‌న్ను త‌ప్పించినందుకు నిర్మాత‌లు సారీ చెప్పారు!

ఒక సినిమాకు తాను డేట్స్ కేటాయించ‌గా, చివ‌రి నిమిషంలో నిర్మాత‌లు త‌న‌ను ఆ సినిమా నుంచి త‌ప్పించార‌నీ, ఆ త‌ర్వాత వారు త‌న‌కు క్ష‌మాప‌ణ‌లు చెప్పార‌నీ న‌టి తాప్సీ ప‌న్ను వెల్ల‌డించింది. ఆ సినిమా పేరును ఆమె బ‌య‌ట‌పెట్ట‌క‌పోయినా, అమ‌ర్యాద‌క‌రంగా త‌న‌ను త‌ప్పించి వేరే న‌టిని తీసుకున్నందుకు నిర్మాత‌ల‌ను తాప్సీ తిట్టిపోసింద‌ని ఇదివ‌ర‌కు ప్ర‌చారంలోకి వ‌చ్చింది.

రేవ్ పార్టీలో ప‌ట్టుబ‌డిన పాపుల‌ర్ న‌టి!

మ‌రాఠీ న‌టి హీనా పంచ‌ల్‌ను పోలీసులు అరెస్ట్ చేశారు. ఇటీవ‌ల మ‌హారాష్ట్ర‌లోని ఇగ‌త్‌పురిలో ఓ రేవ్ పార్టీ జ‌రుగుతోంద‌ని స‌మాచారం అందుకున్న నాసిక్ పోలీసులు ఆ పార్టీపై దాడి చేశారు. ఆ పార్టీలో పాల్గొన్న‌ బిగ్ బాస్ మ‌రాఠీ కంటెస్టెంట్ హీనాతో పాటు మ‌రికొంత‌మందిని ఆదివారం అరెస్ట్ చేసిన‌ట్లు పోలీసులు తెలిపారు. హీనాతో పాటు అరెస్ట్ చేసిన వాళ్లంద‌రి ర‌క్త న‌మూనాల‌ను ప‌రీక్ష‌ల‌కు పంపామ‌నీ, వాటి రిపోర్టుల కోసం ఎదురుచూస్తున్నామ‌నీ వారు వెల్ల‌డించారు.