Home  
Politics
chandrababu babu

చంద్రబాబుకు పిచ్చి ముదిరింది: మంత్రి కొండ్రు

        తెలుగుదేశం పార్టీ అధినేత నారా చంద్రబాబు నాయుడు పాదయాత్రను రికార్డుల కోసం చేస్తున్నారా లేక ప్రజల కోసం చేస్తున్నారా చెప్పాలని మంత్రి కొండ్రు మురళి ప్రశ్నించారు. చంద్రబాబుకు పిచ్చి ముదిరిందని మంత్రి కొండ్రు మురళి మోహన్ తీవ్ర వ్యాఖ్యలు చేశారు. కాంగ్రెస్ పార్టీపై, నేతలపై పాదయాత్రలో చంద్రబాబు చేస్తున్న వ్యాఖ్యలు సరికావన్నారు. తన తొమ్మిదేళ్ల పాలనలో చోటుచేసుకున్న అవినీతిని తెలిసేందుకే ఆయన యాత్రలో స్థూపాలు కడుతున్నారన్నారు. ప్రపంచంలో బాబును మించిన అవినీతిపరుడు లేడన్నారు. తెలుగుదేశం పార్టీ నేతలు, కార్యకర్తలు అందరూ కలిసి అధ్యక్షుడిని మార్చుకోవాలన్నారు. లేకుంటే ఆ పార్టీ పతనం కావడం ఖాయమన్నారు. విద్యుత్ ఛార్జీలు తగ్గించమంటే ముగ్గురిని పొట్టన పెట్టుకున్న ఘనుడు బాబు అని విమర్శించారు.

Bobbili MLA switches loyalty to Jagan camp

జగన్ పార్టీకి విజయనగరంలో ఎదురుదెబ్బ

        జగన్ వైఎస్ఆర్ కాంగ్రెస్ పార్టీకి విజయనగరం జిల్లాలో గట్టి ఎదురుదెబ్బ తగిలింది. అ జిల్లాకు చెందిన సీనియర్ రాజీకీయ నాయకుడు శంబంగి చిన అప్పల నాయుడు జగన్ పార్టీకి రాజీనామా చేశారు. వైఎస్ఆర్ కాంగ్రెస్ పార్టీలో బలహీన వర్గాలకు చెందిన వారికి పార్టీలో ప్రాధాన్యత లేదని, వారిని పట్టించుకోవడం లేదని ఆరోపిస్తూ పార్టీని వీడారు.   శంబంగి చిన అప్పల నాయుడు దాదాపు ముప్పయ్యేళ్లు తెలుగుదేశం పార్టీకి సేవలు అందించారు. 1985లో టిడిపి తరఫున పోటీ చేసి గెలిచారు. 1989లో అదే పార్టీ నుండి పోటీ చేసి ఓడిపోయారు. 1994లో స్వతంత్ర అభ్యర్థిగా పోటీ చేసి గెలుపొందారు. ఆ తర్వాత 1999, 2004లలో టిడిపి తరఫునే పోటీ చేసిన ఓటమి చెందారు. ఆయన మొదటి నుండి బొబ్బిలి నియోజకవర్గాన్ని అంటి పెట్టుకొని ఉన్నారు. జగన్ వైఎస్ఆర్ కాంగ్రెస్ పార్టీ స్థాపించిన తరువాత అందులో చేరారు.

Indian raped in Maldives

మాల్దీవుల్లో ఇండియన్ పై గ్యాంగ్ రేప్

        మాల్దీవుల్లోనూ ఇండియాకు చెందిన టీచర్ గ్యాంగ్ రేప్ కు గురైంది. మాలెలో ఆసుపత్రి లో చికిత్స పోందుతున్న ఆమె పరిస్థితి ఆందోళనకరంగా మారింది. అలీఫ్ దాల్ అటార్ లోని ధంగేతి అనే పట్టణంలో బాధితురాలు ఇటివలే కంప్యూటర్ స్కూల్ లో టీచర్ చేరింది. ఆమెపై కొందరు దుండగులు ఆదివారం రాత్రి సామూహిక అత్యాచారానికి పాల్పడ్డారు. ఆమెను పోలీసులు హాస్పటల్ కి తరలించారు. ఆమె ఆరోగ్యపరిస్థితి ఆందోళనకరంగా ఉండడంతో మెరుగైన చికిత్స కోసం భారత్ కు తీసుకువెళ్తామని బాధితురాలి బంధువులు తెలిపారు.యువతి పరిస్థితిపై మాలెలోని భారత రాయబార కార్యాలయ అధికారులు మాల్దీవుల మంత్రి మరియమ్ షకీలతో మాట్లాడారు. అత్యాచారానికి పాల్పడిన వారిని అరెస్టు చేసి శిక్షిస్తామని ఆమె తెలిపారు.

padayatra

బాబు, షర్మిల పాదయత్రలకి మళ్ళీ బ్రేక్ పడనుందా?

  త్వరలో జరగనున్న శాసన మండలి ఎన్నికల దృష్ట్యా ఈ నెల 19వతేది సాయంత్రం నుండి 21వ తేది ఉదయం వరకు సంబందిత తెలంగాణా, గుంటూరు, తూర్పు మరియు పశ్చిమ గోదావరి జిల్లాలో ఎన్నికల నియమావళి అమలులోకి వస్తుందని రాష్ట్ర ఎన్నికల అధికారి ప్రకటించారు. అందువల్ల తెలుగుదేశం, వైయస్సార్ కాంగ్రెస్ పార్టీలు తమ నాయకుల పాదయాత్రలను ఆ తేదీల మద్య తప్పనిసరిగా నిలిపివేయాలని ఆదేశాలు జారీ చేసారు.   ప్రస్తుతం చంద్రబాబు నాయుడు ప్రస్తుతం గుంటూరులో పాదయత్ర చేస్తుండగా, షర్మిల నల్గొండ జిల్లాలో చేస్తున్నారు. రెండు ప్రాంతాలలో ఎన్నికల నియమావళి అమలులోకి రానున్నది గనుక, ఆ ఇద్దరూ నేతలూ కూడా ఆ తేదీల మద్య తప్పని సరిగా తమ పాదయాత్రలు నిలిపివేయవలసి ఉంటుంది.   అయితే, షర్మిల నల్గొండ జిల్లాలో తానూ నిర్ణయించుకొన్న అన్ని ప్రాంతాలలో 19వతేది నాటికి పాదయాత్ర ముగించుకొని, గుంటూరులో అడుగుపెట్టే అవకాశం ఉంది గనుక, ఆమె నల్గొండ జిల్లా పాదయాత్రకు ఎటువంటి అడ్డంకులు ఉండకపోవచ్చును. ఏకారణాల వల్లనయినా ఆమె పాదయాత్ర ఎక్కడయినా ఆలస్యం అయినట్లయితే, మిగిలిన ప్రాంతాలలో ఆమె వడివడిగా పాదయాత్ర చేసుకోవడమో లేదా ఆమె తన పాదయాత్రలో కొన్ని ప్రాంతాలను వదులుకొని నేరుగా గుంటూరు చేరుకోవడమో, లేదా 21వ తేది వరకు తన పాదయాత్రను వాయిదావేసుకొని తిరిగి నల్గొండలోనే ప్రారంభించడమో చేయవలసి ఉంటుంది. అయితే, ఆమె ఈ లోగానే, నల్గొండ జిల్లాలో అన్ని ప్రాంతాలను సందర్శించడం పూర్తవుతుందని ఆ పార్టీ నాయకులు విశ్వసిస్తున్నారు. అయినప్పటికీ, సరిగ్గా ఎన్నికల నియమావళి అమలయ్యే రోజునే ఆమె గుంటూరులో ప్రవేశిస్తారు గనుక, తన గుంటూరు పాదయాత్రను తాత్కాలికంగా వాయిదా వేసుకోవలసిరావచ్చును.   ఇక, తెలుగుదేశం పార్టీ నాయకులు ఈ రోజు స్థానిక ఎన్నికల అధికారిని కలిసి తమ అభ్యంతరాలను తెలియజేయనున్నారు. గత నాలుగు నెలలుగా చంద్రబాబు పాదయత్ర చేస్తున్నందున, ఈ ఎన్నికలకీ ఆయన పాదయాత్రకి ఏవిధమయిన సంబంధంలేదని, అందువల్ల తమ నాయకుడి పాదయాత్రకు అనుమతినీయాలని, ఇచ్చినట్లయితే తాము ఎన్నికల నియమావళికి లోబడే పాదయాత్ర చేసుకొంటామని విన్నవించనున్నారు.   ఒకవేళ తెలుగుదేశం పార్టీకి అనుమతినిచ్చినట్లయితే, అప్పుడు వైయస్సార్ కాంగ్రెస్ పార్టీ కూడా ఇదేవిధమయిన అభ్యర్ధన చేసే అవకాశం ఉంది. కానీ, వారి పాదయాత్రలు ఎన్నికల మీద ప్రభావం చూపే అవకాశం ఉనందున వారి అభ్యర్ధనను ఎన్నికల కమీషన్ తిరస్కరించే అవకాశాలే ఎక్కువ. అప్పుడు చంద్రబాబు, షర్మిల ఇద్దరూ కూడా తప్పనిసరిగా తమ పాదయాత్రలు వాయిదావేసుకోక తప్పదు. కాళ్ళ నొప్పులతో బాధపడుతున్న వారిద్దరూ బహుశః ఈ కారణంగా తమ పాదయాత్రలు వాయిదా వేసుకొని రెండు రోజులు విశ్రాంతి తీసుకొనే అవకాశం ఉంది.

jagan congress

జగన్, కాంగ్రెస్ నేతల మధ్య ఘర్షణ

      అమలాపురంలో కాంగ్రెస్, వైఎస్ఆర్ కాంగ్రెస్ నేతల మధ్య ఘర్షణ జరిగింది. అమలాపురంలో జరిగిన మన గ్యాస్- మన హక్కు పేర నిర్వహించిన అఖిల పక్ష సదస్సులో కాంగ్రెసు పార్టీ పార్లమెంటు సభ్యుడు హర్షకుమార్ జగన్ పార్టీ నేత శెట్టిబత్తుల రాజబాబును వేదికపై నుంచి కిందికి తోసేశారు. ఎంపి హర్షకుమార్ ప్రసంగిస్తుండగా, వైఎస్ఆర్ సీపీ నేత రాజబాబు అడ్డుపడి తొమ్మిదేళ్లుగా ఈ సమస్యపై ఎమ్.పి ఏమి చేస్తున్నారని ప్రశ్నించారు.ఈ సదస్సును కాంగ్రెస్ సమావేశంలా నిర్వహించడం ఏమిటని నిలదీశారు. దాంతో ఎంపీ అనుచరులు రెచ్చిపోయారు. రాజబాబును వేదిక నుంచి కిందికి తోసి దాడికి పాల్పడ్డారు. అనుచరులతో పాటు హర్షకుమార్ కూడా చేతులు కలిపారని చెబుతున్నారు. ఎంపి హర్షకుమార్, ఆయన తనయుడు పై  వైఎస్ఆర్ కాంగ్రెస్ నాయకులు పోలీసులకు పిర్యాధు చేశారు.  

Wrestling to be dropped from 2020 Olympic Games

ఒలింపిక్స్‌ నుంచి రెజ్లింగ్‌ అవుట్

        ఇండియాకు ఐఓసీ షాక్ ఇచ్చింది. అంతర్జాతీయ ఒలింపిక్ కమిటీ 2020 ఒలింపిక్స్‌ నుంచి రెజ్లింగ్‌ను తప్పించింది. ఈ మేరకు ఐఓసీ ఎగ్జిక్యూటివ్‌ బోర్డు తన నిర్ణయాన్ని ప్రకటించింది. అయితే క్రీడల్లో మార్పులు చేర్పులు లో భాగంగానే ఈ నిర్ణయంతీసుకున్నట్టు ప్రకటించింది. అయితే ఈ నిర్ణయం భారత్ పతకాలపై ప్రభావం పడుతోంది. 2008, 2012 ఒలింపిక్స్ లో భారత్ ఈ అంశంలో పతకాలు సాధించింది.   అంతే కాదు 1962లో భారత్ కు వ్యక్తిగత విభాగంలో వచ్చిన పతాకం కూడా రెజ్లింగ్ లో వచ్చిందే! అలాంటి రెజ్లింగ్ ఇంకో ఒలింపిక్స్ లో మాత్రమే కనిపిస్తుంది. బ్రెజిల్ లో జరిగే తర్వాతి ఒలింపిక్స్ లో మాత్రమే రెజ్లింగ్ ఆఖరు! ఆ తర్వాత మనకు అంతో ఇంతో మెడల్స్ తెచ్చి పెట్టే క్రీడ మాయం అవుతోంది. ఇదిలా ఉంటే… ఒలింపిక్స్ నుంచి రెజ్లింగ్ తొలగించటంపై దేశ వ్యాప్తంగా ఉన్న వస్తాదులు ఆందోళన వ్యక్తం చేస్తున్నారు. గత లండన్ ఒలింపిక్స్‌లో ఇండియా రెండు మెడల్స్ సాధించిన పెట్టిన రెజ్లింగ్‌పై చిన్న చూపుతగదని వారు ఆగ్రహం వ్యక్తం చేస్తున్నారు. 2020 ఒలింపిక్స్ నుంచి తొలగించాలని ఐఓసీ ఎందుకు నిర్ణయం తీసుకుందో అర్థం కావడం లేదని అంటున్నారు. భారత ప్రభుత్వ జోక్యం చేసుకుని రెజ్లింగ్ కొనసాగేలా ఒత్తిడి చేయాలని డిమాండ్ చేస్తున్నారు.  

green fields housing society

గ్రీన్ ఫీల్డ్ వాసులకు శంకరన్న ఉసురు తగిలిందా?

  గత పది సం.లుగా హైదరాబాదులో గ్రీన్ ఫీల్డ్ హౌసింగ్ సొసైటీ వాసులు మాజీ మంత్రి శంకరావు తమ ఇళ్ళ స్థలాలను లాక్కొనే ప్రయత్నంలో అయన, అయన సోదరుడు దయకరావు ఇద్దరూ కూడా బెదిరింపులకి పాల్పడుతున్నారని కోర్టులో కేసువేసి వారితో తిప్పలు పడుతున్నారు. ఎట్టకేలకు కోర్టు ఆదేశాలతో మొన్న జనవరి 31వ తేదీన పోలీసులు ఆయన అరెస్ట్ చేయడం, మళ్ళీ అంతలోనే ఆయన ఆరోగ్యపరిస్థితి చూసి భయపడి ఆసుపత్రికి తరలించడంతో, ఒక్కసారిగా దళిత సంఘాలు, రాజకీయ నాయకులూ కదలివచ్చి అందరూ ఆయనకు మద్దతుగా మాట్లాడేసరికి, ముఖ్యమంత్రి కిరణ్ కుమార్ రెడ్డి కూడా వెనక్కి తగ్గక తప్పలేదు.   శంకరావును పోలీసులు అవమానకర రీతిలో తరలించారంటూ వచ్చిన ఆరోపణలపై విచారణ జరిపేందుకు సిఐడీ అధికారులతో ఒక కమిటీ వేసినప్పటికీ, శంకరావు కుటుంబ సభ్యులు వారికి సహకరించక సీబీఐ చేత విచారణ చేయించాలని పట్టుబట్టారు.   ఈ క్రమంలో ‘తమ గోడు వినిపించుకొనే నాధుడే లేడా?’ అంటూ గ్రీన్ ఫీల్డ్ హౌసింగ్ సొసైటీ వాసులు మీడియాతో మోర పెట్టుకొన్నపటికీ అదికూడా అరణ్యరోదన అయిపోయింది. కానీ, ఈ సంఘటన జరిగిన తరువాత తెరవెనుక ఏమి మంత్రాంగం జరిగిందో ఎవరికీ తెలియదు కానీ, ఈ రోజు రెవెన్యు అధికారులు భారీపోలీసు బందోబస్తు సహాయంతో తరలివచ్చి గ్రీన్ ఫీల్డ్ హౌసింగ్ సొసైటీలో నిర్మించిన అక్రమకట్టడాలు కూల్చేశారు. పెద్దలతో పెట్టుకొంటే ఏమవుతుందో బాగా అనుభవమయిందని గ్రీన్ ఫీల్డ్ హౌసింగ్ సొసైటీలో నివాసం ఉంటున్న పేదలు, పదవీ విరమణ చేసిన వారు ఇప్పుడ తీరికగా బాధపడుతున్నారు. అందుకు తమకు ఎటువంటి అభ్యంతరాలు లేవని శంకరావు సోదరుడు దయకరావు చెప్పడం కొస మెరుపు.

bandla ganesh

గబ్బర్ సింగ్ నిర్మాత బండ్ల గణేష్ కధేమిటో?

  ఒకప్పుడు సినిమాలలో కామెడియన్ గా చిన్నచిన్న వేషాలు వేసే బండ్ల గణేష్, అకస్మాత్తుగా ఒకరోజున పరమేశ్వర ఆర్ట్స్ బ్యానర్ స్థాపించి తెలుగు చిత్ర సీమలో ఉన్నఅందరు పెద్ద హీరోలు, అగ్ర దర్శకులతో భారీ బడ్జెట్ సినిమాలు తీయడం మొదలు పెట్టినప్పుడు అందరూ చాలా ఆశ్చర్యపోయారు. రియల్ ఎస్టేట్ వ్యాపారంలో కలిసి రావడంతో సినిమాలు తీయగలుగుతున్నానని ఆయన చెప్పినప్పటికీ, ఆయన వెనుక మంత్రి బొత్స సత్యనారాయణ ఉన్నట్లు గుసగుసలు వినిపిస్తున్నాయి.   ఒకప్పుడు హైదరాబాదు శివార్లలో కోళ్ళ ఫారం నడుపుకొని బ్రతికే బండ్ల గణేష్, తరువాత కాలంలో రియల్ ఎస్టేట్ వ్యాపారం పుంజుకొన్నపుడు, తన భూములతో ఆ వ్యాపారంలో ప్రవేశించడం నిజమే అయినప్పటికీ, పవన్ కళ్యాణ్ తో సినిమాలు తీసేంత డబ్బు సంపాదించడం మాత్రం నిజం కాకపోవచ్చును.   ఆయన మొట్టమొదట రవితేజతో తీసిన ‘ఆంజనేయులు’ సినిమా బోర్లాపడినప్పటికీ, వెంటనే పవన్ కల్యాణ్ తో ‘తీన్ మార్’ అనే మరో భారీ బడ్జెట్ సినిమా తీసాడాయన. కానీ, అది కూడా ఫ్లాప్ అవడంతో ఇక ఆయన పని అయిపోయినట్లే అని అందరూ అనుకొంటున్నతరుణంలో మళ్ళీ పవన్ కళ్యాణ్ తోనే ‘గబ్బర్ సింగ్’ సినిమా తీసి విజయం సాదించారు. అయితే, రెండు వరుస అపజయాలు తట్టుకొని నిలబడటమే గాకుండా, మళ్ళీ వెంటనే మరో భారీబడ్జెట్ సినిమా ఎలా తీయగలిగాడని సినిమారంగంలో ప్రతీ ఒక్కరికీ సందేహాలొచ్చాయి, కానీ, బొత్స సత్యనారాయణ పేరు చూచాయగా వినిపిస్తుండటంతో ఎవరూ నోరు మెదిపే సాహసం చేయలేకపోయారు.   ‘గబ్బర్ సింగ్’ సినిమా మొదలు పెట్టిన వెంటనే, ఆయన జూ.యన్టీఆర్ తో ‘బాద్షా’ సినిమా, అల్లు అర్జున్ తో ‘ఇద్దరు అమ్మాయిలతో’ అనే మరో సినిమా కూడా మొదలు పెట్టడంతో, ఆదాయపన్ను శాఖ కళ్ళు బండ్ల గణేష్ పైన పడ్డాయి. నిన్న, ఆయన ఇల్లు, కార్యాలయాలపై ఒకేసారి దాడి జరిపిన ఆదాయపన్ను శాఖ అధికారులు ఆయన ఇంటి నుండి కొన్ని కీలకపత్రాలు స్వాదీనం చేసుకొన్నట్లు సమాచారం. ఈ రోజు ఉదయం ఆయనను తమ కార్యాలయానికి పిలిపించుకొని వారు మరిన్ని వివరాలు సేకరించారు.   బండ్ల గణేష్ ఇంటిపై ఆదాయపన్ను శాఖ అధికారులు దాడి చేసినప్పుడు, అందరూ గణేష్ కి, బొత్స సత్యనారాయణకి మద్య ఏదయినా రహస్య ఒప్పందాలు జరిగి ఉంటే, అవి బయటపడవచ్చునని భావించారు. కానీ, ఆదాయపన్ను శాఖ అధికారులు మాత్రం అటువంటివేవి దొరికినట్లు ఇంతవరకు ప్రకటించలేదు. అందువల్ల, ప్రస్తుతం కేవలం బండ్ల గణేష్ మాత్రమే ఆదాయపన్ను సమస్యలలో చిక్కుకొన్నట్లు భావించవలసి ఉంటుంది. ఒక వేళ ఆదాయపన్ను శాఖ అధికారులు, బొత్స సత్యనారాయణ కూడా గణేష్ సినిమా వ్యవహారాల్లో ఉన్నట్లు కనిపెడితే మాత్రం అది బొత్సకు కొత్త సమస్యలు తేవడం ఖాయం.

ram gopal varma

రామ్ గోపాల్ వర్మ సినిమాకి వివాదం తప్పదా?

    వివాదం లేకపోతే అది రామ్ గోపాల్ వర్మ సినిమా కాదని జనం నమ్మే పరిస్థితి ఉందిప్పుడు. మొదట్లో ‘శివ’, ‘క్షణ క్షణం’ వంటి విలక్షణమయిన అనేక మంచి సినిమాలు తీసిన అయన, ఆ తరువాత అండర్ వరల్డ్ గ్యాంగులు, డాన్ల సినిమాల వైపు మళ్ళారు. ఆ తరువాత దెయ్యాలు భూతల వెంట పడ్డారు కొన్నాళ్ళు. తరువాత రక్త చరిత్ర, బెజవాడ రౌడీలు వంటివి రాజకీయ, ఫాక్షనిస్ట్ సినిమాలు తీసి వివాదాలు తలకెత్తుకొన్నారు.   అంతవరకూ తీసిన ప్రతీ సినిమా కూడా ఒక వివాదస్పదమే అయ్యింది. అయినా, అందుకు ఆయన బాధ పడలేదు సరికదా చాలా గర్వపడ్డారు. మళ్ళీ, ఇప్పడు ముంబాయి ఉగ్రవాదుల దాడిని కధాశంగా తీసుకొని '26/11 ఇండియాపై దాడి' చిత్రం స్వీయ దర్శకత్వంలో నిర్మించారు. ఈ సినిమా మార్చ్ మొదటివారంలో విడుదల కానున్న సమయంలో ఈసారి కూడా సినిమాపై వివాదం మొదలయింది. రామ్‌ప్రసాద్ అనే ఒక లాయర్ ఈ సినిమా విడుదల అయితే మతకల్లోల్లాలు చెలరేగే అవకాశం ఉంది గనుక, దానిని విడుదల చేయకుండా నిలిపేయవలసిందిగా కోరుతూ సెన్సార్ బోర్డుకు లేఖ వ్రాసారు. కానీ, ఆయన లేఖపై సెన్సార్ బోర్డు ప్రతిస్పందన ఇంకా తెలియలేదు.

chiranjeevi

చిరంజీవీ! డైలాగులు మరిచిపోతే ఎలాగయ్యా?

  కాంగ్రెస్ పార్టీని బంగాళాఖాతంలో కలిపేయడానికి పుట్టిన ప్రజారాజ్యం పార్టీ చివారఖరికి ఆ బంగాళఖాతంలోనే కలిసిపోగా, ఆయన ప్రజారాజ్యం నావ ఎక్కినవారు మునిగి పోయిన వారు మునిగిపోగా, మిగిలినవారు అదే కాంగ్రెస్ పార్టీలో తేలారు. అందుకు బహుమానంగా ఆయన కేంద్ర మంత్రి పదవి స్వీకరించి, తనతో మిగిలినవారిలో కొందరికి యధాశక్తిన ఏవో చిన్నాపెద్దా పదవులు ఇప్పించుకొన్నారు.   ప్రజారాజ్యం ఊపుమీద ఉన్న తోలిరోజుల్లో చిరంజీవి ‘సామాజిక తెలంగాణ’ అనే తనకే అర్ధం కాని ఒక కొత్తరాగం అందుకొని, అందరినీ గందర గోళం లో పడేసి చివరికి తనకీ అర్ధం కాకపోవడంతో, అనువయిన కాంగ్రెస్ పల్లవి ఎత్తుకొన్నాడు.   అయితే, ప్రస్తుతం కాంగ్రెస్ బాష బాగా నేర్చుకొన్నందున, ఆయనని ఎవరయినా “తెలంగాణా సంగతి ఏమిటీ? మీ అభిప్రాయం ఏమిటి?” అని అడిగినప్పుడు ఈ అంశంపై తానూ ఎన్నోసార్లు తన అభిప్రాయం ప్రకటించానని అందువల్ల మళ్ళీ మళ్ళీ అడిగి చరిత్ర తవ్వోదని సూచిస్తుంటారు. ప్రస్తుతం తానూ పూర్తీ స్థాయి కాంగ్రెస్ కార్యకర్తను గనుక తమ పార్టీ ఏ నిర్ణయం తీసుకుంటే అదే తనకు శిరోధార్యం అన్నాడాయన. ఏది ఏమైనా వీలయినంత త్వరలో నిర్ణయం జరగాలని ఆయన కోరుకొన్నారు.   మన కోదండరామాచార్యుల వారు, ఎంతయినా ప్రొఫెసరుగా చేసారు గనుక చిరంజీవికి అర్ధం అయ్యే సినిమా బాషలోనే జవాబిచ్చే ప్రయత్నం చేసారు. నటుడు కెమెరా ముందుకొచ్చి తన డైలాగులు మరిచిపోతే ఎలా ఉంటుందో, లేక వేరొకరి డైలాగులు వల్లిస్తే ఎలాఉంటుందో ఇప్పుడు చిరంజీవి మాటలు కూడా అలానే ఉన్నాయని ఆన్నారు. సామాజిక తెలంగాణా అంటూ ఆవేశపడిపోయి, ఇప్పుడు ఏకంగా తెలంగాణాయే వద్దని మాట్లాడటం చాలా ఆశ్చర్యం కలిగిస్తోందని అయన అన్నారు.

chandrababu

బెడ్ రూము రాజకీయలేల బాబు?

  ఒకప్పుడు పార్టీలపరంగా మాత్రమే విమర్శించుకొనే స్థాయి నుండి నేడు వ్యక్తిగత దూషణల స్థాయికి మన రాజకీయాలు దిగజారిపోయినందుకు మనం నవ్వాలో ఏడవాలో తెలియని పరిస్థితి నెలకొంది. షర్మిలకి అసలు గాయమూ లేదు, ఆపరేషనూ జరుగలేదంటూ మొదలయిన విమర్శలు, ఇప్పడు ఒకరి కాళ్ళు మరొకరు పట్టుకోవడం, ఒకరి బెడ్ రూమ్ కబుర్లు మరొకరు మాట్లాడటం వరకు దిగజారిపోయాయి.   నల్గొండలో పర్యటిస్తున్న షర్మిల ప్రజలను ఉద్దేశించి మాట్లాడుతూ, “సుదీర్ఘ కాలంగా రాజకీయాలలో ఉండి, రాష్ట్రానికి ముఖ్యమంత్రిగా కూడా పనిచేసిన చంద్రబాబు, తన స్థాయిని మరిచి మాపై విమర్శలు చేస్తున్నారు. మా ఇంట్లో 70 బెడ్ రూములు కట్టుకోన్నామని ఆయన ప్రజలకి చెపుతున్నారు. మా ఇంట్లో మేము ఎన్ని బెడ్ రూములు కట్టుకొంటే దానితో ఆయనకి ఏమి సబంధం? అయినా అదేమయినా జాతీయ సమస్యా ఉపన్యాసాలలో మాట్లాడటానికి? మా ఇంట్లో ఎన్నిబెడ్ రూములు ఉన్నాయో తెలుసుకోవాలని ఆయనకి అంతగా ఆసక్తి ఉంటే, టవున్ ప్లానింగ్ అధికారుల దగ్గిరకి వెళ్తే అక్కడ మా ఇంటి తాలూకు డ్రాయింగులు చూసుకోవచ్చును."   "తెలుగు దేశం పార్టీలో ఒక నేతకి నా కాళ్ళకి దెబ్బ తగిలిందా లేదా? అని అనుమానం, మరో నేతకి అసలు నాకాలికి ఆపరేషను జరిగిందా లేదా అని అనుమానం. వారి నాయకుడికి మా ఇంట్లో బెడ్ రూములెన్ని అని అనుమానం. వీరికి ఇంతకన్నా మాట్లాడేందుకు మరే అంశం దొరకదా? అయినా ప్రతీ చిన్న విషయాన్నీ కూడా రాజకీయం చేసి ప్రయోజనం పొందాలని ప్రయత్నించడం చాల హేయమయిన పని,” అని అన్నారు.   దీనికి చంద్రబాబు ఆయన పార్టీ ధీటుగానే సమాధానం చెప్పవచ్చును. గానీ, అసలు ఈ రాజకీయ నాయకులు ఎందుకు ఇంత దిగజారిపోతున్నారని ఆలోచిస్తే, ఒక ఆశ్చర్యకరమయిన విషయం బయటపడుతుంది. అది మన సినీపరిశ్రమ, మీడియా చాల కాలంగా అనుసరిస్తున్నసూత్రాన్ని వారు అమలు చేయడం ఆశ్చర్యం కలిగిస్తుంది.   ప్రజలకి ఆసక్తి కలిగించే అంశాలను ప్రస్తావించడం, మాస్ మసాల అంశాలు జోడించిన ప్రసంగాలతో ప్రజలకి అవసరమయిన ‘కిక్కు’ అందించడం, మరి కొంత దిగజారి ఎదుట వారి బలహీనతలను బట్ట బయలు చేసి ప్రజలను రంజింపజేసి వారి చేత చప్పట్లు కొట్టించుకోవడం, ‘కిక్కు’ ఇచ్చే ప్రసంగాలుంటాయనే నమ్మకం ప్రజలకు కల్పించి, తద్వారా వారిని సభలకు రప్పించుకోవడం వంటి కొత్త (పాత) సూత్రాలతో నేడు మన రాజకీయ నాయకులు నోటికొచ్చిన మాటలతో ఎదుటవారిని దూషిస్తూ ప్రజలకి వినోదంపంచి ఆకట్టుకోవాలని ప్రయత్నిస్తున్నారు. దీనివల్ల తాత్కాలికంగా జనం చప్పట్లు పడినా, అవి ఓట్ల రూపంలో ఎంతమేరకు మారగలవని వారు ఆలోచించుకోవాలి.   అయితే, ఇక్కడ కూడా వారు మరో సూత్రం అమలు చేస్తున్నారు. ఒక అబద్దాన్ని నిజం చేయాలంటే, అది అబద్దం కాదు నూటికి నూరు శాతం నిజమేనని వారు స్వయంగా ఆత్మవంచన చేసుకొని నమ్మడమే కాకుండా, అదే విషయాన్ని తమ సభల్లో, సమావేశాల్లో పదేపదే గట్టిగా చెప్పడం ద్వారా క్రమంగా ప్రజలను అబద్దాన్ని నిజం అని నమ్మే స్థాయికి తీసుకు రావచ్చుననే ఆలోచనతో మన రాజకీయ నాయకులు ప్రజలను వంచిస్తున్నారు.   ఇంకా, నిర్లజ్జగా చెప్పుకొంటే ప్రజలలో చాలా మంది కుల, మతం, ప్రాంతం ప్రభావాలలో ఉన్నందునే, వారి ఆటలు కొనసాగుతున్నాయి. తాము ఏ ప్రభావానికి లొంగి ఉంటే, దానికి సంబందించిన వ్యక్తులు చెపుతున్నవి అన్నీ కూడా నిజమేనని గుడ్డిగానమ్మే పరిస్థితులు ఇప్పుడు దేశమంతటా కనబడుతున్నాయి.   తమ ఉన్నత చదువులు, తమ లోకజ్ఞానం, తమ మేధస్సు వంటివేవీ కూడా, అటువంటి నాయకుల మాటలను, పార్టీలను ప్రశ్నించే వివేకం కలిగించకపోవడం మరో దౌర్భాగ్యం అని చెప్పక తప్పదు. ప్రజలలో ఉన్న ఈ బలహీనతలే రాజకీయ నాయకులకి అలుసుగా మారాయని చెప్పవచ్చును.

swamy goud

స్వామీ గౌడ్ కు వ్యతిరేఖంగా ఏకమయిన స్వతంత్ర అభ్యర్దులు

  ఏదో అదృష్టం బాగుండి తెలంగాణా ఉద్యమం పుణ్యమాని సకల జనుల సమ్మె జరగడం, దానితో తన రాజకీయ జీవితానికి బీజం వేసుకొని మెల్లగా తెరాస పార్టీలో జేరడం, అటు పిమ్మట కేసీఆర్ దయకి పాత్రుడవడంతో తెలంగాణా జేయేసీ కన్వీనర్ పదవి కూడా వచ్చి వళ్ళోవాలడం అన్నీ చకచక జరిగిపోయాయని సంతోషిస్తున్న తెరాస నేత స్వామీ గౌడ్ ను, ఒకవైపు తెలంగాణా యన్.జీ.ఓ. గృహ సొసైటీ అక్రమాల కేసు భూతంలా వెంటాడుతుంటే, మరో వైపు సొసైటీ సభ్యులు వెంటనే డైరెక్టర్ పదవి నుండి వెంటనే తప్పుకోమని డిమాండ్ చేయడం స్వామి గౌడ్ కు చాల ఇబ్బందికరంగా మారింది.   రాజకీయాలలోకి వచ్చాడు గనుక, అదంతా రాజకీయ కుట్ర అని ఎంతకొట్టి పారేసినా, కోర్టులు మాత్రం అందుకు అంగీకరించక కేసు నడపాల్సిందే! అని పట్టుబడుతూ ఆయన సహనానికి పరీక్ష పెడుతున్నాయి. కేసీఆర్ దయతలచి శాసనమండలి సీటుకు కూడా టికెట్ ఇచ్చి రాజకీయంగా మరో మెట్టు పైకి ఎక్కేందుకు ప్రోత్సహిస్తుంటే, కరీంనగర్ పట్టభద్రుల నియోజకవర్గం నుండి పోటీ చేస్తున్న 15 మంది స్వతంత్ర అభ్యర్ధులు ఒప్పందం చేసుకొని తమలో ఒక్కరే పోటీలో నిలబడి, స్వామీ గౌడ్ ను ఎలాగయినా ఈ ఎన్నికలలో ఓడించాలని నిర్ణయించుకొన్నారు. తనకి ఎంత కేసీఆర్ మద్దతు ఉన్నపటికీ, ఇంతమంది కలిసి తనకు వ్యతిరేఖంగా పోటీ చేయాలని నిర్ణయించుకోవడంతో, స్వామీ గౌడ్ కొంచెం కంగారు పడుతున్నట్లు సమాచారం. ఆయన స్థానికేతరుడయిన కారణంగానే తాము ఆయనకి వ్యతిరేఖంగా పోటీ చేస్తున్నామని మీడియా వారితో వారు చెపారు. కర్ణుడి ఓటమికి వేయి శాపాలన్నట్లు స్వామీ గౌడ్ క్కూడా, పళ్ళెంలో పెట్టి దొరుకుతున్న శాసనమండలి సీటును అందుకొనేందుకు బోలెడు సమస్యలు అడ్డుపడుతున్నాయి. ఆయన వీటిని అన్నిటినీ అధిగమించి శాసనమండలిలో కాలుపెట్టినట్లయితే, ఇక అయన రాజకీయ జీవితంలో మరో కొత్త అధ్యాయం మొదలయిందని భావించవచ్చును.

nara lokesh tdp

కదిరిలో నారా లోకేష్ పర్యటన

        తెలుగుదేశం పార్టీ అధ్యక్షుడు చంద్రబాబు నాయుడు తనయుడు లోకేష్ నాయుడు కదిరిలో పర్యటించారు. ఆయన పర్యటన సందర్భంగా టీడీపీ నేతలు బైక్ ర్యాలీ నిర్వహించారు. ఈ కార్యక్రమంలో లోకేష్ నాయుడు పాల్గొన్నారు. లోకేష్ ఉత్సాహంగా పాల్గొనడంతో పార్టీ కార్యకర్తల్లో కొత్త ఉత్సాహం కనిపించింది. ఈ బైక్ ర్యాలీలో లోకేష్‌తో పాటు పార్లమెంటు సభ్యుడు నిమ్మల కిష్టప్ప, ఎమ్మెల్యే కందికుంట వెంకట ప్రసాద్ తదితరులు పాల్గొన్నారు. పార్టీపై దృష్టి మరికొద్ది రోజుల్లో ప్రత్యక్ష రాజకీయాల్లోకి నారా లోకేష్ అడుగు పెట్టే అవకాశాలు కనిపిస్తున్నాయి. కదిరిలో తెలుగుదేశం పార్టీ మైనార్టీ సెల్ రాష్ట్ర ఉపాధ్యక్షుడు అత్తార్‌చాంద్‌బాషా కొత్తగా నిర్మించిన అత్తార్ రెసిడెన్సీ భవనంలో జరిగే ప్రత్యేక ప్రార్థనలలో పాల్గొని అత్తార్ రెసిడెన్సీని ప్రారంభించనున్నారు. ఆ తర్వాత తెలుగునాడు విద్యార్ధి సమాఖ్య ఆద్వర్యంలో జరిగే కార్యక్రమం మేలుకొలుపులో పాల్లొంటారు. కదిరికి నారా లోకేష్ కదిరికి వస్తున్న సందర్భంగా హిందూపురం ఎంపీ నిమ్మల కిష్టప్ప, పొలిట్ బ్యూరో సభ్యులు కాల్వ శ్రీనివాసులు, మైనార్టీ సెల్ రాష్ట్ర నాయకులు లాల్‌జాన్‌బాషా, ఎమ్మెల్యేలు పరిటా ల సునీత , పయ్యావుల కేశవ్, బి.కె.పార్థసారథి, అబ్ధుల్‌ఘనీ, పల్లెరఘునాథరెడ్డి, ఎమ్మెల్సీ మెట్టు గోవిందరెడ్డి, ఇతర నాయకులు హనుమంతరాయ చౌదరి, మహాలక్ష్మీ శ్రీనివాస్, శమంతకమణి, హాజరు కానున్నట్లు మైనార్టీ సెల్ రాష్ట్ర ఉపాధ్యక్షుడు అత్తార్‌చాంద్‌బాషా వివరించారు.

roducer Bandla Ganesh

'గబ్బర్ సింగ్' నిర్మాత గణేష్ ఇంటిపై ఐటి దాడులు

        పవర్ స్టార్ పవన్ కళ్యాణ్ 'గబ్బర్ సింగ్' నిర్మాత బండ్ల గణేష్ ఇంటి పై ఐటీ అధికారులు దాడి చేశారు. ఏకకాలంలో ఆయన ఆఫీస్, ఇ౦టిపై తనిఖీలు నిర్వహిస్తున్నారు. బండ్ల గణేష్ ఆస్తులు, వ్యాపారాలకు సంబంధించిన కీలక పత్రాలను సోదా చేస్తున్నారు. తెలుగు సినిమాల్లో చిన్న చిన్న వేషాలు వేస్తూ వచ్చిన గణేష్ ఒక్కసారిగా భారీ నిర్మాతగా మారారు.   పీసీసీ చీఫ్ బొత్స సత్యనారాయణ అండతో బండ్ల గణేష్ భారీ నిర్మాతగా మారారని ఆ మధ్య వార్తలు కుడా వచ్చాయి. గణేష్ పవన్ కళ్యాణ్ తో తీసిన తీన్ మార్ సినిమా ఆడియో రిలీజ్ ఫంక్షన్ కి బొత్స సత్యనారాయణ కూడా తన ఫ్యామిలీతో హాజరయ్యారు. రవితేజ తో ఆంజనేయులు సినిమా నిర్మించిన గణేష్ తరువాత పవర్ స్టార్ పవన్ కళ్యాణ్ తో వెంట వెంటనే రెండు భారీ సినిమాలు చేసి అందరిని ఆశ్చర్యానికి గురి చేశారు. గబ్బర్ సింగ్ సినిమా సూపర్ హిట్ కావడంతో బాగా పాపులర్ అయ్యారు.   ప్రస్తుతం గణేష్ యంగ్ టైగర్ ఎన్టీఆర్ హీరోగా శ్రీనువైట్ల డైరెక్షన్ లో 'బాద్ షా' సినిమాను నిర్మిస్తున్నారు. ఈ నేపథ్యంలో ఏకకాలంలో నిర్మాత గణేష్ ఇన్ని పెద్ద సినిమాలు ఎలా నిర్మిస్తున్నారు? ఇంత భారీ పెట్టుబడి ఎలా పెడుతున్నారనే విషయాలపై ఐటి అధికారుల్లో అనుమానాలు రావడంతో రైడ్ చేసినట్లు తెలుస్తోంది.

M. Kodandaram

కోదండరాం రాజకీయ ఉపన్యాసం

        అచ్చం ఒక రాజకీయ పార్టీ స్పోక్ పర్సన్ లా మాట్లాడుతున్నారు తెలంగాణ జేఏసీ చైర్మన్ ప్రొఫెసర్ కోదండరాం. ఇప్పటికీ ప్రభుత్వ ఉద్యోగి అయిన కోదండరాం తాజాగా మరోసారి రాజకీయ ఉపన్యాసం చేశారు. అసలు తెలంగాణ ప్రజలు తెలుగుదేశం పార్టీని నమ్మవద్దని కోదంరాం పిలుపునిచ్చాడు. నేడు బస్సుయాత్ర ప్రారంభం కానున్న నేపథ్యంలో కోదండరాం తెలంగాణ నుఉర్రూతలుగించే ప్రయత్నంలో భారీ ప్రసంగం ఒకటి వదిలాడు. టీడీపీతో పాటు కాంగ్రెస్, వైఎస్సాఆర్ కాంగ్రెస్ లను కూడా తరిమికొట్టాలని కోదండరాం పిలుపునిచ్చాడు. ఇక ఇన్ని పార్టీలో పోయాకా… తెలంగాణలో మిగిలింది రెండే పార్టీలు. ఒకటి తెలంగాణ రాష్ట్ర సమితి, రెండు బీజేపీ. మరి ఈ రెండు పార్టీల్లో కూడా దేన్ని నమ్మాల్లో ఆయనే సూచించి ఉంటే బాగుండేది.

నటుడు మంచు మోహన్‌ బాబుకు పితృవియోగం

          ప్రముఖ తెలుగు నటుడు మోహన్ బాబు తండ్రి మంచు నారాయణస్వామినాయుడు ఆదివారం అర్ధరాత్రి కన్నుమూశారు. తిరుపతి శ్రీ విద్యానికేతన్ ప్రాంగణంలోని ఆయన నివాసంలో మృతి చెందారు. నారాయణ స్వామి నాయుడు వయస్సు 95 సంవత్సరాలు. నారాయణస్వామినాయుడుకు భార్య, నలుగురు కుమారులు, ఒక కుమార్తె ఉన్నారు. గతంలో నారాయణస్వామి నాయుడు హెడ్‌మాస్టర్‌గా సేవలందించారు. నారాయణ నాయుడు మృతికి బంధువులు, అత్మీయులు, పలు రాజకీయవేత్తలు సంతాపం తెలిపారు.   ”మా తాత మంచి మనుసున్న వ్యక్తి. ఆయన రాత్రి 12.10 గంటలకు చనిపోయారు. ఆయన ఆత్మకు శాంతి కలగాలని కోరుకుంటున్నాం. మా తాతయ్యను మేము మిస్ అయ్యాం” అని మంచు మనోజ్ ట్వీట్ చేయగా, ”95 ఏళ్లు అధ్బుతమయిన జీవితం గడిపారు. ఉపాధ్యాయుడిగా మీ సేవలు చిరస్మరణీయం. తాతయ్య మిమ్మల్ని మిస్ అయ్యాం” అని మంచు లక్ష్మీప్రసన్న ట్వీట్ చేశారు.

'వేర్పాటు'వాద పార్టీయే 'ఎన్టీఆర్'విగ్రహ విధ్వంసకశక్తి?!

- డా. ఎబికె ప్రసాద్ సీనియర్ సంపాదకులు]     "ప్రజల ఆకాంక్షలు వేరు, (వి)నాయకుల కోరికలు వేరు' అన్నాడు మహాకవి శ్రీ శ్రీ, ఇక్కడ "ప్రజల ఆకాంక్షలు'' అంటే, వారి మనుగడకు దోహదపడే దైనందిన [తిండి, బట్ట, వసతి, ఉపాథి] ప్రయోజనాలు అని అర్థం. కాగా "నాయకుల కోరికలు వేరు'' అంటే, పరస్పరం స్పర్థల ద్వారా, సమాజంలో అశాంతిని సృష్టించడం ద్వారా ప్రజలమధ్య నెలకొన్న ఐకమత్యాని చెడగొట్టడం ద్వారా, తమ పదవీ ప్రయోజనాల కోసం కృత్రిమంగా ఉద్యమాలు నిర్మించడం ద్వారా అధికారాన్ని కైవశం చేసుకోవాలని రాజకీయ నిరుద్యోగులు వెళ్ళబుచ్చుకునే కోరికలు అని అర్థం! ఆ స్వార్థపూరిత కోరికలు నెరవేర్చుకోడానికి అబద్ధ ప్రచారాలతో, వంచనతో లేని ఆశలు పెంచడం ద్వారా యువతలో బలహీనమనస్కులుగా ఉన్న వారిని రాజకీయ 'చేతబడుల' ద్వారా ఆత్మహత్యలను ప్రోత్సహించడం రాజకీయ నిరుద్యోగులకు అబ్బిన కూసువిద్య. ఈ రహస్యాన్ని అనేక అనుభవాల ద్వారా తెలంగాణా తెలుగుప్రజలు తెలుసుకొన్నారని గ్రహించిన ఒక వేర్పాటువాద పార్టీ "టాంక్ బండ్''పై నెలకొని వున్నతెలుగుజాతి తేజోమూర్తుల విగ్రహాలను విధ్వంసం చేయడానికి గతంలో పథకంపన్ని తెలుగుజాతి ఆగ్రహజ్వాలలకు గురికావలసివచ్చింది. తిరిగి అదే పార్టీ నాయకత్వం తమ వేర్పాటు ఉద్యమం ఇక ముందుకు సాగడం కష్టమని భావించి, కాంగ్రెస్ పార్టీలో తన పార్టీని కలిపెస్తాను, కాని, వందలాదిమంది యువకుల ఆత్మహత్యలకు తాము కారణమన్న వాస్తవాన్ని మింగలేక కక్కలేని పరిస్థుతుల్లో రేపటి ప్రజల ఆగ్రహం నుంచి కాపాడుమని చేయగల విన్నపాలు చేసుకుంది. "ప్రత్యేక తెలంగాణా రాష్ట్ర'' సాధన పేరిట ఆ వేర్పాటువాద పార్టీ తలపెట్టిన 'ఉద్యమం' వెర్రితలలు వేసి జాతికి స్ఫూర్తిదాయకమైన తోజోమూర్తుల విగ్రహాలను ధ్వంసం చేసింది, లేదా ఆ విధ్వంస కార్యక్రమానికి ప్రేరణగా నిలిచింది. తిరిగి తన అధికార దాహాన్ని తీర్చగల సానుకూల పరిణామాలు వచ్చే అవకాశాలు మృగ్యమైపోతున్నందున 'ఉద్యమ'బాటను చివరికి "2014 ఎన్నికల బాట''గా ఆ పార్టీ మార్చేసింది. కాని, తన లోపాయికారీ విధ్వంసక పాత్రను ఆ పార్టీ విరమించుకోలేదు; ఒకవైపున తనకేమీ తెలియనట్టు ఆ పార్టీ నటిస్తూనే, మరికొంతమంది యువకుల్ని [ఆర్ధిక ఇబ్బందులతో ఆత్మహత్యలు చేసుకున్న వారితో సహా] "ప్రత్యేక రాష్ట్రం''కోసమే ప్రాణత్యాగం చేసినట్టు చివరికి సొంతపార్టీలోని ముక్కుపచ్చలారని బిడ్డల్ని సహితం పరోక్షంగా ముద్రవేసి లోకానికి చూపిస్తోంది!  తెలుగుజాతిని విచ్చిన్నం చేయడం కోసం ఆ వేర్పాటువాద ముఠా తెలుగుజాతి కీర్తికిరీటాల్లో ఒకరైన దివంగత ముఖ్యమంత్రి, అగ్రశ్రేణి తెలుగు నటశేఖరుడైన ఎన్.టి. రామారావు గౌరవార్థం తెలంగాణాప్రజలు షామీర్ పేటలో నెలకొల్పుకున్న ఆయని విగ్రహాన్ని [07-02-2013] నిప్పంటించి ధ్వంసం చేశారు. ఈ వికృతచేష్ట స్థానికప్రజలలో అశాంతికి కారణమయింది. ఈ ఘటనకు ముందు యు.పి.ఎ. అధ్యక్షురాలు, కాంగ్రెస్ నాయకురాలు అయిన సోనియాగాంధీ, ప్రస్తుత ముఖ్యమంత్రి కిరణ్ కుమార్ రెడ్డి 'కటవుట్ల'ను కూడా తగలపెట్టారు. ఆ విధ్వంసకులు ఎవరు అన్న ప్రశ్నకు ఈ రెండు సందర్భాలలోనూ వినవచ్చిన "రొడ్డకొట్టుడు'' (రొటీన్) సమాధానం మాత్రం ఒకటే - "గుర్తుతెలియని వ్యక్తులు'' అని! కాని, ఎవరు 'ఉద్యమం'పేరిట బండబూతులు వల్లిస్తూ వచ్చారో, ఏ తిట్లు, శాపనార్థాలు ఆధారంగా తెలుగుజాతి మధ్య విద్వేష వాతావరణాన్ని ఎవరు సృష్టిస్తూ వచ్చారో వారికి చెందిన పార్టీ తాలూకు ముఠాయే ఈ విగ్రహ విధ్వంసక చర్యలకు కూడా కారణమై ఉండాలి. ఎందుకంటే, రాజకీయ నిరుద్యోగులకు తప్ప మిగతా సామాన్య ప్రజాబాహుళ్యానికి ఆ అవసరం ఉండదుగాక ఉండదు. ఈ రెండు ఘటనలకూ కారకులయినవాళ్ళు నిస్సందేహంగా అదే పార్టీకి చెందినవాళ్ళయి ఉంటారు. ఇది దాచినా దాగని రేపు రుజువు కాబోతున్న సత్యం! అంతేగాదు, భారత దళితవర్గాల ఉద్యమ స్ఫూర్తిదాత, రాజ్యాంగ నిర్మాత అయిన బి.ఆర్. అంబేడ్కర్, 'తెలుగుదేశం' వ్యవస్థాపక అధ్యక్షుడయిన ఎన్టీఆర్, తెలుగువారి ప్రాణత్యాగ పురుషులలో ఒకరైన పొట్టి శ్రీరాములు విగ్రహాలు పలుచోట్ల కూడా గాడితప్పిన రాజకీయ నిరుద్యోగుల ఉద్యమపార్టీ విధ్వంసక కార్యక్రమాలకు గురైనాయి. పైగా, ఎన్టీఆర్ విగ్రహాన్ని షామీర్ పేట వద్ద విధ్వంసం ఏ సమయంలో జరిగింది? పార్లమెంటులో ఎన్టీఆర్ విగ్రహాన్ని ప్రతిష్ఠించడానికి కేంద్రప్రభుత్వం నిర్ణయించి ఆ వైపుగా రూపకల్పన చర్యలు తీసుకుంటున్న సమయంలో ఈ పని జరిగింది. అయినా, ఇంతకూ రాష్ట్రంలో అంతర్భాగమైన తెలుగువారి తెలంగాణా ప్రాంతానికి ఎన్టీఆర్ చేసిన 'ద్రోహం' ఏమిటి? 1982-83 ఎన్నికల్లో మొత్తం రాష్ట్రవ్యాపితంగా 9 మాసాలలో కలయతిరిగి, అంత స్వల్పవ్యవథిలో రాష్ట్రచరిత్రలోనే గాక ప్రపంచచరిత్రలోనే ఎన్నికల ద్వారా వందేళ్ళకు పైబడిన చరిత్రగల కాంగ్రెస్ పార్టీ ఘోర ఓటమికి కారకుడయి చరిత్ర సృష్టించిన వ్యక్తి ఎన్టీఆర్. ఇక్కడ గమనించవలసింది ఎన్నికల్లో ఒక రాజకీయపార్టీగా 'తెలుగుదేశం' సాధించిన విజయాన్ని మాత్రమే కాదు; ఎన్టీఆర్ ప్రభుత్వం ఏర్పడిన తర్వాత శతాబ్దాలుగా నిజాం నిరంకుశపాలన కింద దొరల, జాగిర్దార్ల, దేశ్ ముఖ్ ల, పటేల్, పట్వారీల ధాష్టీకం తాలూకూ మిగిలి ఉన్న అవశేషాలకు చరమాంకంగా తెలంగాణా చరిత్రలో మొట్టమొదటిసారిగా ఒక్క కలంపోటుతో పటేల్ పట్వారీ వ్యవస్థను రద్దుచేసి, ప్రజాస్వామ్య విస్తరణలో భాగంగా ప్రజలకు పాలనావ్యవస్థను సన్నిహితంగా చేర్చినందుకు యావత్తు తెలంగాణా ప్రజాబాహుళ్యమూ ఎన్టీఆర్ కు నీరాజనాలు తెలిపిన పరిణామాన్ని తెలంగాణాప్రజలు మరవలేరుగాక మరవలేరు! అంతేగాదు, ఉద్యోగ సద్యోగాల విషయంలో తన దృష్టికి వచ్చిన కొన్ని అవకతవకలను [వీటిని ఆంధ్రప్రదేశ్ అవతరణ తర్వాత ఏర్పడిన ప్రభుత్వాలలో అత్యంత కీలక పదవులను అనుభవిస్తూ వచ్చిన తెలంగాణా ప్రాంత మంత్రులు ఎవరూ గుర్తించడంలో విఫలులయినా] సరిచేయడానికి నడుంబిగించి "జీ.వో. 610''ని విడుదల చేసినవాడూ ఎన్టీఆరేనని మరవరాదు. కాని ఇప్పుడు తిరిగి ఆ ఎన్టీఆర్ విగ్రహాన్నే ధ్వంసం చేయడం వెనక, టాంక్ బండ్ పై తేజోమూర్తుల (అన్ని ప్రాంతాలకు చెందినవారి) విగ్రహాలను ధ్వంసం చేయడం వెనక ఉన్నది 'దృశ్య'శక్తులేగాని 'అదృశ్య'శక్తులు కావు; ఈ సత్యం రాష్ట్ర పోలీసు అధికారులకు, ప్రభుత్వానికీ తెలుసు. అయినా ప్రజానాయకుల విగ్రహాల రక్షణకు ఉన్న చట్టాన్ని కూడా వినియోగించి, విధ్వంసకులపై కఠినచర్యలు రాష్ట్రప్రభుత్వం ఇంతవరకూ తీసుకోలేదు, ఒకవేళ చర్య తీసుకొని ఉంటే, అందుకు కారాకుల పేర్లనూ కనీసం బయటపెట్ట లేదు. ప్రజలమధ్య శాంతిభద్రతలను భగ్నం చేసిన వాళ్ళను శిక్షించడానికి అవకాశమిస్తున్న చట్టాలను సహితం వినియోగించలేని 'వాజమ్మ'లుగా పాలకవర్గాలు ఉండిపోరాదు. ఆ పనిని నిర్వహించడంలో ప్రభుత్వాలు ఏదో ఒక 'మిష'పైన, లేదా కేవలం రాజకీయ ప్రయోజనాలకోసం, విఫలమవుతున్నందువల్లనే న్యాయస్థానాలు సహితం పాలనా నిర్వహణలో తరచుగా జోక్యం చేసుకోవలసి వస్తోంది. కోర్టుల జోక్యాన్ని తప్పుపట్టగల స్థాయికి పాలకవర్గాలు, వాటి విధానాలు యింకా ఎదిగరాలేదు. కనుకనే రాజ్యాంగం అనుమతించిన భావప్రకటనా స్వేచ్చనూ, వాక్, సభాస్వాతంత్ర్యాలను వాటి పరిథిలో అనుభవించాల్సిన రాజకీయశక్తులు ఆ పరిధుల్ని మించి తమ అదుపుతప్పి వ్యవహరించే ఉద్యమాలను, 'బంద్'లు, హర్తాళ్ తదితర నిరసనోద్యమాలను నియంత్రించేందుకు "ప్రజాప్రయోజన వాజ్యాలు'' (పిల్స్) ఆధారంగా సుప్రీంకోర్టు సాహసించుతోంది! ఉదాహరణకు 2009లో ఒకే ఒక్క సంవత్సరంలో కేరళలో వివిధ పార్టీల ఆధ్వర్యంలో విడివిడిగా 363 హర్తాళ్ళు, బంద్ లూ జరిగినప్పుడు ప్రభుత్వ, ప్రయివేట్ ఆస్తులకు జరిగిన విధ్వంసంలో భారీనష్టాలు వాటిల్లాయి. అప్పుడు సుప్రీంకోర్టు తనముందుకు విచారణకు వచ్చిన ఒక ప్రజాప్రయోజనాల రక్షణ వాజ్యాన్ని అనుమతిస్తూ దేశ అత్యున్నత్య న్యాయస్థానం "ప్రభుత్వ, ప్రయివేట్ ఆస్తుల'' రక్షణకు సంబంధించి ఒక ఉత్తర్వు జారీ చేసింది. ఇందుకుగాను కేంద్రప్రభుత్వం "ప్రభుత్వ ఆస్తుల విధ్వంస నిరోధక చట్టాన్ని'' సవరించి, బంద్ లు, హర్తాళ్ లు ఎవరు నిర్వహిస్తారో ఆయా పార్టీలనుంచి, నిర్వాహకులనుంచీ "నష్టపరిహారాన్ని రాబట్టుకునేందుకు మార్గదర్శకాలను'' రూపొందించాలని సుప్రీంకోర్టు ఆదేశించింది! కాని కేంద్రంగానీ, రాష్ట్రప్రభుత్వాలుగానీ ఇంతవరకూ "నిమ్మకునీరెత్తినట్టు'' కూర్చున్నాయేగాని సుప్రీం ఆదేశాలను గౌరవించలేదు! ఆచరణలో తగిన చర్యలూ తీసుకోలేదు.   అధికారలాలసతో తన పదవీ ప్రయోజనంకోసం తెలంగాణాలోని రాజకీయ నిరిద్యోగి ప్రారంభించిన 'వేర్పాటు ఉద్యమం' సందర్భంగా పబ్లిక్, ప్రయివేట్ ఆస్తులకు జరుగుతూ వచ్చిన నష్టాల సందర్భంగా కూడా రాష్ట్ర హైకోర్టు ఈ నష్టాన్ని రాజకీయపార్టీల నుంచి, వాటి నాయకులనుంచి వసూలు చేయవలసిందిగా ఒక సమయంలో రాష్ట్రప్రభుత్వానికి సూచించింది కూడా! అయినా ఉలుకూ, పలుకూ లేదు. ప్రజా శ్రేయస్సుతోనూ, వారి వకాలిక ప్రయోజనాలతోనూ సంబంధంలేని, కేవలం రాజకీయస్వార్థం కోసం నిర్వహించే బంద్ లూ, హర్తాళ్ళూ రాజ్యాంగ విరుద్ధమనీ, ఆ సమయంలో పౌరుల రక్షణ ప్రభుత్వాల బాధ్యత అనీ సుప్రీంకోర్టు 2009 తీర్పులోనే స్పష్టంచేసిందని గుర్తించాలి! "వేర్పాటు''వాదానికి మద్దతు సంపాదించేందుకని విధ్వంసకాండకు, అరాచకచర్యలకు దిగజారే రాజకీయ నిరుద్యోగులను సహించడమే పెద్దనేరంగా ప్రకటించాల్సిన సమయం వచ్చింది. విగ్రహ విధ్వంసక శక్తులు ఇస్లామియా ఉగ్రవాదులని ఇంతవరకూ భావిస్తున్నవాళ్ళు హైందవంలోని అరాచకశక్తులు కూడా ఇందుకు భిన్నమైనవాళ్ళుకారని తీర్మానించుకోక తప్పదు. అవధులుమించిన ఉద్రేకవాదే ఉగ్రవాది!  

మహాకుంభమేళాలో తొక్కిసలాట: 36 మంది మృతి

        మహాకుంభమేళాలో అనూహ్యంగా సంభవించిన తొక్కిసలాటలో 36 మంది మృతిచెందారు. మౌని అమావాస్య పురస్కరించుకొని కుంభమేళాకు దాదాపు మూడు కోట్ల మంది భక్తులు తరలివచ్చారు. పుణ్యస్నానాలు పూర్తిచేసుకొని అలహాబాద్‌ రైల్వేస్టేషన్‌కు తిరిగి వచ్చిన సమయంలోనే రాత్రి 7 గంటలకు ఈ ఘటన జరిగిందని డివిజనల్‌ రైల్వే మేనేజర్‌ హరీందర్‌రావు తెలిపారు. 5, 6 నెంబర్ల ప్లాట్‌ఫారాల వద్దకు వేలాదిమంది యాత్రికులు ఒకేసారి చేరుకోవడంతో ఈ ఘటన సంభవించింది. ప్రత్యక్షసాక్షులు చెపుతున్న కథనం ప్రకారం, యాత్రికులు పెద్దసంఖ్యలో ఫుట్‌ ఓవర్‌ బ్రిడ్జిపైకి చేరడంతో ఒక్కసారిగా అది 6వ నెంబర్‌ ప్లాట్‌ఫారంపై కూలిపోయింది. మూడు గంటల తర్వాత 10 మృతదేహాలను స్వాధీనం చేసుకున్నారు. మరో 10 మరణించినట్లుగా అర్ధరాత్రి అందిన సమాచారం వచ్చింది. ఇప్పటి వరకు మొత్తం 36 మంది చనిపోయినట్లు తెలుస్తోంది.ఈ తొక్కిసలాటపై ఉత్తరప్రదేశ్ ప్రభుత్వంతో పాటు భారతీయ రైల్వే శాఖ విచారణకు ఆదేశించింది. ప్రస్తుతం పరిస్థితి అదుపులోనే ఉన్నట్టు అధికారులు వెల్లడించారు.

ఔనంటే కాదనిలే వద్దంటే ఇమ్మనిలే....

  రాబోయే ఎన్నికలకి కాంగ్రెస్ పార్టీకి రాహుల్ గాంధీ నాయకత్వం వహిస్తారని ఖాయం అయిపోయిన తరువాత, ఇప్పుడు అందరి కళ్ళు దాని ప్రత్యమ్నాయమయిన భారతీయ జనతా పార్టీ మీదనే ఉన్నాయి. ఆ పార్టీలో ప్రముఖంగా మోడీ, అద్వానీ పేర్లు వినిపిస్తున్నపటికీ, మరో ఇద్దరు ముగ్గురు నేతలు కూడా ప్రధాన మంత్రి పదవికి ఆశగా ఎదురు చూస్తున్నారు.   వీరికి అదనంగా యన్.డీ.యే. కూటమి నుంచి కూడా కొందరు మాక్కూడా ప్రధాన మంత్రి పదవికి ‘ఒకే ఒక్క చాన్స్!’ అంటూ తమ సహచారులద్వారా తమ గళం వినిపిస్తున్నారు. వారిలో సమైక్య రాష్ట్రీయ జనత దళ్ పార్టీ అధ్యక్షుడయిన బీహార్ ముఖ్యమంత్రి నితీష్ కుమార్ కూడా ఒకరు.   మూడు రోజుల క్రితం శ్రీ లంక అధ్యక్షుడు రాజపక్స బీహారులోని బౌద్ధ గయకు వచ్చిన సందర్భంగా, ఆయనకు స్వాగతం పలికేందుకు వెళ్ళిన నితీష్ కుమార్ ను, పత్రికలవారు ఆయన పార్టీకి చెందిన మాజీ కేంద్ర మంత్రి హరి కిశోర్ సింగ్ ‘నితీష్ కుమార్ ప్రధాన పదవికి అన్ని విధాల అర్హుడు’ అన్నమాటలను గుర్తు చేసి, ఆయన ప్రతిస్పందన కోరినప్పుడు, "ఇటువంటివన్నీ పనికిరాని మాటలు. నేను ప్రధాన మంత్రి పదవి రేసులో లేను. ఎందుకంటే నేను ఆ పదవికి యోగ్యుడినికానని భావిస్తున్నాను. మా యన్.డీ.యే. కూటమిలో భారతీయ జనతాపార్టీయే అతి పెద్దపార్టీ గనుక సహజంగా దానికే మొదటి అవకాశం ఉంటుంది. ఒకవేళ, అది ఆ అవకాశాన్నిఉపయోగించుకోలేని పరిస్థితి ఏర్పడినప్పుడే, కూటమిలో ఇతర పార్టీలకు ఈ విషయంపై ఆలోచించే అవసరం ఏర్పడుతుంది. భారతీయజనతా పార్టీ త్వరలోనే తమ నాయకుడిని ప్రకటించే అవకాశం ఉందనుకొంటున్నాను. గనుక,ఆ పార్టీ తన నిర్ణయం ప్రకటించిన తరువాతే మా పార్టీ అభిప్రాయం చెపుతాము,” అని అన్నారు.   అయితే, “బీహార్ రాష్ట్రంలో ఆలూ (బంగాళ దుంపలు) ఉన్నంత కాలం, లాలూ కూడా ముఖ్యమంత్రిగా ఉంటాడు” అని స్వోత్కర్ష (స్వంత డబ్బా) చేసుకొన్నఆయన  చేతిలోంచి అధికారం గుంజుకొని, తనదయిన శైలిలో రాష్ట్రాన్ని ముందుకు తీసుకుపోతున్ననితీష్ కుమార్ అంటే గిట్టని  లాలూ ప్రసాద్ యాదవ్ మాత్రం ఆయన మాటలను నమ్మడం లేదు.   నితీష్ కుమార్ తన అనుచరుల మాటలను మీడియా ముందు ఖండిస్తున్నపటికీ, తన అభ్యర్దిత్వంపై కూటమిలో మిగిలిన పార్టీల అభిప్రాయం తెలుసుకొనేందుకే, ఆయన స్వయంగా తన అనుచరుల ద్వారా ఈ చర్చలేవదీస్తున్నాడని లాలూ అభిప్రాయం వ్యక్తం చేసారు.   “ప్రధానమంత్రి పదవిపై నాకూ ఆశుంది, గానీ సాధ్యాసాద్యాలు కూడా చూసుకోవాలి కదా? ఆయన బీహార్ ముఖ్యమంత్రి అయినంత మాత్రాన్నఅది దేశ ప్రధాని పదవి చెప్పటేందుకు ప్రత్యేక అర్హత కాబోదు కదా? ఒకవేళ నితీష్ కుమార్ అదే తన ప్రధాన అర్హత అని భావిస్తే నేనూ, నా భార్య రబ్రీ దేవీ కూడా బీహార్ ముఖ్యమంత్రులుగా చేసాము గనుక, ఆయన కన్నా ముందు మేమే ప్రధాన మంత్రి పదవికి అర్హులమని అనుకోవాల్సి ఉంటుంది,” అని లాలూ ప్రసాద్ అన్నారు.   మన దేశ ప్రధాన పదవికి ఇంతమంది అర్హులుండగా ఇక మనకేల చింత?