Home  
Analytical

ఒక రోజు ముందే పెన్షన్ల పండుగ.. చంద్రబాబుకు జనం జేజేలు

మనసుంటే మార్గం ఉంటుంది అంటారు. ప్రజలకు నిజమైన సంక్షేమం అందించాలన సత్సంకల్పంతో ముందుకు సాగుతున్న ముఖ్యమంత్రి చంద్రబాబునాయుడు... తన సంకల్పానికి నిధుల కొరత ఎంత మాత్రం అడ్డంకి కాబోదని చాటారు. సామాజిక పెన్షన్ల పంపిణీ విషయంలో తన చిత్తశుద్ధిని మరోసారి నిరూపించుకున్నారు. జనం దృష్టిలో విశ్వసనీయతకు చంద్రబాబు బ్రాండ్ అంబాసిడర్ గా ఎందుకు నిలిచారన్నదానికి సెప్టెంబర్ నెల పెన్షన్లను ఒక రోజు ముందే పంపిణీ చేయడం ద్వారా మరో సారి అందరికీ అవగతమయ్యింది. మాట ఇస్తే నెరవేర్చుకుంటానని బాబు మరోసారి నిర్ద్వంద్వంగా రుజువు చేసుకున్నారు. రాష్ట్ర అభివృద్ధి, ప్రజా సంక్షేమమే తన ధ్యేయమని చెప్పే చంద్రబాబు అదే బాటలో ఎలాంటి తడబాటూ లేకుండా ముందుకు సాగుతున్నారు. ఎన్నికల సమయంలో పెన్షన్లపై ఇచ్చిన హామీని తు.చ. తప్పకుండా నెరవేరుస్తూ ప్రజల మన్ననలు పొందుతున్నారు. తెలుగుదేశం కూటమి ప్రభుత్వం అధికార పగ్గాలు చేపట్టిన నాటి నుంచి పెన్షన్లను ఠంచనుగా ఒకటో తేదీన పంపిణీ చేస్తున్నారు. గత రెండు నెలలుగా ఒకటో తేదీనే పెన్షన్లను పంపిణీ చేసిన చంద్రబాబు సర్కార్ ఈ సారి ఒక రోజు ముందుగానే అంటే ఆగస్టు 31వ తేదీనే పెన్షన్లను లబ్ధదారులకు అందిస్తోంది. శనివారం ( ఆగస్టు 31) తెల్లవారు జాము నుంచే రాష్ట్ర వ్యాప్తంగా పెన్షన్ల పంపిణీ కార్యక్రమం మొదలైంది.  జోరు వానను సైతం లెక్కచేయకుండా మంత్రులు, అధికారులు లబ్ధిదారుల ఇళ్లకు వెళ్లి మరీ పింఛన్లు పంపిణీ చేస్తున్నారు.  రాష్ట్రంలోని అన్ని ప్రాంతాల్లో తెల్లవారుజాము పెన్షన్లను లబ్ధిదారులకు అందజేసే కార్యక్రమం మొద లైంది.  తెలుగుదేశం ప్రభుత్వం అధికారంలోకి వచ్చాక ఈ విధంగా చెప్పిన సమయానికి పెన్షన్ పంపిణీ చేయడం వరుసగా ఇది మూడో నెల. గత జగన్ పాలనలో పెన్షన్లు ఎప్పుడు అందుతాయన్న విషయంలో ఎలాంటి క్లారిటీ లేని పరిస్థితి ఉండేది. అయితే తెలుగుదేశం కూటమి ప్రభుత్వం అధికారంలోకి వచ్చిన తరువాత పెన్షన్ల పంపిణీ స్టీమ్ లైన్ అయ్యింది. ముఖ్యమంత్రి చంద్రబాబు నాయుడు ఆదేశాల మేరకు ప్రతినెల ఒకటో తేదీ పెన్షన్ పంపిణీ జరుగుతోంది. ఒక వేళ ఒకటో తేదీ ఆదివారం అయితే ఒక రోజు ముందే పెన్షన్లను పంపిణీ జరుగుతుందనడానికి ఈ సారి ఆగస్టు 31నే లబ్ధిదారులకు పెన్షన్లు అందజేస్తుండటం ఒక నిదర్శనం.   ఒకవైపు వర్షం పడుతున్నప్పటికీ ఇంటింటికి వెళ్లి పెన్షన్ నగదును అందజేస్తుండడంతో లబ్ధిదారుల హర్షం వ్యక్తం చేస్తున్నారు.   పెన్షన్ల కోసం తెలుగుదేశం ప్రభుత్వం ఏడాదికి 36 వేల కోట్ల రూపాయలు వెచ్చిస్తున్నది. గత ప్రభుత్వ అవగాహనారహిత పాలన కారణంగా ఖజానా ఖాళీ అయింది.   అయినప్పటికీ ఇచ్చిన మాట ప్రకారం సీఎం చంద్రబాబు నాయుడు సమయానికే పెన్షన్ నగదు ఇంటింటికి తీసుకెళ్లి ఇచ్చేలా ఆదేశించడం కూటమి ప్రభుత్వానికి ప్రజా సంక్షేమం పట్ల ఉన్న చిత్తశుద్ధి, అంకిత భావానికి అద్దంపడుతోందని లబ్ధిదారులు ఆనందం వ్యక్తం చేస్తున్నారు. 

హీరోయిన్ టాపిక్ డైవర్షన్‌కే గుడ్లవల్లేరు ఇష్యూ!

ఈ దిక్కుమాలిన, దరిద్రపు జగన్ మీడియా ఆంధ్రప్రదేశ్ రాష్ట్రాన్ని ఇంకా నాశనం చేయడానికి కంకణం కట్టుకున్నట్టు వుంది. గుడ్లవల్లేరు ఇంజనీరింగ్ కాలేజీలో జరిగింది ఒకటయితే, సాక్షి మీడియా దాన్ని రకరకాలుగా టర్న్ చేసి, అదేదో రాష్ట్ర ప్రభుత్వం చేసిన తప్పులాగా చిత్రీకరించడానికి శుక్రవారం ఉదయం నుంచి కాలకూట విషాన్ని సమాజంలో చిమ్ముతోంది. కేవలం ఐదుగురు విద్యార్థినీ విద్యార్థుల మధ్య జరిగిన వ్యక్తిగత అంశాన్ని కాలేజీ మొత్తానికి ఆపాదించి, దాన్ని హిడెన్ కెమెరాలు అనే మసిపూసి, రాష్ట్ర ప్రభుత్వాన్ని ఇబ్బందులు పెట్టే ప్రయత్నం నిస్సిగ్గుగా జరిగింది. వాస్తవానికి ఐదుగురు విద్యార్థుల మధ్య జరిగిన వ్యవహారం హిడెన్ కెమెరాల ప్రచారానికి దారి తీసినట్లు తెలుస్తోంది. ప్రేమలో విఫలమైన ఒక కుర్రాడు చేసిన హిడెన్ కెమెరాల తప్పుడు ప్రచారాన్ని జగన్ మీడియా సొంతం చేసుకుని చాలా ఘోరం జరిగినట్టు మీడియాలో ఊదరగొట్టేసింది. రకరకాల విషపూరిత కథనాలు వండి వడ్డించేసింది. ఇప్పటి వరకూ శవాల కోసమే వెతుకుతున్న రాబందు జగన్ కూడా ఈ విషయం మీద విషం కక్కాడు. తన రాజకీయ ప్రయోజనాల కోసం ఆడపిల్లల జీవితాలను కూడా నాశనం చేయడానికి సిద్ధపడ్డాడు. ఈ విషం కారణంగా గుడ్లవల్లేరు కాలేజీ ఆడపిల్లలు మరింత ఆందోళనకు గురయ్యారు. వందలు, వేలల్లో వీడియోలు వున్నాయని ఈ దుర్మార్గపు మీడియా చేసిన ప్రచారం చూసి ఆడపిల్లలు తల్లడిల్లిపోయారు. ఈ విషయం మీద పూర్తి స్థాయిలో దర్యాప్తు జరిపిన పోలీసులు లేడీస్ హాస్టల్లో ఎలాంటి హిడెన్ కెమెరాలు లేవని తేల్చారు. ఈ ఘటన వెనుక వున్న అసలు విషయం కూడా వెల్లడయింది. దాంతో అప్పటి వరకూ ఆందోళన చేసిన విద్యార్థినులు ఆందోళన విరమించారు. అంతా సర్దుమణిగినప్పటికీ దరిద్రపు జగన్ మీడియా మాత్రం వెనక్కి తగ్గలేదు.. తన విష ప్రచారం ఆపలేదు.  మొత్తమ్మీద ఆలోచిస్తే అర్థమవుతున్న విషయం ఏమిటంటే, ఇప్పుడు ముంబై హీరోయిన్ కాదంబరి ఇష్యూ చాలా సీరియస్‌గా వుంది. ఈ ఇష్యూలో ఐపీఎస్‌లతోపాటు జగన్ కొంప కూడా మునిగేలా వుంది. శుక్రవారం నాడు కాదంబరి విజయవాడ వచ్చింది. ఆమెకు జరిగిన అన్యాయానికి సంబంధించి దర్యాప్తు చాలా వేగంగా జరుగుతోంది. హీరోయిన్ కాదంబరి విషయంలో ఇదంతా జరగడానికి జగన్ ఇచ్చిన ఆదేశాలే కారణమన్న అంశం కూడా బయటకి వస్తోంది. ఈ అంశమే కనుక పూర్తి స్థాయిలో బయటపడిందంటే జగన్‌ సీన్ సితార్ అయిపోయే ప్రమాదం వుంది. అందుకే హీరోయిన్ కాదంబరి ఇష్యూని డైవర్ట్ చేయడం కోసమే జగన్ మీడియా గుడ్లవల్లేరు హాస్టల్ ఇష్యూని ఇంత పెద్దది చేసి రచ్చరచ్చ చేసిందనే అభిప్రాయాలు వ్యక్తం అవుతున్నాయి. 

ఏపీలో మొదలైన ఆపరేషన్ ఆకర్ష్!?

ఆంధ్రప్రదేశ్ లో కూడా ఆపరేషన్ ఆకర్ష్ మెదలైందా అంటే జరుగుతున్న పరిణామాలను చూస్తే ఔనని అనక తప్పదు. వైసీపీ నుంచి వలసల వెల్లువ కొనసాగుతున్నది. ఇప్పటికే ఇద్దరు వైసీపీ రాజ్యసభ సభ్యులు పార్టీకీ, తమ రాజ్యసభ సభ్యత్వాలకు రాజీనామా చేసేశారు. పార్టీకీ, పదవులకు రాజీనామా చేసిన మోపిదేవి, బీద మస్తాన్ రావులు ఇద్దరూ కూడా తెలుగుదేశం గూటికి చేరే అవకాశాలు మెండుగా ఉన్నాయి. తాను తెలుగుదేశం పార్టీలో చేరి చంద్రబాబు నాయకత్వంలో పని చేయాలని భావిస్తున్నట్లు మోపిదేవి వెంకటరమన విస్పష్టంగా చెప్పేశారు. బీద మస్తాన్ రావు కూడా తెలుగుదేశం తీర్థం పుచ్చుకోవడం ఖాయంగా కనిపిస్తోంది. ఈ ఇద్దరి చేరికకూ తెలుగుదేశం అధినేత చంద్రబాబు గ్రీన్ సిగ్నల్ ఇచ్చినట్లు కూడా చెబుతున్నారు. అయితే వీరి చేరికకు చంద్రబాబు ఆమోదం తెలపడం పట్ల తెలుగుదేశం శ్రేణుల్లో విస్మయం వ్యక్తం అవుతోంది. ఈ ఇద్దరిలో ఒకరైన మోపిదేవి వెంకటరమణ జగన్ కు అత్యంత సన్నిహితుడిగా గుర్తింపు పొందారు. వాన్ పిక్ కేసులో మోపిదేవి వెంకట రమణ ప్రధాన ముద్దాయి. అలాగే జగన్ అక్రమాస్తుల కేసులలో కూడా కూడా మోపిదేవి ఉన్నారు. అంతే కాకుండా రేపల్లె కు చెందిన తెలుగుదేశం కార్యకర్తలు అనేక ఏళ్ల పాటు మోపిదేవి కారణంగా నానా ఇబ్బందులూ ఎదుర్కొన్నారు. ఇప్పుడు మోపిదేవి తెలుగుదేశం గూటికి చేరితే వారు ఆయనతో కలిసి పని చేయాల్సి వస్తుంది. ఇక బీద మస్తాన్ రావు విషయానికి వస్తే ఆయన గతంలో తెలుగుదేశంలోనే ఉండేవారు. అయితే పార్టీ ఇబ్బందుల్లో ఉన్న సమయంలో పార్టీని వదిలి వెళ్లిపోయారు. అయినా కూడా తెలుగుదేశం నాయకత్వం ఇటువంటి చేరికలు జగన్ ను, జగన్ నాయకత్వాన్ని బలహీనపరిచేందుకు అవసరమని చెబుతోంది.   పార్టీకీ, పదవులకు రాజీనామా చేసి వస్తే ఓకే అని చంద్రబాబు అంటున్నారు.  క్యాడర్ కూడా ఈ విషయాన్ని అర్ధం చేసుకోవలసి ఉంటుంది. మోపిదేవి, బాదం మస్తాన్ రావులు మాత్రమే కాదు.. ఇంకా పలువురు వైసీపీ రాజ్యసభ సభ్యులు కూడా రాజీనామాల బాటలోనే ఉన్నారని తెలుస్తోంది. ఆ పార్టీకి ఉన్న పదకొండు మంది రాజ్యసభ సభ్యుల్లో ఇద్దరు, ముగ్గురు మినహా మిగిలిన వారంతా కూటమి పార్టీల్లోకి  సర్దుకునే అవకాశాలే మెండుగా ఉన్నాయి. రాజ్యసభ సభ్యులే కాదు వైసీపీ ఎమ్మెల్సీలు కూడా పార్టీని వదిలేయడానికి సిద్ధంగా ఉన్నారు. ఇప్పటికే ఎమ్మెల్సీ పోతుల సునీత వైసీపీకీ, తన మండలి సభ్యత్వానికీ రాజీనామా చేసేశారు. ఆమె రాజకీయ ప్రస్థానం తెలుగుదేశం పార్టీతోనే ప్రారంభమైనా, పార్టీ ద్వారా పలు అవకాశాలు అందిపుచ్చుకుని ఎదిగారు. అయితే తెలుగుదేశం ప్రతిపక్షంలోకి రాగానే పోతుల సునీత వైసీపీ గూటికి చేరి తెలుగుదేశం అధినేత చంద్రబాబు, లోకేష్ లపై ఇష్టారీతిగా నోరు పారేసుకున్నారు. చివరికి చంద్రబాబు సతీమణి భువనేశ్వరి, లోకేష్ భార్య బ్రాహ్మణిలను కూడా ఆమె అనుచితంగా విమర్శించారు.  ఆమె బీజేపీ గూటికి చేరనున్నారు.   అయితే రాజకీయాలలో విమర్శలు ప్రతి విమర్శలు సహజం అంటూ తెలుగుదేశం అగ్రనాయకత్వం ఇటువంటి  చేరికలపై పెద్దగా అభ్యంతరం పెట్టడం లేదు. నిబంధనలను పట్టించుకోకుండా అడ్డగోలుగా అవినీతికి పాల్పడిన వారిపై చట్ట ప్రకారం చర్యలు ఉంటాయని చెబుతూనే.. వైసీపీని బలహీనం చేయడం, అలాగే మండలిలో ప్రభుత్వానికి ఇబ్బందులు లేకుండా ఉండటం కోసం ఆపరేషన్ ఆకర్ష్ కు తెరతీసింది. కేవలం రాజ్యసభ నుంచి మాత్రమే కాకుండా మండలిలో కూడా పలువురు వైసీపీ ఎమ్మెల్సీలు గోడ దూకేయడానికి సిద్ధంగా ఉన్నారు. పోతుల సునీతతో మొదలు పెట్టి తాజాగా ఎమ్మెల్సీలు కర్రి పద్మశ్రీ, కల్యాణ చక్రవర్తి కూడా తమ మండలి సభ్యత్వాలకు రాజీనామా చేసేందుకు రెడీ అయ్యారు. వీరి బాటలోనే మరింత మంది ఉన్నారని చెబుతున్నారు. మొత్తం మీద జగన్ తనకు బలం ఉంది అని భావిస్తున్న రాజ్యసభ, శాసనమండలిలో ఆ పార్టీని బలహీనం చేయడమే లక్ష్యంగా ఆంధ్రప్రదేశ్ లో ఆపరేషన్ ఆకర్ష్ మొదలైందని పరిశీలకులు విశ్లేషిస్తున్నారు.

బ్లాక్ మెయిల్ బాటలో విజయసాయి?!

ఆలూ లేదు చూలూ లేదు కొడుకు పేరు అన్నట్లుగా ఉంది విజయసాయి తీరు. ఎవరూ అడగకపోయినా ఆయన తనంత తానుగా నేను వైసీపీని వీడే ప్రశక్తే లేదని గొంతు చించుకుంటున్నారు. విజయసాయిరెడ్డి జగన్ కు దూరం జరుగుతున్నారని కానీ, ఆయన పార్టీని వదిలేసి మరో పంచన చేరుతారని కానీ ఎవరూ భావించడం లేదు.   ప్రస్తతం వైసీపీనీ వీడి పోతున్న నేతల సంఖ్య రోజు రోజుకూ పెరుగుతోంది. ముఖ్యంగా ఆ పార్టీ రాజ్యసభ సభ్యలు ఒకరిద్దరు తప్ప  ఇంకెవరూ వైసీపీలో మిగిలే పరిస్థితి లేదన్న ప్రచారం జోరుగా సాగుతోంది. ఇప్పటికే జగన్ కు అత్యంత సన్నిహితుడైన మోపిదేవి వెంకటరమణ పార్టీ ప్రాథమిక సభ్యత్వానికి, రాజ్యసభ సభ్యత్వానికీ కూడా రాజీనామా చేసేశారు. తాను తెలుగుదేశం గూటికి చేరనున్నట్లు విస్ఫష్టంగా చెప్పేశారు. ఆ సందర్భంగా మోపిదేవి వెంకటరమరణ వైసీపీపైనా, ఆ పార్టీ అధినేతపైనా సంచలన వ్యాఖ్యలు కూడా చేశారు అది వేరే సంగతి. అదే విధంగా మోపిదేవితో పాటు మరో రాజ్యసభ సభ్యుడు బీద మస్తాన్ రావు కూడా పార్టీ సభ్యత్వానికీ, రాజ్యసభ సభ్యత్వానికీ రాజీనామా చేసేశారు. ఇదే దారిలో వైసీపీ రాజ్యసభ సభ్యుల అడుగులు పడుతున్నాయని పరిశీలకులు విశ్లేషిస్తున్నారు. జగన్ కు సమీప బంధువైన సుబ్బారెడ్డి, అక్రమాస్తుల కేసులో జగన్  సహ నిందితుడైన ఏ2 విజయసాయి రెడ్డి వినా మిగిలిన వారంతా వైసీపీని వీడుతారని పరిశీలకులు సైతం తమ విశ్లేషణల్లో అంచనా వేస్తున్నారు.  అంటే వైసీపీని వీడిపోతారని ప్రచారం జరుగుతున్న రాజ్యసభ సభ్యుల పేర్లలో విజయసాయి ఊసే లేదు.  అయితే విజయసారి మాత్రం ఊరికి ముందే  తాను పార్టీ మారే ప్రశక్తే లేదంటూ ట్వీట్ చేసేశారు. వాస్తవానికి విజయసాయిరెడ్డి పార్టీ మారతారని ఎవరూ లేశ మాత్రంగా కూడా భావించరు. ఎందుకంటే విజయసాయి రాజకీయం జగన్ తోనే మొదలైంది. జగన్ తోనే కొనసాగుతుంది. ఎందుకంటే జగన్ అక్రమాస్తుల కేసులో  విజయసాయి ఏ2.   అటువంటి విజయసాయి వైసీపీని వీడి బయటకు రావడమంటే.. జగన్ గుట్టుమట్లన్నీ వెల్లడి అయిపోతాయి. అలా వెల్లడి చేసే షరతుపైనే ఏ పార్టీ అయినా ఆయకు నీడ ఇస్తుంది.  అన్నిటికీ మించి జగన్ హయాంలో జరిగిన అన్ని ఆర్థిక అవకతవకల వెనుకా ఆయన హస్తం ఉందన్న ఆరోపణలు ఉన్నాయి. ఎవరూ కనీసం ఊహా మాత్రంగా కూడా విజయసాయి వైసీపీని వీడుతారని అనుకోవడం లేదు. విజయసాయిని ఎవరూ వైసీపీలో ఉంటారా, గోడ దూకేస్తారా అని కూడా అడగలేదు. అయినా విజయసాయి తనంతట తానుగా పార్టీ మారడం లేదు అంటూ సోషల్ మీడియా వేదికగా గొంతు చించుకుంటున్నారు. దీంతోనే విజయసాయి మాటలకు అర్ధాలు వేరే ఉన్నాయా?  అన్న సందేహాలు రాజకీయవర్గాలలో వ్యక్తం అవుతున్నాయి. లేదా పార్టీ మార్పు సంకేతాలను జగన్ కు పంపడం ద్వారా  పార్టీలో తనకు ఇటీవలి కాలంలో తగ్గిన ప్రాధాన్యత, గుర్తింపును తిరిగి పొందేందుకు వైసీపీకి రాజీనామా అంటూ జగన్ కు హెచ్చరికలు పంపుతున్నారా? అన్న సందేహాలు వ్యక్తం అవుతున్నాయి.

సజ్జల.. జగన్ కు బంధమా..బందిఖానానా?

ఆంధ్రప్రదేశ్ లో వైసీపీ అధికారం కోల్పోయిన తరువాత ఆ పార్టీ తీరు, పరిస్థితి నానాటికీ తీసికట్టు నాగంభొట్లు అన్నట్లుగా తయారైంది. రాజకీయాలలో గెలుపు ఓటములు సహజం. అయితే ఆ విషయాన్ని అంగీకరించలేక గెలిస్తే విర్రవీగడం, ఓడిపోతే బ్రహ్మాండం బద్దలైపోయినట్లు కుంగిపోవడం ఎంత మాత్రం సరికాదు. కానీ వైసీపీ మాత్రం సరిగ్గా అదే చేసింది. చేస్తోంది. అధికారంలో ఉన్నంత కాలం తమంత వాళ్లు లేరన్నట్లుగా  ముఖ్యమంత్రి జగన్ సహా వైసీపీ నేతలంతా చెలరేగిపోయారు. అదే ఓటమి తరువాత నోరెత్తడానికి కూడా బెంబేలెత్తిపోతున్నారు. అధికారంలో ఉండగా చేసిన అక్రమాలు, అన్యాయాలు ఇప్పుడు తమ మెడకు చుట్టుకుని ఇబ్బందుల పాలు చేస్తాయా అన్న భయంతో వణికి పోతున్నారు. ఈ విషయంలో వైసీపీ అధినేత కూడా మినహాయింపు కాదు. అందుకే పార్టీ పరాజయం తరువాత చాలా మంది సీనియర్ నేతలు మౌనముద్రలోకి వెళ్లిపోయారు. నోరెత్తడానికే కాదు, ప్రజలలో తిరగడానికి కూడా వెరుస్తున్నారు. అధికా రంలో ఉండగా మాట్లాడటమంటే ప్రతిపక్ష నేతలను బూతులు తిట్టడమే అన్నట్లుగా చెలరేగిన వారె వరూ కూడా ఇప్పుడు కనిపించడం లేదు. వినిపించడం లేదు. కొడాలి నాని, వల్లభనేని వంశి, ఆర్కే రోజా అనిల్ కుమార్ యాదవ్.. ఇలా చెప్పుకుంటూ పోతే కొండవీటి చాంతాడంత జాబితా ఉంటుంది.  పార్టీ అధినేత జగన్ కూడా అడపాదడపా పార్టీ కార్యకర్తలపై దాడులు జరిగాయంటూ మీడియా ముందు మాట్లాడటం తప్ప ఆయన పెద్దగా బయటకు రావడం లేదు. అసలు తాడేపల్లి ప్యాలెస్ లో ఉండడానికే ఇష్టపడటం లేదు. పార్టీ అధినేతగా తప్పదు కనుక అప్పుడప్పుడు తాడేపల్లికి వస్తూ ఎక్కువ సమయం బెంగళూరు ప్యాలెస్ లోనే గడుపుతున్నారు. రెండు నెలల వ్యవధిలో ఆయన ఆరు సార్లు బెంగళూరు వెళ్లారంటేనే పరిస్థితి అర్ధం చేసుకోవచ్చు.  సరే ఇప్పుడు జగన్ విదేశీ పర్యటనకు వెళ్లనున్నారు. ఈ పరిస్థితుల్లో పార్టీ బాధ్యతలు ఎవరికో ఒకరికి అప్పగించాలి. అప్పగించకపోయినా పెద్ద ఫరక్ పడదు అది వేరే సంగతి. కానీ వైసీపీ సోషల్ మీడియా బాధ్యతలు మాత్రం ఎవరికో ఒకరికి అప్పగించక తప్పదు. ఎన్నికలలో పార్టీ పరాజయం తరువాత వైసీపీ సోషల్ మీడియా బాధ్యతల నుంచి పిల్ల సజ్జల అదే సజ్జల రామకృష్ణారెడ్డి కుమారుడు సజ్జల భార్గవరెడ్డిని తప్పించినట్లు వార్తలు వచ్చాయి. అలాగే ఎన్నికలలో పార్టీ పరాజయం తరువాత సజ్జల భార్గవరెడ్డి ఎక్కడా కనిపించలేదు. కానీ పార్టీ సామాజిక మాధ్యమ బాధ్యతల నుంచి సజ్జల భార్గవ్ రెడ్డిని తప్పించినట్లుగా అధికారిక సమాచారమేదీ లేదు. అంటే ఇప్పటికీ పార్టీ సోషల్ మీడియా వింగ్ సజ్జల చేతిలో ఉన్నట్లే లెక్క.   పార్టీ ఓటమి తరువాత ఈ రెండు నెలల కాలంలోనూ సజ్జల భార్గవ్ కు వైసీపీ సోషల్ మీడియా వింగ్ బాధ్యతల నుంచి తప్పించేసినట్లు అధికారికంగా ప్రకటించేందుకు జగన్ శతధా ప్రయత్నించారు.  పలువురి పేర్లు కూడా తెరమీదకు తీసుకువచ్చారు. వారిలో జగన్ బంధువు పేరు గట్టిగా వినిపించింది. అలాగే నాగార్జున యాదవ్ పేరూ వినిపించింది. అయితే వారిలో ఎవరినీ జగన్ ఫైనలైజ్ చేయలేదు. ఇందుకు సజ్జల వ్యక్తం చేసిన అభ్యంతరాలే కారణమని అంటున్నారు.  సజ్జల రామకృష్ణారెడ్డి పార్టీలో తన స్థానం ఎలా ఉన్నా కుమారుడు భార్గవ్ కు మాత్రం సముచిత స్థానం ఉండాలన్న తాపత్రయంతో తన పలుకుబడి అంతా ఉపయోగిస్తున్నారని అంటున్నారు. అలాగే జగన్ కూడా కారణాలేమిటో స్పష్టంగా తెలియడం లేదు కానీ, సజ్జలను కాదనలేకపోతున్నారని పార్టీ వర్గాల్లో గట్టిగా వినిపిస్తోంది. పార్టీ పరాజయం తరువాత ఓటమికి కారణాలుగా పార్టీ శ్రేణులు, నేతలూ కూడా సజ్జల, ఆయన కుమారుడే అని బాహాటంగానే చెబుతున్నారు. జగన్ సైతం వారి తీరు పట్ల తీవ్ర అసంతృప్తితో ఉన్నారు. అయినా కూడా సజ్జలను వదిలించుకోలేకపోతున్నారు.  ఇక ఇప్పుడు విదేశీ పర్యటన ముంగిట జగన్ కు పార్టీ సోషల్ మీడియా వింగ్ బాధ్యతల విషయంలో ఒక నిర్ణయం తీసుకోక తప్పని పరిస్థితి ఎదురైంది. అయితే ఆ బాధ్యతలు చేపట్టేందుకు ఎవరూ ముందుకు రాకపోవడంతో అనివార్యంగా పిల్ల సజ్జలనే కొనసాగిస్తారన్న ధీమా సజ్జలలో వ్యక్తం అవుతోందని పార్టీ వర్గాల్లో చర్చ జరుగుతోంది. అయిన నష్టం ఎలాగూ అయ్యింది. భవిష్యత్ లోనైనా పార్టీ పుంజుకోవాలంటే సజ్జల, పిల్ల సజ్జలల విషయంలో జగన్ మొహమాటం వదుల్చుకుంటే మేలని పార్టీ వర్గాలు అంటున్నాయి. 

పొమ్మన్నారు.. పొగపెట్టారు.. బాలినేని

బాలినేని శ్రీనివాసరెడ్డి వైసీపీ సీనియర్ నాయకుడు, మాజీ మంత్రి, అన్నిటికీ మించి మాజీ ముఖ్యమంత్రి, పులవెందుల ఎమ్మెల్యే, వైసీపీ అధినేత అయిన జగన్ కు సమీప బంధువు. అటువంటి బాలినేని గత కొన్నేళ్లుగా వైసీపీలో ఇబ్బందికర పరిస్థితులను ఎదుర్కొంటున్నారు. అవమానాలను దిగమింగుకుని మరీ పార్టీలో కొనసాగుతున్నారు. పార్టీ ఆయనను పొమ్మన లేక పోగపెట్టినా ఆయన మాత్రం ఓపికగా వైసీపీ చూరుపట్టుకు వేళాడుతున్నారు.  అయితే అదే సమయంలో బాలినేని అవమానాలను జీర్ణించుకోలేక అధినేతను ధిక్కరించి, పార్టీకి వ్యతిరేకంగా ప్రకటనలు చేసినా జగన్ ఆయనపై చర్యలు తీసుకోలేదు. బాలినేని ధిక్కార స్వరం వినిపించిన ప్రతిసారీ తాడేపల్లి ప్యాలెస్ కు పిలిపించుకుని బుజ్జగించి దారికి తెచ్చుకున్నారు. ఇదంతా ఎన్నికలకు ముందు నాటి మాట. ఎన్నికలలో చివరికి ఏదో విదిల్చినట్లుగా ఒంగోలు అసెంబ్లీ స్థానంలో పోటీకి బాలినేనికి టికెట్ ఇచ్చినా, జిల్లాలోని మరే ఇతర నియోజకవర్గాల అభ్యర్థల విషయంలోనూ బాలినేని మాట పార్టీలో చెల్లుబాటు కాలేదు. బాలినేని డిమాండ్ లను, అభ్యర్థనలను జగన్ బేఖాతరు చేశారు. ఒంగోలు లోక్ సభ నియోజకవర్గం నుంచి పార్టీ అభ్యర్థిగా మాగుంట శ్రీనివాసులరెడ్డికి టికెట్ ఇవ్వాలని బాలినేని పట్టుబట్టారు, బతిమలాడారు అయినా ఫలితం లేకపోయింది. ఒక దశలో మాగుంటకు టికెట్ ఇవ్వకుంటే తాను పార్టీని వీడతానని హెచ్చరించే వరకూ వెళ్లిన ఫలితం లేకపోయింది. ఏది ఏమైనా ఎన్నికల ముందు అంతా జగన్ బాలినేనిని పొమ్మన లేక పొగబెట్టినా బాలినేని ఉక్కిరి బిక్కిరి అయ్యారు తప్ప జగన్ ను వదిలి, వైసీపీకి రాజీనామా చేసే ధైర్యం చేయలేకపోయారు. అలాగే బాలినేని ధిక్కార స్వరం వినిపించినా ఆయనపై చర్య తీసుకునే ధైర్యం జగన్ చేయలేకపోయారు.   ఏది ఏమైనా జగన్ బాలినేనిల మధ్యా ఎన్నికల ముందు వరకూ టామ్ అండ్ జెర్రీ గేమ్ నడిచిందనే చెప్పుకోవాలి. అందుకు ప్రధాన కారణంగా బాలినేనికి ఇతర పార్టీల తలుపులు మూసుకుపోవడం, వైసీపీని కాదని బయటకు వస్తే ఆయన అండగా నిలిచే పార్టీ లేకపోవడం ఒకటైతే.. బాలినేని వైసీపీని వీడితే ప్రకాశం జిల్లాలో పార్టీ మనుగడపై ఆశలు వదిలేసుకోవాల్సిన పరిస్థితి ఉత్పన్నమౌతుందని జగన్ భావించడం. మొత్తం మీద ఇరువురూ కూడా పరస్పర ప్రయోజనాల కోసం తిట్టుకుంటూ, కొట్టుకుంటూ కూడా కలిసే ఉన్నారు.  ఎన్నికలు పూర్తై, ఫలితాలు వచ్చిన తరువాత ఇక టామ్ అండ్ జెర్రీ ఆటకు అవకాశమే లేదు. ఎందుకంటే బాలినేని స్వయంగా ఒంగోలు అసెంబ్లీ నియోజకవర్గం నుంచి పరాజయం పాలయ్యారు. ఇక వైసీపీ అయితే   ఘోరంగా పరాజయం పాలైంది. కనీసం విపక్ష హోదాకు కూడా నోచుకోకుండా అసెంబ్లీలో 11 స్థానాలకు పరిమితమైంది. దీంతో ఇప్పుడు ఇక బాలినేనికి వైసీపీతో అవసరం లేదు. వైసీపీపి బాలినేనితో పని లేదు.  అందుకే బాలినేని కుండ బద్దలు కొట్టేశారు. పార్టీ మారడం ఖాయమన్న సంకేతాలు ఇచ్చేశారు. అలా ఇస్తూ కూడా పార్టీయే తనను వద్దనుకుంటోంది తాను కాదు అని చెప్పుకున్నారు. ఔను తాను కాదు.. తన పార్టీ వారే తనను వదిలించుకోవాలని చూస్తున్నారని వ్యాఖ్యానించారు. ఎన్నికల ఫలితాల తరువాత నుంచీ తాను పార్టీకి దూరంగా ఉంటున్నానని నెపం వేసి ఈవీఎంలపై తాను చేస్తున్న పోరాటానికి పార్టీ మద్దతు ఇవ్వలేదని విమర్శించారు. పార్టీ పట్టించుకున్నా పట్టించుకోకపోయినా తన పోరాటం కొనసాగుతుందని, ప్రజలే తనకు అండ అని పేర్కొనడం ద్వారా వైసీపీతో తెగతెంపులకు బాలినేని రెడీ అయిపోయారని పరిశీలకులు విశ్లేషిస్తున్నారు.  

ఫైళ్ళ దగ్ధం తీగ లాగితే లిక్కర్ స్కామ్ డొంక కదిలింది..!

తీగ లాగితే డొంక కదిలిందన్నది సామెత.. కానీ ఏపీలో ఒక తీగ లాగితే ఏకంగా రెండు డొంకలు కదిలాయి. జగన్ హయాంలో వైసీపీ నేతల అక్రమ సంపాదన, భూకబ్జాల వ్యవహారం ఏ స్థాయిలో జరిగిందన్నది వెల్లడి అవుతోంది. ముఖ్యంగా మాజీ మంత్రి, పుంగనూరు ఎమ్మెల్యే పెద్ది రెడ్డి రామచంద్రారెడ్డి, ఆయన కుమారుడు, ఎంపీ మిథున్ రెడ్డిల అక్రమాల జాబితా కొండవీటి చాంతాడును మించి పోయిందన్ని పోలీసుల దర్యాప్తులో వెల్లడౌతోంది. జగన్ హయాంలో పెద్దిరెడ్డి భూదందాల పర్వం అడ్డూ అదుపూ లేకుండా సాగిందనడానికి సాక్ష్యాలను మాయం చేసే క్రమంలో మదలపల్లి సబ్ కలెక్టర్ కార్యాలయంలో ఫైళ్లను దగ్ధం చేశారన్న ఆరోపణలపై పోలీసులు విస్తృత దర్యాప్తు చేపట్టారు. ఆ దర్యాప్తులో భూదందాలతో పాటు మద్యం కుంభకోణం గుట్టు కూడా బయటపడింది. ఫైళ్ల దగ్ధం కేసులో పోలీసులు చేసిన సోదాలలో పెద్దిరెడ్డి రామచంద్రారెడ్డి, మిథున్ రెడ్డిల మద్యం దందా వెలుగులోనికి వచ్చింది. సోమవారం (ఆగస్టు 26) సీఐడీ ఉన్నతాధికారులు మదనపల్లె ఫైళ్లదగ్ధం కేసు దర్యాప్తులో భాగంగా పెద్దిరెడ్డి రామచంద్రారెడ్డి, మిధున్ రెడ్డి సన్నిహితుల ఇళ్లలో నిర్వహించిన సోదాలలో దొరికిన పత్రాలలో వందల కోట్ల నగదు లావాదేవీలు వెలుగు చూశాయి. ఈ లావాదేవీలన్నీ మద్యం కుంభకోణంకు సంబంధించిందేనని తేలింది.   ఏపీలో మద్యం స్కాం మొత్తం.. పెద్దిరెడ్డి రామచంద్రారెడ్డి,  ఆయన కుమారుడు మిథున్ రెడ్డి కనుసన్నల్లోనే జరిగిందని తేలింది. డిస్టిలరీలను లాక్కోవడం దగ్గర నుంచి విచిత్రమైన బ్రాండ్లను ప్రవేశ పెట్టడం వరకూ.. కమిషన్లు దండుకోవడం సహా పెద్ద ఎత్తున అవినీతి  జరిగింది. అంతే కాకుండా మద్యం విక్రయాలు మొత్తం నగదు లావాదేవీలు జరపడం వెనుక కూడా  కుట్ర ఉందని వెల్లడైంది. మదనపల్లి సబ్ కలెక్టర్ ఆఫీసులో ఫైర్ తర్వాత అధికారులు పెద్దిరెడ్డి సన్నిహితుల ఇళ్లల్లో సోదాలు నిర్వహించారు.  హైదరాబాద్ సహా పలు చోట్ల నిర్వహించిన సోదాల్లో కీలక పత్రాలను స్వాధీనం చేసుకున్నారు. అక్కడే లిక్కర్ కేసుకు సంబంధించిన సాక్ష్యాలు కూడా దొరికాయి. ఇప్పటికే వాసుదేవరెడ్డి దగ్గర తీసుకున్న వాంగ్మూలాల ఆధారంగా ఆ సాక్ష్యాలను విశ్లేషిస్తున్నారు. ఇంకా డిస్టిలరీలు పోగొట్టుకున్న పాత యజమానుల నుంచి కూడా పోలీసులు  వాంగ్మూలాలు రికార్డు చేశారు. ఏపీలో మ ద్యం కుంభకోణానికి సంబంధించి పూర్తి స్థాయి సమాచారం సీఐడీ సంపాదించిందని తెలుస్తోంది.  ఈ కుంభకోణంలో మిథున్ రెడ్డి పాత్రపై పూర్తి స్థాయిలో ఆధారాలు, సమాచారం లభించింది. దీంతో సీఐడీ ఆయనను అరెస్టు చేసే అవకాశాలు ఉన్నాయని అంటున్నారు. సో నేడో, రేపో ఏపీ  లిక్కర్ స్కాంలో మిథున్ రెడ్డి అరెస్టు ఖాయమని వైసీపీ వర్గాలే అంటున్నాయి.  

తానా 2025 మహాసభల వేదిక డెట్రాయిట్‌...!

ఉత్తర అమెరికా తెలుగు సంఘం (తానా) 24వ మహాసభ డెట్రాయిట్లో నిర్వహించాలని నిర్ణయించారు. 2025 జులై మొదటి వారంలో ఈ వేడుకలు జరగనున్నాయి. అత్యంత ప్రతిష్ఠాత్మకంగా నిర్వహించే ఈ మహాసభలకు కో-ఆర్డినేటర్‌గా ఉదయ్ కుమార్ చాపలమడుగు, చైర్మన్‌గా గంగాధర్ నాదెళ్ల నియమితులైనట్లు ‘తానా’ సెక్రటరీ రాజా కసుకుర్తి తెలిపారు. ఈ మేరకు బోర్డు, ఎగ్జిక్యూటివ్ సమావేశంలో నిర్ణయం తీసుకున్నట్లు వివరించారు. ‘తానా’ 2025 మహాసభలు జరిగే నగరాన్ని ఎంపిక చేయడానికి ఏర్పాటు చేసిన ముగ్గురు సభ్యుల కమిటీ నివేదికను తానా ఎగ్జిక్యూటివ్ సమావేశంలో ఆమోదించారు. ఈ ఎగ్జిక్యూటివ్ కమిటీకి శ్రీనివాస్ కోనేరు ఛైర్మన్‌గా వ్యవహరించారు. నరహరి కొడాలి, శ్రీనివాస్ దాసరి సభ్యులు. ప్రతిపదేళ్ళకు ఒకసారి తానా మహాసభలు డెట్రాయిట్లో జరగడం సంప్రదాయంగా వస్తోంది. 2005, 2015 సంవత్సరాల్లోనూ డెట్రాయిట్ నగరంలోనే ‘తానా’ మహాసభలు జరిగాయి. ఇప్పుడు కూడా ఆ సంప్రదాయానికి కొనసాగింపుగా 2025 సంవత్సరం ‘తానా’ మహాసభలను కూడా అక్కడే నిర్వహించాలని ముగ్గురు సభ్యుల కమిటీ నిర్ణయించడం విశేషం. డెట్రాయిట్ తెలుగు వారికి దగ్గరగా ఉంటుందని, హాజరయ్యే అతిథులకు వసతి సౌకర్యాలు కల్పించడానికి వీలుగా వుంటుందని ‘తానా’ కమిటీ ఈ నిర్ణయం తీసుకుంది. తానా ఛైర్మన్ గంగాధర్ నాదెళ్ల తానాలో పాత తరానికి, కొత్త తరానికి సుపరిచితులు. ఆయన పర్యవేక్షణలో తానా సభలు ఎలాంటి లోటు లేకుండా జరుగుతాయన్న అభిప్రాయాలు వున్నాయి. అలాగే సమన్వయకర్తగా నియమితులైన ఉదయ్ కుమార్ చాపలమడుగు కృష్ణా జిల్లాలోని చల్లపల్లి వాస్తవ్యులు. ‘తానా’లో అనేక కీలక పదవులు నిర్వహించారు. డెట్రాయిట్ తెలుగు అసోసియేషన్ (డీటీఏ) కార్యనిర్వాహక కమిటీలోనూ ఆయన అనేక కీలక పదవులు నిర్వహించారు. ముఖ్యంగా, డీటీఏ 25, 40వ వార్షికోత్సవాల సందర్భంగా ఉదయ్ కుమార్ చేసిన కృషి అందరి ప్రశంసలను అందుకుంది. 2005 డెట్రాయిట్ తానా ద్వైవార్షిక సదస్సుకు డిప్యూటీ కో-ఆర్డినేటర్‌గానూ ఆయన పనిచేశారు.  2007లో తానా చైతన్య స్రవంతి కో-ఆర్డినేటర్‌గానూ పనిచేశారు. ఈయన ఎవరో కాదు... ప్రముఖ నటుడు, బాబాయ్, దివంగత చలపతి రావు అల్లుడు. అద్భుతమైన ప్రసంగ నైపుణ్యం ఆయన సొంతం. ఆయన ప్రసంగాలు తెలుగు ప్రజల్లో మంచి గుర్తింపు పొందాయి. డెట్రాయిట్లో జరగనున్న తానా సదస్సుకు ప్రతిభావంతులను బాధ్యులుగా ఎంపిక చేయడం పట్ల హర్షం వ్యక్తమవుతోందని ‘తానా’ కార్యదర్శి రాజా కసుకుర్తి తెలిపారు.

ఎవరీ క్యాష్‌గిరిబాబు..? పవర్ బ్రోకర్స్ యాక్టివ్ అయ్యారా? 

(శుభకర్ మేడసాని, ఇన్‌పుట్ ఎడిటర్, తెలుగువన్) వెల్‌కమ్ టు జర్నలిస్ట్ లాండ్రి. చంద్రబాబు పాలనలో ఒక అవినీతి అనకొండ గురించి కొన్ని నిజాలు తెలుసుకుందాం. ఎం.వి.శేషగిరిబాబు. ఒక సీనియర్ ఐఏఎస్ అధికారి. శేషగిరిబాబును ఆయన కింద పనిచేసే సిబ్బంది ప్రేమతో ‘క్యాష్‌గిరిబాబు’ అని పిలుచుకుంటారంట. అత్యంత వివాదాస్పద అధికారిగా ఆయన పేరు గడించారు. తన శాఖలోని సిబ్బందిని అంతులేని వేధింపులకు గురిచేస్తారని ‘మంచి’ పేరు వుంది. గతంలో స్టాంప్స్ అండ్ రిజిస్ట్రేషన్ శాఖలో పనిచేసినప్పుడు ముఖ్యమంత్రి జగన్‌రెడ్డికి మీ సామాజికవర్గం అంటే ఇష్టం వుండదు. మీకు మీరు కోరుకునే పోస్టింగ్‌లపై ఆశ వదులుకోండి అని అధికారుల మొహమ్మీదే చెప్పేంత తెంపరితనం ఈ ఐఏఎస్ సొంతం. కేవలం జగన్‌ రెడ్డికి ఆ సామాజికవర్గం అంటే ఇష్టం వుండదు కాబట్టి, శేషగిరి అలా మాట్లాడ్డం కాదు. ఈయనగారిక్కూడా కమ్మ సామాజికవర్గం అంటే నరనరానా అంతులేని ద్వేషం అని చెప్పుకుంటారు. నిజానికి ‘క్యాష్‌గిరిబాబు’ జగన్ రెడ్డికి వీరభక్తుడు. జగన్ పాలనలో కొత్త విద్యా విధానాలు, బడులకు రంగులు వేయడం వంటి జగన్ లేకి పనులకు గొప్ప సంస్కరణలు అంటూ బహిరంగ సమావేశంలో మైకు ముందు విపరీతంగా పొగిడిన వీరభక్తుడు ఈ సీనియర్ ఐఏఎస్ అధికారి. ఒక బహిరంగ సమావేశంలో ‘క్యాష్‌గిరిబాబు’ నోటి నుంచి రాలిన ముత్యాలు ఇవిగో... ‘‘విద్యారంగంలో పలు విప్లవాత్మకమైన, వినూత్నమైన మార్పులు తీసుకువచ్చి, సామాన్యులకు కూడా నాణ్యమైన విద్య అందించాలనే తపనతో, ప్రత్యేక శ్రద్ధతో వేల కోట్ల రూపాయలు ఖర్చు చేసి, పాఠశాలలను, కళాశాలలను ఆధునీకరించడం, డిజిటల్ ఎడ్యుకేషన్, డిజిటల్ బోధనను ప్రవేశపెట్టడం లాంటి అనేక వినూత్న సంస్కరణలతో  ప్రత్యేక శ్రద్ధ తీసుకుని విద్యకు అనేక అంశాల్లో కేటాయింపులు చేసిన గౌరవ ముఖ్యమంత్రివర్యులు’’. భజన పీక్స్‌లో వుంది కదూ! కూటమి ప్రభుత్వం ఏర్పడిన తర్వాత తన స్థాయి తగ్గించుకుని మరీ స్టాంప్స్ అండ్ రిజిస్ట్రేషన్స్ శాఖ కమిషనర్‌గా వచ్చారు. ఎవరైనా కావాలని స్థాయి తగ్గించుకుంటారా? మరి శేషగిరి ఎందుకు తగ్గించుకున్నారు? ఎందుకంటే, ముందే చెప్పుకున్నట్టు ఆయన క్యాష్‌గిరి కాబట్టి. స్టాంప్స్ అండ్ రిజిస్ట్రేషన్స్ శాఖలో ఏ స్థాయిలో అవినీతి వుంటుందో మీకు తెలియనిది కాదు. ఈయన గారిని స్టాంప్స్ అండ్ రిజిస్ట్రేషన్స్ శాఖ కమిషనర్‌గా ఎవరి సిఫారసుతో నియమించారు? ముఖ్యమంత్రి కార్యాలయానికి తెలియకుండా లేదా రెవెన్యూ మంత్రికి తెలియకుండా నియామకం జరిగిందా? ఒక పవర్ బ్రోకర్‌కు పైసలు చెల్లించి ఈ స్థానంలోకి వచ్చారనే వార్త పెద్ద ఎత్తున ప్రచారంలో వుంది. కమిషనర్ పదవిలోకి వచ్చీ రాగానే సబ్ రిజిస్ట్రార్ల పోస్టింగ్‌లో కాసుల కమీషన్ల వేట ప్రారంభించారు. ఆ కలెక్షన్ కోసం తన సామాజికవర్గానికి చెందిన ఒక ఆడిట్ రిజిస్ట్రార్‌ను తన ఏజెంట్‌గా నియమించుకుని, రెవిన్యూ మంత్రికి, ముఖ్యమంత్రి కార్యాలయానికి తెలియకుండా సబ్ రిజిస్ట్రార్ల బదిలీల ప్రక్రియ వేగవంతం చేశారు. రాష్ట్రంలో అత్యంత ఆదాయాన్నిచ్చే విజయవాడ బెంజ్ సర్కిల్ సబ్ రిజిస్ట్రార్‌ను బదిలీ చేశారు. దానికి పాత డిప్యుటేషన్లు రద్దు చేస్తున్నాం అని కలరింగ్ ఇచ్చారు. వాస్తవానికి అక్కడ పనిచేస్తున్న అధికారి గతంలో వైసీపీ వేధింపుల దాష్టీకానికి గురైన వ్యక్తి కావడం విశేషం. హైకోర్టు అతని సర్వీసు రికార్డును పరిశీలించి, ప్రభుత్వానికి అతని ద్వారా వందల కోట్ల పన్ను రాబడి తెచ్చిన తీరు చూసి, ఇటువంటి అధికారిని వేధించడమా అని హైకోర్టు ఆశ్చర్యం వ్యక్తం చేస్తూ, మళ్ళీ అదే బెంజ్ సర్కిల్లో అతనికి పోస్టింగ్ ఇవ్వండి అంటూ ఆదేశించింది. జగన్ రెడ్డికి, శేషగిరిబాబుకు నచ్చని సామాజికవర్గం వ్యక్తి కాబట్టి బదిలీవేటు వేశారు. తనకు నచ్చినవారిని బెంజ్ సర్కిల్లో సబ్ రిజిస్ట్రార్‌గా పోస్టింగ్‌లోకి తెచ్చారు. ఈ ఒక్క పోస్టింగ్ కోసం ఎన్ని కోట్లు చేతులు మారాయో మీ ఊహకు అందదు. రెవిన్యూ మంత్రికి తెలిసే జరిగిందా? శేషగిరిబాబు మొత్తం క్యాష్ చేసుకున్నారా అనేది తెలియాల్సివుంది. అంతేకాదు, రాష్ట్రంలో జల్లెడ పట్టి మరీ తనకు నచ్చని సామాజికవర్గానికి చెందిన ఉద్యోగస్తులను వేధింపులకు గురిచేసే పనిలో నిమగ్నమైనట్టు విశ్వసనీయ సమాచారం.  విజయవాడలో గుణదల, గాంధీనగర్ సబ్ రిజిస్ట్రార్లుగా పనిచేస్తున్న కృష్ణప్రసాద్, చైతన్యలను టార్గెట్ చేసి, ఆ స్థానాల నుంచి వారిని పంపించేందుకు కుట్ర జరుగుతోందన్న అనుమానాలు సర్వత్రా వ్యక్తమవుతున్నాయి. వీరిద్దరూ కమ్మ సామాజికవర్గానికి చెందినవారు. గతంలో వైసీపీ ప్రభుత్వానికి వీరిద్దరు అంటకాగి పనిచేసినట్టుగా వీరిద్దరిపై ఆకాశరామన్న లేఖతో ప్రచారం జరుగుతోంది. ఈ ఆకాశరామన్న ఉత్తరాన్ని గుణదల సబ్ రిజిస్ట్రార్ కృష్ణప్రసాద్‌కు రిజిస్టర్ పోస్టులో పంపించారు. ఆకాశరామన్న ఉత్తరం కవర్ మీద ఫ్రమ్ అడ్రస్ మాత్రం పి.సురేష్, గూడవల్లివారి వీధి, డోర్ నంబర్ 27-33-43, టూ టౌన్ గవర్నర్‌పేట అని అని వుంది. వాస్తవానికి ఇది ఫేక్ అడ్రస్. ఈ ఆకాశరామన్న ఉత్తరం వెనుక పెద్ద కుట్రే వున్నట్టు తెలుస్తోంది. ఉత్తరంలో ప్రభుత్వానికి, ఏసీబీకి నివేదించామని బెదిరింపులు వున్నాయి. బలవంతపు బదిలీలకు మానసికంగా సిద్ధం చేయడం కోసమే ఈ బెదిరింపులకు దిగినట్టు తెలుస్తోంది. ఈ ఆకాశరామన్న ఉత్తరంలో వీళ్ళిద్దరినీ టార్గెట్ చేయడానికి అందులో పొందుపరిచిన అంశాలే అందుకు కారణం.  ప్రధానంగా ఈ ఇద్దరినీ గత ప్రభుత్వానికి తొత్తులుగా అభివర్ణించడం పరమ వింత! రాష్ట్రంలో అధిక ఆదాయం వచ్చే రిజిస్ట్రేషన్ కార్యాలయాలుగా గుణదల, గాంధీనగర్‌లను పదే పదే ప్రస్తావించడం వెనుక కుట్రకోణం బయటపడుతోంది. వీరంతా కిందటి ఐజీగా పనిచేసిన రామకృష్ణకు శిష్యులుగా అపవాదు మోపారు. వైసీపీ ముఖ్య సలహాదారు సజ్జల రామకృష్ణారెడ్డికి ముఖ్య అనుచరులంటూ పేర్కొన్నారు. మరోవైపు వీరు కమ్మకులం పేరు చెప్పుకుని, లోకేష్ పేరును చెడగొడుతున్నారని పేర్కొన్నారు. ఈ ఇద్దరికీ కిందటి వైసీపీ ప్రభుత్వంలో మంచి పలుకుబడి వుందని, ఏసీపీని కూడా వీళ్ళు మేనేజ్ చేసేవారని చెప్పుకునేవారని... ఇలా ఒకదానికి మరొకదానికి పొంతన లేకుండా లేఖలో పొందుపరిచారు. ఈ ఫిర్యాదు ఇచ్చిన వ్యక్తి పేరు పర్వతనేని నాగరాజు, పటమట పేరుతో ముగించారు. పటమటలో పర్వతనేని నాగరాజు లేరు. రిజిస్ట్రేషన్ శాఖలో ఎలాంటి ప్రత్యక్ష, పరోక్ష సంబంధాలు కూడా లేవు. లేని వ్యక్తి ఎలా ఫిర్యాదు చేశారో తేలాల్సిన విషయం. కాపీ టు ఏసీబీ అని వున్న ఈ ఉత్తరం నిజంగా ఏసీబీకి పంపారో లేదో తెలియదుగానీ, గుణదల సబ్ రిజిస్ట్రార్ కృష్ణప్రసాద్‌కు పోస్టులో పంపారు. ఇలా పంపటం కూడా పైస్థాయి అవినీతి అధికారుల మైండ్ గేమ్‌లో భాగమని తెలుస్తోంది. 

జగన్ కు రెడ్ బుక్ జ్వరం.. జైలు భయం!

వైసీపీ  హ‌యాంలో  తెలుగుదేశం నేత‌ నారా లోకేశ్ పై  వైసీపీ నేత‌లు సోష‌ల్ మీడియాలో విప‌రీతంగా ట్రోల్స్ చేశారు.  మీడియా స‌మావేశాల్లో, స‌భ‌ల్లో  చంద్ర‌బాబు స‌హా నారా లోకేశ్‌ను టార్గెట్‌గా చేసుకొని ఇష్టారీతిలో మాట్లాడారు. ఇక  కొడాలి నాని, వల్ల‌భ‌నేని వంశీ, జోగి ర‌మేశ్‌, ఆర్కే రోజా, పేర్ని నాని వంటి నేత‌ల గురించి చెప్పాల్సిన ప‌నిలేదు. వాళ్లు లోకేశ్ ను తిట్ట‌ని రోజు లేదంటే అతిశయోక్తి కాదు.   ప‌ప్పు..  ఎమ్మెల్యేగా కూడా గెల‌వ‌లేడు.. అసెంబ్లీ గేట్లు కూడా తాక‌ లేడు అంటూ తీవ్ర‌స్థాయిలో విమ‌ర్శ‌ల చేశారు. లోకేశ్ చేప‌ట్టిన యువ గ‌ళం పాద‌యాత్ర‌ను అడ్డుకునేందుకు వైసీపీ ప్రభుత్వం అనేక ప్ర‌య‌త్నాలు చేసింది. కానీ, ప్ర‌భుత్వ కుట్ర‌ల‌ను తిప్పికొడుతూ తెలుగుదేశం పార్టీ నేత‌లు, కార్య‌క‌ర్త‌ల అండ‌దండ‌ల‌తో లోకేశ్ యువ‌గ‌ళం పాద‌యాత్ర‌ను విజ‌య‌వంతంగా పూర్తిచేశారు. పాద‌యాత్ర స‌మ‌యంలో తెలుగుదేశం శ్రేణులు, ప్ర‌జ‌ల ప‌ట్ల వైసీపీ నేత‌లు, కొందరు అధికారులు వ్య‌వ‌హ‌రిస్తున్న తీరుతో చ‌లించిపోయిన లోకేశ్‌.. రెడ్ బుక్‌ను ప్రారంభిచాడు. రాష్ట్రంలో అధికారాన్ని అడ్డుపెట్టుకొని హద్దులుదాటి ప్ర‌వ‌ర్తించిన వైసీపీ నేత‌లు, అధికారుల పేర్ల‌ను ఆ రెడ్ బుక్‌లో ఎంటర్ చేస్తూ వ‌చ్చారు. ఎన్నిక‌ల ప్ర‌చారంలో చివ‌రి స‌భ వ‌ర‌కు రెడ్ బుక్‌ను లోకేశ్ మెయింటెన్ చేశాడు. అప్ప‌ట్లో రెడ్ బుక్‌పై వైసీపీ నేత‌లు సెటైర్లు కూడా వేశారు. రెడ్‌బుక్ కు భ‌య‌ప‌డే వారెవరూ లేరు.  ఎన్ని రెడ్‌బుక్‌లైనా రాసుకో లోకేశ్.. అంటూ వైసీపీ నేత‌లు స‌వాళ్లు విసిరారు. కానీ సీన్ మారిపోయింది. లోకేశ్ రెడ్‌బుక్ అంటే వైసీపీ నేత‌లు, జ‌గ‌న్ మోహ‌న్ రెడ్డి భ‌క్త అధికారులు వ‌ణికిపోతున్నారు. లోకేశ్ రెడ్‌బుక్‌ పేరువింటేనే జ‌గ‌న్ మోహ‌న్ రెడ్డి సైతం వ‌ణికిపోతున్నారు. కూట‌మి ప్ర‌భుత్వం అధికారంలోకి వ‌చ్చిన నెల రోజుల‌కే ఏపీలో అరాచ‌క పాల‌న జ‌రుగుతుందంటూ జ‌గ‌న్ ఢిల్లీ వెళ్లి ధర్నా చేసిన విషయం తెలిసిందే. ఆ ధర్నా సమయంలో లోకేశ్ రెడ్‌బుక్‌ను జగన్ ప్ర‌ధానంగా ప్ర‌స్తావించారు. ఆ త‌రువాత‌ కూడా వైసీపీ నేత‌ల స‌మావేశాల్లోనూ, మీడియాతో మాట్లాడిన స‌మాయాల్లోనూ పలుసార్లు రెడ్‌బుక్ గురించి జ‌గ‌న్ ప్ర‌స్తావిస్తూ వ‌చ్చారు. వైసీపీ లీగల్ సెల్ ప్రతినిధులతో జ‌రిగిన స‌మావేశంలోనూ రెడ్‌బుక్ గురించే ప్ర‌ధానంగా జ‌గ‌న్ చ‌ర్చించారు. రెడ్ బుక్‌తో వైసీపీ నేత‌లు అప్ర‌మ‌త్తంగా ఉండాల‌ని, వారికి అండ‌గా వైసీపీ లీగ‌ల్ సెల్ ప్ర‌తినిధులు ఉండాల‌ని జ‌గ‌న్ సూచించిన‌ట్లు తెలిసింది. రెడ్‌బుక్.. రెడ్‌బుక్ అంటూ ప‌దేప‌దే జ‌గ‌న్ మాట్లాడుతుండటంతో వైసీపీ నేత‌లు సైతం ఆశ్చ‌ర్య‌పోతున్నార‌ు. ఎన్నిక‌ల ముందు వ‌ర‌కు రెడ్‌బుక్ అంటే ప‌ట్టించుకోని జ‌గ‌న్‌.. ఇప్పుడు మాట్లాడితే రెడ్‌బుక్ అంటూ వ‌ణికిపోతున్నారని వైసీపీ వ‌ర్గాల్లో చ‌ర్చ జ‌రుగుతున్నది.  వైసీపీ   హ‌యాంలో అవినీతి అక్ర‌మాలు, భూక‌ బ్జాల‌కు పాల్ప‌డిన వైసీపీ నేత‌ల‌పై కూట‌మి ప్ర‌భుత్వం విచార‌ణ జ‌రుపుతోంది. ఇప్ప‌టికే మాజీ మంత్రి జోగి ర‌మేశ్ కుమారుడు అరెస్టు అయ్యారు. జోగి ర‌మేశ్ సైతం  నేడో రేపో అరెస్టు అవ్వడం ఖాయమం టున్నారు. అలాగే  మాజీ మంత్రి పెద్దిరెడ్డి రామ‌చంద్రారెడ్డి భూక‌బ్జాల ఆరోప‌ణ‌లపైనా  విచార‌ణ జ‌రుగుతోంది. త్వ‌ర‌లో పెద్దిరెడ్డీ జైలుకెళ్ల‌డం ఖాయంగా క‌నిపిస్తోంది. వల్లభనేని వంశీ, కొడాలి నాని, రోజా ఇలా ఇలా వైసీపీ నేత‌లు ఒక్కొక్క‌రిపై వ‌రుస‌గా కేసులు న‌మోద‌వుతుండ‌టంతో తొంద‌ర‌లోనే త‌న‌ వంతు కూడా వ‌స్తుంద‌ని జ‌గ‌న్ భ‌య‌ప‌డుతున్నారని వైసీపీ వ‌ర్గాల్లో చ‌ర్చ జ‌రుగుతుంది. వైసీపీ ఐదేళ్ల పాలనలో జ‌గ‌న్ మోహ‌న్ రెడ్డి చేయ‌ని అరాచ‌కం లేదు. తెలుగుదేశం నేత‌లు, కార్య‌క‌ర్త‌ల‌పై అక్ర‌మ కేసులు పెట్టి.. పోలీసుల‌తో కొట్టించాడు. కొందరిని జైళ్లకు పంపించాడు. రాష్ట్రంలోని చాలా ప్రాంతాల్లో గ‌డిచిన ఐదేళ్ల కాలంలో తెలుగుదేశం జెండా పట్టేందుకు సైతం ఎవరైనా భ‌య‌ప‌డాల్సి పరిస్థితులు ఉన్నాయి.  ప్ర‌భుత్వం తీరును ప్ర‌శ్నించిన ప్ర‌జ‌ల‌పైనా వైసీపీ నేతలు దాడులు చేశారు. ఈ క్ర‌మంలో ప‌లువురు ఆత్మ‌హ‌త్య చేసుకోగా.. పలువురు వైసీపీ నేత‌ల దాడుల్లో  మరణించారు. మరింత మంది తీవ్రంగా గాయ‌ప‌డ్డారు.  ఐదేళ్ల అరాచ‌క పాల‌న సాగించిన జ‌గ‌న్‌..  ప్ర‌స్తుతం కూట‌మి ప్ర‌భుత్వం అధికారంలోకి వ‌చ్చిన త‌రువాత తాను నీతివంత‌మైన పాల‌న సాగించాన‌ని చెప్పుకోవ‌టాన్ని చూసి వైసీపీ నేత‌లే ఆశ్చ‌ర్య‌పోతున్నారు.  వైసీపీ లీగ‌ల్ సెల్ ప్ర‌తినిధుల స‌మావేశంలో జ‌గ‌న్ మాట్లాడుతూ,  వైసీపీ హ‌యాంలో మనకు ఓటు వేయని వారికి కూడా  ప్రతి పథకాన్ని డోర్ డెలివరీ చేశాం. మంచి జరిగే  పనులకు శ్రీకారం చుట్టాం. ఎక్కడా కూడా వివక్ష, అవినీతి చూపలేదు. న్యాయం, ధర్మం అన్నది అందరికీ ఒక్కటే అన్నట్లుగా మన  పాల‌న సాగింది, ఇవాళ మాత్రం న్యాయం కొందరికి మాత్రమే అన్న రీతిలో చంద్రబాబు పాలన ఉందని జ‌గ‌న్ చెప్పుకున్నారు.  జ‌గ‌న్ ప్రసంగం విన్న వైసీపీ నేతలు ఔరా అని ముక్కున వేలేసుకునేలా ఆయన ప్రసంగం సాగింది.  జ‌గ‌న‌న్న ఇంత నిస్సుగ్గుగా అబ‌ద్ధాలు ఎలా చెబుతారు అంటూ వారు నోరెళ్లబెట్టిన పరిస్థితి.  కూట‌మి ప్ర‌భుత్వం అధికారంలోకి వ‌చ్చిన రెండు నెల‌ల కాలంలోనే ఏపీలో అభివృద్ధి ప‌రుగులు పెడుతోంది.. శాంతిభ‌ద్ర‌త‌లు అదుపులో ఉన్నాయి. రాష్ట్రానికి కుప్ప‌లు తెప్ప‌లుగా పెట్టుబ‌డులు వ‌స్తున్నాయి. అన్నిటికీ మించి అధికార పగ్గాలు అందుకున్న రెండు నెలలలోనూ ముఖ్యమంత్రి చంద్రబాబు టాప్ 5 సీఎంలలో ఒకరుగా నిలిచారు. అయితే జగన్ కు మాత్రం ఇవేమీ కనిపించడం లేదు.  జగన్ నిత్యం ఏపీలో అరాచ‌క పాల‌న సాగుతున్నద‌ని ప్ర‌చారం చేయ‌డం, పదేపదే రెడ్ బుక్ గురించి తలచుకుని వణికిపోవడం చూస్తున్న   వైసీపీ నేత‌లు జగన్ తీరు పట్ల తీవ్ర అసంతృప్తి వ్యక్తం చేస్తున్నారు. ముఖ్యంగా ప్ర‌తీ సంద‌ర్భంలోనూ జ‌గ‌న్ రెడ్‌బుక్ గురించి ప్ర‌స్తావ‌న తెస్తున్నారు. ప్రస్తుతం వైసీపీ నేతలపై జరుగుతున్న విచారణ, నేతల అరెస్టులకు కారణం రెడ్ బుక్ అని జగన్ భావిస్తున్నట్లు కనిపిస్తోంది. జగన్ భయం చూసి  జ‌గ‌న్‌కూడా త్వ‌ర‌లో జైలుకెళ్ల‌డం ఖాయ‌మ‌ని, వైసీపీ రాబోయే రోజుల్లో క‌నుమ‌రుగు అవుతుందని ఆ పార్టీ నేతలే చర్చించుకుంటున్నారు.

బెస్ట్ సీఎం‌ల జాబితాలో చంద్రబాబు!

ఆంధ్రప్రదేశ్ ముఖ్యమంత్రిగా బాధ్యతలు స్వీకరించిన రెండు నెలలలోనే చంద్రబాబు నాయుడు దేశంలోనే బెస్ట్ సీఎంల జాబితాలో స్థానాన్ని సాధించారు. కేవలం రెండు నెలలలోనే ఆయన నాలుగో స్థానంలో నిలిచారు. నాలుగో స్థానంలోనే నిలిచిన స్టాలిన్‌తో చంద్రబాబు పోటీపడుతున్నారు. సి ఓటర్ సంస్థ తాజాగా చేసిన సర్వేలో బెస్ట్ సిఎంల రేసులో చంద్రబాబు టాప్ 5 జాబితాలో చోటు సంపాదించుకున్నారు. బరిలో ఇప్పుడే నిలిచారు బాబు గారు. త్వరలో ఒక్కో స్థానం దాటుకొంటూ దూసుకు వెళతారు. చంద్రబాబు నాయుడి గారికి ‘తెలుగువన్’ అభినందనలు, శుభాకాంక్షలు.

ఓ పతనమా? నీ పేరు సజ్జలా?

జగన్ అధికారంలో ఉన్నంత కాలం ఇష్టారీతిగా చెలరేగిపోయిన నేతలంత ఇప్పుడు తట్టాబుట్టా సర్దేసుకుని రాష్ట్రం వదిలి వెళ్లిపోతున్నారు. స్వయంగా వైసీపీ అధినేత, మాజీ ముఖ్యమంత్రి జగన్ మోహన్ రెడ్డే తాడేపల్లి, బెంగళూరుల మధ్య షటిల్ సర్వీస్ చేస్తూ ఏపీకి చుట్టపు చూపుగా వచ్చి వెడుతున్నారు. యధా నేత తథా పార్టీ అన్నట్లుగా వైసీపీ నేతలు కూడా రాష్ట్రం దాటేస్తున్నారు. అలా దాటేస్తున్న వారంతా జగన్ అధికారాన్ని అడ్డుపెట్టుకుని దౌర్జన్యాలకూ, దుర్మార్గాలకూ, అవినీతికీ పాల్పడిన వారే కావడం గమనార్హం. కొడాలి నాని, వల్లభనేని వంశీ, ఆర్కే రోజా  వీళ్లంతా అధికారం అండ చూసుకుని అడ్డగోలుగా చెలరేగిపోయిన వారే. ఇప్పుడు వీరెక్కడా కనిపించడం లేదు. రాష్ట్రం దాటేశారు. కొడాలి నాని ఎక్కువగా హైదరాబాద్ లోనే ఉంటున్నారు. వల్లభనేని వంశీ ఎక్కడున్నారో తెలియడం లేదు. ముందస్తు బెయిలు కోసం మాత్రం కోర్టును ఆశ్రయించారు. ఇక ఆర్కే రోజా అయితే తన సహజ స్వభావానికి విరుద్ధంగా సైలెంటైపోయారు. చెన్నై చెక్కేశారని అంటున్నారు. ఇలా వైసీపీలో నోరున్న నేతలంతా నోరు కుట్టేసుకున్నారు.  ఇక జగన్ హయాంలో సకల శాఖల మంత్రిగా చక్రం తిప్పిన సజ్జల రామకృష్ణారెడ్డి వైసీపీ అధికారం కోల్పోయాక  మరీ నల్లపూస అయిపోయారు. అంతే కాదు.. పార్టీలోనే ఆయనపై తీవ్ర వ్యతిరేకత వ్యక్తం అవుతోంది. ఎన్నికలలో వైసీపీ ఘోర పరాజయానికి కారణం సజ్జలేనని పార్టీ నేతలూ, శ్రేణులూ బాహాటంగానే చెబుతున్నారు. దీంతో సజ్జల సైలెంటైపోయారు. జగన్ కూడా పెద్దగా పట్టించుకోవడం మానేశారు.  పెరుగుట విరుగుట కొరకే అన్న సామెత సజ్జలకు అతికినట్లుగా సరిపోతుందని చెప్పాలి.  నిజానికి ఒక జర్నలిస్ట్’గా, వ్యాపారవేత్తగా ఎదిగొచ్చిన సజ్జల రామకృష్ణా రెడ్డి గతం గురించి తెలిసిన ఎవరైనా, ఆయనొక జెంటిల్ మేన్, మంచి మనిషి అనే అంటారు. అయితే, రాజకీయ అరంగేట్రం తర్వాత ఆయనలో చాలా మార్పు వచ్చింది. సరే, అదలా ఉంచి, ప్రస్తుతంలోకి వస్తే, వైసీపీలో నెంబర్ 2 పొజిషన్’లో ఉన్నవిజయ సాయి రెడ్డిని ముఖ్యమత్రి జగన్మోహన్ రెడ్డి పక్కన పెట్టడంతో తెరపైకొచ్చిన సజ్జల, ఇక అక్కడ నుంచి, జగన్ రెడ్డి కళ్ళు, చెవులు, నోరూ  అన్నీ తానే అన్నట్లు వ్యవహరించారు. అన్ని శాఖలకు ఆయనే మంత్రి అన్నట్లుగా వ్యవహారం నడిపించారు. ఆల్ ఇన్ వన్ సలహాదారుగా అవతరం ఎత్తారు.   ఇప్పుడు అదంతా గతం. జగన్ అధికారం కోల్పోయిన తరువాత ఆయనకు మౌత్ పీస్ గా వ్యవహరించిన సజ్జల ఇప్పుడు తననే కాదు తన కుమారుడు పిల్ల సజ్జల అదే సజ్జల భార్గవ రెడ్డిని కాపాడుకోవాల్సిన పరిస్థితుల్లో పడ్డారు. జగన్ అండ చూసుకుని ఇష్టారీతిగా దాడులు, దౌర్జన్యాలు, అక్రమాలు, అవినీతికి పాల్పడ్డ వైసీపీ నేతలపై కేసులు నమోదౌతున్నాయి. అలాగే సజ్జలపైనా కేసు నమోదైంది.   ఈ క్రమంలోనే ఆయన ఏపీ వదిలేసి హైదరాబాద్ కు షిఫ్ట్ అయిపోయారు.  జగన్ అధికారంలో ఉన్నంత కాలం ప్రభుత్వం తరఫున అయినా, పార్టీ తరఫున అయినా మీడియా ముందుకు వచ్చి మాట్లాడింది సజ్జల మాత్రమే. జగన్ కేవలం బటన్ నొక్కుడు సభలకు మాత్రమే పరదాలు కట్టుకుని బయటకు వచ్చి మాట్లాడేవారు.   వైసీపీలో నోరున్న నేతలుగా గుర్తింపు పొందిన కొడాలి నాని,  అంబటి రాంబాబు, రోజా, గుడివాడ అమర్నాథ్  వంటివారు సోషల్  ఎంత రెచ్చిపోయి మాట్లాడటం, బూతులతో చెలరేగి ప్రతిపక్ష నేతలపై అనుచిత వ్యాఖ్యలు చేయడానికే పరిమితం అయ్యారు. సజ్జల మాత్రం ప్రభుత్వ వెర్షన్ కు పర్యాయపదంగా నిలిచారు. ఆయన మాటలకు  వెయిట్ ఉండేది.   వివేకా హత్య కేసైనా, జగన్‌పై గులకరాయి దాడి గురించైనా వైసీపి వెర్షన్ సజ్జల రామకృష్ణా రెడ్డి నోటి నుంచే వచ్చేది.  ఇప్పుడు వైసీపీ ఘోర పరాజయం తరువాత సజ్జల పార్టీకి శల్యసారథ్యం చేశారన్న విమర్శలు ఇంటా బయటా గట్టిగా వినిపిస్తున్నాయి. మొత్తం మీద వైసీపీలో ఎంత వేగంగా ఎదిగారో అంతే వేగంగా పతనమయ్యారు సజ్జల. 

మోడీకి ఏమైంది? విపక్షాలకు భయపడుతున్నారా?

కేంద్ర ప్రభుత్వం ఏకపక్ష నిర్ణయాలు తీసుకోవడానికి వెనుకాడుతోంది. గత పదేళ్లుగా భాగస్వామ్య పక్షాలనే కాదు, విపక్షాలను కూడా లెక్క చేయకుండా వ్యవహరించిన మోడీ తీరులో ఇప్పుడు స్పష్టమైన మార్పు కనిపిస్తోంది.  కేంద్రం విపక్షాల డిమాండ్ల పట్ల స్పందిస్తోంది. కీలక అంశాల విషయంలో విపక్షాల అభిప్రాయాలను పరిగణనలోనికి తీసుకుంటోంది. వారితో మాట్లాడుతోంది. విపక్షాలకు గౌరవం ఇస్తోంది. అవి ఇచ్చిన సలహాలూ సూచనలను వింటోది. చాలా వరకూ పాటిస్తోంది కూడా. విపక్షాల డిమాండ్లను తరచూ వింటున్నారు. అమలు చేస్తున్నారు కూడా.  ముచ్చటగా మూడో సారి అధికార పగ్గాలు చేపట్టిన మోడీ సర్కార్ లో కనిపిస్తున్న మార్పు బీజేపీ నేతలనే కాదు, ప్రతిపక్షాలను కూడా విస్మయపరుస్తోంది.  లేటరల్ ఎంట్రీ  విషయంలో మోడీ సర్కార్  వెనక్కు తగ్గింది. లేటరల్ ఎంట్రీ పేరుతో… కేంద్ర ప్రభుత్వ శాఖల్లో ఉన్నత ఉద్యోగాల భర్తీకి  ఇచ్చిన నోటిఫికేషన్ ను కేంద్రం ఆదేశాల మేరకు యూపీఎస్సీ వెనక్కు తీసుకుంది.  లేటరల్ ఎంట్రీ పేరుతో భర్తీ చేయాలనుకున్న కొలువులు నిపుణులకు సంబంధించినవి కావడం… అలాగే అవి పర్మినెంట్ ఉద్యోగాలు కాకపోవడంతో  రిజర్వేషన్లు ఉండకపోవడం వంటి కీలక అంశాల విషయంలో విపక్షాలు ఆందోళన వ్యక్తం చేశాయి. లేటరల్ ఎంట్రీ పేరుతో ఐఏఎస్ లకు ప్రత్యామ్నాయ వ్యవస్థను తీసుకువచ్చేందుకు మోడీ సర్కార్ కుట్ర పన్నుతోందనీ, ఐఏఎస్ ల స్థానంలో తీసుకునే ఈ ఉద్యోగుల విషయంలో రిజర్వేషన్లకు అవకాశం లేకపోవడాన్ని తప్పుపట్టాయి.  దీంతో మోదీ వెంటనే లేటరల్ ఎంట్రీ కోసం జారీ చేసిన నోటిఫికేషన్ న ఆపేయాలని ఆదేశాలు జారీ చేశారు. వాస్తవానికి లేటరల్ ఎంట్రీ విధానాన్ని గతంలో యూపీఏ సర్కార్ తీసుకు వచ్చింది. అయితే ఇప్పుడు అదే విధానాన్ని కాంగ్రెస్ వ్యతిరేకిస్తోంది.  అయినా కూడా మోడీ ఈ విషయంలో వెనక్కు తగ్గడం పట్ల బీజేపీ వర్గాలలో విస్మయం వ్యక్తం అవుతోంది. అంతే కాకుండా ఇప్పుడు మోడీ రిమోట్ విపక్షాల చేతుల్లోకి వెళ్లిపోయిందా అంటూ సొంత పార్టీ నుంచే విమర్శలు వినవస్తున్నాయి. అలాగే ఇటీవల వక్ఫ్ బోర్డు బిల్లుపై భిన్నాభిప్రాయాలు వస్తే వెంటనే జాయింట్ పార్లమెంటరీ కమిటీకి రిఫర్ చేశారు. ఇది గతంలో మోడీ వ్యవహరించిన తీరుకు పూర్తి భిన్నం. మోడీ 1.0, మోడీ 2.0లో ఎన్నడూ లేని విధంగా  బంగ్లాదేశ్ పరిణామాల నేపథ్యంలో అఖిలపక్ష భేటీ నిర్వహించారు. ఆ సమావేశంలో రాహుల్ గాంధీ   ప్రశ్నలకు విదేశాంగ మంత్రి ఓపిగ్గా బదులిచ్చారు.  ఇటీవలి సార్వత్రిక ఎన్నికల ఫలితాలతో ప్రధాని మోడీకి తత్వం బోధపడినట్లు ఉందని  సామాజిక మాధ్యమలో పెద్ద ఎత్తున చర్చ జరుగుతోంది. సొంతంగా ప్రభుత్వాన్ని నడిపే బలం లేకపోయినా మోడీ విపక్షాల మాటకు ఈ స్థాయిలో ప్రాధాన్యత ఇస్తారని తాము ఊహించలేదని బీజేపీ నాయకులే అంటున్నారు. భాగస్వామ్య పక్షాల మద్దతుతో ప్రభుత్వాన్ని సజావుగా నడిపేసే అవకాశం ఉందనీ, ప్రభుత్వం పతనమౌతుందన్న భయంతో విపక్షాల డిమాండ్లకు తానా తందానా అన్నట్లుగా వ్యవహరించడం తప్పుడు సంకేతాలను పంపుతోందని బీజేపీ వర్గాలలోనే చర్చ జరుగుతోంది. అయితే పరిశీలకులు మాత్రం మోడీలో వచ్చిన ఈ మార్పు ప్రజాస్వామ్యానికి మంచిదేనని విశ్లేషిస్తున్నాయి. 

వచ్చే ఏడాది జనవరి నుంచి జన్మభూమి - 2!

గ్రామాలలో మౌలిక సదుపాయాల కల్పన, అభివృద్ధే లక్ష్యంగా జన్మభూమి 2 కార్యక్రమాన్ని వచ్చే ఏడాదిలోనే ప్రారంభించాలని ముఖ్యమంత్రి చంద్రబాబు నిర్ణయించారు. ఈ మేరకు కార్యాచరణ సిద్దం చేస్తున్నారు. పంచాయతీరాజ్, గ్రామీణాభివృద్ధి శాఖల  బలోపేతానికి నిధులు విడుదల చేశారు. జగన్ హయాంలో అభివృద్ధి ఆనవాళ్లే లేకుండా పోయాయి. గ్రామాల అభివృద్ధి కోసం వెచ్చించాల్సిన నిధులను పక్కదారి పట్టించారు. దీంతో గ్రామాలలో పారిశుద్ధ్యం నుంచి రోడ్ల వరకూ అన్నీ అధ్వానంగా మారిపోయాయి. దీంతో గ్రామాలకు మళ్లీ పునర్వేభవం తీసుకురావడం లక్ష్యంగా ఆంధ్రప్రదేశ్ లో జన్మభూమి 2 కార్యక్రమం వచ్చే ఏడాది జనవరి నుంచి ప్రారంభం కానుంది. ఈ మేరకు ముఖ్యమంత్రి చంద్రబాబు అధికారులతో సమీక్షలో వెల్లడించారు. పంచాయతీరాజ్ గ్రామీణాభివృద్ధి శాఖపై సచివాలయంలో ముఖ్యమంత్రి సమీక్ష నిర్వహించారు. ఉప ముఖ్యమంత్రి పవన్ కల్యాణ్ ఈ సమీక్షలో పాల్గొన్నారు. అలాగే ఆ శాఖ ఉన్నతాధికారులు కూడా పాల్గొన్నారు. ఈ సందర్భంగా చంద్రబాబు గ్రామీణ ప్రాంతాల అభివృద్ధే లక్ష్యంగా  పంచాయతీరాజ్ శాఖను బలోపేతం చేస్తామని చెప్పారు.  2014-19 మధ్య చేపట్టిన వివిధ కార్యక్రమాల ద్వారా గ్రామాల రూపు రేఖలు మార్చేందుకు ప్రయత్నిస్తే,  గత వైసీపీ ప్రభుత్వం వ్యవస్థలను నిర్వీర్యం చేసి గ్రామాలను సమస్యలకు కేంద్రాలుగా మార్చేసిందన్న చంద్రబాబు, మళ్లీ గ్రామాల్లో వెలుగు తెచ్చేందుకు, మౌలిక వసతులు కల్పించేందుకు పంచాయతీ రాజ్ శాఖకు జవసత్వాలు అందిస్తామన్నారు. అలాగే వచ్చే ఏడాది జనవరి నుంచి జన్మభూమి-2 మొదలు అవుతందనీ, ఆ కార్యక్రమం ద్వారా  ప్రతీ ఇల్లు, ప్రతి గ్రామంలో  ఎలాంటి మౌలిక సదుపాయాలు అవసరమో గుర్తించి అందుకు తగిన విధంగా  కార్యాచరణ చేపడతామన్నారు. విద్యుత్, గ్యాస్, మరుగుదొడ్ల,  కుళాయి లాంటి వాటిని అందిం చేందుకు ప్రణాళికా బద్దంగా పనిచేయాలన్నారు. అలాగే  గ్రామానికి అవ‌స‌ర‌మైన వీధి లైట్లు, డ్రైనేజీ కాలువ‌లు, సిమెంటు రోడ్లు, తాగునీటి సరఫరా, సాలిడ్ వేస్ట్ మేనేజ్ మెంట్ సెంటర్లు  వంటి సౌకర్యాలు కల్పించాలన్నారు. గ్రామం నుంచి సమీప ప్రాంతాల‌ అనుసంధానం కోసం రోడ్లు, మార్కెటింగ్ ప్రాంతాలను గుర్తించాలన్నారు. వీటిని కూడా కనీస అవసరాలుగా గుర్తించి అందించేందుకు పంచాయతీ రాజ్ శాఖ సమగ్రమైన ప్రణాళికతో పనిచేయాలని చంద్రబాబు అధికారులకు దిశానిర్దేశం చేశారు.   వచ్చే ఐదేళ్లలో  రాష్ట్రంలో 17వేల500 కిలోమీటర్ల మేర సీసీ రోడ్ల నిర్మాణం చేయనున్నట్టు సీఎం చంద్రబాబు ఈ సందర్భంగా పేర్కొన్నారు.  అలాగే 10 వేల కిలోమీటర్ల సీసీ డ్రైనేజీ కాల‌ువ‌ల‌ నిర్మాణం జరగాలన్నారు. వైసీపీ హయాంలో గ్రామాల్లో ఖర్చు చేయాల్సిన నిధులు దారి మళ్లాయన్నారు. దీని వల్ల కనీస స్థాయిలో కూడా మౌలిక‌ సదుపాయాల కల్పన జరగలేదన్నారు.  ప్రస్తుతం పంచాయతీ రాజ్ శాఖకు రావాల్సిన 990 కోట్లను ఆర్థిక శాఖనుంచి విడుదల చేస్తున్నట్లు చెప్పారు.   ఇంటింటికీ కుళాయి ద్వారా మంచినీళ్లు అందించేందుకు కేంద్రం తీసుకొచ్చిన జల్‌జీవన్‌ మిషన్‌ పథకాన్ని గత ప్రభుత్వం ఉపయోగించుకోకుండా నిర్లక్ష్యంగా వ్యవహరించిందన్నారు. జల్‌జీవన్‌ మిషన్ కోసం రాష్ట్ర వాటా కింద ఆర్థిక శాఖ నుంచి 500 కోట్లు వెంటనే విడుదల చేస్తామన్నారు.  గత ప్రభుత్వ తీరువల్ల మూలనపడ్డ సాలిడ్ వేస్ట్ మేనేజ్మెంట్ కేంద్రాలను మళ్లీ ప్రారంభించాలని సీఎంఆదేశించారు. నరేగా పనులపై చర్చించడానికి రాష్ట్ర వ్యాప్తంగా శుక్రవారం (ఆగస్టు 23)  గ్రామ సభలు నిర్వహిస్తున్నట్లు ఉప ముఖ్యమంత్రి పవన్ కల్యాణ్ చెప్పారు.  అక్టోబర్‌ 2  నుంచి చెత్త నుంచి సంపద సృష్టి కేంద్రాల‌న్నిటినీ తిరిగి ప్రారంభించేందుకు చర్యలు తీసుకుంటున్నట్లు స్పష్టం చేశారు.

ఫామ్ హౌస్ కే కేసీఆర్ పరిమితం.. ఆహంకారమా? .. కుంగుబాటా?

గత ఏడాది జరిగిన అసెంబ్లీ ఎన్నికలలో పరాజయం బీఆర్ఎస్ కు మరీ ముఖ్యంగా ఆ పార్టీ అధినేతకు భారీ షాక్ అనే చెప్పాలి. తెలంగాణలో తన మాటకు తిరుగులేదు అన్న రీతిలో పదేళ్ల పాటు రాష్ట్రాన్ని తన నోటి మాటతో, కను సైగతో శాశించిన కేసీఆర్ ఆ ఓటమి తరువాత సైలెంటైపోయారు. ఒక వేళ అయనా మాట్లాడినా పట్టించుకునే వారూ, లెక్క చేసే వారూ లేకుండా పోయారు. పార్టీ ఎమ్మెల్యేలను గంటల తరబడి  ప్రగతి భవన్ (ఇప్పుడు ప్రజాభవన్) గేట్ల మందు పడిగాపులు పడేలా చేసిన కేసీఆర్ కు ఇప్పుడు పిలిచినా సొంత పార్టీ ఎమ్మెల్యేలే కాదు ద్వితీయ శ్రేణి నేతలూ అందుబాటులోకి రాని పరిస్థితి ఎదురైంది.  తెలంగాణ ఆవిర్భావం తరువాత వరుసగా రెండు అసెంబ్లీ ఎన్నికలలో విజయం సాధించి ముఖ్యమంత్రిగా అధికార పగ్గాలు అందుకున్న కేసీఆర్ తనను తాను సర్వశక్తిమంతుడిగా ఊహించుకున్నారు. మరీ ముఖ్యంగా రాష్ట్రంలో తెలుగుదేశం, కాంగ్రెస్ పార్టీలను నిర్వీర్యం చేసేయడంతో రాష్ట్రంలో ఇక తనకు తిరుగేలేదన్న భావనకు వచ్చారు.  గత ఏడాది జరిగిన అసెంబ్లీ ఎన్నికలలో ఓటమి కేసీఆర్ కు, బీఆర్ఎస్ కు దిమ్మదిరిగేలా చేసింది. ఎందుకంటే.. రాష్ట్రంలో తమకు బీజేపీ నుంచి మాత్రమే నామమాత్రపు పోటీ ఉంటుందని, రాష్ట్రంలో తెలుగుదేశం, కాంగ్రెస్ లకు అసలు చోటే లేదని కేసీఆర్ భావించారు. కాంగ్రెస్ పట్ల, ఆ పార్టీ నేతల పట్ల చాలా చులకన భావన వ్యక్తం చేశారు. అటువంటి కాంగ్రెస్ రాష్ట్రంలో అధికారంలోకి రావడం, ఆ తరువాత జరిగిన లోక్ సభ ఎన్నికలలో బీఆర్ఎస్ కు కనీసం ఒక్కటంటే ఒక్క స్థానం కూడా దక్కకపోవడంతో కేసీఆర్ డీలా పడిపోయారు. దీనికి తోడు తాను తానా అంటే తందానా అనే పలువురు ఎమ్మెల్యేలు పార్టీకి గుడ్ బై చెప్పి కాంగ్రెస్ పంచన చేరారు. ఇంకా పలువురు అదే బాట పట్టే అవకాశాలున్నాయనీ, బీఆర్ఎస్ ఇప్పుడో అప్పుడో బీజేపీలో వినీలమైపోతుందన్న చర్చ కూడా తెలంగాణలో జోరుగా సాగుతోంది.   ఈ పరిస్థితుల్లో బీఆర్ఎస్ కేడర్ లో ధైర్యం, స్థైర్యం నింపాల్సిన కేసీఆర్ పూర్తిగా ఫామ్ హౌస్ కే పరిమి తమైపోయారు. కేవలం ఒక్కటంటే ఒక్క రోజు మినహాయిస్తే ఆయన అసెంబ్లీకి కూడా గైర్హాజరయ్యారు.  పార్టీ పరాజయం తరువాత ఈ తొమ్మిది నెలల కాలంలో ఓ మూడు నాలుగు సార్లు మినహా ఆయన బహిరంగంగా కనిపించింది లేదు. ఇక్కడే పరిశీలకులలోనూ, పార్టీ నేతలు, శ్రేణులలోనూ కేసీఆర్ ది అహంకారమా, కుంగుబాటా అన్న అనుమానాలు వ్యక్తం ఔతున్నాయి. కేసీఆర్ సహజంగా దూకుడుగా వ్యవహరించే రాజకీయ వేత్త. కానీ అసెంబ్లీ ఎన్నికలలో పార్టీ ఓటమి పాలై తాను ప్రతిపక్ష నేత పాత్రకు పరిమితమైన తరువాత ఆయన చాలా వరకూ ఫామ్ హౌస్ కే పరిమితమైపోయారు.   అసెంబ్లీ ఎన్నికలలో పార్టీ పరాజయం తరువాత ఆయన బయటకు వచ్చి సభలలో మాట్లాడిన దాఖలాలు లేవు. కేవలం పార్లమెంటు ఎన్నికల ప్రచారం సందర్భంగా మాత్రమే ఆయన ప్రజా సమూహంలోకి వచ్చి గళం వినిపించారు. పార్లమెంటు ఎన్నికలలో బీఆర్ఎస్ జీరో పెర్ఫార్మెన్స్ తరువాత ఆయన మరీ నల్లపూసై పోయారు. తెలంగాణ పితగా తాను రాష్ట్రాన్ని శాశ్వతంగా పాలిస్తానని భావించేవారు. విపక్ష నేతలెవరూ తన కాలిగోటికి కూడా సరితూగరని భావించేవారు. మరీ ముఖ్యంగా రేవంత్ రెడ్డిని ఆయన చాలా చులకనగా చూసేవారు. ముఖ్యమంత్రిగా తాను అధికారంలో ఉన్నంత కాలం కేసీఆర్ రేవంత్ రెడ్డి పేరు ఉచ్ఛరించడానికి కూడా ఇష్టపడలేదు. అయితే ఇప్పుడు రేవంత్ రెడ్డి రాష్ట్ర ముఖ్యమత్రి. కేసీఆర్ అహంకారపు కోట గోడల్ని బద్దలు కొట్టిన నాయకుడు.  ఇప్పుడు కేసీఆర్ మౌనానికీ, ప్రజా జీవితానికి దూరంగా ఉండడానికీ అదే కారణమని పరిశీలకులు విశ్లేషిస్తున్నారు.  కారణమేదైతేనేం కేసీఆర్ క్రియాశీలంగా లేకపోవడం బీఆర్ఎస్ ను మరింత బలహీన పరుస్తోంది. కేటీఆర్, హరీష్రావు ఎంత ప్రయత్నించినా కేసీఆర్ క్రియాశీలంగా లేని లోటును పూడ్చ లేకపో తున్నారు.  బీఆర్ఎస్ అధికారంలో ఉన్నంత కాలం పార్టీ కార్యనిర్వాహక అధ్యక్షుడిగా, డిఫాక్టో సీఎంగా అత్యంత ప్రభావమంతంగా, శక్తిమంతంగా కనిపించిన కేటీఆర్ ఇప్పుడు తేలిపోతున్నారు. హరీష్ రావు పరిస్థితి కూడా దాదాపు అంతే. బీఆర్ఎస్ అధికారంలో ఉండగా ట్రబుల్ షూటర్ గా చక్రం తిప్పిన ఆయన ఇప్పుడు స్వయంగా ఇబ్బం దుల్లో కూరుకు పోతున్నారు.  ఈ పరిస్థితుల్లో బీఆర్ఎస్ ఏ మాత్రంగానైనా నిలదొక్కుకోవాలన్నా, ప్రజా క్షేత్రంలో బలోపేతం కావాలన్న కేసీఆర్ తన మౌనం వీడి జనంలోకి రావాలి. అయితే కేసీఆర్ ఫామ్ హౌస్ వదిలి బయటకు వచ్చే పరిస్థితులు కనిపించడం లేదు. ఆయన ప్రజా జీవితంలో క్రియాశీలంగా వ్యవహరించకపోవడానికి కారణం ఏమిటన్నదానిపై విస్తృతంగా చర్చ జరుగుతోంది. పరిశీలకులు అయితే  కేసీఆర్ మౌనానికి, ముఖం చాటేయడానికి  కారణం అయితే అహంకార లేకుంటే కుంగుబాటు అని విశ్లేషిస్తున్నారు.   

తెలంగాణలో స్పోర్ట్స్ యూనివర్సిటీ!

తెలంగాణలో స్పోర్ట్స్ యూనివర్సిటీని ఏర్పాటు చేయాలని రాష్ట్ర ప్రభుత్వం నిర్ణయించింది. గచ్చిబౌలీ లేదా హైదరాబాద్ శివార్లలో వున్న హకీంపేటలో స్పోర్ట్స్ యూనివర్సిటీ ఏర్పాటుకు ప్రతిపాదించారు. స్పోర్ట్స్, మెడిసిన్, స్పోర్ట్స్ సైన్స్ సహా పన్నెండుకు పైగా కోర్సులు ఆ యూనివర్సిటీలో ప్రవేశపెట్టాలని తెలంగాణ ప్రభుత్వం భావిస్తోంది. ఇటీవల దక్షిణ కొరియాలోని సియోల్‌లో కొరియన్ నేషనల్ స్పోర్ట్స్ యూనివర్సిటీని (కేఎస్ఎన్‌యూ) సీఎం రేవంత్ రెడ్డి సందర్శించారు. తెలంగాణ రాష్ట్రంలో స్పోర్ట్స్ యూనివర్సిటీలో భాగస్వా్మ్యానికి కొరియన్ నేషనల్ స్పోర్ట్స్ యూనివర్సిటీ ప్రాథమికంగా అంగీకరించినట్టు ముఖ్యమంత్రి రేవంత్ రెడ్డి తెలిపారు. 2028లో జరిగే లాస్ ఏంజిల్స్ ఒలింపిక్స్.లో తెలంగాణ స్పోర్ట్స్ యూనివర్సిటీ క్రీడాకారులు సత్తా చాటే విధంగా క్రీడా సదుపాయాల కల్పనలో సహకరించాలని పారిశ్రామికవేత్త ఆనంద్ మహీంద్రను రేవంత్ రెడ్డి కోరారు.

విజయవాడ విమానాశ్రయానికి ఎన్టీఆర్, రామోజీ పేరు! 

విజయవాడ విమానాశ్రయానికి ఎన్టీఆర్, రామోజీ అంతర్జాతీయ విమానాశ్రయంగా పేరు మార్చాలని ఎడిటర్స్ గిల్డ్ ఆఫ్ సౌత్ ఇండియా ముఖ్యమంత్రి చంద్రబాబు నాయుడుకు విజ్ఞప్తి చేసింది. కృష్ణా జిల్లాకు చెందిన ఎన్టీఆర్, రామోజీరావులు వారి పరంగా అందించిన సేవలకు గుర్తింపుగా వారి పేర్లు పెట్టాల్సిన ఆవశ్యకతను చంద్రబాబుకు గిల్డ్ వివరించింది. ఇదే విజ్ఞప్తిని పౌర విమానయాన శాఖ కేంద్ర మంత్రి కింజరాపు రామ్మోహన్ నాయుడుకు కూడా ఎడిటర్స్ గిల్డ్ ఆఫ్ సౌత్ ఇండియా అందజేసింది.

ఏలూరు వైసీపీ ఆఫీసు కూల్చేసింది ఎందుకంటే...

ఏలూరులో గత ఏడాది కాలంగా వున్న వైసీపీ కార్యాలయాన్ని శుక్రవారం (ఆగస్టు 16) నాడు కూల్చేశారు. దీని వెనుక రాజకీయ కారణాలు వున్నాయని కొంతమంది అనుకున్నారు. కానీ, అలాంటివేమీ లేవని వైసీపీ నుంచి తాజాగా బయటకి వచ్చిన ఆళ్ళ నాని స్పష్టం చేస్తున్నారు. శనివారం విలేకరుల సమావేశం ఏర్పాటు చేసిన ఆయన, వైసీపీ కార్యాలయం కూల్చివేత వెనుక వున్న అసలు విషయాన్ని స్పష్టంగా చెప్పారు. మీడియా సమావేశంలో ఆళ్ళనాని ఏం చెప్పారంటే... ‘‘వైసిపి ప్రాథమిక సభ్యత్వానికి కూడా నేను రాజీనామా చేస్తున్నాను. ఇకపై వ్యక్తిగతంగా అందరికీ అందుబాటులో ఉంటాను. ఏలూరులో పార్టీ ఆఫీస్ కూల్చివేతపై వినిపిస్తున్న ఆరోపణలు అపోహ మాత్రమే.  గత ఏడాదిగా పార్టీ కార్యాలయం ఉన్న స్థలాన్ని యజమానికి తిరిగి ఇవ్వాలని కోరిన విషయం పార్టీ రీజినల్ కో - ఆర్డినేటర్  మిథున్ రెడ్డికి కూడా తెలుసు. ఆగస్టు 1వ తేదిన పార్టీ కార్యాలయ స్థలాన్ని యజమానికి హ్యాండోవర్ చేయటం జరిగింది. ఆగస్టు 15  కార్యక్రమం అనంతరం స్థల యజమాని స్థలాన్ని పూర్తి స్థాయిలో హ్యాండోవర్ చేసుకున్నారు. ఇందులో ఎలాంటి ఆరోపణలకి తావు లేదు. పార్టీ కార్యాలయ స్థలాన్ని ఎవరైతే లీజుకు ఇచ్చారో  అతను అమెరికాలో ఉంటారు. అతని పేరు రవిచంద్ర నా మిత్రుడు. రాజకీయ పార్టీకి కార్యాలయం అంటే ఎవరూ ముందుకు రారు. కానీ, నా అభ్యర్థన మేరకు 2 సంవత్సరాల లీజు కోసం 2017లో ఆ స్థలం తీసుకున్నాము. ఆ తర్వాత దాంట్లోనే తాత్కాలిక నిర్మాణాలు చేపట్టాము. కానీ గత ఏడాదిగా ఆ స్థలం తిరిగి ఇవ్వాలని, దాన్ని డెవలప్మెంట్‌కి ఇచ్చుకుంటాం అని స్థల యజమాని కొరటం జరిగింది. ఆ విషయం గత ఏడాది రీజినల్ కో - ఆర్డినేటర్ మిథున్ రెడ్డికి చెప్పటం జరిగింది. ఆయన ఎన్నికలకు 3 నెలల ముందే స్థలం యజమానికి ఇచ్చేయాలని చెప్పటం జరిగింది. కానీ ఎన్నికల వేళ కార్యాలయం తీసేస్తే మంచి విధానం కాదు అని సమయం తీసుకోవటం జరిగింది.  15 రోజుల క్రితమే స్థలాన్ని యజమానికి హ్యాండోవర్ చేయాలని పార్టీ నాయకులు నిర్ణయించటం జరిగింది.  ఆగస్టు 1వ తేదీన స్థలాన్ని హ్యాండోవర్ చేసాము. ఆగస్టు 15 కార్యక్రమం నిర్వహణ కోసం స్థల యజమాని అనుమతి తీసుకుని కార్యక్రమాన్ని నిర్వహించాం.  అనంతరం ఆగస్టు 16 వ తేదిన స్థలాన్ని స్థల యజమాని పూర్తి స్థాయిలో హ్యాండోవర్ చేసుకున్నారు. అందులో వున్న నిర్మాణాలను కూల్చేశారు. ఇందులో ఎలాంటి రాజకీయ దురుద్దేశం లేదు... ప్రజలు నాయకులు గమనించాలి అని కోరుతున్నాను.. అలాగే కొద్ది రోజుల క్రితం నేను ఏలూరు జిల్లా వైసీపీ అధ్యక్ష పదవికి, ఏలూరు ఇన్‌ఛార్జ్ పదవికి రాజీనామా చేశాను.  అప్పుడు నేను పార్టీకి రాజీనామా చేయలేదు.  ఇప్పుడు నా వ్యక్తిగత కారణాల వల్ల పార్టీ సభ్యత్వానికి కూడా రాజీనామా చేస్తున్నాను..  గెలుపు ఓటములకి అతీతంగా ఏలూరు ప్రజలకు ఎప్పటికీ రుణపడి ఉంటాను’’.

60 రోజుల్లో 6 సార్లు బెంగళూరుకు జగన్!

ఆంధ్రప్రదేశ్ మాజీ ముఖ్యమంత్రి, పులివెందుల ఎమ్మెల్యే, వైసీపీ అధినేత వైఎస్ జగన్మోహన్ రెడ్డి తాడేపల్లి, బెంగళూరుల మధ్య షటిల్ సర్వీస్ చేస్తున్నారు. అధికారం కోల్పోయిన 60 రోజుల వ్యవధిలో కనీసం అరడజను సార్లు ఆయన బెంగళూరు వెళ్లారు. ఆయన తరచుగా బెంగళూరు వెళ్లడంపై రాజకీయవర్గాలలో పెద్ద ఎత్తున చర్చ జరుగుతోంది. అదే సమయంలో జగన్ ఆంధ్రప్రదేశ్ లో స్థిరంగా ఉండకపోవడం వైసీపీ శ్రేణుల స్థైర్యం, జగన్ పై నమ్మకం కోల్పోయేలా చేస్తున్నది.  ఇప్పటికే పార్టీ ఓటమి తరువాత వైసీపీలో ఫైర్ బ్రాండ్ లుగా గుర్తింపు పొందిన నేతలంతా సైలెంట్ అయిపోయారు. వీలైనంతగా పార్టీకీ, పార్టీ అధినేతకూ దూరం జరిగారు. వైసీపీ అధికారంలో ఉన్న కాలంలో జగన్ కు కళ్లు, చెవులు, నోరుగా వ్యవహరించిన సకల శాఖల మంత్రిగా పెత్తనం చెలాయించిన సజ్జల మీడియా కంట పడకుండా తప్పించుకు తిరుగుతున్నారు. అలాగే పార్టీ సోషల్ మీడియా వింగ్ బాధ్యతలు నిర్వహించిన ఆయన పుత్ర రత్నం పిల్ల సజ్జల పోలింగ్ అయిన మరునాటి నుంచే అయిపు లేకుండా పోయారు. ఇక విపక్షాలపై విమర్శలంటూ బూతులే అన్నట్లుగా వ్యవహరించి గుడివాడ మాజీ ఎమ్మెల్యే, మాజీ మంత్రి కొడాలి నాలి ఇంచుమించు అజ్ణాతంలోకి వెళ్లిపోయారు. ఇక గన్నవరం మాజీ ఎమ్మెల్యే అయితే బయటకనిపిస్తే అరెస్టే అన్న భయంతో ఎవరికీ అందుబాటులో లేకుండా పోయారు. మరో ఫైర్ బ్రాండ్ రోజా రాష్ట్రం దాటేశారని ఆ పార్టీ వర్గాలే అంటున్నాయి. ఇప్పుడు ఇక వైసీపీ తరఫున మాట్లాడేందుకు పేర్ని నాని, అంబటి వంటి వారు తప్ప మరెవరూ కనిపించడం లేదు. చాలా మంది సీనియర్లు ఇప్పటికే పార్టీ వీడి వెళ్లిపోయారు. మరి కొందరు రాజకీయాలకే స్వస్తి పలికారు. ఈ పరిస్థితుల్లో జగన్ రాజకీయంగా ఒంటరి అన్న భావనతో తాడేపల్లిలో స్థిమితంగా గడప లేకపోతున్నారనీ, అందుకే సందు దొరికినా, దొరకకపోయినా బెంగళూరు చెక్కేస్తున్నారని అంటున్నారు. దీనికి తోడు జగన్ హయాంలో అవకతవకలు, అక్రమాలు, అన్యాయాలు, దౌర్జన్యాలపై దర్యాప్తు సాగుతోంది. ప్రాథమికంగా కొందరు నేతలు, అధికారుల పేర్లే బయటకు వస్తున్నప్పటికీ ముందు ముందు జగన్ కూడా విచారణ ఎదుర్కొనవలసి వస్తుందనీ, ఆ భయంతోనే సాధ్యమైనంత వరకూ రాష్ట్రం బయటే గడిపేయాలని జగన్ భావిస్తున్నారనీ పరిశీలకులు అంటున్నారు.