టాలీవుడ్‌లో ఆ క్వాలిటీస్‌ ఉన్న ఏకైక హీరో ఎన్టీఆర్‌!
ప్రస్తుతం టాలీవుడ్‌లో ఉన్న హీరోల్లో నవరసాలూ పలికించగల హీరో ఎవరైనా ఉన్నారా అంటే ఠక్కున చెప్పే పేరు ఎన్టీఆర్‌. రౌద్రం, వీరం, బీభత్సం, శాంతం, కరుణ, హాస్యం.. ఇలా నవరసాలను తన నటనలో ఎంతో ఈజీగా చూపించగల నటుడు ఎన్టీఆర్‌. ఏ షాట్‌ అయినా డైరెక్టర్‌కి కావాల్సిన విధంగా సింగిల్‌ టేక్‌లో చేసి ఓకే చెప్పించుకునే హీరో ఎన్టీఆర్‌. ‘నిన్ను చూడాలని’ చిత్రం నుంచి ‘ఆర్‌ఆర్‌ఆర్‌’ వరకు ఎన్నో వైవిధ్యమైన పాత్రలు, మాస్‌ యాక్షన్‌తో కూడిన సినిమాలు చేసిన ఎన్టీఆర్‌ ప్రస్తుతం కొరటాల శివ కాంబినేషన్‌లో ‘దేవర’ చిత్రం చేస్తున్నారు.