ఉరుమి లోగో లాంచ్ జరిగింది. వివరాల్లోకి వెళితే ప్రముఖ సినిమాటోగ్రాఫర్ కమ్ డైరెక్టర్ సంతోష్ శివన్ దర్శకత్వంలో, ప్రభుదేవా, ఆర్య, పృథ్విరాజ్, జగత్ శ్రీ కుమార్, టబు, విద్యాబాలన్, జెనీలియా, నిత్యమీనన్ ప్రథాన తారాగణంగా, మళయాళంలో నిర్మించగా, సూపర్ హిట్టయిన "ఉరుమి" చిత్రాన్ని తెలుగులోకి యస్.వి.ఆర్.మీడియా పతాకంపై, శ్రీమతి శోభారాణి అనువదిస్తున్నారు. జూలై 20 వ తేదీ ఉదయం ఈ "ఉరుమి" చిత్రం లోగో లాంచింగ్ ప్రముఖ యువ దర్శకులు వి.వి.వినాయక్ చేతుల మీదుగా, ప్రసాద్ ల్యాబ్ లో జరిగింది.

అనంతరం ఈ చిత్రాన్ని తెలుగులోకి అనువదిస్తున్న శ్రీమతి శోభారాణి ప్రసంగిస్తూ"ఉరుమి" తెలుగు అనువాద హక్కులు తనకు రావటానికి కారణం తెలుగు మీడియానే. ఈ విషయంలో హీరో ఆర్య మాకు చాలా సహాయం చేశారు. ఆర్య అక్కడి నిర్మాతతో తెలుగు మీడియా అంతా మేడమ్ కి అండగా ఉంటారండీ..ఆమెకిస్తే మన సినిమాకు పబ్లిసిటీ చాలా బాగుంటుందని ఆర్య చెప్పబట్టే ఈ చిత్రం మాకు లభించింది. ఈ చిత్ర దర్శకుడు సంతోష్ శివన్ ఎంత పెద్ద టెక్నీషియనో అందరికీ తెలిసిందే. ఆయన ఈ పీరియాడికల్ చిత్రాన్ని ఒక దృష్య కావ్యంలా మలచారు" అని అన్నారు. ఈలోగో లాంచింగ్ ఫంక్షన్ లో దర్శకుడు భీమినేని శ్రీనివాసరావు, నిర్మాతలు బెల్లంకొండ సురేష్, రమేష్ పుప్పాల, అలంకార్ ప్రసాద్ తదితరులు పాల్గొన్నారు.