మహేష్ బాబు "దూకుడు" ఆడియో ఆగస్ట్ లో విడుదల కాబోతూందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, అందాల సమంత హీరోయిన్ గా, డైనమిక్ యంగ్ డైరెక్టర్ శ్రీను వైట్ల దర్శకత్వంలో, రామ్ ఆచంట, గోపీచంద్ ఆచంట, అనీల్ సుంకర నిర్మిస్తున్న యాక్షన్ ఎంటర్ టైనర్ చిత్రం మహేష్ బాబు "దూకుడు". ఈ చిత్రం నిజానికి "మే" నెలలోనే విడుదల కావలసింది. కానీ ఫెడరేషన్ సమ్మె, తర్వాత జరిగిన బంద్ ల వల్ల ఈ చిత్రం విడుదల అనివార్యంగా ఆలస్యం అయ్యింది.

తొలి స్కెడ్యూల్ టర్కీలోని చారిత్రాత్మక నగరం ఇస్తాంబుల్ లో జరుపుకున్న మహేష్ బాబు "దూకుడు" ప్రస్తుతం హైదరాబాద్ లోనే షూటింగ్ జరుపుకుంటోంది. ఈమహేష్ బాబు "దూకుడు" చిత్రం ఆడియోని ఆగస్ట్ తొలి వారంలో విడుదల చేయటానికి ఈ చిత్ర నిర్మాతలు సన్నాహాలు చేయనున్నారు. అలాగే ఈ మహేష్ బాబు "దూకుడు" చిత్రాన్ని ఆగస్ట్ చివరి వారంలో విడుదల చేసేందుకు కూడా వారు సన్నాహాలు చేస్తున్నారు.