గానగంధర్వుడుగా పేరుగాంచిన డాక్టర్ శ్రీపతి పండితారాథ్యుల బాలసుబ్రహ్మణ్యం త్వరలో దర్శకత్వం వహించబోతున్నారట. బాలు గురించి అందరికీ తెలిసిందే. బాలు గాయకుడు, నటుడు, డబ్బింగ్ ఆర్టిస్ట్, నిర్మాతగా అందరికీ సుపరిచితుడే. అలాంటి బాలు తాను దర్శకత్వం చేపడతాను అంటే ఆ సినిమా ఎలా ఉంటుందనే ఆసక్తి కలగటం సహజం. బహుశా అది సంగీత ప్రథాన చిత్రం కావచ్చు. లేదా ఒక అందమైన ప్రేమ కథ కావచ్చు...లేక మరేదైనా కావచ్చు.

తన ఇన్నేళ్ళ సినీ జీవితానుభవాన్ని రంగరించి బాలు దర్శకత్వంలో వచ్చే సినిమా ఉంటుందన్నది మాత్రం నిజం. ఇంకో విఢయం ఏమిటంటే అందులో కచ్చితంగా అసభ్యత, అశ్లీలత ఉండవు. ఆ చిత్రాన్ని సకుటుంబసమేతంగా చూడగలిగేలా బాలు తీర్చిదిద్దుతారని మనం నమ్మవచ్చు. 2012 లో బాలు దర్శకత్వంలోని సినిమా మనం చూడవచ్చు.