అమ్మాయిల టాయిలెట్లో కెమెరా..
మంగుళూరు విశ్వవిద్యాలయంలోని లేడిస్ హాస్టల్లో సీక్రెట్ కెమెరా కలకలం సృష్టించింది. హాస్టల్లోని బయోలజీ, బయో సైన్సెస్ విద్యార్థులు ఉపయోగించే టాయిలెట్లో నీలం రంగు సంచిని కొందరు విద్యార్ధినులు గుర్తించారు. దానిలో సీక్రెట్ కెమెరా అమర్చి ఉండటాన్ని చూసి షాక్కు గురయ్యారు. విషయాన్ని పోలీసులకు తెలియజేయడంతో రంగంలోకి దిగిన పోలీసులు సీక్రెట్ కెమెరా ద్వారా అమ్మాయిల నగ్నదృశ్యాలను వేరే వాళ్లకి పంపిస్తున్నట్టు గుర్తించారు. దీనికి సంబంధించి పలువురు విద్యార్థులు, అధ్యాపకులను పోలీసులు విచారించారు. మరింత సమాచారం కోసం ఆ వీడియోలను, ఫోటోలను బెంగళూరు సైబర్ క్రైమ్ శాఖకు పంపించారు.