'పార్టీ చేద్దాం పుష్ప' ప్రోమో నెక్స్ట్ లెవెల్లో ఆడియన్స్ ని ఆకట్టుకుంటోంది. ఫుల్ షో ఇంకా పడకముందే ప్రోమోనే హండ్రెడ్ డేస్ ఆడించేలా డిజైన్ చేశారు నిర్వాహకులు. ఇక ఇందులో అంతా కమెడియన్స్, డ్యాన్సర్లు వచ్చి చేసిన హంగామా చూస్తుంటే ఈ షో వ‌చ్చేది ఎప్పుడా అంటూ ఆడియన్స్ చాలా ఆసక్తిగా ఎదురు చూస్తున్నారు. ఈ షో స్టార్టింగ్ లో "పార్టీ అంటే ఏ గోవాకో బ్యాంకాక్ కో వెళ్ళాలి" అంటూ అప్పారావు మంచి జోష్ మీద చెప్తూ ఉంటాడు.

"గోవా వెళ్లాలన్నా, బ్యాంకాక్ వెళ్లాలన్నా మనకు ఒక గైడ్ కావాలి" అంటాడు ధనరాజ్ . అలా అనేసరికి "మీరు మాత్రం అతనికి అడ్డు నిలబడకండి సార్" అంటూ ఒక బ్యాగ్రౌండ్‌ వాయిస్ వినిపిస్తుంది. ఇక వెంటనే "తుఫాన్ తుఫాన్" అనే సాంగ్ ప్లే అవుతుంటే బ్లాక్ కలర్ డ్రెస్ లో బుల్లి తెర హీరో సుధీర్ ఎంట్రీ ఇస్తాడు.

తర్వాత సుధీర్ దగ్గరకు ధనరాజ్ వచ్చి 'మీకో ట్రావెల్ ఏజెన్సీ ఉందని చెప్పారు' అంటాడు. 'ఆ ఉందండి 'అంటాడు సుధీర్. 'ఆ ఏజెన్సీ పేరేమిటి?' అని అడుగుతాడు ధనరాజ్. "ఊ కానీ" అనేది త‌మ‌ ట్రావెల్ ఏజెన్సీ పేరు అని చెప్తాడు. అర్థం కానట్టు చూస్తాడు ధనరాజ్. "అసలా పేరు ఎందుకు పెట్టావయ్యా?" అని సుధీర్ ని ప్రశ్నిస్తాడు ధనరాజ్. "అంటే మన ట్రావెల్ ఏజెన్సీకి ఎండింగ్ అనేది ఉండదు సర్.. డే టైం కానీ, నైట్ టైం కానీ, ఎనీవేర్, ఎనీ టైం, ఎనీ ప్లేస్ ఊ కానీ, ఊ కానీ" అని సుధీర్ చెప్పేసరికి "నువ్ కానిచ్చుకోవయ్యా బాబు" అంటూ ధనరాజ్ అక్కడినుంచి వెళ్ళిపోతాడు.

ఇప్పుడు ఈ డైలాగ్స్ సోషల్ మీడియాలో వైరల్ అవుతున్నాయి. సుధీర్ అన్న ఉంటె షో నెక్స్ట్ లెవెల్ , సుధీర్ అన్న నువ్వు ఎక్కడుంటే అక్కడ నవ్వులే నవ్వులు, సుధీర్ అన్న స్టైల్ సూపర్బ్, సుధీర్ లేనిదే షో నడవదు అంటూ సుధీర్ ఫాన్స్ అంతా ఈ ప్రోమోకి మెసేజీల వరద కురిపిస్తున్నారు.