శ్రీవాణి బుల్లి తెర మీద ఫేమస్ యాక్టర్. ఎన్నో సీరియల్స్ లో నటించింది. ఇప్పుడు 'శ్రీదేవి డ్రామా కంపెనీ'లో కూడా పార్టిసిపేట్ చేస్తూ అలరిస్తోంది. శ్రీవాణి భర్త విక్రమ్, కూతురు నందిని కూడా స్మాల్ స్క్రీన్ పై అందరికీ పరిచయమే. ఐతే ఇప్పుడు శ్రీవాణి కూతురు నందినికి స్కూల్ ఓపెన్ చేసేసారు. ఐతే నందిని స్కూల్ కి వెళ్లే ముందు వాళ్ళ నాన్నకు ముద్దు పెట్టి వెళ్లడం అనేది అలవాటు. గుర్రు పెట్టి నిద్రపోతూ ఉన్న నాన్న‌ను నందిని ముద్దు పెట్టుకుంది. ఐనా నాన్న లేవడు. కానీ ముద్దు పెట్టుకునేటప్పుడు నందినికి నాన్న గడ్డం అడ్డం వచ్చి గుచ్చుకుంది. అదే విషయం తల్లి శ్రీవాణికి చెప్పింది. "ఎన్ని సార్లు చెప్పినా మీ నాన్న ఆ గడ్డాన్ని కత్తిరించుకోవట్లేదే బాబూ" అంది శ్రీ‌వాణి.

'ఐతే ఒక పని చేద్దాం మనం ఒక సైడ్ గడ్డం తీసేస్తే ఇక తప్పక నాన్న రెండో వైపు తీసేస్తాడు కదా..' అంటూ ఒక ప్లాన్ వేశారు. శ్రీవాణి కత్తెర పట్టుకొచ్చి గడ్డం నెమ్మదిగా చడీచప్పుడు కాకుండా గ‌డ్డం కత్తిరించేసింది. అలా కొంచెం కొంచెం కత్తిరించేసరికి విక్రమ్ కి మెలకువ వచ్చి చూసేసరికి ఏం అర్థం కాలేదు. ఫైనల్ గా వాళ్లిద్దరూ చేసిన విషయం చెప్పేసింది శ్రీవాణి. "నాన్నా.. ఇదంతా అమ్మ పనే నాకేం తెలీదు" అంది నందిని. "నా ప్లాన్ కాదు, నీ కూతురే ఇలా చేయమంది" అని ఇద్దరూ విక్రమ్ నుంచి తప్పించుకున్నారు. నందిని స్కూల్ కి, శ్రీవాణి షూటింగ్ కి జంప్ ఐపోయారు.

ఇక తప్పక జావేద్ సెలూన్ కి వెళ్లి జుట్టుని, గడ్డాన్ని కత్తిరించుకుని మంచి స్టైల్ గా తయారయ్యాడు విక్రమ్. తమ ఫ్యామిలీ ఎప్పుడూ ఇలాగే హుషారుగా ఉంటుంది అని అలాగే నందినికి ఇంట్లో ఫుల్ ఫ్రీడమ్ ఉంటుందని ఒక నెటిజన్ అడిగిన ప్రశ్నకు సమాధానమిచ్చాడు విక్రమ్. నందినికి మంచి పేరెంట్స్ దొరికారు అంటూ, సూపర్ ఫ్యామిలీ అంటూ నెటిజన్స్ కామెంట్స్ చేస్తున్నారు.