Read more!

English | Telugu

యాంక‌ర్ ర‌విని అడ్డంగా బుక్ చేసిన కాజ‌ల్

బిగ్‌బాస్ సీజ‌న్ 5లో యాంక‌ర్ ర‌వి మైండ్ గేమ్ ఆడుతూ ఇంటి స‌భ్యుల్ని ఒక్కొక్క‌రి బ‌య‌టికి పంపిస్తూనే వున్నాడు. తాజాగా ఇదే ఫార్ములాని స‌న్నీపై ఉప‌యోగించాల‌ని శ్రీరామ చంద్ర‌తో క‌లిసి ర‌వి ప్ర‌య‌త్నాలు బ‌మొద‌లుపెట్టాడు. అయితే ఆ ప్ర‌య‌త్నాలేవీ స‌న్నీ విష‌యంలో ఫ‌లించ‌డం లేదు. కార‌ణం అత‌నికి అండ‌గా మాన‌స్‌, కాజ‌ల్ వుండ‌టం.. స‌న్నీ త‌న గేమ్‌ని సిన్సియ‌ర్‌గా ఆడుతుండ‌టం. మ‌రో నాలుగు వారాల్లో సీజ‌న్ 5 ఎండ్ కానున్ర‌న నేప‌థ్యంలో హౌస్‌లో రాజ‌కీయాలు బ‌య‌ట‌ప‌డుతున్నాయి.

ఇంటి నుంచి ఎవ‌రిని బ‌య‌టికి పంపిస్తే టైటిల్ రేసులో మిగ‌తా వారికి అడ్డు లేకుండా పోతుంద‌ని ఎవ‌రికి వారు ఎత్తుల‌కు పైఎత్తులు వేస్తున్నారు. ఈ క్ర‌మంలోనే యాంక‌ర్ ర‌వి మ‌రోసారి అడ్డంగా దొరికిపోయాడు. గ‌త కొన్ని వారాలుగా కంటెస్టెంట్‌ల‌ని త‌న‌దైన ఎత్తుల‌తో చిత్తు చేస్తూ బ‌య‌టికి పంపిస్తున్న ర‌వి ఈసారి కాజ‌ల్‌కు అడ్డంగా దొరికిపోయాడు. హౌస్‌లో న‌ట‌రాజ్ మాస్ట‌ర్ చెప్పిన‌ట్టు గుంట‌న‌క్క‌లా మారిన ర‌వి ఒక‌రి గురించి మ‌రొక‌రికి చెప్పడం.. ఇక్క‌డి మాట‌లు అక్క‌డ అక్క‌డి మాట‌లు ఇక్క‌డ చెబుతూ ఇంటి స‌భ్యుల‌తో ఆడుకుంటూ కొంత మంది ఎలిమినేట్ కావ‌డానికి కార‌ణంగా మారుతున్నాడు.

ఇప్ప‌టికే గుంట‌న‌క్క అన్న పేరున్న ర‌వికి స‌న్నీ తాజాగా నార‌దుడు అనే పేరు పెట్టేశాడు. అంతేనా సోమ‌వారం జ‌రిగిన నామినేష‌న్ ప్ర‌క్రియ‌లో ర‌విపై ఫైర్ అయిన స‌న్నీ హౌస్‌లో వున్న వ్య‌క్తుల్లో పేక్ ఎవ‌రైనా వున్నారంటే అది నువ్వే అంటూ ముఖం మీదే చెప్పేశాడు. ఇదే సంద‌ర్భంగా కాజ‌ల్ కూడా ర‌విని, శ్రీ‌రామ‌చంద్ర‌ల‌ని ఓ రేంజ్‌లో ఆడేసుకుంది. సిరి, ష‌న్ను ఒక‌రికి ఒక‌రం ఆడాల‌ని ముందే అనుకుని ఇక్క‌డికి వ‌చ్చార‌ని, ఇక్క‌డికి వ‌చ్చాక జ‌న్యూన్‌గా క‌నెక్ట్ అయ్యార‌ని ర‌వి చెప్పాడ‌ని శ్రీ‌రామ‌చంద్ర‌ని అడ‌గ‌డం మ‌ధ్య‌లోకి న‌న్ను లాగ‌కంటూ శ్రీ‌రామ‌చంద్ర ఎస్కేప్ కావండంతో సిరి, ష‌న్ను విష‌యాన్ని బ‌య‌ట‌పెట్టేసి ర‌వి అడ్డంగా బుక్క‌య్యాడ‌ని, అత‌ను బుక్క‌య్యేలా కాజ‌ల్ చేసింద‌ని నెటిజ‌న్స్ సెటైర్లు వేస్తున్నారు.