సినిమాల్లో చాలా వ‌ర‌కు ముందు అనుకున్న స‌న్నివేశాలు కాకుండా స్పాట్ ఇంవ్రూవైజేష‌న్ చేసి సీన్ లు మారుస్తుంటారు. దీంతో ముందు చేసుకున్న అగ్రిమెంట్ ప్ర‌కారం ఆర్టిస్ట్ లు సెట్ లో చెప్పింది చేయాల్సి వుంటుంది. అది న‌చ్చ‌క‌పోయినా.. న‌చ్చినా ఆ సీన్ చేయాల్సిందే. అలాంటి సంద‌ర్భమే హీరోయిన్ మాళ‌వికకు ఎదురైంద‌ట‌. అదే విషయాన్ని తాజాగా `ఆలీతో స‌ర‌దాగా` కార్య‌క్ర‌మంలో వెల్ల‌డించించి షాకిచ్చింది. ఈ కార్య‌క్ర‌మానికి తాజాగా గెస్ట్ గా హాజ‌రైన మాళ‌విక తెలుగు సినిమాల‌కు ఎందుకు దూరం కావాల్సి వ‌చ్చిందో.. శ్రీ‌కాంత్ కు త‌న‌కు మ‌థ్య ఫైట్ ఎందుకు జ‌రిగిందో వివ‌రించింది.

Also Read:శ‌ర్వానంద్.. `ఫిబ్ర‌వ‌రి` ఫీల్ గుడ్ ఫార్ములా!

తాజాగా `ఆలీతో స‌ర‌దాగా` ఎపిసోడ్ కి సంబంధించిన ప్రోమో విడుద‌లైంది. ఇందులో మాళ‌విక చెప్పిన ప‌లు ఆస‌క్తిక‌ర విష‌యాలు నెట్టింట వైర‌ల్ గా మారాయి. `చాలా బాగుంది` మూవీ షూటింగ్ స‌మ‌యంలో ఏం జ‌రిగిందిని ఆలీ అడిగితే త‌న‌కు `చాలా బాగుంది` తెలుగులో మొద‌టి చిత్ర‌మని, ఈ మూవీ షూటింగ్ స‌మ‌యంలో శ్రీ‌కాంత్ మ‌ధ్య‌లోనే కోపంతో వెళ్లిపోయారంది. రొమాంటిక్ సాంగ్ షూటింగ్ స‌మ‌యంలో తాను కాస్త ఇబ్బంది ప‌డ్డాన‌ని, త‌న‌కు అంత కంఫ‌ర్ట్ లేద‌ని చెప్పాన‌ని, అయితే ఈ స‌మ‌యంలో శ్రీ‌కాంత్ తో చిన్న ఫైట్ జ‌రిగింద‌ని తెలిపింది.

Also Read:నా భర్త కూడా సమంత హాట్‌ గా ఉందన్నాడు!

తెలుగులో కేవ‌లం 5 చిత్రాలు మాత్ర‌మే చేశాన‌ని, త‌మిళంలో మాత్రం 35 చిత్రాలు చేశాన‌ని తెలిపింది. ఇక ఈవీవీ గారితో క‌లిసి ప‌ని చేయ‌డం ఎలా వుంద‌ని ఆలీ అడిగితే చాలా బాగుంద‌ని, కాక‌పోతే ఆ రేప్ సీన్ మాత్రం త‌న‌కు న‌చ్చ‌లేద‌ని, చాలా డిస్ట‌ర్బ్ అయ్యాన‌ని తెలిపింది. నెగెటివ్ క్యారెక్ట‌ర్ అని చెప్పుకొచ్చింది. హిందీలో `సీ యూ ఎట్ నైట్‌` అనే సినిమా చేశాన‌ని, ఇప్ప‌టికీ ఆ సినిమా ఎందుకు చేశానా? అని ఫీల‌వుతుంటాన‌ని తెలిపింది.