బిగ్ బాస్ సీజన్-8 మొదలై పన్నెండు వారాలు కావస్తోంది. అయితే ఇప్పటివరకు హౌస్ నుండి బయటకు వచ్చినవారంతా తెలుగువాళ్ళే.‌ కానీ కన్నడ బ్యాచ్ లోని ప్రేరణ, నిఖిల్,‌పృథ్వీ, యష్మీలు ఎన్నిసార్లు నామినేషన్ కి వచ్చిన ఎలిమినేషన్ దగ్గరగా వచ్చి సేవ్ అవుతున్నారు.

అసలేం జరుగుతుంది. ‌ప్రతీవారం పృథ్వీ, ప్రేరణ, యష్మీ నామినేషన్ లోకి రావడం చివరికి తెలుగు కంటెస్టెంట్స్ ఎలిమినేషన్ అవ్వడం ఇదే జరుగుతుంది. ‌దీన్ని బట్టి చూస్తే బిగ్ బాస్ కన్నడ బ్యాచ్ కు ఫేవరెటిజం చేస్తున్నాడనిపిస్తోంది. అందుకే ఒక్కొక్కరికి పాజిటివ్ కంటెంట్ ఇస్తున్నాడు. పృథ్వీ చేసే వరెస్ట్ గేమ్ ప్లేకి నత్తి బ్రెయిన్ విష్ణుప్రియ సపోర్ట్ ఉండటంతో బిగ్ బాస్ పృథ్వీ జోలికి కూడా పోవడం లేదు. ఇక యష్మీ.. గత సీజన్ లో శోభాశెట్టి.. ఈ సీజన్ లోన యష్మీ ..‌ఇలా తగులుకున్నారేంటని ట్రోల్స్ మాములుగా లేవు. మరో ఢిఫరెంట్ కంటెస్టెంట్ ప్రేరణ. పన్నెండు వారాలలో‌ ఒక్కసారి కూడా యష్మీ, ప్రేరణ, నిఖిల్, పృథ్వీ ఒకరినొకరు నామినేట్ చేసుకోలేదు. అందుకేనేమో వీరిని గ్రూప్ గేమ్ అని అందరు అంటున్నారు. ప్రేరణ కనపడకుండా యష్మీతో స్ట్రాటజీ ప్లే చేస్తోంది.

నిఖిల్ విన్నర్ అవుతాడనే అనుకున్నారంతా కానీ‌ అతని స్ట్రాటజీలన్నీ‌ నాగ మణికంఠ(Manikanta) బయటపెట్టేశాడు. అతడి ఫ్లిప్పింగ్ అండ్ నామినేషన్ లో స్ట్రాటజీ ఇలా అన్నింటిని బయటపెట్టి అతడి గురించి అందరికి తెలిసేలా చేశాడు. ఇక సీత వచ్చి నిఖిల్ హౌస్ లోని కొందరిని ఎలా మానిప్యులేట్ చేశాడో చెప్పింది. ఇక దీనిని కవర్ చేసుకోడానికి నిఖిల్ సింపథీ స్ట్రాటజీ వాడాడు. మొదటగా ఓట్లు వేయద్దని చెప్పి ఆ తర్వాత ఓట్లు చేయండి అంటు ఆడియన్స్ ని రిక్వెస్ట్ చేసుకున్నాడు. ఇక అందరికి ఓటింగ్ భారీగానే ఉంది. కానీ తెలుగు కంటెస్టెంట్ నబీల్ కి ఓటింగ్ చాలా దారుణంగా ఉంది. డేంజర్ జోన్ లో ఉన్నాడు. అసలు నబీల్ కి సంబంధించిన ఫుటేజ్ కూడా టెలికాస్ట్ కావడం లేదు. హౌస్ లో నబీల్ పెద్దగా కంటెంట్ ఏం ఇవ్వడం లేదని , కన్నడ బ్యాచ్ విచ్చలవిడిగా కంటెంట్ ఇస్తున్నారని వారికే సపోర్ట్ చేస్తారని ఆడియన్స్ భావిస్తున్నారు. ఈ వారం నబీల్ ని ఎలిమినేషన్ చేస్తారా ఆడియన్స్ గత కొన్ని వారాలుగా ఎదురుచూస్తున్న యష్మీ(Yashmi Elimination)ని బయటకి పంపిస్తారా చూడాలి మరి.