English | Telugu
Karthika Deepam2 : కళ్ళు తిరిగి పడిపోయిన శౌర్య.. కార్తీక్ నిజం చెప్పనున్నాడా!
Updated : Nov 20, 2024
స్టార్ మా టీవీలో ప్రసారమవుతున్న సీరియల్ 'కార్తీకదీపం 2'(Karthika Deepam2).ఈ సీరియల్ బుధవారం నాటి ఎపిసోడ్ -207 లో.. దీపని రెస్టారెంట్ కి తీసుకొని వస్తాడు కార్తీక్. అప్పుడే జ్యోత్స్న ఒకవైపు.. శివన్నారాయణ మరోవైపు వస్తారు. నా పేరు గానీ, ఇంట్లో వాళ్ళ పేరు గానీ ఎక్కడ వాడకని శివన్నారాయణ కార్తీక్ కి చెప్పి జ్యోత్స్నని తీసుకొని వెళ్తాడు. చూసావా తాతయ్య ఆ దీపకి ఎంత పొగరో అని జ్యోత్స్న అంటుంది. ఎవరికి ఎలా బుద్ది చెప్పాలో నాకు తెలుసని శివన్నారాయణ అనగానే.. తాతయ్య ఏం చెయ్యబోతున్నారని జ్యోత్స్న ఆలోచిస్తుంది.
ఆ తర్వాత దీపని తీసుకొని ఇంటికి వస్తాడు కార్తీక్. వాళ్లు డల్ గా రావడంతో ఏదో జరిగిందని అనసూయ, కాంచనలు అనుకుంటారు. శౌర్యకి చాక్లెట్ ఇచ్చి ఏం జరిగిందని ఇద్దరు అడుగుతారు. జ్యో ఇంకా తాతయ్య వచ్చాడని శౌర్య చెప్తుంది. అప్పుడే దీప రాగానే శౌర్య లోపలికి వెళ్తుంది. నాన్న వచ్చాడా అని కాంచన అనగానే.. ఓనర్స్ కదా వస్తారని దీప అంటుంది. ఆ తర్వాత దీప దగ్గరికి కార్తీక్ వెళ్లి.. జ్యోత్స్న ఏంటో ఈ పొగరు.. నా బావ నీ మొగుడు అయ్యాడనా అని అంటే అవుననుకో అన్నావ్ కదా.. అది మనస్ఫూర్తిగా అన్నావా అని కార్తీక్ అడుగుతాడు. అవునని దీప అనగానే.. కార్తీక్ మురిసిపోతాడు. ఆ తర్వాత కాంచన, అనసూయ లు ఏం జరిగిందని కార్తీక్ ని అడుగుతారు.