English | Telugu
కూతురి అల్లరి.. "స్కూల్స్ ఎప్పుడు స్టార్ట్ అవుతాయిరా నాయనా" అని వాపోయిన రవి!
Updated : Jun 16, 2021
యాంకర్ రవి సోషల్ మీడియాలో ఎంత యాక్టివ్గా ఉంటాడో అందరికీ తెలిసిందే. భార్య, కూతురితో కలిసి రవి చేసే అల్లరిని నెటిజన్లు ఇష్టపడుతుంటారు. ముఖ్యంగా రవి కూతురు వియాకు నెట్టింట్లో ఫుల్ ఫాలోయింగ్ ఉంటుంది. ఆమె మాట్లాడే ముద్దు ముద్దు మాటలకు అందరూ ఫిదా అవుతుంటారు. దీంతో రవి తన కూతురితో తరచూ వీడియోలు చేస్తూ తన ఇన్స్టాగ్రామ్ లో షేర్ చేస్తుంటాడు.
రీసెంట్ గా ఇంట్లో వంటలు చేస్తూ వాటిని వియాకి తినిపిస్తూ వీడియోలు షేర్ చేశాడు రవి. తాజాగా మరో ఫన్నీ వీడియో పోస్ట్ చేశాడు. రవి ఇంట్లో వర్కవుట్ చేస్తుండగా.. వియా కాసేపు వర్కవుట్ చేయనివ్వకుండా డిస్టర్బ్ చేసింది. ఆ తరువాత తండ్రితో కలిసి తను కూడా వర్కవుట్ చేసింది. ఈ వీడియోకి 'రాకాసి గడుసు పిల్ల.. శివకాశి సరుకీ పిల్ల' అనే పాటను బ్యాక్ గ్రౌండ్ లో యాడ్ చేసి వీడియో పోస్ట్ చేశాడు.
''వియా నా చుట్టుపక్కల ఉన్నప్పుడు అసలు పని మీద దృష్టి పెట్టలేను. స్కూల్స్ ఎప్పుడు స్టార్ట్ అవుతాయ్ రా నాయనా'' అంటూ ఆ వీడియోకు క్యాప్షన్ ఇచ్చాడు రవి. ప్రస్తుతం రవి బుల్లితెరపై కొన్ని టీవీ షోలతో బిజీ అయ్యాడు. ఇప్పుడు లాక్ డౌన్ కారణంగా ఇంట్లో ఉంటూ తన యూట్యూబ్ ఛానెల్ మీద ఫోకస్ పెట్టాడు. వెరైటీ కాన్సెప్ట్లతో ప్రేక్షకులను ఎంటర్టైన్ చేయడానికి ప్రయత్నిస్తున్నాడు.