హైపర్ ఆది మొదట్లో చాలా లైట్ గా కామెడీ చేస్తూ బాగా ఎంటర్టైన్ చేసేవాడు. కానీ నెమ్మది నెమ్మదిగా ఆ కామెడీ టైమింగ్ ని పెంచుకుంటూ వెళ్ళాడు. ఐతే కొంత వరకు ఆది పంచులు పేలతాయి కానీ ఎక్కువశాతం మాత్రం సెన్సార్ చేయాల్సిన బూతు పదాలు వాడేస్తూ చిరాకు తెప్పిస్తుంటాడు. అతను వేసే పంచులకు ఆడియన్స్ లో మంచి ఫాలోయింగ్ కూడా ఉంది. ఇంకా చెప్పాలంటే ఆది ప్రతీ ఒక్కరినీ బాడీ షేమింగ్ చేసి వంకర పదాలతో అడల్ట్ వర్డ్స్ ఇష్టమొచ్చినట్టు వాడేసి వాళ్ళను స్టేజి మీద కించపరిచే వరకు ఊరుకోడు.

ఇప్పుడు తాజాగా 'ఢీ 14' లేటెస్ట్ ప్రోమో రిలీజ్ అయ్యింది. ఐతే ఈ షోకి నైనిక, శ్వేతానాయుడు టీంలీడర్స్ గా వచ్చారు. వాళ్ళతో డైలాగ్స్ చెప్పించారు. "ఢీకి కొత్తగా వచ్చామని చెప్పి పంచులేస్తున్నావా? ఇప్పటినుంచి చూడు కుమ్మేస్తా?" అంటూ ఆదికి వార్నింగ్ లాంటిది ఇస్తుంది శ్వేత... వెంటనే నైనిక "నేనూ దున్నేస్తా".. అనేసరికి ఆది రివర్స్ డైలాగ్ వేస్తాడు.

ఐతే అతను వాడిన పదాలను బీప్ సౌండ్ తో సైలెంట్ చేసి ఆ తర్వాత తినేస్తా అనే పదాన్ని మాత్రం వినేలా పెట్టారు. ఇక ఈ డబుల్, త్రిబుల్ మీనింగ్ డైలాగ్ తో ఏదో స్కిట్ పేలుతుంది అనుకుంటున్నాడు కానీ దాన్ని మాత్రం మార్చుకోవడాని ట్రై చెయ్యట్లేదు హైపర్ ఆది. ఇంటిల్లిపాది కూర్చొని చూసే షోలో ఇలాంటి చెత్త పదాలు వాడితే టీఆర్పీ వచ్చే విషయం ఏమో కానీ అసలే అంతతమాత్రంగా నడిచే షో కాస్త దుకాణం సర్దుకునే పరిస్థితి మాత్రం వస్తుంది. ఆడియన్స్ కూడా కొంతవరకు ఇలాంటివి వినగలుగుతారు కానీ అదే పనిగా వినాలంటే అసలుకే మోసం వస్తుంది.

ఆల్రెడీ ఇది డాన్స్ షో కాదు కామెడీ షో ఐపోయిందనే అపవాదు వచ్చింది. ఇక ప్రోమో ఎండింగ్లో మాత్రం ఆది, రవికృష్ణ కామెడీ, అంత్యాక్షరి కొంత వరకు ఫర్లేదనిపించాయి. ఇక స్టేజి మీద ఏర్పాటు చేసిన ట్రామ్పోలిన్ మీద ఇద్దరు ఎగురుతూ, దూకుతూ, దొర్లుతూ మంచి ఫన్ క్రియేట్ చేశారు. ఇలా ఈ వారం 13 న ప్రసారం కాబోయే ఢీ షోలో ఈ హైలైట్స్ కనిపించబోతున్నాయి.