బిగ్ బాస్ త‌మిళ్ 5 హోస్ట్ అయిన క‌మ‌ల్ హాస‌న్‌కు క‌రోనా పాజిటివ్ అని నిర్ధార‌ణ అయి, హాస్పిట‌ల్‌లో చేర‌డంతో వీకెండ్ ఎపిసోడ్‌కు ఆయ‌న స్థానంలో ప్ర‌ముఖ సీనియ‌ర్ యాక్ట్రెస్ ర‌మ్య‌కృష్ణ వ‌చ్చారు. క‌మ‌ల్ హౌస్‌మేట్స్‌తో వీడియో కాల్ ద్వారా ఇంట‌రాక్ట్ అవుతున్న వీడియో క్లిప్‌ను సోష‌ల్ మీడియాలో షేర్ చేసిన మేక‌ర్స్‌, ఆయ‌న కోలుకొని తిరిగి వ‌చ్చేంత‌వ‌ర‌కు ర‌మ్య‌కృష్ణ హోస్ట్‌గా కొన‌సాగుతారంటూ ఆమెను ప‌రిచ‌యం చేశారు.

ఈ న్యూస్‌ను అనౌన్స్ చేసేందుకు మేక‌ర్స్ ఒక ప్రోమో వీడియోను షేర్ చేశారు. గ్రాండ్‌గా ఎంట్రీ ఇచ్చిన ర‌మ్య‌కృష్ణ గోల్డ్ క‌ల‌ర్ చీర‌లో బ్యూటిఫుల్‌గా క‌నిపిస్తున్నారు. బిగ్ బాస్ ఫ్యాన్స్ సైతం ర‌మ్య‌కృష్ణ ఈ షోను ఎలా హోస్ట్ చేస్తారో చూడాల‌ని ఉత్సాహంగా ఉన్నారు. ఎందుకంటే ఆమె బిగ్ బాస్ సెట్స్‌పైకి రావ‌డం ఇదే మొద‌టిసారి కాదు. ఇదివ‌ర‌కు బిగ్ బాస్ తెలుగు 4 వీకెండ్ ఎపిసోడ్‌కు నాగార్జున ప్లేస్‌లో ఆమె హోస్ట్‌గా చేసి, అంద‌ర్నీ ఆక‌ట్టుకున్నారు.

బిగ్ బాస్ త‌మిళ్ 5లో కొన్ని ఇంట్రెస్టింగ్ వైల్డ్‌కార్డ్ ఎంట్రీలు క‌నిపిస్తున్నాయి. ఇంత‌కుముదు షో నుంచి ఎలిమినేట్ అయిన అభిషేక్ రాజా వైల్డ్ కార్డ్ ఎంట్రీగా మ‌రోసారి హౌస్‌లోకి వ‌చ్చాడు. అలాగే హీరో విజ‌య్ స‌న్నిహితుడు సంజీవ్ కూడా ఈ వారం షోలో ఎంట్రీ ఇచ్చాడు.

Also read: `బంగార్రాజు`పైనే `శివ‌గామి` ఆశ‌లు!

కాగా, ఇటీవ‌ల యు.ఎస్‌.కు వెళ్లి తిరిగొచ్చిన క‌మ‌ల్ హాస‌న్‌కు క‌రోనా పాజిటివ్ అని తేలడంతో చెన్నైలో శ్రీ‌రామ‌చంద్ర హాస్పిట‌ల్‌లో చికిత్స పొందుతున్నారు. ఆయ‌న కోలుకొనేవ‌ర‌కు కుమార్తెలు శ్రుతి, అక్ష‌ర‌, శ్రుతి బాయ్‌ఫ్రెండ్ శంత‌ను హ‌జారికా చెన్నైలోనే ఉండ‌నున్నారు. త‌మ తండ్రి కోలుకుంటున్నార‌నీ, ఆయ‌న ఆరోగ్యం గురించి ఆందోళ‌న చెందాల్సిన అవ‌స‌రం లేద‌నీ శ్రుతి చెప్పారు.

Also read: ష‌ణ్ణుతో హ‌గ్గుల‌పై సిరి ప్రియుడి షాకింగ్ రియాక్ష‌న్‌!