English | Telugu

Home  
Movie-News

మంచి పని కోసం బాలీవుడ్ తారల ర్యాంప్ వాక్

మంచి పని కోసం బాలీవుడ్ తారల ర్యాంప్ వాక్ చేయటం ప్రేక్షకులకు కన్నుల విందు చేసింది. వివరాల్లోకి వెళితే మామూలుగా ర్యాంప్ వాక్ చేసేది ఎవరయ్యా అంటే ఎవరైనా ఫ్యాషన్ డిజైనర్ తను తయారుచేసిన దుస్తులకు పబ్లిసిటీ చేసుకునేందుకు టాప్ మోడల్స్ తో ర్యాంప్ వాక్ చేయించటం ఎక్కడైనా సహజంగా జరిగేదే. కానీ బాలీవుడ్ నటీనటులు ఒక సత్కార్యం కోసం ర్యాంప్ వాక్ చేశారు.

జె.యఫ్.డబ్ల్యూ ఫొటోషూట్ లో సమంత

జె.యఫ్.డబ్ల్యూ. ఫొటోషూట్ లో సమంత పాల్గొంది. వివరాల్లోకి వెళితే జె.యఫ్.డబ్ల్యూ అంటే జస్ట్ ఫర్ వుమెన్ అని అర్థం. ఈ పత్రిక ముఖ చిత్రంగా ప్రముఖ హీరోయిన్ "ఏ మాయ చేశావే" ఫేం సమంత ముఖాన్ని వేయటం కోసం ఆ పత్రిక వారు సమంతతో ఒక ఫొటో షూట్ ను ఏర్పాటుచేయగా సమంత ఆ ఫొటో షూట్‍ లో పాల్గోంది.

రజనీని పరామర్శించనున్న చిరంజీవి

రజనీని పరామర్శించనున్న చిరంజీవి అని ఫిలిం నగర్ లో వినపడుతోంది. వివరాల్లోకి వెళితే సౌతిండియన్ సూపర్ స్టార్ రజనీ కాంత్ తను హీరోగా త్రిపాత్రాభినయం చేస్తున్న "రాణా" సినిమా ప్రారంభోత్సవం రోజున అనుకోకుండా హాస్పిటల్ పాలయ్యారు. హాస్పిటల్ నుండి బయటకు వచ్చిన తర్వాత మరో మూడుసార్లు ఒకే నెలలో హాస్పిటల్ పాలయ్యారు. ఆయన పూర్తిగా కోలుకునే నిమిత్తం సింగపూర్ లోని మౌంట్ ఎలిజబెత్ హాస్పిటల్ కు ఆయన్ని తరలించారు.

సిద్ధార్థ, దిల్ రాజుల ఓ మై ఫ్రెండ్ మొదలైంది

సిద్ధార్థ, దిల్ రాజుల "ఓ మై ఫ్రెండ్" మొదలైంది. వివరాల్లోకి వెళితే శ్రీవెంకటేశ్వర క్రియేషన్స్ పతాకంపై, సిద్ధార్థ హీరోగా, శృతి హాసన్ హీరోయిన్ గా, దిల్ రాజు నిర్మిస్తున్న సినిమా "ఓ మై ఫ్రెండ్". ఈ సినిమా షూటింగ్ స్పీడ్ ను పెంచాడు సిద్ధార్థ. సిద్ధార్థ హీరోగా నటించిన "180" క్యాప్షన్ "ఈ వయసిక రాదు" సినిమా మరో నాలుగు రోజుల్లో విడుదల కాబోతున్న సందర్భంగా సిద్ధార్థ "ఓ మై ఫ్రెండ్" సినిమాని ట్రాక్ మీదకు తీసుకు వచ్చాడు.

మహేష్ బాబు దూకుడు విశేషాలు

మహేష్ బాబు "దూకుడు" విశేషాలు ఈ విధంగా ఉన్నాయి. 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, సమంత హీరోయిన్ గా, శ్రీను వైట్ల దర్శకత్వంలో, రామ్ ఆచంట, గోపీచంద్ ఆచంట, అనీల్‍ సుంకర నిర్మిస్తున్న సినిమా "దూకుడు". మహేష్ బాబు "దూకుడు" సినిమా ముందుగా టర్కీలోని చారిత్రాత్మక ఇస్తాంబుల్ నగరంలో జరిగింది. అనంతరం శేరిలింగంపల్లి సమీపంలోని అల్యూమినియం ఫ్యాక్టరీలోనూ, చార్మినార్ సమీపంలోనూ ఈ చిత్రం షూటింగ్ జరుపుకుంది.

సిద్ధార్థ్ రాజ్ కుమార్ సినిమా పేరు కెరటం

సిద్ధార్థ్ రాజ్ కుమార్ సినిమా పేరు "కెరటం"అని నిర్ణయించారు. వివరాల్లోకి వెళితే ప్రముఖ హీరో, యంగ్ రెబెల్ స్టార్ ప్రభాస్ కజిన్ సిద్ధార్థ్ రాజ్ కుమార్ హీరోగా పరిచయమవుతున్నాడు. యస్.వి.ప్రొడక్షన్స్ పతాకంపై, సిద్ధార్థ్ రాజ్ కుమార్ హీరోగా, రాకుల్ ప్రీత్ హీరోయిన్ గా, గౌతం పట్నాయక్ ని దర్శకుడుగా పరిచయం చేస్తూ, కన్నడ సినీ పరిశ్రమలో ప్రముఖ నిర్మాత అయిన యస్.వి.బాబు నిర్మిస్తున్న త్రిభాషా చిత్రానికి "కెరటం" అన్న పేరుని నిర్ణయించారు.

బ్లూ రే డివిడి లో "100%లవ్" సినిమా

బ్లూ రే డివిడి లో "100%లవ్" సినిమా రానుందని విశ్వసనీయ వర్గాల ద్వారా అందిన సమాచారం ప్రకారం తెలిసింది. వివరాల్లోకి వెళితే గీతా ఆర్ట్స్ పతాకంపై, స్టైలిష్ స్టార్ అల్లు అర్జున్ హీరోగా, మిల్కీ వైట్‍ బ్యూటీ తమన్నా భాటియా హీరోయిన్ గా, సుకుమార్‍ దర్శకత్వంలో, బన్నీ వాసు నిర్మించిన చిత్రం "100%లవ్".

సినీమా అవార్డ్స్ లో అల్లు అర్జున్ ర్యాంప్ వాక్

సినీమా అవార్డ్స్ లో అల్లు అర్జున్ ర్యాంప్ వాక్ చేశాడు. సినీమా అవార్డ్స్ (cine MAA awards) ఫంక్షన్ కి వచ్చిన ప్రముఖ యువ హీరో అల్లు అర్జున్ స్టేజ్ మీదకు ఎక్కి ర్యాంప్ వాక్ చేశారు. ఆయన ప్రియామణితో కలసి ఈ సినీమా అవార్డ్స్ లో హంగామా చేశారు.

సినీమా అవార్డ్స్ 2011 వివరాలు

సినీమా అవార్డ్స్ 2011 వివరాలు ఈ విధంగా ఉన్నాయి. 2011 వ సంవత్సరానికి గాను సినీమా అవార్డ్స్ (cine MAA awards) వివరాల్లోకి వెళితే ఉత్తమ నటుడిగా యువరత్న నందమూరి బాలకృష్ణ ఎన్నికయ్యారు. "సింహా" సినిమాలో ఉత్తమ నటన ప్రదర్శించినందుకు గాను ఆయనకీ అవార్డు లభించింది. ఉత్తమ నటిగా కాజల్ అగర్వాల్ ఎన్నికయ్యింది.

మానాన్నే నా రోల్ మోడల్ - రానా

"మా నాన్నే నా రోల్ మోడల్ " అని అంటున్నాడు యువ హీరో రానా. వరల్డ్ ఫాదర్స్ డే సందర్భంగా మాట్లాడుతూ యువ హీరో రానా "నాకు రోల్ మోడల్ మా నాన్నే. మా ఇల్లు ఒక ఫిలిం స్కూల్ వంటిది. నేనందులో ఒక విద్యార్థిని మాత్రమే. మా నాన్న నా జీవితంలోనే కాదు మా కుటుంబంలో కూడా చాలా ముఖ్యమైన వ్యక్తి.

వెంకటేష్ కొత్త ఇల్లు మణికొండలో

వెంకటేష్ కొత్త ఇల్లు మణికొండలో కట్టుకున్నాడు. ఇది అందరికీ తెలిసిందే. వివరాల్లోకి వెళితే ప్రముఖ తెలుగు హీరో విక్టరీ వెంకటేష్ మణి కొండలో కొత్త ఇల్లు కట్టుకుని ఇటీవలే ఆ ఇంట్లోకి గృహప్రవేశం చేశారు. తనకు అత్యంత ఆత్మీయులైన అతి కొద్దిమందిని మాత్రమే ఈ గృహప్రవేశానికి వెంకటేష్ పిలిచారు. అన్ని ఆధునిక సౌకర్యాలతో నిర్మించబడిన ఈ ఇల్లు కట్టటానికి పది కోట్లకు పైగా డబ్బు ఖర్చయినట్లు విశ్వసనీయ వర్గాల ద్వారా అందిన సమాచారం.

బెజవాడరౌడీలు పేరుపై వర్మ కమిట్ మెంట్

"బెజవాడరౌడీలు" పేరుపై వర్మ కమిట్ మెంట్ ఎంతబలంగా ఉందంటే ఆరునూరైనా ఆ సినిమా పేరుని మార్చేదిలేదని పట్టుబట్టాడు. వివరాల్లోకి వెళితే శ్రేయ ఫిలింస్ పతాకంపై, యువహీరో నాగచైతన్య హీరోగా, వివేక్ కృష్ణని దర్శకుడిగా పరిచయం చేస్తూ, కిరణ్ కుమార్ కోనేరుతో కలసి ప్రముఖ దర్శక, నిర్మాత రామ్ గోపాల వర్మ నిర్మిస్తున్న సినిమా "బెజవాడరౌడీలు". ఈ సినిమా పేరు మీద కొందరు అనవసరంగా నానా గొడవ చేస్తున్నారనీ, ఈ విషయంపై కోర్టుకి కూడా వెళ్తున్నారనీ ఇలా రోజుకో న్యుస్ మనం వింటున్నాం.

అల్లు అర్జున్ బద్రినాథ్ తొలివారం వసూలు 28.25 cr

అల్లు అర్జున్ "బద్రినాథ్" తొలివారం వసూలు 28.25 cr అని విశ్వసనీయ వర్గాల ద్వారా అందిన సమాచారం. వివరాల్లోకి వెళితే గీతా ఆర్ట్స్ పతాకంపై, స్టైలిష్ స్టార్ అల్లు అర్జున్ హీరోగా, మిల్కీవైట్ బ్యూటీ తమన్నా భాటియా హీరోయిన్ గా, డైనమిక్ డైరెక్టర్ వి.వి.వినాయక్ దర్శకత్వంలో, మెగా నిర్మాత అల్లు అరవింద్ నిర్మించిన భారీబడ్జెట్ విభిన్నకథా చిత్రం "బద్రినాథ్". ఈ అల్లు అర్జున్ "బద్రినాథ్" సినిమా జూన్ పదవ తేదీన విడుదలయ్యింది.

కోటితో బి.యమ్.డబ్ల్యూ.9669 కొన్న నాగార్జున

కోటితో బి.యమ్.డబ్ల్యూ.9669 కొన్న నాగార్జున అని తెలిసింది. వివరాల్లోకి వెళితే ప్రముఖ తెలుగు హీరో యువసామ్రాట్, కింగ్ అక్కినేని నాగార్జునకు మోటర్ బైక్స్ అన్నా, లేటెస్ట్ కారులన్నా బాగా ఇష్టమన్న సంగతి ఆయన గురించి తెలిసిన వాళ్ళందరికీ తెలిసిన సంగతే. నాగార్జున ఇటీవల కొత్త బి.యమ్.డబ్ల్యూ. కారుని కోటి రూపాయల వ్యయంతో కొని, ఆర్ టి ఎ ఆఫీస్ (రోడ్ ట్రాన్స్ పోర్ట్ అథారిటీ) లో ఆ కారుకి ఎపి 09 సిడి 9669 అనే నంబర్ ని అయిదువేల రూపాయలు డిపాజిట్ కట్టి పోందారు.

పవన్ గబ్బర్ సింగ్ ఫైనల్ స్క్రిప్ట్ రెడీ

పవన్ "గబ్బర్ సింగ్" ఫైనల్ స్క్రిప్ట్ రెడీ అని విశ్వసనీయ వర్గాల ద్వారా అందిన సమాచారం. వివరాల్లోకి వెళితే పరమేశ్వర ఆర్ట్స్ పతాకంపై, పవర్ స్టార్ పవన్ కల్యాణ్ హీరోగా, కాజల్ అగర్వాల్ హీరోయిన్ గా, "షాక్", "మిరపకాయ్" సినిమాల ఫేం హరీష్ శంకర్ దర్శకత్వంలో, గణేష్ నిర్మించబోయే సినిమా "గబ్బర్ సింగ్". బాలీవుడ్ కండల కాంతారావు సల్మాన్ ఖాన్ హీరోగా నటించిన "దబాంగ్" సినిమానే తెలుగులో "గబ్బర్ సింగ్" పేరుతో రీమేక్ చేస్తున్నారు.