కోటితో బి.యమ్.డబ్ల్యూ.9669 కొన్న నాగార్జున అని తెలిసింది. వివరాల్లోకి వెళితే ప్రముఖ తెలుగు హీరో యువసామ్రాట్, కింగ్ అక్కినేని నాగార్జునకు మోటర్ బైక్స్ అన్నా, లేటెస్ట్ కారులన్నా బాగా ఇష్టమన్న సంగతి ఆయన గురించి తెలిసిన వాళ్ళందరికీ తెలిసిన సంగతే. నాగార్జున ఇటీవల కొత్త బి.యమ్.డబ్ల్యూ. కారుని కోటి రూపాయల వ్యయంతో కొని, ఆర్ టి ఎ ఆఫీస్ (రోడ్ ట్రాన్స్ పోర్ట్ అథారిటీ) లో ఆ కారుకి ఎపి 09 సిడి 9669 అనే నంబర్ ని అయిదువేల రూపాయలు డిపాజిట్ కట్టి పోందారు. గతంలో నాగార్జున కొన్న బి.యమ్.డబ్ల్యూ కారుకి కూడా ఇదే నంబర్ ఉండేది.

పాత బి.యమ్.డబ్ల్యూ కారుకి ఎపి 9 బికె 9669. నాగార్జున చిన్న కొడుకు చక్కని క్రికెట్ ప్లేయర్ కూడా అయిన అక్కినేని అఖిల్ కి కూడా ఈ కొత్త బైకుల, కొత్త కార్ల మోజు బాగానే ఉంది. తంద్రిని బట్టే కొడుకు కదా. నాగార్జున ప్రస్తుతం "రాజన్న", "డమరుకం" సినిమాల్లో హీరోగా నటిస్తున్నారు. రాఘవేంద్రరావు దర్శకత్వంలో "షిరిడి సాయిబాబా" సినిమాలో సాయిబాబాగా నటించటానికి కూడా నాగార్జున అంగీకరించారు.