English | Telugu
వెంకటేష్ కొత్త ఇల్లు మణికొండలో
Updated : Jun 19, 2011
వెంకటేష్ కొత్త ఇల్లు మణికొండలో కట్టుకున్నాడు. ఇది అందరికీ తెలిసిందే. వివరాల్లోకి వెళితే ప్రముఖ తెలుగు హీరో విక్టరీ వెంకటేష్ మణి కొండలో కొత్త ఇల్లు కట్టుకుని ఇటీవలే ఆ ఇంట్లోకి గృహప్రవేశం చేశారు. తనకు అత్యంత ఆత్మీయులైన అతి కొద్దిమందిని మాత్రమే ఈ గృహప్రవేశానికి వెంకటేష్ పిలిచారు. అన్ని ఆధునిక సౌకర్యాలతో నిర్మించబడిన ఈ ఇల్లు కట్టటానికి పది కోట్లకు పైగా డబ్బు ఖర్చయినట్లు విశ్వసనీయ వర్గాల ద్వారా అందిన సమాచారం. ఈ ఇల్లుని నాలుగు ఎకరాల సువిశాల స్థలంలో నిర్మించారు.
మెగాస్టార్ చిరంజీవి ఇల్లు కన్నా వెంకటేష్ ఇల్లు పెద్దది. కరెక్ట్ గా చెప్పాలంటే ప్రముఖ బాలీవుడ్ హీరో షారూఖ్ ఖాన్ ఇల్లుకి కుడిఎడంగా సరిపోతుందని ఫిలిం నగర్ వర్గాలంటున్నాయి. ప్రస్తుతం వెంకటేష్ శ్రీ సాయి గణేష్ ప్రొడక్షన్స్ పతాకంపై, త్రిష హీరోయిన్ గా, మలినేని గోపీచంద్ దర్శకత్వంలో, బెల్లంకొండ సురేష్ నిర్మిస్తున్న "బాడీగార్డ్" సినిమాలో హీరోగా నటిస్తున్నారు. దీని తర్వాత దశరథ్ దర్శకత్వంలోని సినిమాలో హీరోగా నటించటానికి వెంకటేష్ అంగీకరించారు.