వచ్చే యేడాది వెంకీ "వివేకానంద" చిత్రం ప్రారంభం కానుందని తెలిసింది. వివరాల్లోకి వెళితే ప్రముఖ హీరో విక్టరీ వెంకటేష్ స్వతహాగా ఆధ్యాత్మిక చింతన కలిగిన వ్యక్తి. వివేకానందుడి వంటి మహానుభావుడి జీవిత చరిత్రను సినిమాగా తీస్తూ అందులో ఆ వేషాన్ని ఆయన్నే వేయమంటే ఆ సినిమా గురించి ఆయన స్వయంగా ఇంకేంత జాగ్రత్త తీసుకుంటారో మనం ఊహించవచ్చు.

వివేకానందుడి గురించి వెంకటేష్ మాట్లాడుతూ "వివేకానంద స్వామి మాట్లాడిన ప్రతి వాక్యం ఒక డైనమైట్. ఆయన మాటల్లో అలాంటి అద్వితీయమైన శక్తి ఉంది. ఆయన వ్రాసిన మాటలు మనల్ని విపరీతంగా ప్రభావితం చేస్తాయి.అలామటి మహనీయుని పాత్రలో నటించబోతున్నందుకు నాకు చాలా ఆనందంగా ఉంది" అని అన్నారు. ఈ "వివేకానంద" చిత్రానికి సంబంధించిన గ్రౌండ్ వర్క్ ప్రస్తుతం జరుగుతూంది. ఈ "వివేకానంద" చిత్రాన్ని ఒక ప్రముఖ నిర్మాణ సంస్థ 2012 ఫిబ్రవరిలో నిర్మించటానికి సన్నాహాలు చేస్తూంది.