English | Telugu
రామ్ చరణ్ "ఎవడు" ప్రారంభం
Updated : Dec 9, 2011
శ్రీ వెంకటేశ్వర క్రియేషన్స్ పతాకంపై, మెగాపవర్ స్టార్ రామ్ చరణ్ తేజ్ హీరోగా, వంశీ పైడిపల్లి దర్శకత్వంలో, దిల్ రాజు నిర్మిస్తున్న చిత్రం "ఎవడు". హైదరాబాద్ ప్రసాద్ ల్యాబ్ లో, డిసెంబర్ 9 వ తేదీన ఉదయం 7 గంటలకు, ప్రముఖ నిర్మాత అల్లు అరవింద్ కెమెరా స్విచ్చాన్ చేయగా, మెగాస్టార్ చిరంజీవి క్లాప్ కొట్టగా, మరో ప్రముఖ నిర్మాత శ్యాం ప్రసాద రెడ్డి ముహూర్తం షాట్ కు గౌరవ దర్శకత్వం వహించగా "ఎవడు" చిత్రం ఘనంగా ప్రారంభమైంది. ఈ "ఎవడు" చిత్రానికి వక్కంతం వంశీ కథనందించగా, సంగీతం దేవీశ్రీ ప్రసాద్ అందిస్తున్నారు. శ్యాం.కె.నాయుడు సినిమాటోగ్రఫీని అందిస్తున్నారు.
ఈ "ఎవడు" చిత్రంలో ప్రముఖ హీరో అల్లు అర్జున్ 20 నిమిషాల సేపు కనిపించనున్నారు. అంటే అతిథి పాత్రలో అల్లు అర్జున్ ఈ "ఎవడు" చిత్రంలో నటించబోతున్నారన్నమాట. ఈ "ఎవడు" చిత్రం ప్రారంభోత్సవానికి మెగాస్టార్ చిరంజీవి అయ్యప్ప మాలతో, బ్లాక్ కలర్ లాల్చీ, బ్లాక్ కలర్ లుంగీతో రావటం విశేషం. ఈ ప్రారంభోత్సవానికి ప్రముఖ నిర్మాతలు బూరుగుపల్లి శివరామ కృష్ణ, బి.వి.యస్.యన్.ప్రసాద్, మాగంటి బాబు, జెమినీ కిరణ్ వంటి వారు హాజరయ్యారు.