English | Telugu
కొత్త తరహా కామెడీ చిత్రం ‘ప్లాంట్ మ్యాన్’ ఫస్ట్లుక్ విడుదల
Updated : Aug 29, 2023
కాలింగ్ బెల్, రాక్షసి వంటి హారర్ మూవీస్తో ఆడియన్స్ని థ్రిల్ చేసిన డైరెక్టర్ పన్నా రాయల్ ఇప్పుడు ‘ఇంటి నెం.13’ చిత్రంతో ప్రేక్షకుల ముందుకు రాబోతున్నారు. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ఈ సినిమా త్వరలోనే రిలీజ్ కాబోతోంది. ఇదిలా ఉంటే.. పన్నా రాయల్ డిఎం యూనివర్సల్ స్టూడియోస్ అనే బేనర్ను స్థాపించారు. ఈ బేనర్ ద్వారా కొత్తవారిని ప్రోత్సహించాలని నిర్ణయించుకున్నారు. అందులో భాగంగానే డైరెక్టర్ పన్నా రాయల్ తనే నిర్మాతగా మారి డిఎం యూనివర్సల్ స్టూడియోస్ పతాకంపై ‘ప్లాంట్ మ్యాన్’ అనే సినిమాను నిర్మించారు. ఈ సినిమా ద్వారా కె.సంతోష్బాబు దర్శకుడిగా పరిచయమవుతున్నారు. పన్నా రాయల్ దర్శకత్వ పర్యవేక్షణలో ఈ సినిమా రూపొందుతోంది. ఇప్పటి వరకు మనం చూడని కొత్త తరహా కామెడీ మూవీ ఇది. సైంటిఫిక్ కామెడీ ఎక్స్పెరిమెంట్గా వస్తున్న ‘ప్లాంట్ మ్యాన్’ ఔట్ అండ్ ఔట్ కామెడీ మూవీ. కుటుంబ సభ్యులతో కలిసి హాయిగా ఎంజాయ్ చేసేలా ఈ సినిమాను రూపొందించారు. సినిమాటోగ్రఫీ విషయంలోగానీ, మ్యూజిక్ విషయంలోగానీ ఎక్కడా రాజీ పడకుండా ఈ సినిమాను నిర్మించారు. ఈ సినిమాకు సంబంధించిన ఫస్ట్లుక్ను మంగళవారం విడుదల చేశారు. ఇకపై కూడా తమ బేనర్లో కొత్తవారికి అవకాశం ఇచ్చి చిన్న సినిమాలు నిర్మిస్తామని ఈ సందర్భంగా నిర్మాత పన్నా రాయల్ తెలిపారు.
చంద్రశేఖర్, సోనాలి పాణిగ్రాహి, అశోక్ వర్థన్, యాదం రాజు, అప్పారావు, బేబీ ప్రేక్షిత, అక్కం బాలరాజు, చలపతిరావు, తడివేలు, బాలరాజ్, లక్ష్మీకిరణ్, శేఖర్, వీరభద్రం, శ్రీకుమార్, మురళీకృష్ణ, వాణిశ్రీ, బిందు, సరస్వతి, జగపతి నటిస్తున్న ఈ చిత్రానికి సినిమాటోగ్రఫీ: పి.ఎస్.మణికర్ణన్, బ్యాక్గ్రౌండ్ మ్యూజిక్: వినోద్ యాజమాన్య, సంగీతం: ఆనంద బాలాజీ, ఎడిటింగ్: ఎస్.కె.చలం, మాటలు: సాయికృష్ణ వెలిశెట్టి, పన్నారాయల్, పాటలు: ఈశ్వర్ హేమకాంత్, సింగర్స్: వాగ్దేవి, రోహిత్ శ్రీనివాసన్, సహనిర్మాతలు: ప్రవీణ్ మాద్యాల, సాయిపవన్, నిర్మాత`దర్శకత్వ పర్యవేక్షణ: పన్నా రాయల్, దర్శకత్వం: కె.సంతోష్బాబు.