సునీల్ సరసన తాప్సి హీరోయిన్ గా నటించనుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే బాలీవుడ్ లో మాధవన్, కంగనా రనౌత్ జంటగా నటించిన సూపర్ హిట్ మూవీ "తను వెడ్స్ మను" సినిమాని తెలుగులో రీమేక్ చేయటానికి సన్నాహాలు జరుగుతున్నాయి. ఈ సినిమా తెలుగు రీమేక్ లో ముందుగా పూరీ జగన్నాథ్ సోదరుడు సాయిరామ్ శంకర్ హీరోగా నటిస్తాడని వినపడింది. కానీ చివరికి సునీల్ ఈ సినిమాలో హీరోగా బుక్కయ్యాడు.

మెగా సూపర్ గుడ్ ఫిలింస్ నిర్మిస్తున్న ఈ చిత్రంలో తాప్సి హీరోయిన్ గా నటించనుంది. ఈ సినిమాకి "ఆడుతూ పాడుతూ, బ్లేడ్ బాబ్జి" వంటి చక్కని చిత్రాలకు దర్శకత్వం వహించిన దేవీ ప్రసాద్ దర్శకత్వం వహించనున్నారు. సునీల్ సరసన తాప్సి అంటే చూడటానికి కాస్త ఇబ్బందిగా ఉంటుంది. కానీ ఈ చిత్రం కథకు ఆ జంట అలాగే ఉండాలి మరి. ఈ రొమాంటిక్ కామెడీ చిత్రం కథ విషయానికొస్తే మిస్ మ్యాచింగ్ పెళ్ళయితే ఆ దాంపత్యం ఎలా ఉంటుందనేది ఈ చిత్ర కథ.