English | Telugu
వై.యస్.ఆర్. కాంగ్రెస్ లో సూపర్ స్టార్ కృష్ణ
Updated : Jul 5, 2011
వై.యస్.ఆర్. కాంగ్రెస్ లో సూపర్ స్టార్ కృష్ణ చేరుతున్నారనటానికి బలమైన సంకేతాలు అందుతున్నాయి. వివరాల్లోకి వెళితే సూపర్ కృష్ణ శ్రీమతి, గిన్నీస్ బుక్ లో తన పేరు నమోదు చేసుకున్న దర్శకురాలు, నిర్మాత, నటి అయిన శ్రీమతి విజయనిర్మల, తన కుమారుడు, నటుడు అయిన నరేష్ తో కలసి ఇటీవల వై.యస్.ఆర్. కాంగ్రెస్ పార్టీ అధినేత వై.యస్.ఆర్. తనయుడు అయిన వై.యస్. జగన్మోహన్ రెడ్డిని గుంటూరులో కలిశారు. ఆ భేటీ సుమారు గంట సేపు సాగిందనీ, వారి మధ్య జరిగిన చర్చలు ఫలప్రదం అయ్యాయనీ విశ్వసనీయ వర్గాల ద్వారా అందిన సమాచారం.
దీన్ని బట్టి ఒకప్పుడు కాంగ్రెస్ పార్టీలో చురుకైన పాత్ర పోషించిన సూపర్ స్టార్ కృష్ణ కూడా ఇప్పుడు వై.యస్.ఆర్. కాంగ్రెస్ పార్టీలో చేరతారనటానికి విజయనిర్మల, నరేష్ వెళ్ళి వై.యస్.జగన్ తో కలవటం ఒక ఉదాహరణగా మనం చెప్పుకోవచ్చు. మన రాష్ట్రంలో కాంగ్రెస్ పార్టీ పరిస్థితి దయనీయంగా మారిందనీ, రాష్ట్రాన్ని కాపాడాలంటే యువరక్తం కావాలనీ, అందుకే వై.యస్.ఆర్. కాంగ్రెస్ పార్టీ అధినేతను తాము కలిశామనీ విజయనిర్మల మీడియాకు తెలిపారు.