త్వరలో "శ్రీసుబ్రహ్మణ్యేశ్వర స్వామి" అనే భక్తిరస పౌరాణిక చిత్రం ప్రారంభంకాబోతూంది. వివరాల్లోకి వెళితే తేజస్విని సాయి ఫిలింస్ పతాకంపై, ఆకాంక్షసాయి సమర్పణలో, పి.వేణు గోపాల్ చౌదరిని దర్శకుడిగా పరిచయం చేస్తూ, కె.రవికుమార్ చౌదరి నిర్మిస్తున్న భక్తిరస పౌరాణిక చిత్రం "శ్రీసుబ్రహ్మణ్యేశ్వర స్వామి". ఈ "శ్రీసుబ్రహ్మణ్యేశ్వర స్వామి" పౌరాణిక చిత్రంలో సర్ప, కుజ దోషాలకు అధిపతి అయిన "శ్రీసుబ్రహ్మణ్యేశ్వర స్వామి" జీవిత చరిత్రను సర్వాంగ సుందరంగా, ఈ చిత్రం ద్వారా వెండితెర మీద ఆవిష్కరించబోతున్నారు.

ప్రస్తుతం నరేన్ సంగీత దర్శకత్వంలో పాటల రికార్డింగ్ లో ఉన్న ఈ "శ్రీసుబ్రహ్మణ్యేశ్వర స్వామి" చిత్రం అతి త్వరలో షూటింగ్ ప్రారంభించుకోనుంది. పలువురు తెలుగు ప్రముఖ నటీనటులు నటించబోయే ఈ చిత్రంలో బేబీ ఆకాంక్ష సాయి బాల కార్తికేయుడిగా నటిస్తూంది. ఈ చిత్రానికి కెమెరా బి.రామ్ కుమార్ నిర్వహిస్తూండగా, ఆర్ట్ శిష్లా, ఎడిటింగ్ కోటగిరి వెంకటేశ్వర రావు నిర్వహిస్తున్నారు. "శ్రీసుబ్రహ్మణ్యేశ్వర స్వామి" చిత్రానికి మాటలు రమణ వ్రాస్తూండగా, పాటలను పెల్లూరి బాలచందర్, సురేష్ గంగుల వ్రాస్తున్నారు.